Умарта күсе кеүек гөжләп, мәж килеп торған ижади коллективтың тормошо башҡаларҙан әллә ни айырылмаған да кеүек. Әммә тәү ҡарамаҡҡа ғына шулай.
Гәзит сығарыу эшенән башҡа кемдең башында ниндәй уй, егетлек, ижади асыштар, яңы сюжеттар, һәммәбеҙҙе тетрәндерерлек шиғри юлдар, идеялар ҡайнауын кем генә белһен! Дәрт-дарман өҫтәүсе, ижад ғазабын татырға ирек биреүсе гәзитебеҙҙә заманында ниндәй күренекле шәхестәр эшләмәгән дә әҙәбиәт күгендә яҡты эҙҙәрен ҡалдырмаған, тип йыш ҡына хәтергә төшөрөүсәнбеҙ. Әле лә татыу коллективыбыҙҙа аҫылташ бөртөктәренең йымылдашыуына, ижади аҙымдары көндән-көн баҙыҡлана барған ҡәләмдәштәрҙең яңынан-яңы хеҙмәт емештәренә, төп эштәренән тыш, китап тиклем китап сығарыуҙарына һөйөнәбеҙ ҙә, аптырайбыҙ ҙа, көнләшәбеҙ ҙә...
Ком: 1 // Уҡынылар: 1267 тапҡыр // Тотош уҡырға
Һуңыраҡ ятып, иртәрәк тор...Ижад менән ғаилә тормошо, балалар үҫтереү — икеһе-ике нәмә, әлбиттә. Шулай ҙа сабыйҙар бәләкәй саҡта шундай итеп әйтеп ҡуя, һинең тиҫтәләрсә битлек хикәйә, повестарың ары торһон.
...Фаягөлгә өс йәштәр самаһы булғандыр. Эштән ҡайтып инеүем булды:
— Әттә, — ти ул, йүгереп килеп ҡосаҡлап, — бер нәтәкәй асайсыңмы?
— Нәмәкәй ул, бер нәҫтәкәй — тәмлеме? — тип һораған булам.
Ком: 0 // Уҡынылар: 1033 тапҡыр // Тотош уҡырға
Яҡтылыҡҡа ҡарап барырға кәрәкИх!.. Үкенеп ҡуям, балалар менән булған мәрәкә хәлдәрҙе ҡағыҙға теркәп бармағанмын, ә хәтер тигәнең тишек иләк ише. Беҙ ваҡ-төйәк тип иҫәпләгәндәр һаҡланмай унда, ҡойолоп бөтә. Алтындың ҙур булмауын һуң ғына аңлайбыҙ шул... Шулай ҙа хәтер иләгенә эләгеп ҡалған бер-ике "ваҡ" ваҡиға күңелде ымһындырып емелдәп тора. Шулар хаҡында һөйләмәксемен.
Ком: 0 // Уҡынылар: 974 тапҡыр // Тотош уҡырға
Илһам ҡошоң биҙмәһенКешенең яҙмышы әсә ҡарынында уҡ яралып, дүрт ай үткәс үк яҙыла, тиҙәр. Ышанам. Мәктәп йылдарында китапханала китаптарҙың күплегенә хайран ҡала инем. "Тере яҙыусыны күрһәң ине берәй ҡасан", – тигән теләк тыуғайны миндә. Ул ваҡытта компьютер, кеҫә телефоны кеүек әйберҙәр булмағанғалыр, балалар китапты күп уҡый торғайны. Әле лә иҫемдә, китапты иң күп уҡыусыға конкурс иғлан иттеләр, унда беренсе урынды алдым. Төп шарт – уҡыған һәр китабыңдың эстәлеген һөйләү.
Ком: 0 // Уҡынылар: 729 тапҡыр // Тотош уҡырға
Аманатым – балаларИлһөйәрлек ғаиләнән башлана, тиҙәр. Эйе, туғандарыңды, яҡындарыңды яратыуҙан һәм ҡәҙерләүҙән яралалыр күңелдә Ватанға ҡарата йылы тойғолар. Тыуып үҫкән йортоң, ауылың йә ҡалаң ни өсөн йөрәгеңә яҡын? Сөнки унда һинең өсөн ҡәҙерле кешеләр йәшәгән, йәшәй. Был туғайға олатайға эйәреп ат тышарға төшә инек, ә анау урманда ҡустылар менән һуйыр атып йөрөнөк, йылғаның теге ярында тороп ҡармаҡлағанда балыҡ һәйбәт эләгә торғайны… Ошондай хәтирәләр һағындыра тыуған яҡты. Әгәр кешеләр менән бәйле булмаһа, бер нәмәнең дә ҡәҙере беленмәҫ ине, тип уйлап ҡуям.
Ком: 0 // Уҡынылар: 987 тапҡыр // Тотош уҡырға
“Ниңә бөтәһе лә бай түгел?”Ҡыҙҙарым Алтынай – өсөнсө, Таңсулпан беренсе класта уҡый. Бер көндә Алтынай:
– Атай, ниңә бөтә кеше лә бай түгел ул? – тип һорап ҡуйҙы.
– Бай булыр өсөн күп эшләргә, егәрле булырға кәрәк.
– И-и-и! Шаяртаһың! – Ҡыҙым миңә аптырап ҡараны. – Һеҙ ҙә бит төндә генә ҡайтаһығыҙ. Әсәй хатта өйҙә лә яҙыша. Ирек ағай ҙа һәр саҡ эштә була. Үҙҙәренең гелән аҡсаһы юҡ. – Алтынай күршеләрҙе лә иҫенә төшөрҙө.
Ком: 0 // Уҡынылар: 885 тапҡыр // Тотош уҡырға
Тирә-яҡты йәмһеҙләп ултырған иҫке өйҙәрҙе яңыларына алмаштырыу йәһәтенән һуңғы биш йылда Башҡортостанда һигеҙ адреслы программа тормошҡа ашырылған, 7,5 миллиард һум аҡса үҙләштерелгән, 600 самаһы насар йорт һүтелгән, 16 мең тирәһе кеше яңы фатирлы булған. Республика йортонда үткән кәңәшмәлә Президент Рөстәм Хәмитов шул хаҡта һөйләне.
Төбәк башлығы Рәсәй Президенты Владимир Путиндың май ҡарарҙарында, шулай уҡ Мөрәжәғәтнамәһендә был проблемаға етди иғтибар биреүе, программаны 2017 йылдың 1 сентябренә ҡәҙәр үтәргә кәрәклеге хаҡында әйтте.
Ком: 0 // Уҡынылар: 810 тапҡыр // Тотош уҡырға
Дуғалы йортта доға барЯңы йыл менән бергә йылҡыныҡын ҡаршыларға йыйынһаҡ та, был изге мал йылына һуңыраҡ аяҡ баҫабыҙ икән. Көнсығыш иҫәбе буйынса, ул 2014 йылдың 31 ғинуарынан алып 2015 йылдың 18 февраленә саҡлы дауам итәсәк. Шул айҡанлы был сығарылышты аҡыллы, эшһөйәр малҡайҙарға арнарға булдыҡ. Әйҙәгеҙ, бергәләп Яңы йылды 31 декабрь төнөндә лә, иҫкесә 14 ғинуарҙа ла, Көнсығыш халыҡтарынса 31 ғинуарҙа ла ҡаршылайыҡ. Йылдың йыһан элементы — ағас, төҫө — күк ат. Талисманы күк ағас ат булып һанала. Халҡыбыҙ Аҡбуҙат, ҡанатлы Толпар, данлыҡлы Дөлдөл образдарында сағылдырған ат — әлмисаҡтан кешенең тоғро юлдашы, ышаныслы ярҙамсыһы.
Ком: 1 // Уҡынылар: 1536 тапҡыр // Тотош уҡырға
Көс-дәртегеҙ ташып торһонЯңы йыл саптырып килеп тә етте. Саптырмай ни, 2014 бит Йылҡы йылы. Йондоҙҙар беҙгә нимә вәғәҙә итә һуң? Бөгөн һүҙебеҙ сәләмәтлек хаҡында булыр. Аттай һау-сәләмәт булыу өсөн нимәгә иғтибарҙы йүнәлтергә кәрәк?
ҠУҘЫ (21.03 – 19.04)
Киләһе йыл организмда яңырыу тойорһоғоҙ. Ғинуарҙа башығыҙ ауыртыуы, ҡан баҫымы күтәрелеүе ихтимал. Февралдә имгәнеү хәүефе бар. Марттың аҙағы спорт менән шөғөлләнеү, организмды нығытыу өсөн ҡулай. Июндә бауырға тәьҫир итерлек аш-һыуҙан баш тартырға кәңәш ителә. Йылдың икенсе яртыһында һаулығығыҙға бер ниндәй ҙә хәүеф янамай.
Ком: 0 // Уҡынылар: 771 тапҡыр // Тотош уҡырға
Ир-егеткәй менән ат башы, тип,
Халҡым меңәр йылдар көйләгән;
Ташҡа соҡоп яҙырлығы булған,
Быуын-быуындарға һөйләгән.

Был йырҙы һис шатлыҡ тыуҙырмаған,
Был йыр һис тә туйҙа тыумаған;
Ерҙең хәтеренә индерергә,
Юҡҡа халҡым ташҡа уймаған.
Ком: 0 // Уҡынылар: 1156 тапҡыр // Тотош уҡырға
Артҡа 1 2 3 4 5 6 7 8 9 10 ... 40 Алға
Бит башына