Матбуғат баҫмаларына ихтирамды башланғыс кластар уҡытыусыһы атайым Зәбихулла Хөснөтдин улы уятҡандыр. Мин хәреф танырға өйрәнер-өйрәнмәҫтән өйгә “Башҡортостан пионеры” гәзитен, “Пионер” журналын алдырҙы, ә “Совет Башҡортостаны”н ғүмере буйы уҡыны. Шулай итеп, миңә лә гәзит-журнал уҡыу “сире” күсте.
Элек “Совет Башҡортостаны” Бөтә Союз каталогына инмәй торғайны, шуға күрә уны республиканан ситтә йәшәгәндәр алдыра алманы. Мәскәүҙә уҡығанда баҫманы һәм Йылайыр районы гәзитен В.И. Ленин исемендәге үҙәк китапханала уҡый торғайным. Ә 80-се йылдарҙа Чукоткала эшләгәндә “Совет Башҡортостаны”н ебәреп торҙолар. Шулай итеп, уны ер сигендә лә – Америкаға ҡарап ултырып уҡығаным булды тип маҡтана алам.
Аҙағыраҡ баҫма менән яҡынданыраҡ та танышырға яҙҙы: үткән быуат аҙағында дүрт-биш йыл гәзиттең үҙ хәбәрсеһе булдым.
Ком: 0 // Уҡынылар: 778 тапҡыр // Тотош уҡырға
Башҡортостандың Ауыл хужалығы министрлығынан хәбәр итеүҙәренсә, төбәктә көнбағыш йыйыу сәсеүлектәрҙең 90 процентында, йәғни 192 мең гектарҙа, тамамланған.
Республиканың 15 районында был культураны тулыһынса йыйын алғандар. Әле гектарынан уртаса уңыш 12,3 центнер тәшкил итә. Стәрлетамаҡ һәм Мәләүез райондары иң юғары күрһәткескә эйә. Улар көнбағыштан 28,3 һәм 22,8 мең тонна уңыш алған.
Ком: 0 // Уҡынылар: 609 тапҡыр // Тотош уҡырға
Рәсәйҙә һайлау бюллетендәренә “Бөтәһенә лә ҡаршы” графаһын индереү-индермәү мәсьәләһе әүҙем тикшерелә. Был проект буйынса Башҡортостан халҡы ла үҙ фекерен әйтә ала.
16 октябрҙә Федерация Советы Дәүләт Думаһына “Рәсәй Федерацияһының айырым закон акттарын бөтә кандидаттарға (кандидаттар исемлегенә) ҡаршы тауыш биреүгә ҡағылышлы үҙгәрештәр индереү тураһында”ғы закон проектын тәҡдим иткәйне. Проект авторҙарының фекеренсә, яңы графа Конституция менән билдәләнгән һайлау хоҡуҡтарының тиңлеген тулыраҡ тормошҡа ашырыу, граждандарға үҙ ихтыярын анығыраҡ белдереү мөмкинлеген бирәсәк.
Был власҡа, партияларға, йәмғиәткә илдәге сәйәси көстәрҙең ҡеүәтен, кешеләрҙең кәйефен асыҡлауға булышлыҡ итәсәк. Закон проекты менән Федерация Советының рәсми сайтында танышырға һәм фекер алышыуҙа ҡатнашырға була.
Ком: 0 // Уҡынылар: 720 тапҡыр // Тотош уҡырға
Сыуаҡ көндәр теләйбеҙ!Матур кейемдәрҙәге күбәләктәй осҡан ҡыҙҙар һәм тиктормаҫ шуҡ малайҙар ҡунаҡтарҙы килеп инеү менән уратып алды:
— Бөгөн беҙҙә байрам!
— Кисә лә ағай һәм апайҙар килеп ҡотлағайны!
Кескәйҙәрҙең күңеле киң, бәләкәй генә йөрәктәре яҡшылыҡты ла, яманлыҡты ла берҙәй һыйҙыра ала. Шәһит Хоҙайбирҙин исемендәге 1-се республика балалар йортонда тәрбиәләнеүселәр Бөтә донъя бала көнөн бер ғаиләләй булып, йыр-моң, уйын-көлкө менән үткәрә бөгөн. Ғүмерҙә иҫтә ҡалырлыҡ сыуаҡ миҙгелдәр.... Шағир әйтмешләй, бала саҡ ҡояшы — ҡартайғас та күңелде йылытыусы алтын осор ул.
Ком: 0 // Уҡынылар: 681 тапҡыр // Тотош уҡырға
Башҡортостан Республикаһы Дәүләт Йыйылышы — Ҡоролтай тәҡдим иткән “Рәсәй Федерацияһының айырым закон акттарына үҙгәрештәр индереү тураһында”ғы закон проектын Дәүләт Думаһы беренсе уҡыуҙа ҡабул итте. Документ коррупция күренештәрен юҡ итеүгә йүнәлтелгән һәм дәүләт вазифаларын башҡарған кешеләр өсөн өҫтәмә сикләүҙәр индереүҙе күҙаллай.
Проектты депутат Рафаэль Мәрҙәншин тәҡдим итте. Рәсәй Хөкүмәте лә был идеяны тулыһынса яҡланы.
Дәүләт Йыйылышы “Рәсәй Федерацияһында муниципаль хеҙмәт тураһында”ғы, “Аудитор эшмәкәрлеге тураһында”ғы, “Рәсәй Федерацияһы субъекттарында һәм муниципаль берәмектәрҙә контроль-иҫәп органдарын ойоштороу һәм уларҙың эшмәкәрлегенең дөйөм принциптары тураһында”ғы федераль закондарҙа коррупцияға юл ҡуйған факторҙы тапҡан.
Ком: 0 // Уҡынылар: 682 тапҡыр // Тотош уҡырға
Ышаныс күрһәтелдеРәсәй Президенты Указына ярашлы, Михаил Тарасенко алты йылға Башҡортостан Юғары суды рәйесе итеп тәғәйенләнде.
Суд рәйесе ярҙамсыһы Елена Макушина ошо хаҡта хәбәр итте. Михаил Тарасенко тәүге тапҡыр был вазифаға 2007 йылда тәғәйенләнгәйне, артабан да ул вазифаһын башҡарыуҙы дауам итәсәк.
Ком: 0 // Уҡынылар: 645 тапҡыр // Тотош уҡырға
Республикала Физик культура һәм спорттың юғары советы 1923 йылда ойошторола. Шунан бирле ойошманың исеме, эш йүнәлеше бер нисә тапҡыр үҙгәрһә лә, бурысы шул килеш ҡала – спорт эшмәкәрлеген үҫтереү, халыҡты сәләмәт тормош рәүешенә йәлеп итеү. Бөгөн ул Йәштәр сәйәсәте һәм спорт министрлығы тип йөрөтөлә.
Ошо уңайҙан Өфөлә тантана булды. “Химик” мәҙәниәт һарайына мәртәбәле ҡунаҡтар, Рәсәй, Европа, донъя ярыштары, олимпия, паралимпия уйындары еңеүселәре йыйылды. Улар араһында, әлбиттә, спортты үҫтереү өсөн көсөн ҡыҙғанмаған башҡа һөнәр эйәләре лә бар ине.
Президент Рөстәм Хәмитов Башҡортостандың Рәсәй төбәктәре араһында был юҫыҡта лайыҡлы урынды биләүе, беҙҙә бихисап спорт төрө үҫешеүе, спортсылар әҙерләнеүе, быларҙың барыһы ла күп кешеләрҙең фиҙаҡәр хеҙмәт емеше булыуы хаҡында һөйләне, рәхмәт әйтте.
Ком: 0 // Уҡынылар: 744 тапҡыр // Тотош уҡырға
Һорау - яуапБорсолорға урын юҡ
Улым миңә һәм әсәйемә, йәғни уның өләсәһенә, яҙылған өйҙә теркәлгән. Әммә һуңғы ваҡытта әсәйемә ейәненең банкка кредит түләмәүе тураһында хаттар килә башланы. Шуға ул, фатирҙы һатып, ейәненең бурысын ҡаплатырҙар тип ҡурҡа. Үҙем әсәйемә ярҙам итер инем дә, ситтә йәшәйем.
Б. БУЛАТОВА.
Баймаҡ районы.
Ком: 0 // Уҡынылар: 1125 тапҡыр // Тотош уҡырға
Мәҙәниәт усаҡтары саҡыраМәжит Ғафури исемендәге Башҡорт дәүләт академия драма театрында
26 ноябрҙә – Баязит Бикбайҙың “Ҡоҙаса” музыкаль комедияһы;
27 ноябрҙә – Александр Кивирякхтың “Әлифбанан бер себеш” монодрамаһы;
27 ноябрҙә – “Рудольф Нуриевтың ғүмер миҙгелдәре” (режиссеры – Айрат Абушахманов) тигән тамаша;
28 ноябрҙә –Нәжиб Асанбаевтың “Әхмәтзәки Вәлиди” тарихи драмаһы;
29 һәм 30 ноябрҙә – Таңсулпан Ғарипованың “Маҡтымһылыу, Әбләй һәм Ҡара юрға” мюзиклы.
Ком: 0 // Уҡынылар: 655 тапҡыр // Тотош уҡырға
Изгелек бөркөп йәшәйИнйәр ҡасабаһында башҡаларға өлгө булырлыҡ ғаиләләр күп. Шундайҙарҙың береһе – Рәйлә менән Нәжип Аҙнабаевтар.
Рәйлә Хөснулла ҡыҙы менән Нәжип Алтынбай улы илле йылға яҡын матур донъя көттө. Улдары Радикты, ҡыҙҙары Айгөлдө үҫтереп, оло тормош юлына аяҡ баҫтырҙылар. Ғаилә башлығы, шофер булып эшләгәс, һәр ваҡыт тиерлек юлда булды. Хужалыҡ эштәре ҡатын иңенә төштө. Балалар, ҙурая төшкәс, әсәләренә оло ярҙамсы булды. Нәжип Алтынбай улы 1997 йылда хаҡлы ялға сыҡҡас, күп уйлап тормай, үҙ эшен асып ебәрҙе. Хужа машинаһы менән төрлө әйберҙәр ташыны, хужабикә уларҙы халыҡҡа һатты. Яңы йорт һалып, матур ғына йәшәп ятҡанда, Нәжип яҡты донъяны ҡалдырып китеп барҙы.
Рәйлә был ауыр ҡайғынан бөгөлөп төшмәне, әрнеү-һағыштарын эш, балаларының мәшәҡәттәре менән баҫты. Уның баҡсаһы ла һәр ваҡыт еләк-емешкә, сәскәләргә күмелеп ултыра. Бәхетле әсәй һәм өләсәй һәр таңға ҡыуанып, яҡындарына изгелек, йылылыҡ бөркөп йәшәй.
Ком: 0 // Уҡынылар: 656 тапҡыр // Тотош уҡырға
Артҡа 1 2 Алға
Бит башына