Төп байлығыбыҙ – эшһөйәр халҡыбыҙБаш ҡалабыҙҙан алыҫта урынлашҡан хозур төбәктә тормош ҡайнай. Быйыл Йылайыр ауылы үҙенең 265 йыллыҡ юбилейын билдәләне.
Районда һигеҙ Советтар Союзы Геройы, ике Социалистик Хеҙмәт Геройы тыуып үҫкән. Иҡтисадтың төп тармаҡтары — ауыл хужалығы һәм ағас эшкәртеү сәнәғәте. Ҡыҙҙарбиргән ауылы янындағы 600 йыллыҡ ҡарағас урманы тәбиғәт ҡомартҡыһы булараҡ ҡәҙерләп һаҡлана. Йылайырҙар арҙаҡлы яҡташтары Фәрит Бикбулатов, Азат Айытҡолов, Азат Нәҙерғолов, Мөслим Әбсәләмов, Фәүзиә Юлдашбаева, Миңлеғәле Нәҙерғолов, Рөстәм Шәрипов, Гөлсөм Бикбулатова һәм башҡалар менән хаҡлы ғорурлана.
Йылайырҙың мәҙәни тормошо, иҡтисади-социаль хәле, инфраструктураһы, төҙөлөш, ауыл хужалығы тармаҡтары хаҡында ҡыҫҡаса танышыу маҡсатында район хакимиәте башлығы Илгиз Фәтҡуллинға бер нисә һорау менән мөрәжәғәт иттек.
Ком: 0 // Уҡынылар: 1032 тапҡыр // Тотош уҡырға
Ҡайҙа нескә – шунда өҙөләРәсәй Президенты В. Путиндың 12 декабрҙә Федераль Йыйылышҡа тәҡдим итәсәк Мөрәжәғәтнамәһендә милләт берлеге төп йөкмәтке буласаҡ, тип хәбәр итә “Утро.ру” интернет-гәзите. “Берҙәм Рәсәй” һәм “Ғәҙел Рәсәй” сәйәси фирҡәләренән бер төркөм депутат Дәүләт Думаһы ҡарауына сепаратизмды һәм Рәсәйҙең бөтөнлөгөн емереүҙе пропагандалаған өсөн енәйәт яуаплылығына тарттырыу тураһында закон проекты индерә, тип яҙа “Новые известия”. Бөтә донъя урыҫ халҡы соборында сығыш яһап, Мәскәү һәм Бөтә Русь патриархы Кирилл: “Әгәр ҙә күпселекте тәшкил иткән урыҫтарҙың фекере артабан да иҫәпкә алынмаһа, унан Рәсәйҙе емерергә тырышыусылар ғына отасаҡ”, — тип белдерҙе. “Граждандарҙы символдарға ғына түгел, патриотик тойғоларға ла ҡайтарасаҡбыҙ!” – быныһы В. Путиндың конституцион-хоҡуҡи фәндәр кафедралары мөдирҙәре менән илдең Төп Законы һәм халыҡ-ара хоҡуҡ буйынса фекер алышыуҙа әйткән һүҙҙәре. Барыһы ла милли проблема менән бәйле һуңғы осорҙа булып үткән хәлдәргә ҡағылыуы йәһәтенән әһәмиәтле.
Ком: 0 // Уҡынылар: 759 тапҡыр // Тотош уҡырға
Вәлидигә һәйкәл  ошолай буласаҡ(“Һәйкәлдең проектын күрге килә”, 2013 йыл, 30 октябрь, № 194)
Өфө ҡалаһы хакимиәте, күренекле йәмәғәт эшмәкәре Әхмәтзәки Вәлидигә һәйкәл проекты тураһында “Башҡортостан” гәзитендә баҫылып сыҡҡан материалдарҙы ҡарағандан һуң, түбәндәгеләрҙе хәбәр итә.
Ғалим һәм йәмәғәт эшмәкәре Әхмәтзәки Вәлидигә иң яҡшы һәйкәл проектына иғлан ителгән асыҡ конкурста архитектор Д.М. Мәғәфүров менән скульптор В.А. Дворник еңеүсе тип танылды.
Ком: 0 // Уҡынылар: 737 тапҡыр // Тотош уҡырға
Күптән түгел Хөсәйен Әхмәтов исемендәге Башҡорт дәүләт филармонияһының Ҙур залында яугир-шағир Яҡуп Ҡолмойға арналған хәтер кисәһе үтте. Барыһын да “Афарин! Һәр саҡ шулай булығыҙ!” тип дәртләндергем килә, әлбиттә, әммә бөгөн күңелемде күптән өйкәгән күренешкә ҡағылмаҡсымын.
Тәү нәүбәттә, тамашасыларҙың юҡ кимәлендә булыуына ҡарамаҫтан, кисәнең тәғәйен ваҡытта башланып, бер тынала алып барылыуына һоҡландым. Ысынлап та, залдағыларҙы бармаҡ менән генә һанарлыҡ ине тигәндәй. Уларҙың һаны 50-нән дә артмағандыр, моғайын. Бында кем ғәйепле? Һорауға яуапты күмәкләшеп эҙләү, әлбиттә, хәйерлерәк булыр ине. Ошо уңайҙан үҙемдең шәхси фекерем менән бүлешмәксемен. Беренсе сиратта бындай күренеш республикабыҙҙың суверенитет алған йылынан алып уның үҙаллылығы йылдан-йыл кәмей барыуына бәйлелер, бәлки. Патриотизм рухын тәрбиәләүгә яңы һулыш керетеү кәрәк, тип саң ҡағалар. Ә бит шул тойғо-хистәр һәр аҫаба халыҡтың тыуған ерен, тәбиғәтен, мәҙәниәтен һәм кешеләрен һөйөүенә бәйлелер бит. Икенсенән, был һағышлы кисәнең йөкмәткеһен аңғартҡандай, көслө ямғыр яуыуы яугир-шағирҙы хәтерләп илағандай ине. Бәғзе берәү, ошо ямғыр тамашасының юлын кәртәләгәндер, тип үҙен йыуатмаҡсылыр”. Ә бит заманында, немец илбаҫарҙарына ҡаршы алышҡан саҡта, шағир бындай ямғыр аҫтында ғына түгел, ә утлы өйөрмәләр эсендә бөгөнгө яҡты көнөбөҙ өсөн ҡан түккән! Өсөнсөнән, тамашаға кереү ирекле ине. Әллә тейешенсә реклама алып барылманымы икән?
Ком: 0 // Уҡынылар: 567 тапҡыр // Тотош уҡырға
Нефтекамала ҡала халҡының ете проценттан ашыуын тәшкил иткән инвалидтар һәм физик мөмкинлектәре сикләнгәндәр өсөн уңайлы көнкүреш шарттары тыуҙырыуға ынтылыш элек-электән ыңғай булды. Республиканың 2011 – 2015 йылдарға иҫәпләнгән “Уңайлы мөхит” федераль маҡсатлы программаһына ҡушылыу был йүнәлештәге эштәрҙең тағы ла әүҙемләшеүенә килтерҙе.
Инвалидтар – хакимиәт башлығы Илүс Ғарифуллин менән уның беренсе урынбаҫары Шамил Хәлитовтың даими иғтибарында. Һөҙөмтәлә программаны бойомға ашырыу буйынса ҡала алдынғылар рәтендә килә. Шуға ла Башҡортостан Хөкүмәте ҡарамағындағы Инвалидтар эштәре буйынса координация советының киңәйтелгән күсмә ултырышы Нефтекамала уҙғарылды. Уның эшендә республиканың ҡала һәм район хакимиәттәре башлыҡтарының социаль мәсьәләләр буйынса урынбаҫарҙары, Нефтекама ҡалаһының предприятие, ойошма һәм учреждение етәкселәре ҡатнашты.
Ком: 0 // Уҡынылар: 663 тапҡыр // Тотош уҡырға
Башҡортостан Президенты Рөстәм Хәмитов Германияның Eberspacher компанияһы етәксеһе Томас Валдир менән осрашты.
— Башҡортостан — автомобиль бензины һәм авиация двигателдәре етештереү буйынса Рәсәйҙә иң алдынғы төбәк, шуға күрә беҙ республикала яңынан-яңы предприятиелар асылыу яҡлыбыҙ, — тине Рөстәм Хәмитов әңгәмәлә.
Eberspacher етәксеһе Томас Валдир билдәләүенсә, Рәсәйҙәге коммерция автомобилдәре тармағына сығыу компания өсөн ҙур ҡыҙыҡһыныу тыуҙыра. Ҡунаҡтар Бәләбәйҙәге “Автонормаль” заводына барған. Әлеге осрашыуҙың төп маҡсаты — Башҡортостандағы эшҡыуарлыҡты өйрәнеү.
Ком: 0 // Уҡынылар: 527 тапҡыр // Тотош уҡырға
Хеҙмәтенә күрә — хөрмәтеРәсәй Федерацияһы Президенты бойороғона ярашлы, өлгәшелгән хеҙмәт уңыштары, оҙаҡ йылдар намыҫлы эшләгәне һәм әүҙем йәмәғәт эшмәкәрлеге өсөн Рәсәй Фәндәр академияһының Өфө ғилми үҙәгендәге Биология институты директоры Мелентьев Александр Ивановичҡа, законлылыҡты нығытыуҙағы, граждандарҙың хоҡуғын һәм мәнфәғәтен яҡлауҙағы хеҙмәттәре, оҙаҡ йылдар намыҫлы эшләгәне өсөн Федераль суд приставтары хеҙмәтенең Башҡортостан идаралығы Федоровка район бүлегенең суд приставы-башҡарыусыһы Хәлилова Ғәлиә Имаметдин ҡыҙына Рәсәй Федерацияһы Президентының рәхмәте белдерелде.
Ком: 0 // Уҡынылар: 542 тапҡыр // Тотош уҡырға
Республика йортоноң тантаналар залында сираттағы сара: Президент Рөстәм Хәмитов хеҙмәт алдынғыларына Рәсәйҙең һәм Башҡортостандың юғары дәүләт наградаларын тапшыра. Бүләкләнеүселәрҙең күбеһенең йөҙө таныш — билдәле сәйәсмәндәр, артистар, дәүләт эшмәкәрҙәре, табиптар... Бәләкәй кәүҙәле үҫмер ҙә күҙгә салынып ҡалды.
— Бөтәгеҙ ҙә бөгөн аласаҡ наградаға лайыҡ. Яуаплы эшегеҙгә бар күңелегеҙҙе һалаһығыҙ һәм ошондай юғары һөҙөмтәләргә өлгәшәһегеҙ. Һеҙҙе тормошоғоҙҙағы ошо сағыу ваҡиға менән ҡотлайым һәм ысын күңелдән һаулыҡ, уңыш теләйем. Ғаиләгеҙҙә барыһы ла яҡшы булһын, ул — һеҙҙең терәк-таяныс, — тине Рөстәм Зәки улы, бүләкләнеүселәрҙе ҡотлап.
Ком: 0 // Уҡынылар: 642 тапҡыр // Тотош уҡырға
Юғары белем биреү ойошмаларының һөҙөмтәлелегенә мониторинг үткәреү буйынса ведомство-ара комиссияның эш төркөмө ултырышында М. Аҡмулла исемендәге Башҡорт дәүләт педагогия университетын һөҙөмтәһеҙ эшләгәндәр исемлегенән һөҙөмтәлеләр төркөмөнә күсерергә ҡарар ителде.
Фекер алышыуҙа Дәүләт Думаһы депутаты Александр Дегтярев ҡатнашты. Эш төркөмөнә шулай уҡ Рәсәй төбәктәрендәге башҡарма власть органдары, ректорҙар союздары, юғары уҡыу йорттары ассоциациялары, “Рособрнадзор” вәкилдәре, шулай уҡ мәғариф өлкәһендәге эксперттар ингәйне.
Ком: 0 // Уҡынылар: 694 тапҡыр // Тотош уҡырға
Республикабыҙҙа коммерцияға ҡарамаған ойошма — "Башҡортостан Республикаһының төбәк операторы" фонды — эшләй башланы. Ул Хөкүмәттең "Күп фатирлы йорттарҙағы дөйөм мөлкәтте ваҡытында капиталь ремонтлауҙы тәьмин итеүгә йүнәлтелгән эшмәкәрлекте тормошҡа ашырыусы коммерцияға ҡарамаған махсус ойошма төҙөү тураһында"ғы ҡарарына ярашлы ойошторолдо.
Ком: 0 // Уҡынылар: 916 тапҡыр // Тотош уҡырға
Артҡа 1 ... 5 6 7 8 9 10 11 12 13 ... 39 Алға
Бит башына