Йәштәр арҙаҡлы шәхестәрҙе онотмайБашҡорт дәүләт университетының башҡорт филологияһы һәм журналистика факультетында йыл һайын башҡорт теленең көнүҙәк мәсьәләләренә арналған конференциялар була. Улар йыш ҡына теге йәки был шәхестең ғилми эшмәкәрлегенә арнала. Мәҫәлән, Жәлил Кейекбаевҡа бағышланғандары – ике йылға бер, Николай Дмитриевтың тормошона һәм ижадына арналғандары биш йыл һайын үткәрелә. Йоланы дауам итеп, ошо көндәрҙә университетта йәнә бер шундай сара уҙғарылды.
Ком: 0 // Уҡынылар: 709 тапҡыр // Тотош уҡырға
"Үҙем аса алмайыммы ни?!"Йыл балалар баҡсаһы.
Йәш әсә Луиза Шәйнурова өс йәшлек улы Азаматты балалар баҡсаһына урынлаштыра алмай оҙаҡ ҡына интегә. "Шундай учреждениены үҙем аса алмаҫ инемме ни?" тигән уй килә уға бер мәл. Теләген ире лә хуплағас, тәүәккәлләргә була.
Бына шулай барлыҡҡа килә Баймаҡ ҡалаһында Луиза Шәйнурованың шәхси балалар баҡсаһы. Районда бындай беренсе учреждение ул. Ҡаланың Вокзал биҫтәһендә урынлашҡан иркен йорттоң барлыҡ уңайлыҡҡа эйә булыуы йүнселгә ойоштороу эшен тиҙ арала атҡарып сығырға булышлыҡ итә. Балалар баҡсаһы өсөн талап ителгән кәрәк-яраҡ, йыһаз һатып алына. Йылы, яҡты бүлмәләр, кескәйҙәрҙең һәләтен, телмәрен үҫтереү өсөн тәғәйенләнгән махсус ҡорамалдар, өр-яңы китаптар, уйынсыҡтар — һәммәһе лә шәхси учреждениеға заманса төҫ бирә.
Ком: 0 // Уҡынылар: 626 тапҡыр // Тотош уҡырға
Үәт, белемле сибайҙар!Йыл коллективы.
Башҡорт дәүләт университетының Сибай институты – көньяҡ- көнсығыш райондарҙың йәштәре өсөн төп белем усаҡтарының береһе. Егерме йылдан ашыу Урал аръяғы төбәге өсөн белгестәр әҙерләгән уҡыу йортоноң матди-техник базаһы ныҡ, төрлө йүнәлештә белем биреү өсөн һәйбәт шарттар тыуҙырылған, “Төйәләҫ” фәнни-тәжрибә комплексы бар, хеҙмәткәрҙәре туҡтауһыҙ үҙ өҫтөндә эшләй.
Ком: 0 // Уҡынылар: 553 тапҡыр // Тотош уҡырға
Һинең алда, әсәй, баш эйәмЙыл иҫтәлеге.
...Инде 72 йыл үтһә лә, күҙ йәштәрен тыя алмай тыл ветерандары. Һуғыш осороноң ҡайғы-ғазаптары күңелдәренә мәңгелеккә уйылған. Онотоуы мөмкин дә түгелдер: таң һарыһынан баҫыуға ашҡынған ҡарт-ҡоро иңенә төшкән ауырлыҡты һүҙһеҙ күтәрергә мәжбүр бала-саға. Ҡатын-ҡыҙға фронтҡа ойоҡбаш, кейем-һалым, кәрәк-яраҡ әҙерләйһе, береһенән-береһе кесерәк сабыйҙарҙы туйындыраһы бар. Ҡәҙерлеләренән хәбәр көтә-көтә талсыҡҡан халыҡтың сабырлығына хайран ҡалырлыҡ.
Ком: 0 // Уҡынылар: 552 тапҡыр // Тотош уҡырға
Бөхтә СтәрлетамаҡЙыл ҡалаһы.
100 мең һәм унан да күберәк кеше йәшәгән ҡала округтары араһында Стәрлетамаҡ йәнә Рәсәйҙә иң төҙөктәр иҫәбенә инде.
Уның бер нисә йыл рәттән ошо номинацияла еңеүендә ҡала халҡының фиҙакәр хеҙмәте лә, берҙәмлеге лә сағыла.
Ғөмүмән, 270 меңдән ашыу кеше төйәкләнгән был ҡала үҫеше буйынса, ысынлап та, күп муниципаль берәмектәргә һәм округтарға өлгө булырҙай. Мәҫәлән, быйыл Стәрлетамаҡты тәртиптә тотоу өсөн ҡала ҡаҙнаһынан 175,7 миллион һум аҡса бүленгән: шул иҫәптән 29 миллион һум – урамдарҙы яҡтыртыуға, 138,7 миллион һум – юлдарҙы төҙөкләндереүгә, 8 миллион һум – йәшелләндереүгә. Илдә үҙ биләмәһен матурлауға түгел, социаль түләүҙәргә лә аҡса еткерә алмаған ҡалалар барлығын иҫәпкә алғанда, Стәрлетамаҡтың бындай ҡаҙаныштарға эйә булыуы һоҡландыра.
Ком: 0 // Уҡынылар: 548 тапҡыр // Тотош уҡырға
"Кеше биографияһын боҙманым!"Ниндәй матур һәм тәрән мәғәнәле һүҙҙәр! "Туҡмаҡ-Ҡарандан Ҡандағарға тиклем" тигән китаптан алынды был юлдар. Уйландырҙы, тетрәндерҙе лә ошо мәҡәләне яҙыуға этәрҙе. Ул китаптың авторҙары — дүрт тиҫтәгә яҡын ғүмерен дәүләт именлеге хеҙмәтенә арнаған отставкалағы полковник Йәүҙәт Исҡужин менән уның ҡатыны Миңзифа Исҡужина. Баҫма тәүҙә урыҫ телендә донъя күрҙе, былтыр иһә тулыландырылып, байытылып башҡортса баҫылып сыҡты.
Ком: 0 // Уҡынылар: 942 тапҡыр // Тотош уҡырға
Баҙлатып йондоҙло еләнен ғаләмдең ҡайҙалыр елгәне...Урал бөркөтө
Башҡортостандың халыҡ шағиры Рауил Бикбаевтың "Автобиография"һын уйлағанда, Туҡсоран буйындағы "Дала офоҡтары"нан илһамланып, "Ҡош юлы"на талпынған "Яңғыҙ ҡоштоң осоп барғаны" күҙ алдына баҫа. Эйе, Рауил Бикбаев — сәүкәләр тубына ҡушылып осоусы ҡоштар затынан түгел, киң ҡанаттарын киреп әҙәбиәт күгендә талпынған, саңҡыуы менән офоҡтарҙы зыңлатҡан бөркөттәр тоҡомонан.
Ком: 0 // Уҡынылар: 1129 тапҡыр // Тотош уҡырға
Хеҙмәте маҡтауға лайыҡЙыл полицейскийы.
Рәсәй кимәлендә бер нисә йыл рәттән "Халыҡ участковыйы" тигән конкурс үткәрелә. Был сарала Башҡортостан вәкилдәре лә әүҙем ҡатнаша һәм гел иң-иңдәр исемлегенә инә. Быйыл Мәскәүгә Башҡортостан буйынса Эске эштәр министрлығының Октябрьский ҡалаһындағы бүлегендә участка инспекторы булып эшләгән Илдар Мөхәмәтшин юлланды һәм маҡтау грамотаһы алып ҡайтты. Интернет селтәрендә Илдар өсөн егерме меңдән ашыу кеше тауыш биргән.
Ком: 0 // Уҡынылар: 537 тапҡыр // Тотош уҡырға
Бил бирмәҫ батырЙыл спортсыһы.
Салауат ҡалаһында – Билбаулы көрәш буйынса донъя чемпионаты. Спортсылар келәмгә сығыу менән зал гөжләргә кереште.
Күренеп тора: бында ысын көйәрмәндәр йыйылған! Ә көрәшселәребеҙгә был, гүйә, көс-ҡеүәт бирә – сит ил ҡунаҡтарын әйләндереп һалып ҡына торалар. Ана, бер келәмдә яҡташыбыҙ Альберт Рәхмәтуллин көс һынаша. Һай, ҡайһылай шәп көрәшә батырыбыҙ! Янына барып ҡына ҡара! Үҙе етеҙ, үҙе көслө!
Хәле мөшкөл түгел – ырғыта ла ебәрә. Тәк, бына хәл иткес алыш. Һай, оҙаҡ алышалар, оҙаҡ. Украин батыры Дмитрий Арабаджи бил бирергә теләмәй. Шулай ҙа булмаһын ти, донъя чемпионаты бит! Ҡаты алыш һәм... чемпион Рәхмәтуллин – ниндәй ғорур яңғырай!
Ком: 0 // Уҡынылар: 548 тапҡыр // Тотош уҡырға
Йыл чемпионаты.
Яңы йыл алдынан, ял көндәрендә спорт һөйөүсе барса халыҡ, көйәрмәндәр, моғайын, йәштәр командалары араһындағы хоккей буйынса донъя чемпионатын күҙәткәндер. Көтөп алған был сарала һәр ил үҙенекен боҙ батыры итеп күргеһе килде, фараз ҡылды.
Уйындың тәүге көнөндә Рәсәй егеттәренең Словакия командаһын бары овертаймда ғына 3:2 иҫәбенә еңеүе һағайырға мәжбүр итте. Унан һуң беҙҙекеләрҙең АҠШ йәштәренә ҡаршы уйыны ла көсөргәнешле барҙы. Был юлы шәп уйнаны егеттәребеҙ, дәғүәселәрен 2:1 иҫәбенә теҙ сүктерҙе. Ә бына немецтарҙы 7:0 иҫәбенә анһат ҡына еңдек.
Ком: 0 // Уҡынылар: 484 тапҡыр // Тотош уҡырға
Артҡа 1 2 3 4 5 6 7 Алға
Бит башына