Өфө районында “Кроношпан” предприятиеһын төҙөү, ҡуйылған талаптарҙың бөтәһен дә үтәгән осраҡта, баш ҡалалағы һыу тәьминәте системаһы өсөн хәүеф тыуҙырмай. Республиканың Тәбиғәттән файҙаланыу һәм экология министрлығы белгестәре ошондай һығымтаға килгән.
“Кроношпан” яуаплылығы сикләнгән йәмғиәтенең төҙөлөш майҙансығы һәм таҙартылған һыуҙы ағыҙыу урыны санитар һаҡ зонаһынан ситтә, Шакша йылғаһы үҙәненән алты саҡрым алыҫлыҡта, урынлашҡан.
Икенсе һыҙаттағы санитар һаҡ зонаһында бысраҡ һыуҙы гигиена талаптарына ярашлы таҙартҡандан һуң ғына ағыҙыу рөхсәт ителә. Тыйыу яғыулыҡ-майлау материалдары, ағыулы химикаттар, минераль ашламалар келәте, бысраҡ һыуҙы туплағыстар, шлам һаҡлағыстар, ер аҫты һыуҙарын химик бысратыу хәүефе тыуҙырған башҡа объекттарға ҡағыла.
Ком: 0 // Уҡынылар: 532 тапҡыр // Тотош уҡырға
Республика Яҙыусылар союзы идараһында совет классигы, танылған “Салауат Юлаев” романы авторы Степан Злобиндың тыуыуына 110 йыл тулыуға арналған тантаналы кисә ойошторолдо.
Союз рәйесе Риф Тойғонов менән урыҫ яҙыусылары берекмәһе башлығы Юрий Горюхин быйылғы Степан Злобин исемендәге премия лауреаты исемен иғлан итте. Ул — республикалағы иң оло йәштәге урыҫ яҙыусыһы, Бөйөк Ватан һуғышы ветераны, Белорет районында йәшәгән 92 йәшлек Игорь Максимов.
Юрий Горюхин әйтеүенсә, әҙәбиәт ветераны әүҙем эшмәкәрлеген дауам итә, прозаһы “Бельские просторы” матбуғат баҫмаһында даими донъя күрә. Ветеран һуғыш йылдарында “Катюша”лар батареяһына етәкселек иткән, дәүләт наградаларына лайыҡ булған. Оло йәштә булыуына ҡарамаҫтан, Игорь Павловичтың ауылда шәхси хужалығы бар.
Ком: 0 // Уҡынылар: 615 тапҡыр // Тотош уҡырға
Рәсәй Президентының Башҡортостандағы йәмәғәт башланғысында ҡабул итеү бинаһында (Өфө ҡалаһы, Цюрупа урамы, 100, тел./факс: 251-64-39) граждандарҙы ҡабул итәләр:
2 декабрҙә көндөҙгө сәғәт 2-нән 4-кә тиклем Ҡулланыусылар хоҡуғын яҡлау һәм кеше именлеге өлкәһендәге күҙәтеү буйынса федераль хеҙмәттең Башҡортостан идаралығы етәксеһе Степанов Евгений Георгиевич,
3 декабрҙә иртәнге сәғәт 10-дан 12-гә тиклем Һаулыҡ һаҡлау өлкәһендәге күҙәтеү буйынса федераль хеҙмәттең Башҡортостан идаралығы етәксеһе Дауытов Салауат Булат улы,
Ком: 0 // Уҡынылар: 504 тапҡыр // Тотош уҡырға
Етемдәрҙең өлөшөн кем ашай?Маяҡ балалар йортонда тәрбиәләнгән 15 йәшлек үҫмерҙең ике бүлмәле фатирын законһыҙ ҡуртымға биргәндәр. Уның өсөн һәр айға 300 һум аҡса түләгәндәр. Етмәһә, был хаҡ та тулыһынса үҫмерҙең иҫәбенә күсерелмәгән.
Башҡортостандағы опека учреждениеларын тикшергәндә ошо һәм башҡа тупаҫ тәртип боҙоуҙар асыҡланыуы хаҡында һөйләне Рәсәй Президенты ҡарамағындағы Бала хоҡуҡтары буйынса вәкил Павел Астахов республика Хөкүмәтендә үткән осрашыуҙа.
– Дөйөм алғанда, хәл һәйбәт кенә булһа ла, бихисап кәмселектәр асыҡланды, – тине балалар омбудсмены. – Бындай тикшереүҙәрҙең төп һөҙөмтәһе ғәйеплеләрҙе язаға тарттырыу түгел, ә уларҙы матур, һөҙөмтәле итеп эшләргә өйрәтеү. Үкенескә ҡаршы, бығаса беҙҙә бының менән берәү ҙә шөғөлләнмәне.
Ком: 0 // Уҡынылар: 693 тапҡыр // Тотош уҡырға
Гран-приҙы хужалар алдыЙәштәр сәйәсәте һәм спорт министрлығы ун бишенсе тапҡыр ойошторған “Йәш ғаилә” республика конкурсының финалы быйыл Нефтекамала булды. Был бер ҙә осраҡлы түгел: һуңғы ваҡытта ҡалала йәштәргә иғтибар бермә-бер артты.
Конкурстың ҡала һәм райондарҙа үткән этабы һөҙөмтәһендә 22 ғаилә республика кимәлендәге ярышта ҡатнашырға теләк белдерҙе. Ойоштороу комитеты “Йәш ғаилә-2013” исеме өсөн артабанғы һынауҙарға уларҙың етәүһен һайлап алды. Борай районынан Исламовтар, Дүртөйлөнән Исламғәлиевтәр, Ишембай районынан Слеповтар, Нефтекаманан Дәүләтшиндар, Стәрлетамаҡ районынан Насировтар, Өфөнән Потехиндар һәм Өфө районынан Әҙеһәмовтар “Йәштәр һарайы” сәхнәһендә өс төрлө номинацияла үҙ оҫталыҡтарын күрһәтте.
Ком: 0 // Уҡынылар: 685 тапҡыр // Тотош уҡырға
2013 йылдың 1 ноябрендә 83 йәшендә тарих фәндәре кандидаты, доцент Рауил Әфләтун улы Бикбаев вафат булды.
Ул Ейәнсура районының Назар ауылында крәҫтиән ғаиләһендә тыуған. 1941 йылда Әбүләис башланғыс мәктәбен тамамлағандан һуң, биш йыл урындағы "Көрәш" колхозында эшләй. 1946 йылда Ырымбур өлкәһендәге Желтый педучилищеһына уҡырға инә һәм 1950 йылда уны ҡыҙыл дипломға тамамлай. Ырымбур педагогия институтының тарих факультетын тамамлағас, ул районыбыҙҙың Һаҡмар, Үтәғол урта мәктәптәрендә тарих фәне уҡытыусыһы, Бикбау һигеҙ йыллыҡ мәктәбендә директор булып эшләй, бер үк ваҡытта К. Маркс исемендәге колхоздың партия ойошмаһы секретары вазифаһын да башҡара. Ул заманда Бикбау мәктәбе һәм колхозы өлгәшкән уңыштарҙа Рауил Әфләтун улының хеҙмәт өлөшө ифрат ҙур була.
Ком: 0 // Уҡынылар: 549 тапҡыр // Тотош уҡырға
Нурмөхәмәт хәҙрәт — абруйлы мөфтөйМосолмандарҙың VII съезы ошоно раҫланы
“Аллаһ Тәғәләнең ҡушыуы буйынса һәр кемегеҙ — көтөүсе: хакимға — халҡы, ир-егеткә — ғаиләһе, ҡатын-ҡыҙға йорт йәме һәм башҡаларға ниҙер өсөн яуаплылыҡ йөкмәтелгән”, — тигән Ибн Ғүмәр. Был йәһәттән бөгөн дини ойошма етәксеһенә айырыуса ҙур бурыс ҡуйылған: ул халыҡ араһында мәғрифәтселек, иман нуры таратыу менән бергә төбәктең, илдең именлеген, милләт, конфессия-ара бәйләнештәрҙең ныҡлығын тәьмин иткән төп көстәрҙең береһе булып тора.
Ком: 0 // Уҡынылар: 1033 тапҡыр // Тотош уҡырға
Тышаулы ат (1)Хикәйә
Нисек кенә ашыҡһам да, автобусҡа тәки һуңланым. Кәйеф ҡырылып, үҙемде эстән һүгә-һүгә, билет алмаштырырға сиратҡа баҫтым. Бер аҙ торғас, әҙерәк тынысланып, үҙ-үҙемде йыуата башланым: "Ярай, кис түгел, автобус та булыр, йырлай-йырлай ҡайтып та етермен әле, Алла бирһә". Тирә-яҡҡа күҙ һалдым — һәр кемдең үҙ мәшәҡәте: кемдер автобусына ашыға, ә икенселәр автовокзалдың икенсе ҡатына күтәрелә.
Ҡайһы берәүҙәр ғаиләһе менән юлға сыҡҡан. Автовокзал ҡырмыҫҡа иләүеләй ҡайнап тора. Шулай ҙа кешеләрҙең кәйеф күтәренкелеге һиҙелә. Байрам бит. 1 Май! Миңә, совет заманында йәшәп ҡалған кешегә, май байрамдары элеккесә тантаналы булып ҡабул ителә. Тик парадта ғына йөрөлмәй. Элек шул парадҡа сыҡҡы килмәй торғайны, ә хәҙер һағындырып иҫкә төшә. Хәйер, үткән ғүмер һәр ваҡыт һағындыра. Киләсәк кенә билдәһеҙ, серле тойола.
Ком: 0 // Уҡынылар: 1035 тапҡыр // Тотош уҡырға
"Башҡортостан" шәп гәзит икән..."— ти бер йәше саҡ тулып килгән Айбулат Мансуров. Хөрмәтле гәзит уҡыусылар, һеҙ һүрәттә күргән ошо малай баҫмабыҙҙың ҡәҙерен белә. Бер ҙә уны йыртҡылап-өҙгөләп ташламай, киреһенсә, һәр һүрәтен, яҙыуҙарын иғтибарлап ҡарап сыға, шунан сәпәкәй итеп йылмайып ҡуя. Күрәһең, был: "Бөгөнгө һан да ҡыҙыҡлы булған", — тип әйтергә теләүелер.
Ысынлап та, дуҫтар, бер олоно, бер кесене тыңла тигәндәй, "Башҡортостан" йортобоҙға яңылыҡ, күңелебеҙгә ял, йөрәгебеҙгә дәрт һәм аңыбыҙға аҡыл алып килә. Әйткәндәй, ваҡыт үтер ҙә китер, баҫмаларға яҙылыу осоро тамамланыр, шуның өсөн кем гәзиткә яҙылып өлгөрмәгән, почта бүлексәләренә ашығырға саҡырабыҙ!
Ком: 0 // Уҡынылар: 581 тапҡыр // Тотош уҡырға
Астананы таң ҡалдырҙы йәш ғәскәровсыларФәйзи Ғәскәров исемендәге дәүләт академия халыҡ бейеүҙәре ансамбленең балалар студияһы, республикала ойошторолған күп сараға биҙәк өҫтәүҙән тыш, Рәсәй киңлектәренә лә сыға, сит илдәрҙә лә уңышлы сығыш яһай.
Мәҫәлән, ошо көндәрҙә йәш ғәскәровсылар, Ҡаҙағстанда балалар һәм үҫмерҙәрҙең "Илһам киңлектәре" халыҡ-ара фестивалендә ҡатнашып, I урынды алды, ә иң кескәй бейеүсе – өс йәшлек Сабина Нуриманова махсус диплом менән бүләкләнде.
– Малай һәм ҡыҙҙарҙы ҙур сәхнәгә сығарыу өсөн, әлбиттә, күп көс талап ителә, бигерәк тә бейеү сәнғәте серҙәренә өйрәтеү еңел түгел, – ти ансамблдең балалар студияһы етәксеһе, Башҡортостандың атҡаҙанған артисы Альбина Нуриманова. – Еңеүҙәр нигеҙендә ҙур хеҙмәт ятыуын балалар үҙҙәре генә белә. Уның өсөн ваҡыт менән иҫәпләшмәйенсә күнекмәләр үткәрергә кәрәк. Һәр саҡ юғарылыҡҡа ынтылабыҙ, еңеүебеҙ хаҡында ишеткәндә һәр беребеҙҙең хис-тойғоһон һөйләп аңлатыу мөмкин түгел. Быға тиклем Санкт-Петербург, Әстрхан халҡына башҡорт һәм донъя бейеүҙәрен күрһәткәйнек, унда ла призлы урындар яуланыҡ.
Ком: 0 // Уҡынылар: 859 тапҡыр // Тотош уҡырға
Артҡа 1 2 3 4 5 6 7 8 9 10 ... 39 Алға
Бит башына