Тыуған ерҙән көс алып...Федоровка район хакимиәтендә эш көнөнөң иртәнге һигеҙенсе яртыла уҡ башланыуын белгәс, йәшермәйбеҙ, аптырабыраҡ ҡалдыҡ. «Бигерәк иртәләйҙәр, йәй булһа, аңлашылыр ине, һигеҙҙә лә түгел», — тип ғәжәпләндек. Шулай ҙа үҙебеҙҙе һынатмаҫҡа теләп, иртә ҡуҙғалдыҡ. Хакимиәт бинаһына йүнәлгәндә Федоровка ауылы йорттарының һирәк-һаяғында ғына ут балҡый ине әле. Тупһаһына аяҡ баҫҡанда, сәғәт уғы етене күрһәтһә лә, тәүгеләр була алманыҡ – ошо төбәк яҙмышы, халҡының көнитмеше өсөн яуаплы хеҙмәткәрҙәрҙең барыһы ла тиерлек килеп өлгөргәйне инде. Урынбаҫарҙар, идаралыҡ начальниктары, төрлө бүлек һәм ойошма етәкселәре, белгестәр өсөн сираттағы эш көнө ғәҙәттәгесә район хакимиәте башлығы бүлмәһендәге кәңәшмәнән башланды.
Ком: 0 // Уҡынылар: 680 тапҡыр // Тотош уҡырға
Мәҙәниәт усаҡтары саҡыра Мәжит Ғафури исемендәге Башҡорт дәүләт академия драма театрында
23 декабрь – Хөсәйен Ҡудашевтың хәтер кисәһе;
23 – 30 декабрҙә – Зөһрә Бураҡаеваның инсценировкаһы буйынса Николай Носовтың "Белмәҫйән мажаралары" әкиәте.
Ком: 0 // Уҡынылар: 550 тапҡыр // Тотош уҡырға
(Х. Игебаева, “Швейцариянан кәм түгел дә ул”, 2013 йыл, 12 август)
Был мәҡәлә уҡыусыларҙа ҙур ҡыҙыҡһыныу тыуҙырғайны. Башҡортостандың Тәбиғәттән файҙаланыу һәм экология, Йәштәр сәйәсәте һәм спорт министрлыҡтарынан яуап килде. Ике хатты ла уҡыусыларға тәҡдим итәбеҙ.
Республиканың Авария-ҡотҡарыу хеҙмәте һәм Күгәрсен районы хакимиәте менән берлектә “Мораҙым тарлауығы” тәбиғәт паркына тикшереү үткәрергә барҙыҡ. Турист маршруттарында айырыуса хәүефле урындарҙы ҡарап сыҡтыҡ. Сарала Башҡортостандың Йәштәр сәйәсәте һәм спорт министрлығының баш эксперт-белгесе Р. Рафиҡов, Күмертау ҡалаһының төбәк-ара эҙләү-ҡотҡарыу отряды начальнигы А. Пыркин, ошо уҡ учреждениеның ҡотҡарыусыһы С. Вилданов, Күгәрсен районы хакимиәте вәкиле З. Йәрмөхәмәтов, “Мораҙым тарлауығы” тәбиғәт паркының өлкән дәүләт инспекторы М. Болғаирова ҡатнашты.
Ком: 0 // Уҡынылар: 549 тапҡыр // Тотош уҡырға
Ғәмһеҙлеккә юл ҡуймайыҡРобинзон ағайҙан өлгө алырға кәрәк
Бөгөн халыҡ милли матбуғатты уҡыймы? Республикабыҙҙың төп баҫмаларының береһе булған "Башҡортостан" гәзитенә мөнәсәбәт нисек? Төрлө сәбәптәргә һылтанып, тел, рух мәсьәләләре артҡы планға ҡалдырылмаймы? Дыуан районының республика лицей-интернаты уҡытыусылары һәм уҡыусылары менән осрашыуыбыҙҙа һүҙ ошо турала барҙы. Сараға урындағы башҡорттар ҡоролтайы вәкиле Әлфиә Вәлиева, почта хеҙмәткәре Мәүлиҙә Әбүбәкирова һәм райондың аҡһаҡалы, уның иң абруйлы кешеләренең береһе, Башҡортостандың атҡаҙанған ауыл хужалығы хеҙмәткәре Робинзон Зиннуров та килгәйне.
Ком: 0 // Уҡынылар: 922 тапҡыр // Тотош уҡырға
Башҡортостан Президенты Рөстәм Хәмитов Баймаҡ районына эш сәфәре барышында ҡайһы бер етештереү предприятиеларында, социаль һәм инфраструктура объекттарында булды. Был көндә республика етәксеһе шулай уҡ Баймаҡ ҡалаһының 75 йыллығы, Баймаҡ ҡойоу-механика заводының 100 йыллығы айҡанлы ойошторолған тантаналарҙа ҡатнашты, урындағы предприятиелар әйберҙәре ҡуйылған күргәҙмә-йәрминкәне ҡарап сыҡты.
Ком: 0 // Уҡынылар: 670 тапҡыр // Тотош уҡырға
Урам балалары (2)Повестан өҙөк
Данил төнө буйы йоҡлай алманы. Быға тиклем уға өйҙән ситтә ҡунырға тура килмәне. Ҡайһылайтаһың – башҡа сара юҡ. Өйөнән сығып киткәс тә, ошо биш ҡатлы йорт подъезына килде. Иң юғары ҡатҡа күтәрелеп, туңып бөткән ҡулдарын батареяға терәп йылытып алды. Һөйәккә бер аҙ йылылыҡ йүгергәс, кәйефе күтәрелгәндәй булды. Тышта бер әҙәм заты күренмәй. Башына, әллә кире ҡайтырғамы, тигән икеле уй килде. Теге эскеселәр янынамы? Юҡ! Ас тамағым – тыныс ҡолағым. Таң ғына атһын – иртәгә күҙ күрер.
Ком: 0 // Уҡынылар: 2256 тапҡыр // Тотош уҡырға
"Һүҙ сығыр шағирҙарҙан хикмәт илә..."Халыҡ-ара Аҡмулла көндәре йылдағыса бөйөк башҡорт шағир-мәғрифәтсеһе һәм фекер эйәһенең тыуған төйәге Миәкә районында тамамланды. Унда Башҡортостандың Яҙыусылар союзы идараһы рәйесе, шағир, республиканың һәм Рәсәйҙең атҡаҙанған мәҙәниәт хеҙмәткәре Риф Тойғонов, Башҡортостандың халыҡ шағиры Марат Кәримов, фольклорсы, филология фәндәре докторы, профессор, Салауат Юлаев исемендәге, М. Аҡмулла исемендәге премиялар лауреаты Әхмәт Сөләймәнов, М. Аҡмулла исемендәге Башҡорт дәүләт педагогия университеты уҡытыусылары — философия фәндәре докторы, профессор Әхмәт Дәүләтҡолов, педагогия фәндәре кандидаты Мәрхәбә Дәүләтшина һәм филология фәндәре кандидаты Зәки Әлибаев, Башҡортостан Мәҙәниәт министрлығының бүлек етәксеһе Алһыу Сирғәлина һәм башҡалар ҡатнашты.
Ком: 0 // Уҡынылар: 822 тапҡыр // Тотош уҡырға
“Ҡыҙҙарға — ҡанат, малайҙарға — бот...”Ҡаҙ өмәһе – халҡыбыҙҙың матур йолаларының береһе. Бында кешеләр бер-береһе менән яҡындан аралаша, күңел аса. Ҡаҙ йолҡоуы еңелдән түгел, шуға күрә өмәгә ауылдың уңғандары ғына саҡырыла. Перволачан ауылының иң егәрле ғаиләләренең береһе Раушания менән Ҡасим Таҡаевтар ҡаҙ өмәһенә ауылдаштарын ғына түгел, хатта күрше яҡтарҙан иң етеҙ, таһыллы, уңған ҡатын-ҡыҙҙарҙы саҡырған, сөнки ҡаҙ йолҡоу үҙенә күрә ҙур оҫталыҡ талап итә.
Ихатанан уҡ байрам кәйефе һиҙелә: ишек алдында сәй өҫтәле ҡуйылған, өмәгә килеүселәрҙе хужабикә самауыр сәйе һәм ҡоймаҡ менән һыйлай. Баян, ҡурай моңдарына ҡушылып, өмәселәрҙе алданыраҡ килгәндәре таҡмаҡ менән ҡаршылай.
Ком: 0 // Уҡынылар: 1436 тапҡыр // Тотош уҡырға
Байрам рухы арта Сочиҙа (1)2014 йылдың 7 февралендә Мәскәү ваҡыты менән 20 сәғәт 14 минутта Сочиҙың «Фишт» стадионында ХХII Ҡышҡы олимпия уйындарын асыу тантанаһы башлана. Халыҡ-ара олимпия комитетының яңы президенты Томас Бах, ярыштар башланыуға 100 көн ҡалғанда уҡ Сочиға килеп, барлыҡ объекттарҙың спортсыларҙы ҡабул итергә әҙерлегенән ҡәнәғәт булып киткәйне. Олимпия ҡалаһына ай һайын барырға тырышҡан Рәсәй Президенты Владимир Путин да ноябрь аҙағында уҡ бындағы Уйындарға әҙерлекте ыңғай баһаланы, ҡалған арауыҡта барлыҡ етешһеҙлектәре бөтөрөргә, инде төп көстө ойоштороу эшенә йүнәлтергә күрһәтмә бирҙе.
Ком: 0 // Уҡынылар: 851 тапҡыр // Тотош уҡырға
Ғәҙәттән тыш хәлдәр министрлығының Силәбе өлкәһендәге баш идаралығы Үрге Урал районының Ҡарағай күлендәге дамбала һыу кимәленең байтаҡҡа күтәрелеүе хаҡында иҫкәртте.
Дамбаның емерелеүе һөҙөмтәһендә һыу Матросовка, артабан Ҡарағай йылғаһына ағып төшкән. Учалы районының Ахун ауылы тап ошо йылға буйында урынлашҡан. Шуға күрә тиҫтәләгән йортто һыу баҫыуы ихтимал. Ғәҙәттән тыш хәлдәр министрлығының Башҡортостандағы идаралығынан хәбәр итеүҙәренсә, халыҡҡа был турала хәбәр ителгән, ваҡытлыса урынлаштырыу пункттары әҙерләнгән. Хәүефле урында социаль әһәмиәтле объекттар юҡ.
Ком: 0 // Уҡынылар: 627 тапҡыр // Тотош уҡырға
Артҡа 1 2 Алға
Бит башына