Күңеленең яҡтыһынан йәндә арта яҡшылыҡӘсә күңелен диңгеҙ, тиҙәр:
Унда күпме ынйы бар!
Һөйөп, ҡәҙерләп үҫтергән
Бала өсөн саф мөхәббәт
Ынйылары бит улар!
Ком: 0 // Уҡынылар: 1517 тапҡыр // Тотош уҡырға
Быға ҡәҙәр Пермь крайында йәшәнем, шуға күберәк урыҫса ғына һөйләштем.
Хәҙер инде башҡорт мәктәбендә белем алам. Әлбиттә, телде бигүк яҡшы белмәйем, шуға уны төплө өйрәнергә тырышам. Быға башҡортса китаптар уҡыу, дуҫтарым, класташтарым менән аралашыу ныҡ ярҙам итә.
Ком: 0 // Уҡынылар: 578 тапҡыр // Тотош уҡырға
Донъяла кем иң наҙлыһы, матуры, яҡшыһы? Әлбиттә, минең әсәйем!
Ул тәмле бәлештәр бешерә, йылы ойоҡбаштар бәйләй. Көн дә яҡшы кәңәштәрен биреп, күңелде күтәреп торорға ла онотмай. Мин әсәйемде бик яратам, уға оҡшарға теләйем.
Ком: 0 // Уҡынылар: 670 тапҡыр // Тотош уҡырға
Әсәйем — изге, мәрхәмәтле, ярҙамсыл кеше. Ҡәҙерлемде ҡояш һымаҡ күрәм, сөнки ул донъяла берәү генә.
Әсәйем мине бер ваҡытта ла яңғыҙ ҡалдырмай. Шатланған, бер аҙ бойоҡҡан, ауырып алған мәлдәремдә һәр саҡ янымда ул.
Ҙурайғас, әсәйемә гел генә ярҙам итеп, хәлен белешеп торасаҡмын. Йөҙөнә ҡыҙыллыҡ килтермәм.
Ком: 0 // Уҡынылар: 671 тапҡыр // Тотош уҡырға
Беҙ ғаиләлә дүрт кеше: атайым, әсәйем, ағайым Нәҙир һәм мин. Бер-беребеҙ менән дуҫ, татыу йәшәйбеҙ.
Атайым тимер юлда эшләй. Тырыш, изге күңелле булғаны өсөн уны барыһы ла хөрмәт итә.
Әсәйем иһә беҙҙе тәмле ризыҡтары, йылы ойоҡбаштары менән һөйөндөрә. Ағайым Нәҙир VII класта уҡый. Ул һүрәт төшөрөргә, ағасты юнып әйбер яһарға оҫта. Ағайым менән икәүләп Инйәр музыка мәктәбендәге ҡурай түңәрәгенә йөрөйбөҙ. Дәрестәрҙән миңә айырыуса математика оҡшай.
Умартасылыҡ менән шөғөлләнәбеҙ. Быйыл бал мул булды. Атайым табышын ҡалаға һатыуға алып сыҡты. Нәҙир ағайым менән уға ярҙам иттек.
Ком: 0 // Уҡынылар: 724 тапҡыр // Тотош уҡырға
Архангел районының Тирәкле ауылында йәшәгән уҡытыусы-пенсионер Роза Ғәббәсованың "Бал ҡорттары — беҙҙең дуҫтар" тигән китабы донъя күрҙе.
— Ирем менән умарта тотабыҙ, — ти ул. — Халҡыбыҙ кәсебен дауам итергә, уны балаларыбыҙға өйрәтергә тейешбеҙ. Китабымды тап ошо ниәттән яҙҙым. Унда умартасылыҡҡа арналған хикәйәләрем, шиғырҙарым, әкиәттәрем тупланды. Эшемдә ғалим Ивний Шафиҡовтың "Бал ҡортоноң наҙы бар" тигән китабын ҡулландым.
Ҡәҙерле балалар! Һеҙгә йыйынтыҡтан бер хикәйәне тәҡдим итәбеҙ.
Ком: 0 // Уҡынылар: 690 тапҡыр // Тотош уҡырға
Белорет ҡалаһының Яныбай Хамматов исемендәге башҡорт гимназияһы уҡыусылары ижады
Ярҙам күрһәтә алыуыма шатмын
Йәйге каникулда Әбйәлил районының Әүнәш ауылында йәшәгән өләсәйемдәргә барҙыҡ. Ямғыр күп яуғанлыҡтан, бөтә ерҙе һыу баҫып, халыҡтың ҡаза күргән мәле ине.
Кешеләрҙең кәртә-ҡураһы емерелгән, бесәндәре аҡҡан, ағастар ҡолаған, күперҙәр, юлдар емерелгән... Өләсәйемдең өйө эргәһендә лә ҙур-ҙур күләүектәр ята, йортона, ихатаһына зыян килгәйне. Барыһын да тәртипкә килтерергә, йүнәтергә булыштым. Өләсәйемә, тыуған төйәгемә бәләкәй генә булһа ла ярҙам күрһәтә алыуыма сикһеҙ шатландым.
Ҙурайғас, тәбиғәтте һаҡлаусы һөнәрен аласаҡмын. Тыуған илемдең, халҡымдың имен булыуын теләйем.
Ком: 0 // Уҡынылар: 541 тапҡыр // Тотош уҡырға
Хыялдарың тормошҡа ашһын, Наҙгөл!Фотоһүрәттә йылмайып торған был һөйкөмлө ҡыҙҙы барығыҙ ҙа беләһегеҙҙер. Эйе, ул — Наҙгөл Шәрәфетдинова.
Дүрт йәшенән "Сәңгелдәк" тапшырыуында төшә башлаған ҡыҙсыҡ бөгөн "ӘЮЯ ҡаласығы"ның алыштырғыһыҙ алып барыусыһына әйләнде. Шулай уҡ әллә күпме фестивалдә еңеүҙәр яулаған "Кәкүк сәйе" телефильмында төп ролде башҡарырға ла өлгөрҙө.
Бәләкәй булыуына ҡарамаҫтан, ғәжәп тырыш, аҡыллы, сәмсел, нәзәкәтле ҡыҙҙы барлыҡ "Тамыр" менән яратабыҙ. Наҙгөл ҡатнаша икән, тапшырыуҙы төшөрөүе шул тиклем еңел һәм рәхәт була. Ул мөхәррирҙең, режиссерҙың ни теләгәнен тәү әйтеүҙән үк аңлай, үҙенсә төҙәтмәләр ҙә индереп ебәрә.
Наҙгөл Өфөләге Мостай Кәрим исемендәге 158-се башҡорт гимназияһында белем ала. Тик яҡшы билдәләргә өлгәшкән ҡыҙ мәктәптә уҙған сараларҙа ихлас ҡатнаша, "Һаумы, һаумы, әкиәт!" конкурсында еңеү яуланы. Уның киләсәгенең дә тик уңыштарҙан тороуын теләйек. Хыялдарың тормошҡа ашһын, Наҙгөл!
Ком: 0 // Уҡынылар: 926 тапҡыр // Тотош уҡырға
Яратҡан уҡытыусым Сәйҙә Сәйәховаға

Уҡытыусым, әсәй кеүек,
Барыбыҙҙы ярата.
Класыбыҙға ингән һайын
Яҡты нурын тарата.
Ком: 0 // Уҡынылар: 619 тапҡыр // Тотош уҡырға
Көҙгө ел әсе һыҙғыра,
Үтә лә һыуыҡ тышта —
Бар тәбиғәт әҙерләнә
Ҡарлы-буранлы ҡышҡа.
Ком: 0 // Уҡынылар: 662 тапҡыр // Тотош уҡырға
Артҡа 1 2 3 Алға
Бит башына