Эшсе һөнәренең баһаһы артаБыл ваҡиғаға тиҫтә йыл самаһы ваҡыт үтеп киткән инде. Бер танышым мәктәптән һуң уҡырға ҡайҙа барырға тип баш вата ине. Бер һөнәрҙе һайлаһа, аҡсаһы аҙ һымаҡ, икенсеһе буйынса эш таба алмай аҙапланасаҡ... Шулай уйлана торғас, тапты бит был күңеленә ятҡан уҡыу йортон! Унда — хәҙерге Ишембай нефть колледжында — белем алыуына һис тә үкенмәй. Һөнәре буйынса Себер яҡтарына эшкә урынлашты, бер йыл эсендә сит ил машинаһы алды, оҙаҡламай фатирлы ла булды. "Әлдә ябай эшсе һөнәрен һайлағанмын", — ти үҙе лә. Ысынлап та, был колледжда кәрәкле һөнәр бирәләр шул.
Ком: 0 // Уҡынылар: 741 тапҡыр // Тотош уҡырға
Олимпия миҙалдары әҙерКесе йомала баш ҡаланың “Өфө-Арена” универсаль спорт комплексында көйәрмәндәр иғтибарына буласаҡ ҡышҡы Олимпия уйындарының миҙалдары тәҡдим ителде. Күргәҙмә Өфөлә бер нисә көн булғас, илдең башҡа төбәктәренә юлланасаҡ.
Ошо айҡанлы уҙған тантанала билдәле спортсылар Рима Баталова менән Алексей Селиверстов ҡатнашты.
Миҙалдар бик үҙенсәлекле итеп уйланылған: һүрәттә ҡояш нурҙары ла, аҡ “бүрек”ле тауҙар ҙа, боҙ ҙа, диңгеҙ ҙә бар. Уң яғында Олимпия ҡулсалары һынландырылһа, артында – инглиз телендә ярыш төрөнөң исеме менән “Сочи-2014” эмблемаһы.
Ком: 0 // Уҡынылар: 580 тапҡыр // Тотош уҡырға
Мәҙәниәт усаҡтары саҡыраМәжит Ғафури исемендәге Башҡорт дәүләт академия драма театрында
10 декабрҙә – Валентин Красногоровтың "Experiment" психологик драмаһы;
11 декабрҙә – "Рудольф Нуриевтың ғүмер миҙгелдәре" (режиссеры – Айрат Абушахманов) тигән тамаша;
12 декабрҙә – Баязит Бикбайҙың "Ҡоҙаса" музыкаль комедияһы;
14 декабрҙә – Светлана Хәкимованың ижад кисәһе;
15 декабрҙә – Мостай Кәримдең "Ай тотолған төндә" драмаһы.
Ком: 0 // Уҡынылар: 705 тапҡыр // Тотош уҡырға
Техник фәндәр докторы, профессор, Рәсәй Федерацияһы Тәбиғәт фәндәре академияһының мөхбир ағзаһы, Өфө авиация техник университеты ректоры Морат Ғөзәйеров ошо уҡыу йортон тамамлағас, шунда авиация приборҙарын эшләү, һуңынан информатика факультеттарында уҡыта. Бер үк ваҡытта Рәсәй Федерацияһы дөйөм белем биреү учреждениеларын тамамлаусыларҙы тестлау үҙәгенең Башҡортостан төбәк вәкиллеге етәксеһе вазифаһын башҡара. 1999 йылдан университеттың уҡыу-уҡытыу эштәре буйынса проректоры, 2003 йылдан — ректоры. Башҡортостан Республикаһының Дәүләт Йыйылышы — Ҡоролтай депутаты.
Миңлеғәфүр Зәйнетдинов, Мәсәғүт педагогия училищеһын, Башҡорт дәүләт университетын тамамлағас, Рәми Ғарипов исемендәге башҡорт республика гимназияһында Башҡортостан мәҙәниәте һәм тарихы уҡытыусыһы булып хеҙмәт юлын башлай. Педучилищела уҡыған йылдарҙа уҡ Миңлеғәфүр баянда, гитарала, ҡумыҙҙа уйнарға өйрәнеп ала һәм район, республика күләмендә үткәрелгән үҙешмәкәр сәнғәт коллективтары смотрҙарында ҡатнаша.
Ком: 0 // Уҡынылар: 746 тапҡыр // Тотош уҡырға
Ғүмер китабы дауам итәЭй, кешеләр, һеҙгә ашығамын,
Бармы икән миндә эшегеҙ?
Мин бит һеҙһеҙ бер кем түгел ерҙә,
Мин бит кеше түгел кешеһеҙ.
Ком: 0 // Уҡынылар: 1093 тапҡыр // Тотош уҡырға
Һаулығыңды йәштән һаҡлаБашҡортостандың Фәндәр академияһында онкология сирҙәрен алдан асыҡлау һәм иҫкәртеү буйынса Евразия конференцияһы үтте. Сара 2015 йылда ШОС һәм БРИКС саммиттарына ярашлы уҙасаҡ Яман шешкә ҡаршы халыҡ-ара конференцияға әҙерлек этабы булараҡ ойошторолдо. Унда Рәсәйҙең Мәскәү, Санкт-Петербург ҡалаларынан, Латвия, Швеция, Америка, Япония, Ҡаҙағстан,Төркиәнән фән, йәмәғәт ойошмалары вәкилдәре, табиптар ҡатнашты.
Башҡорт дәүләт медицина университетының Онкология ғилми-тикшеренеү институты директоры Шамил Ганцев билдәләүенсә, сараның төп маҡсаты – Башҡортостанда превенцияға, йәғни онкология сирҙәрен иҫкәртеүгә бәйле халыҡ-ара майҙансыҡ булдырыу. Уның һүҙҙәренсә, бының өсөн төбәктә тәжрибә, мөмкинлектәр етерлек. Республика етәкселеге менән үҙ-ара яҡшы бәйләнештәр ҙә был өлкәләге иң алдынғы идеяларҙы, проекттарҙы тормошҡа ашырырға мөмкинлек бирәсәк.
Ком: 0 // Уҡынылар: 756 тапҡыр // Тотош уҡырға
2013 йылдың 5 ноябрендәге "Транспорт һалымы тураһында"ғы Башҡортостан Республикаһы Законына үҙгәрештәр индереү хаҡында"ғы 8-се республика Законы ил төбәктәрендәге транспорт һалымы тураһындағы ҡануниәт нигеҙендә һалым һалыуҙы ҡулайлаштырыу, һалым ташламаларының һөҙөмтәлелеген баһалау маҡсатында әҙерләнде.
Транспорт һалымы ставкаһы элек билдәләнгән мәлдән арттырылманы. Инфляцияға бәйле, был һалым төрө күләме йылдан-йыл кәмей бара. Һөҙөмтәлә айырым кешеләр өсөн транспорт һалымы ставкаһы беҙҙә, Волга буйы федераль округы менән сағыштырғанда, 1,5-4,9 тапҡырға түбәнерәк. Яңы Законда транспорт һалымын арттырырға тәҡдим ителә.
Бюджетты проектлау буйынса ведомство-ара Хөкүмәт комиссияһы ҡарарына ярашлы, ауыл хужалығы тауары етештереү менән шөғөлләнгән колхоз, совхоз, крәҫтиән (фермер) хужалыҡтары һәм башҡа ойошмаларға бирелгән транспорт сараларына ҡарата ташламалар һөҙөмтәһеҙ тип танылды.
Закон киләһе йылдың 1 ғинуарынан көсөнә инә.
Ком: 0 // Уҡынылар: 655 тапҡыр // Тотош уҡырға
Былай тип юҡҡа әйтмәгәндәр. Иркенән мәхрүм ителгән кешеләргә ҡайһы саҡта үҙ хоҡуҡтарын яҡлау ауырға төшә. Төрлө ергә ебәрелгән хаттар оҙаҡ йөрөй, ә ваҡыт үтә. Шул саҡта уларға Йәмәғәт күҙәтеү комиссияһы ярҙамға килә лә инде.
Ошо көндәрҙә баш ҡалала Башҡортостандың Йәмәғәт күҙәтеү комиссияһының яңыртылған составы “Башҡортостан Республикаһында граждандарҙы мәжбүри тотоу урындарында кеше хоҡуҡтарын яҡлау буйынса йәмәғәт контроле” тигән уҡыу-методик семинарға йыйылды. Сарала төрлө министрлыҡ һәм ведомство вәкилдәре ҡатнашты.
Быйыл комиссияға 164 мөрәжәғәт килгән, уларҙың барыһына ла төплө яуап бирелгән. Комиссия ағзалары 23 тапҡыр төрмәләргә сығып, урында кеше хоҡуҡтарының үтәлеү-үтәлмәүен тикшергән, төрлө акциялар ойошторған.
Ком: 0 // Уҡынылар: 571 тапҡыр // Тотош уҡырға
Хеҙмәтенә күрә — хөрмәтеБашҡортостан Республикаһы Президенты указдарына ярашлы, Башҡортостан Үҙәк һайлау комиссияһы аппаратының мәғлүмәт үҙәге начальнигы Арыҫланов Риф Закуан улы, Баймаҡ ҡойоу-механика заводы моделләүсеһе Бүләков Фәрит Байморат улы, ошо уҡ заводтың кран машинисы Нурғәлина Мәҙинә Рәйес ҡыҙы, электр һәм газ менән иретеп йәбештереүсеһе Хоронеко Александр Васильевич, Салауат ҡалаһындағы территориаль һайлау комиссияһы рәйесе Смаков Рауил Хәлим улы “Башҡортостан Республикаһындағы фиҙакәр хеҙмәте өсөн” отличие билдәһе, Баймаҡ ҡойоу-механика заводы токары Арыҫланов Әҙеһәм Әкрәм улы, Әбйәлил районындағы территориаль һайлау комиссияһы рәйесе, район хакимиәтенең мобилизация әҙерлеге секторы мөдире Ғиләжев Ғәйнетдин Зәйнетдин улы, Благовар районындағы территориаль һайлау комиссияһы рәйесе, район Советы аппаратының бүлек начальнигы Логинов Павел Александрович,
Ком: 0 // Уҡынылар: 650 тапҡыр // Тотош уҡырға
Башҡортостан Хөкүмәте Премьер-министры урынбаҫары Салауат Сәғитов ИТАР-ТАСС-тың төбәк бюроһында уҙғарылған матбуғат конференцияһында хәбәр итеүенсә, ШОС һәм БРИКС саммиттары Өфөлә 2015 йылдың июнь аҙағы йәки июль башында үтәсәк.
Әлегә аныҡ дата билдәләнмәгән. Саммиттарға әҙерлек эше планға ярашлы бара, сараны икенсе ҡалаларға күсереү өсөн бер ниндәй ҙә сәбәп юҡ, тип хәбәр итте Салауат Тәлғәт улы. Өфөлә ҡунаҡханалар төҙөү, ғәмәлдәгеләрен төҙөкләндереү дауам итә. Был ҡаҙна аҡсаһын файҙаланмайынса, шәхси инвесторҙар иҫәбенә тормошҡа ашырыла. Өфөләге Конгресс-холда ла эш туҡталмай. Бында делегациялар, Президент, шулай уҡ һөйләшеүҙәр өсөн бүлмәләр, милли штаб йыһазландырыла. Бинаның беренсе һәм икенсе ҡаттары үҙгәрмәйәсәк.
Ком: 0 // Уҡынылар: 682 тапҡыр // Тотош уҡырға
Артҡа 1 2 Алға
Бит башына