Тышаулы ат (1)Хикәйә
Нисек кенә ашыҡһам да, автобусҡа тәки һуңланым. Кәйеф ҡырылып, үҙемде эстән һүгә-һүгә, билет алмаштырырға сиратҡа баҫтым. Бер аҙ торғас, әҙерәк тынысланып, үҙ-үҙемде йыуата башланым: "Ярай, кис түгел, автобус та булыр, йырлай-йырлай ҡайтып та етермен әле, Алла бирһә". Тирә-яҡҡа күҙ һалдым — һәр кемдең үҙ мәшәҡәте: кемдер автобусына ашыға, ә икенселәр автовокзалдың икенсе ҡатына күтәрелә.
Ҡайһы берәүҙәр ғаиләһе менән юлға сыҡҡан. Автовокзал ҡырмыҫҡа иләүеләй ҡайнап тора. Шулай ҙа кешеләрҙең кәйеф күтәренкелеге һиҙелә. Байрам бит. 1 Май! Миңә, совет заманында йәшәп ҡалған кешегә, май байрамдары элеккесә тантаналы булып ҡабул ителә. Тик парадта ғына йөрөлмәй. Элек шул парадҡа сыҡҡы килмәй торғайны, ә хәҙер һағындырып иҫкә төшә. Хәйер, үткән ғүмер һәр ваҡыт һағындыра. Киләсәк кенә билдәһеҙ, серле тойола.
Ком: 0 // Уҡынылар: 1071 тапҡыр // Тотош уҡырға
"Башҡортостан" шәп гәзит икән..."— ти бер йәше саҡ тулып килгән Айбулат Мансуров. Хөрмәтле гәзит уҡыусылар, һеҙ һүрәттә күргән ошо малай баҫмабыҙҙың ҡәҙерен белә. Бер ҙә уны йыртҡылап-өҙгөләп ташламай, киреһенсә, һәр һүрәтен, яҙыуҙарын иғтибарлап ҡарап сыға, шунан сәпәкәй итеп йылмайып ҡуя. Күрәһең, был: "Бөгөнгө һан да ҡыҙыҡлы булған", — тип әйтергә теләүелер.
Ысынлап та, дуҫтар, бер олоно, бер кесене тыңла тигәндәй, "Башҡортостан" йортобоҙға яңылыҡ, күңелебеҙгә ял, йөрәгебеҙгә дәрт һәм аңыбыҙға аҡыл алып килә. Әйткәндәй, ваҡыт үтер ҙә китер, баҫмаларға яҙылыу осоро тамамланыр, шуның өсөн кем гәзиткә яҙылып өлгөрмәгән, почта бүлексәләренә ашығырға саҡырабыҙ!
Ком: 0 // Уҡынылар: 608 тапҡыр // Тотош уҡырға
Астананы таң ҡалдырҙы йәш ғәскәровсыларФәйзи Ғәскәров исемендәге дәүләт академия халыҡ бейеүҙәре ансамбленең балалар студияһы, республикала ойошторолған күп сараға биҙәк өҫтәүҙән тыш, Рәсәй киңлектәренә лә сыға, сит илдәрҙә лә уңышлы сығыш яһай.
Мәҫәлән, ошо көндәрҙә йәш ғәскәровсылар, Ҡаҙағстанда балалар һәм үҫмерҙәрҙең "Илһам киңлектәре" халыҡ-ара фестивалендә ҡатнашып, I урынды алды, ә иң кескәй бейеүсе – өс йәшлек Сабина Нуриманова махсус диплом менән бүләкләнде.
– Малай һәм ҡыҙҙарҙы ҙур сәхнәгә сығарыу өсөн, әлбиттә, күп көс талап ителә, бигерәк тә бейеү сәнғәте серҙәренә өйрәтеү еңел түгел, – ти ансамблдең балалар студияһы етәксеһе, Башҡортостандың атҡаҙанған артисы Альбина Нуриманова. – Еңеүҙәр нигеҙендә ҙур хеҙмәт ятыуын балалар үҙҙәре генә белә. Уның өсөн ваҡыт менән иҫәпләшмәйенсә күнекмәләр үткәрергә кәрәк. Һәр саҡ юғарылыҡҡа ынтылабыҙ, еңеүебеҙ хаҡында ишеткәндә һәр беребеҙҙең хис-тойғоһон һөйләп аңлатыу мөмкин түгел. Быға тиклем Санкт-Петербург, Әстрхан халҡына башҡорт һәм донъя бейеүҙәрен күрһәткәйнек, унда ла призлы урындар яуланыҡ.
Ком: 0 // Уҡынылар: 898 тапҡыр // Тотош уҡырға
Шиғыр һөйөүсенән бер ауыҙ һүҙ
“Сәсән барҙа телең тый” тигән хәҡиҡәт һис онотолмай ҙа ул, әммә йәне бар кешегә йөрәген ярып барған хистәрҙе ғәмгә еткереү форсаты ла бирелгән бит әле. Күренекле шағирәбеҙ Факиһа Туғыҙбаеваның ҡоласлы ижады, рухи асылы тураһында башҡорттоң мәшһүр зыялылары Мостай Кәрим, Зәйнәб Биишева, Ғайса Хөсәйенов, Рауил Бикбаев, Хәким Ғиләжев, Хәсән Назарҙар тос, үтемле һәм ихлас һүҙен әйткән. Матбуғатта күренә килгән бүтән мәҡәләләр ҙә ололар күңеленән сыҡҡан төп фекерҙе башҡортта бүтән ҡәүемдәрҙе күтәргән Марина Цветаева, Зөлфиә, Гөлшат Зәйнәшева, Фазу Алиевалар кимәлендәге оҫта Факиһа шиғриәтенең милли мәҙәниәтебеҙ хазинаһына әүерелеүен ҡеүәтләне.
Ком: 0 // Уҡынылар: 1379 тапҡыр // Тотош уҡырға
Илһамлы йырҙай ижадТаңғы һил иртәләрҙә, йә йондоҙҙар һибелгән аяҙ төндәрҙә Кеше тын ҡалып, сихри тынлыҡҡа таң ҡалып, Йыһан ауаздарын тыңлай, Илаһи заттан ниндәйҙер ым-ишара йәки яуап көткәндәй уйланып тора. Бер мәл, Кеше йырлай йә һамаҡлай башлағас инде, Донъя үҙе, таң ҡалған шикелле, Кеше тауышына ҡолаҡ һала, уның һәр бер өнөн-һүҙен тын ғына ҡабул итә. Һүҙ Йыһан киңлегендә тирбәлә. Йондоҙҙарға ҡағылып, уларҙы сыңлата. Ерҙәге ысыҡтарҙы һирпелдереп, үләндәрҙе илата… О, һүҙ ҡөҙрәте! Әй, һүҙ ҡәҙере!..
Донъя. Кеше. Һүҙ. Ошо мәңгелек төшөнсәләр бейеклегенән һәм берлегенән ҡарағанда, күренекле башҡорт шағиры Муса Ғәлиҙең ижады үҙенең танылыу даирәһе менән дә, поэтик тәрәнлеге менән дә ысын классика өлгөһө булырлыҡ кимәлде тота. Донъя менән Кеше араһында әлеге Һүҙ ғәли йәнәптәре – уларҙы тоташтырыусы, берләштереүсе һәм йәшәү мәғәнәһен тултырғандай, асыл донъя барлығын йәмләгәндәй ҡөҙрәтле көс.
Ком: 0 // Уҡынылар: 1562 тапҡыр // Тотош уҡырға
Украинала халыҡтың йәнә Майҙанға сығыуы, Иран өсөн уран байытыу мәсьәләһенең ыңғай хәл ителеүе үткән аҙнаның мөһим ваҡиғалары рәтендә торҙо.
Майҙан йәнә гөрләй
Украинала сәйәси йәһәттән сетерекле хәл тыуһа, уның сиселешен Майҙанға сығып хәл итеүҙе ғәҙәт итеп алдылар. 2000 йылда уҡ оппозиция вәкилдәре Майҙанға сығып, ул саҡтағы президент Леонид Кучмаға ҡаршы акция ойошторғайны. 2004 йылдың ноябрь – декабре лә Украина өсөн бик боларышлы булды. Ул саҡта халыҡ премьер-министр Виктор Януковичтың президент һайлауҙа еңеүен танырға теләмәне. Һөҙөмтәлә яңынан һайлау үткәрелде, һәм “ҡыҙғылт-һары” революция еле менән власҡа оппозиция вәкиле Виктор Ющенко килде. 2007, 2010, 2011 йылдарҙа ла Украина халҡы Майҙанға сығып, митинг уҙғарып, сәйәси ҡарашын белдерә килде.
Ком: 0 // Уҡынылар: 665 тапҡыр // Тотош уҡырға
“Кроношпан” заводын төҙөү мәсьәләһе буйынса бәхәстәр әле һаман тынмай. 22 ноябрҙә Өфөлә Рәсәй Президентының Волга буйы федераль округындағы Тулы хоҡуҡлы вәкиле аппаратының “Кроношпан” заводын төҙөү мәсьәләһенә арналған эш төркөмө етәкселеге Башҡортостандың Йәмәғәт палатаһы ағзалары менән берлектә ултырыш үткәрҙе. Уның эшендә Дәүләт Йыйылышы — Ҡоролтай депутаттары, республиканың башҡарма власть органдары, граждандарҙың инициатива төркөмө вәкилдәре ҡатнашты.
Ком: 0 // Уҡынылар: 633 тапҡыр // Тотош уҡырға
Башҡортостан Хөкүмәте республикала мал бешмәһе, Африка тағуны сирҙәренең таралыуына юл ҡуймау маҡсатындағы комплекслы саралар планын раҫланы.
Бындай саралар хәүефле һәм карантинлы сирҙәр буйынса хәлдең ҡырҡа насарайыуына бәйле. Контроль өсөн ғәҙәттән тыш ведомство-ара комиссия ойошторолдо, уға Хөкүмәт Премьер-министры урынбаҫары Эрнст Исаев етәкселек итә. Комиссия составына ил һәм республика министрлыҡтары, ведомстволары, контроль органдары, көс структуралары, ҙур агросәнәғәт предприятиелары вәкилдәре инде, тип хәбәр ителә Башҡортостандың хоҡуҡи мәғлүмәт порталында.
Ком: 0 // Уҡынылар: 864 тапҡыр // Тотош уҡырға
Башҡортостан ҡышҡа әҙерлек сифаты буйынса ил төбәктәре араһында дүртенсе урынды биләй.
Рәсәйҙең Төҙөлөш һәм торлаҡ-коммуналь хужалыҡ министрлығы мониторинг һөҙөмтәләре буйынса төбәктәрҙәге башҡарма власть органдары эшмәкәрлегенең һөҙөмтәлелеген билдәләне. Күрһәткестәрҙә йылытыу миҙгеленә әҙерлек сараларының барыһы ла — йылылыҡ, һыу, газ һәм электр менән тәьмин итеү, торлаҡ фонды менән инженерлыҡ инфраструктураһының паспорттары, яғыулыҡтың авария тупламы, етешһеҙлектәрҙе ваҡытында төҙәтеү, торлаҡ-коммуналь хужалыҡ предприятиеларының һәм халыҡтың коммуналь ресурстар өсөн бурысы — иҫәпкә алынған. Был йәһәттән Сахалин, Тамбов һәм Воронеж өлкәләре тәүге урындарҙы биләй.
Ком: 0 // Уҡынылар: 738 тапҡыр // Тотош уҡырға
Республикабыҙ төбәк финанстарына идара итеү сифаты юғары булған биләмәләр иҫәбенә инде. Был хаҡта Рәсәйҙең Финанс министрлығында хәбәр иттеләр.
Уҙған йыл йомғаҡтары буйынса Башҡортостандан тыш был исемлеккә тағы ла 22 төбәк инде. Республикабыҙ, 2011 йыл менән сағыштырғанда, күрһәткестәрен ярайһы уҡ яҡшыртҡан.
Рәсәйҙең Финанс министрлығы бындай мониторингты алты йүнәлеш буйынса үткәрә. Улар иҫәбенә бюджетты планлаштырыу, ҡаҙнаның үтәлеше, бурыс йөкләмәләренә, дәүләт милкенә идара итеү, дәүләт хеҙмәттәре күрһәтеү сифаты, шулай уҡ муниципаль берәмектәр менән финанс мөнәсәбәте, бюджет процесының асыҡлыҡ дәрәжәһе инә.
Ком: 0 // Уҡынылар: 730 тапҡыр // Тотош уҡырға
Артҡа 1 2 Алға
Бит башына