Ҡотло булһын Яңы йыл!
Гел шатлыҡтан торһон ул.
Бәхетле һәм мул тормошҡа
Күрһәтһен ул яңы юл.
Ком: 0 // Уҡынылар: 4183 тапҡыр // Тотош уҡырға
Ике йылға бер ҡушылып аҡһа,
Мул һәм тәрән була һыуҙары.
Мин теләйем: ярҙарынан ташып,
Аҡһын һеҙҙең тормош юлдары.
Ком: 0 // Уҡынылар: 2461 тапҡыр // Тотош уҡырға
Ҡотло булһын, әсәй, юбилейың,
Матур атһын килер таңдарың.
Рәхәт йәшә, изгелеге ҡайтһын
Һин үҫтергән балаларыңдың.
Ҡояш йылыһына йыйылғандай,
Һыйынабыҙ, әсәй, яныңа.
Тормош йәмен, матурлығын тойоп,
Йәшә, әсәй, йәшә тағы ла.
Ком: 0 // Уҡынылар: 6564 тапҡыр // Тотош уҡырға
Әсәй! Һинең менән тормошобоҙ бөтөн, аҙымдарыбыҙ ышаныслы. Тормош һынауҙарына бирешмәйенсә, ауырлыҡтар алдында баш эймәйенсә, йәшәүҙән йәм табып, изгелектәреңдең игелеген күреп, балаларыңдың күңел йылыһын тойоп, бәхет-шатлыҡта, мул тормошта, иҫәнлектә-һаулыҡта атайым менән оҙон, тигеҙ ғүмер кисерергә насип итһен!
Балаларыңдың һәм ейән-ейәнсәрҙәреңдең яҡты киләсәген күреп, уларҙың һөйөнөстәренә ҡыуанып, донъя рәхәтлектәре кисереп, яҡындарыңа йәшәйеш сығанағы булып, күңелең нуры менән килер көндәребеҙҙе яҡтыртып йәшә!
Ком: 0 // Уҡынылар: 15146 тапҡыр // Тотош уҡырға
Былтыр сентябрҙә Башҡортостан Хөкүмәте менән Мәскәү банкы араһында хеҙмәттәшлек тураһындағы Килешеүгә ҡул ҡуйылғайны. Уға ярашлы, банкка республикалағы социаль-иҡтисади үҫеш программаларын тормошҡа ашырыу мөмкинлектәре бирелде.
Бөгөн ошо документ нигеҙендә Мәскәү банкы Өфөлә арзан торлаҡ төҙөү һәм ҡала электр транспорты буйынса программаларҙы тормошҡа ашыра, баш ҡаланың йылылыҡ селтәрҙәрен хеҙмәтләндереүсе предприятиеларға ярҙам итә, энергияны һаҡлау өлкәһендәге проекттар өҫтөндә эшләй. Кисә Башҡортостан Республикаһы Президенты Рөстәм Хәмитов «Мәскәү банкы» асыҡ акционерҙар йәмғиәте идараһы рәйесе – президенты Михаил Кузовлев менән осрашты.
Әңгәмәлә Башҡортостан Хөкүмәте менән Мәскәү банкының беренсе йылдағы хеҙмәттәшлеге һөҙөмтәләре ҡаралды. Торлаҡ-коммуналь хужалыҡты үҙгәртеп ҡороу, коммуналь инфраструктура, капиталь ремонт кеүек мәсьәләләр күтәрелде.
Ком: 0 // Уҡынылар: 838 тапҡыр // Тотош уҡырға
Республика Президенты Рөстәм Хәмитовтың “Рәсәй халыҡ художество кәсептәре” ассоциацияһы идараһы рәйесе Геннадий Дрожжин менән осрашыуында тикшерелгән төп мәсьәләләр республикалағы халыҡ кәсептәренең хәле, үҫеш перспективалары булды.
Геннадий Дрожжиндың фекеренсә, бөгөн системалы дәүләт ярҙамы ғына тармаҡты ҡотҡара ала. Әле Башҡортостанда ошондай эш башҡарылыуын ул ҙур ҡәнәғәтлек менән билдәләне.
— Әйтеүҙәренсә, республикала халыҡ кәсептәре мәсьәләләрен Президент Хакимиәте көйләй. Был бик яҡшы. Минеңсә, ошо тәжрибәне бөтә илдә таратырға кәрәк. Ярҙам өсөн ҙур рәхмәт, — тине Геннадий Дрожжин.
Ком: 0 // Уҡынылар: 946 тапҡыр // Тотош уҡырға
Йылдар үткән һайын баһалыраҡХәтер — ул беҙҙең күңел хазинаһы. Халыҡ тарихын, быуындар яҙмышын үҙенә һыйҙырған хәтерҙең ҡоласы киң. Ваҡыт үтеү менән арҙаҡлы шәхестәр хаҡындағы яҡты иҫтәлектәр фәһемлерәк, баһалыраҡ була барғандай.
Ҡыштың епшек ҡар яуған, йонсоу көнөндә күңелгә яҡты нур өҫтәгән бер ваҡиғаға шаһит булдыҡ: баш ҡаланың Октябрь революцияһы урамындағы 39-сы йортҡа иҫтәлекле таҡтаташ асыу тантанаһына нефть үткәргестәр төҙөү һәм монтажлау тармағына ғүмерен арнаған хеҙмәт ветерандары, Өфө нефть техник университеты студенттары, йәмәғәт эшмәкәрҙәре йыйылды.
Ком: 0 // Уҡынылар: 697 тапҡыр // Тотош уҡырға
Башҡортостан Президенты Рөстәм Хәмитов Ауырғазы районына һәм Стәрлетамаҡ ҡалаһына ла эш сәфәре менән барып ҡайтты.
Талбазы ауылында республика етәксеһе керамик кирбес һәм блок етештереүсе “Ҡыҙыл таш” яуаплылығы сикләнгән йәмғиәтенең эше менән танышты. Завод бер ай элек сафҡа индерелгән. Әлегә проект ҡеүәтенең 25 процентына эшләһә, аҙаҡ йылына 80 миллион кирбес сығара аласаҡ ул. Предприятиеның эшмәкәрлеге йыл һайын 300 мең квадрат метр торлаҡ төҙөү мөмкинлеген бирәсәк тип көтөлә. Сеймал Талбазылағы кирбес балсығы ятҡылығында сығарыла.
— Проект ҡеүәтенә сығырға һәм эште башларға кәрәк, — тине республика етәксеһе. — Дөйөм алғанда, завод ыңғай баһаға лайыҡ, ул сығарған кирбес сифатлы. Райондағы иң ҙур предприятиела 200 эш урыны барлыҡҡа киләсәк. Хәҙер киләһе аҙымды яһарға — Архангел районында керамик стена материалдары заводы һалырға — кәрәк. Башҡортостанда инвестиция проекттарына һәр саҡ ярҙам күрһәтергә, ташлама бирергә әҙербеҙ.
Рөстәм Хәмитов белгестәрҙән Рәсәйҙә ошондай нисә предприятие булыуы хаҡында һораны.
Ком: 0 // Уҡынылар: 842 тапҡыр // Тотош уҡырға
Башҡортостан Президенты Рөстәм Хәмитов Ейәнсура һәм Күгәрсен райондарына эш сәфәре барышында социаль объекттар төҙөлөшө менән танышты, сәнәғәт һәм ауыл хужалығы предприятиеларын ҡарап сыҡты, халыҡ менән осрашты.
Иҫәнғол ауылында Рөстәм Хәмитов 140 урынға иҫәпләнгән балалар баҡсаһының төҙөлөш майҙансығында булды. Мәктәпкәсә учреждение республика инвестиция программаһына ярашлы һалына. Ошо маҡсатҡа 23 миллион һум аҡса бүленгән. Баҡса киләһе йыл сафҡа инәсәк.
Республика Президенты балалар баҡсаһына өҫтәмә урындар мәсьәләһе менән ҡыҙыҡһынды. Муниципаль хакимиәт вәкилдәре әйтеүенсә, объект файҙаланыуға тапшырылыу менән урын проблемаһы тулыһынса хәл ителәсәк.
Ком: 0 // Уҡынылар: 719 тапҡыр // Тотош уҡырға
Ҡандранан төшкән киленКүптән түгел генә Рәсәй стоматологтары ассоциацияһының "Стоматология отличнигы" миҙалы менән бүләкләнгән теш табибы Рәзилә Хәзиеваны эш урынында тап иттек. Етмәһә, ғүмеренең күркәм юбилейы көнөнә лә тура килгәнбеҙ икән.
Саҡмағош төбәгендә тыуып үҫмәһә лә, Рәзилә Тимерғәле ҡыҙы район халҡына яҡшы таныш. 1982 йылда Башҡорт дәүләт медицина институтын тамамлаған йәш белгесте йүнәлтмә буйынса эшкә ошо райондың үҙәк дауаханаһына ебәрәләр. Ҡуш ҡуллап ҡаршы алалар теш докторын. Ул саҡтағы баш табип Мөхәмәтзариф Шәриповтың ихласлығына, иғтибарлылығына, бүлексә мөдире Владимир Балабановтың һөнәренә етди ҡараш, һөйөү уята алыуына әле булһа рәхмәтле Р. Хәзиева.
Ком: 0 // Уҡынылар: 772 тапҡыр // Тотош уҡырға
Яҙмыш ҡоло түгел улТормошто яратҡан, дүрт йәштән бер аяҡһыҙ ҡалған Рәмил Нурҡаевты тыуған Ишембай төйәгендә сәмсел егет булараҡ хәтерләйҙәр. Һынауҙарға бирешмәгән теремек үҫмер хыял ҡанаттарында Бөрөгә килә, аяҡ кейемдәрен ремонтлаусы һөнәрен үҙләштерә. Юллама буйынса уны эшкә Бәләбәйгә ебәрәләр. Ауыл һауаһын һулап, тәбиғәт матурлығына хозурланып үҫкән егеткә ҡала шарттары оҡшап етмәй.
Яҙмыш Рәмилде матур тәбиғәтле Йәрмәкәй яҡтарына алып килә. Бында ул көнкүреш хеҙмәтләндереү комбинатында эшләй.
Заманалар үҙгәреү менән, 1992 йылда, Рәмил Ғәбделхәй улы Йәрмәкәй районы үҙәгендә шәхси эшен аса.
Ком: 0 // Уҡынылар: 506 тапҡыр // Тотош уҡырға
Ғазаптарҙан тыуған шиғриәтИжадҡа төрлө юлдар менән киләләр. Кемдер бала саҡтан уҡ ҡәләм тибрәтһә, бәғзеләре тормош ауырлыҡтары алдында бирешмәй, йәшәүҙән йәм-тәм табыр өсөн ижадҡа сумырға мәжбүр.
Мәҫәлән, Айҙар Мусин өсөн шиғыр яҙыу тормош мәғәнәһенә әйләнгән. Бөгөн ул ижад емештәре менән йәшәй тиһәк тә, хата булмаҫ, сөнки тап улар уның күңелен йылыта, өмөт усағын дөрләтә. Йәшләй тома һуҡыр ҡалып та йәшәү йәмен юғалтмаған, тормошто яратҡан Айҙар Нуриәхмәт улы уйланыуҙарын, йөрәк кисерештәрен шиғри юлдарға теҙә. Үҙе яҙа алмағанлыҡтан, уларҙы аҡ ҡағыҙға ҡыҙы күсерә. Яйлап әҫәрҙәре ҡалын бер дәфтәргә әйләнә бара. Кемгәлер күрһәткеһе, кемдәндер кәңәш, ярҙам һүҙе ишеткеһе килгән ваҡытта Айҙар Мусиндың юлында Сибай төбәк яҙыусылар ойошмаһы етәксеһе Әминә Яхина осрай.
Ком: 0 // Уҡынылар: 805 тапҡыр // Тотош уҡырға
“Әлдә был урын минеке түгел”Мөмкинлектәре сикләнгән граждандарға уңайлы мөхит булдырыу тураһында күп һөйләйбеҙ. Тик ғәмәлдә был изге ниәттәр тормошҡа ашамы? Уларҙың хоҡуғы нисек яҡлана? Башҡортостан буйынса Эске эштәр министрлығының ЮХХДИ идаралығы хеҙмәткәрҙәре менән Өфө ҡалаһы хакимиәтенең социаль яҡлау идаралығы, мәғлүмәт саралары вәкилдәре баш ҡала урамдары буйлап берлектә рейд ойошторҙо. Йәмәғәт туҡталҡаларында мөмкинлектәре сикләнгән граждандар өсөн махсус урындарҙың булыу-булмауын тикшерҙек. Сауҙа үҙәктәре, дауаханалар, башҡа социаль объекттар эргәһендә ҡағиҙә боҙоусыларға ҡарата протокол төҙөлдө.
Рейдта ҡатнашыуға ризалыҡ биргән Владимир Маргамов Конгресс-холл алдына килеп туҡтауға мөмкинлектәре сикләнгән автоһәүәҫкәрҙәр өсөн тәғәйенләнгән дүрт урындың береһе генә буш ине.
Ком: 0 // Уҡынылар: 533 тапҡыр // Тотош уҡырға
Шикле эшмәкәрлек алып барған “Древпром” финанс компанияһы тураһында октябрь айында уҡ яҙып сыҡҡайныҡ инде. Маҡсатыбыҙ бер ҡатлы кешеләрҙе иҫкәртеү ине. Яңылышмағанбыҙ — халыҡ зыян күрә лә башланы.
Интернеттағы ошо хаҡтағы имеш-мимештәргә ҡолаҡ һалмағанда ла, юғары вазифа биләгән ҙур банк етәкселәре һүҙенә ышанырға тура килә. Уҙған аҙнала Рәсәй Үҙәк банкы рәйесе Эльвира Нәбиуллина үткәргән кәңәшмәлә һөйләшеү ошо хаҡта барҙы. Бындай мутлашыу айырыуса Башҡортостан менән Татарстанда, Ырымбур, Ульяновск өлкәләрендә киң йәйелдерелгән, тинеләр. “ВТБ 24” ябыҡ акционерҙар йәмғиәте президенты Михаил Задорнов илдең эске эштәр министры Владимир Колокольцевты киҫкен мәсьәлә менән нығыраҡ шөғөлләнергә саҡырһа, “Пробизнесбанк”тың вице-президенты Сергей Летунов етәкселек исеменән Үҙәк банкка һәм Федераль именлек хеҙмәтенә хат тапшырҙы.
Ком: 0 // Уҡынылар: 658 тапҡыр // Тотош уҡырға
Монополияға ҡаршы федераль хеҙмәт белгестәре шулай тип иҫәпләй
Башҡортостанстат хәбәр итеүенсә, йыл башынан алып республикала аҙыҡ-түлеккә ҡулланыусылар хаҡы индексы 103,6 процент тәшкил иткән. Төбәктә һөткә һәм һөт ризыҡтарына хаҡтар һиҙелерлек (10,6 процентҡа) артты, сыр – 11,4, аҡ май – 14,1, шәкәр 14,9 процентҡа ҡиммәтләнде. Шулай уҡ бойҙай онона һәм икмәк ризыҡтарына хаҡтар – 9,7 – 11,1, һоло, арпа, манный, тары ярмаларына, дөгөгә 7,6 – 16 процентҡа күтәрелде.
Шулай ҙа ҡайһы бер аҙыҡ-түлек төрҙәре арзанайҙы. Ит һәм ҡош итенә хаҡтар – 3 процентҡа, йәшелсәгә (помидор, ҡыяр – ике тапҡырға тиерлек, кәбеҫтә – 23,3, кишер – 6,5 процентҡа), емеш-еләккә (виноград – 26,4, банан – 14 процентҡа) кәмене.
Ком: 0 // Уҡынылар: 643 тапҡыр // Тотош уҡырға
Артҡа 1 2 Алға
Бит башына