Татарстанда — матәмТыныс ҡына торған йәкшәмбе кисендә ут күршеләребеҙҙән килгән ҡайғылы хәбәр тетрәндерҙе. Татарстандың баш ҡалаһы Ҡазанда самолет ҡолаған, иҫән ҡалғандар юҡ... Авиаһәләкәт 50 кешенең, шул иҫәптән ике баланың, ғүмерен ҡыйған.
“Боинг-737” Мәскәүҙәге “Домодедово” аэропортынан Ҡазанға ғәҙәти киске рейсҡа сыға. Бараһы еренә имен-аман ғына килеп еткән самолет ултырыр саҡта бәләгә тарый. Билдәләүҙәренсә, беренсе әйләнештә ултыра алмаған техника икенсегә урап киткән һәм ҡанаты менән ергә тейгән, шунлыҡтан уның яғыулыҡ бактары шартлаған. Әлегә тиклем тикшереү бара, һәләкәттең сәбәбе асыҡлана. Пилоттың хатаһы йәки самолеттың техник етешһеҙлектәре эҙемтәһе булыуы мөмкин. Һауа шарттарына килгәндә, ул сәбәп түгел, ти эксперттар, сөнки был мәлдә самолет төшә торған һыҙат яҡшы күренгән.
Ком: 0 // Уҡынылар: 719 тапҡыр // Тотош уҡырға
Өфөлә Башҡортостан Юғары судының яңы бинаһы асылды. Ул Сочи урамындағы 12-се йортта урынлашҡан.
Дүрт мең квадрат метр майҙанлы комплекста суд ултырышы залдары, президиум, канцелярия бүлмәләре, конвой зонаһы урынлашҡан. Судьяларҙың һәм ярҙамсыларҙың бүлмәләре тейешле компьютер техникаһы, ултырыштар залы — видеоконференция системаһы, холдар мониторҙар менән йыһазландырылған. “Бинала төҙөкләндереү быйыл августа башланғайны. Яңы бина бүлеү зарурлығы ҡануниәттәге үҙгәрешкә бәйле: 2012 йылдың 1 ғинуарынан гражданлыҡ эштәрен апелляциялы ҡарау индерелде. Бер йылдан енәйәт эштәре буйынса ла апелляция башланды. Ошоға бәйле Юғары судтың эшмәкәрлеге әүҙемләште. Әле бында 176 федераль судья эшләй, дәүләт граждан хеҙмәткәрҙәре һаны ла артты”, — тине Юғары суд рәйесе ярҙамсыһы Елена Макушина.
Ком: 0 // Уҡынылар: 547 тапҡыр // Тотош уҡырға
Шайморатовҡа һәйкәл ҡуйылдыБаш ҡалабыҙҙа, Рәсәй Эске эштәр министрлығының 29-сы махсус тәғәйенләнештәге эске ғәскәрҙәр отряды биләмәһендә, 112-се Башҡорт кавалерия дивизияһының легендар командиры генерал-майор Миңлеғәле Шайморатовҡа һәйкәл асылды.
Бер йыл элек Волга буйы төбәк эске ғәскәрҙәр командованиеһының 29-сы махсус тәғәйенләнештәге отрядына генерал Шайморатов исеме бирелгәйне. Ошо ваҡиғанан һуң хәрбиҙәр отряд территорияһында обелиск ҡуйырға тәҡдим итте.
Ком: 0 // Уҡынылар: 1158 тапҡыр // Тотош уҡырға
Башҡортостан Президенты Рөстәм Хәмитов эш сәфәре менән Шишмә һәм Дәүләкән райондарында булды, уларҙағы сәнәғәт һәм ауыл хужалығы предприятиеларының, социаль объекттарҙың эше менән танышты.
Майға, шәкәргә ҡытлыҡ көтөлмәй
Шишмә ауылындағы мәҙәниәт һарайында төбәк башлығы ауыл хужалығы һәм эшкәртеү сәнәғәте хеҙмәткәрҙәре байрамына арналған күргәҙмәне ҡараны. “Шишмә” асыҡ акционерҙар йәмғиәте ойошторған стенд эргәһендә республика Президентына көнбағыш йыйыу барышы хаҡында һөйләнеләр. Генераль директор Айҙар Яҡупов әйтеүенсә, әле был культура уңышының 80 проценты йыйылған, эште тамамлауға тағы ла ике-өс аҙна ваҡыт кәрәк. Предприятие май һығыуға 240 мең тонна көнбағыш орлоғо туплаған, тағы ла 150 мең тонна талап ителә. Һөҙөмтәлә завод киләһе көҙгә тиклем сеймал менән тулыһынса тәьмин ителәсәк.
Ком: 0 // Уҡынылар: 562 тапҡыр // Тотош уҡырға
Әсәләргә – миҙалдарБашҡортостан Республикаһы Президенты Указына ярашлы, “Әсәлек даны” миҙалы менән бүләкләнделәр:
Архангел районы буйынса
Мостафина Гөлзифа Рәхимйән ҡыҙы – хужабикә
Асҡын районы буйынса
Ғимаева Гөлшат Рәфхәт ҡыҙы – хужабикә
Ауырғазы районы буйынса
Абдрахманова Альбина Бикмөхәмәт ҡыҙы – Иҫке Күзәк ауылының балалар баҡсаһы мөдире
Ларионова Светлана Николаевна – хужабикә
Ком: 0 // Уҡынылар: 847 тапҡыр // Тотош уҡырға
Аҡылың, күңелең зәғиф булмаһа...Һаумыһығыҙ, "Башҡортостан" гәзите хеҙмәткәрҙәре! Һеҙгә күпме рәхмәт әйтеп, ниндәй генә уңыштар теләһәм дә, аҙ булыр һымаҡ. Туған телемдә сыҡҡан баҫмамды, изгелекле фәрештәләй күреп, түҙемһеҙлек менән көтөп алам, уҡып сыҡҡас, үҙемде ошо тормошобоҙҙа төрлө яҡлап ғилем эйәһе булған аҡ һаҡаллы Пәйғәмбәребеҙ менән кәңәшләшеп һөйләшкәндәй тоям.
Нисектер үҙең тураһында гәзиткә яҙыу уңайһыҙ һымаҡ. Тик башҡа сара ла, юл да тапманым, сөнки Сунтар районында берҙән-бер башҡортмон икән. Ҡатыным Светлана — саха милләтенән. 1989 йылда өйләнештек. Ҡыҙыбыҙ үткән йыл Ауыл хужалығы академияһының иҡтисад факультетын тамамланы. Улыбыҙ Айнур ошо уҡ уҡыу йортоноң ветеринария факультетында белем ала.
Был мәҡәләне яҙыуымдың төп сәбәбе — гәзит уҡыусыларға, бәлки, өлгө, фәһем булып, күңелдәрендә киләсәккә дәрт сатҡылары балҡытып, йәшәр өсөн ҙур ышаныс тыуҙырыр тигән ҙур өмөт бағлауҙан. Бәғзе берәүҙең: "Кит юҡты, фәстерәһең", — тиеүе ихтимал. Тик ғәҙеллек менән өмөт бергә етәкләшеп тормош юлынан алға атлағанда башҡаларға, килер быуынға ышаныслы таҡыр юл-һуҡмаҡ ҡалдырыр.
Ком: 0 // Уҡынылар: 600 тапҡыр // Тотош уҡырға
Сифатына һүҙ тейҙерерлек түгел— Саҡ ҡына элгәрерәк килмәнегеҙ, ҡып-ҡыҙыл рауза гөлдәребеҙ ҙә һоҡландырып ҡаршы алыр ине үҙегеҙҙе, — тип ихлас йылмайҙы "Көйөргәҙеһөт" предприятиеһы етәксеһе А. Дьяченко.
Иғтибарыбыҙҙы биләмәгә йүнәлтеүе юҡҡа булмай сыҡты Александр Гавриловичтың. Ысынлап та, бында юлы төшкәндәрҙе рауза гөлдәре лә һөйөндөргәндер, тирә-йүндең йыйнаҡлығы ла шунда уҡ күҙгә ташлана. Бинаға инеү менән йылы мөхитле йортҡа аяҡ баҫҡаныбыҙҙы тойҙоҡ — һәр нәмә үҙ урынында, барыһы ла ялт итеп тора.
"Көйөргәҙеһөт" — алты йыл самаһы элек заман талабы буйынса булдырылған предприятие. Төбәктә йылдан-йыл мал һаны артыу сәбәпле, һөттө үҙҙәрендә эшкәртеү ихтыяжы тыуған. Район хакимиәте етәкселәре тәҡдиме менән, элекке яғыулыҡ ҡаҙанлығы бинаһын үҙгәртеп ҡороп, һөт эшкәртеү предприятиеһы асҡандар. Әле бында тәүлегенә биш тонна һөт һәм һөт ризыҡтары әҙерләнә. Нигеҙҙә Ермолаево, Маяҡ ҡасабалары, Күмертау ҡалаһы халҡын тәьмин итеп торалар. Тауарҙарын сит өлкәләргә лә сығарып һата алырҙар ине, әммә ихтыяж үҙҙәрендә лә ҙур.
Ком: 0 // Уҡынылар: 539 тапҡыр // Тотош уҡырға
Районыбыҙ гүзәл тәбиғәтле, саф һауалы, йылға-күлгә, урман-тауға бай төбәктә урынлашҡан тип әйтһәм, һис яңылышмаҫмын. Инфраструктураһы яйға һалынған, республиканың баш ҡалаһына яҡын, юл селтәре лә яҡшы, тимер юл да бар. Халыҡ мәғарифы, мәҙәниәт, сәнғәт, етештереү һәм идара итеү өлкәләрендә республика, Рәсәй күләмендә танылған кешеләр ҙә байтаҡ сыҡҡан был ерҙән. Ысынлап та, ҡасандыр һауынсыларыбыҙ республикала беренселәрҙән булып Ленин ордены алды, ә М.Горький исемендәге миллионер колхоз Бөтә Союз халыҡ хужалығы ҡаҙаныштары күргәҙмәһендә даими ҡатнашты. Совет власы осоронда 20 — 25-әр мең гектар һөрөнтө ер була торғайны. Үҙгәртеп ҡороу, унан һуң яңыртыу башланды, ахыр сиктә, ҡулайлаштырыуға ла сират етте.
Ком: 0 // Уҡынылар: 588 тапҡыр // Тотош уҡырға
Рәсәй Президенты Владимир Путиндың Вьетнамға һәм Көньяҡ Кореяға эш сәфәре уҙған аҙнаның мөһим ваҡиғалары рәтендә торҙо.
Камранға ҡайтыу
Үткән аҙнаның йәкшәмбеһендә Владимир Путин Ханойҙа Вьетнам президенты Чыонг Тан Шанг менән осрашты. Вьетнам Социалистик Республикаһы (илдең тулы атамаһы тап шулай) үҫешә барған илдәрҙән һанала һәм быға тиклем Рәсәй менән һәйбәт дипломатик мөнәсәбәттә булды. Социалистик ҡоролошло ил булһа ла, ул үҫеш буйынса эргә-тирәһендәгеләрҙән ҡалышмай.
Президенттарҙың осрашыуы барышында ике дәүләт араһындағы хеҙмәттәшлекте артабан киңәйтеү мәсьәләләре тикшерелде. Былтыр Рәсәй менән Вьетнам араһындағы тауар әйләнеше 3,6 миллиард доллар булған, 2020 йылға тиклем был күрһәткесте 10 миллиард долларға еткереү күҙаллана. Осрашыу барышында Вьетнамды Таможня союзына ағзалыҡҡа ҡабул итеү хаҡында ла һүҙ булды. Билдәле булыуынса, әле Таможня союзына Рәсәй, Белоруссия һәм Ҡаҙағстан инә. Вьетнамды ла унда ҡабул иткән осраҡта иҡтисади бәйләнештәр тағы нығыясаҡ тип күҙаллана. Бынан тыш, туризмды үҫтереү ҙә ҡарала. Владимир Путин белдереүенсә, 2011 йыл менән сағыштырғанда, былтыр Вьетнамға Рәсәйҙән ике тапҡырға күберәк турист барған.
Ком: 0 // Уҡынылар: 571 тапҡыр // Тотош уҡырға
Европа “амурҙар”ҙы алҡышланыБатырҙар яуҙа һынала
Сафта тороп фатиха ҡылғас, эйәр өҫтөндә Тәңребеҙгә тәсбих тә әйткәс, егеттәргә сарсамаһын өсөн муҡсайымда ятҡан ҡорот киҫәген бүлеп таратҡас, беҙҙең милли ғәскәр булып танылыуыбыҙ тағы ла сағыуыраҡ төҫ алғандай булды. Отрядыбыҙға башлыҡ булған Австрия уланына ла ҡоротто бер тешләм ҡаптырғас, уның милли ризығыбыҙҙы оҡшатып: “О-о, йогурт, йогурт!” — тип ҡыуанып, маҡтап тәмләүе беҙҙән ҙур ҡәнәғәтлек табыуын һөйләй ине.
Тәүге алыш, тәүге үҙаллы хәрби йөкләмә. Кавалерия ғәскәрҙәрен ҡурсалап, уң флангыға сығып, иң алғы һыҙыҡтағы бәләкәй генә йылға аша күперҙән сығырға торған Польша гвардия уландарына тоҫҡап уҡтар осороу бурысы ҡуйылды. Бер ҡаршылыҡһыҙ ғына баҫманы үтергә уйлаған поляктар беҙҙең йылға ярына ҙур тиҙлектә килеп етеүебеҙҙе күреп, баҙап ҡалды. Егеттәрҙе теҙеп ҡуйып, уҡ-һаҙаҡтарын алырға бойороҡ бирҙем. Әлегәсә бер ни аңлап өлгөрмәгән поляк кавалерияһы өҫтөнә бер-бер артлы уҡтар осто.
Ком: 0 // Уҡынылар: 668 тапҡыр // Тотош уҡырға
Артҡа 1 2 Алға
Бит башына