Күңелдәргә һеңгән Ғәли моңоБелорет районы республикала майҙаны буйынса — иң ҙуры, иң оло йылғаның да башы ошо ерҙән башлана. Республикабыҙ мәҙәниәтен байытҡан байтаҡ бөйөк шәхестең — композитор, бейеүсе, йырсы, яҙыусы, рәссамдар — тап ошо Иҙел башы еренән сығыуы үҙе бер мөғжизәгә тиң. Шуларҙың береһе — бөтә ғүмерен башҡорт йыр сәнғәтенә бағышлаған, сит илдәргә сығып, бөтә Рәсәйҙе арҡыры-буй гиҙеп, тамашасы күңеленә ғәжәйеп моң менән юл тапҡан мәшһүр йырсы, Башҡортостандың халыҡ артисы, Салауат Юлаев исемендәге дәүләт премияһы лауреаты Ғәли Хәмзин. Ул сәнғәтебеҙ күгендә сағыу йондоҙ булып атылды ла халыҡ күңелен сихри моңо менән сорнаны.
Ҡыҙғанысҡа ҡаршы, талантлы йырсыбыҙ бер көн килеп көтмәгәндә мәңгелеккә хушлашты, ә моңо йөрәктәрҙә яҡты нур булып тороп ҡалды... Бөгөн Ғәли Хәмзиндың исемен мәңгеләштереү ниәтендә Белорет районында әһәмиәтле саралар күрелә. Яңыраҡ йырсының тыуған төйәге Ҡоҙғон-Әхмәр ауылында Ғәли Хәмзин исемендәге I район вокалсылар конкурсы уҙғарылды.
Ком: 1 // Уҡынылар: 1227 тапҡыр // Тотош уҡырға
Ҙур кешенең нурыҮҙенең бөйөк ул-ҡыҙҙарын лайыҡлы баһалап һәм хөрмәтләп йәшәгән Туймазы халҡы арҙаҡлы яҡташы, күренекле драматург, Салауат Юлаев исемендәге дәүләт премияһы лауреаты Әсғәт Мирзаһитов менән дә хаҡлы ғорурлана, уның тормошона һәм ижадына ҙур иғтибар, ихтирам күрһәтә.
Арабыҙҙан иртә киткән билдәле дәүләт һәм йәмәғәт эшмәкәре, драматург Әсғәт Мирзаһитовтың тыуыуына 85 йыл тулыу айҡанлы, туймазылар уға арналған күп саралар уҙғара. Ошо көндәрҙә уның ҙур ижади мираҫы яңынан, бөгөнгө талаптар күҙлегенән сығып баһаланды. Оҙаҡ йылдар Башҡортостан һәм күрше өлкә театрҙарында уңыш менән барған пьесалары буйынса ҡуйылған спектаклдәр сәхнәләрҙә тергеҙелде. Был тәңгәлдә Туймазыла айырыуса күп эш башҡарылды.
Ком: 0 // Уҡынылар: 975 тапҡыр // Тотош уҡырға
Байрам рухы арта Сочиҙа (2)Эшсе мигранттар китә
Ҡышҡы уйындарға әҙерлек башланғас та Сочиҙа төрлө илдән, элекке союздаш республикаларҙан йыл әйләнәһенә 80 — 100 мең кеше төрлө төҙөлөштә эшләне. Рәсәй Президентының юғарыла әйтелгән хәүефһеҙлек сараларын көсәйтеү тураһындағы һәм Краснодар крайы губернаторы Александр Ткачевтың “Крайҙа миграция контролен көсәйтеү тураһында”ғы ҡарарҙары Сочиҙы ай ярым эсендә барлыҡ эшсе мигранттарҙан һәм гастарбайтерҙарҙан азат итте. Урамдан төркөм-төркөм булып эшкә китеүсе йәки ҡайтыусы төрлө милләт эшселәре бөтөнләй күренмәй тиерлек. Рөхсәтһеҙ мигранттарҙы асыҡлап, уларҙы тыуған төбәктәренә ҡайтарыу өсөн крайҙа казактарҙан, полициянан, башҡа ведомство вәкилдәренән торған 60 төркөм булдырылды. Улар һәр йортҡа, фатирға инеп, ҡалала йәшәүселәрҙең исемлеген ала, паспорт режимын боҙоусыларға сара ҡуллана.
Ком: 0 // Уҡынылар: 847 тапҡыр // Тотош уҡырға
Бәхетленең ҡунағы ла, байрамы ла бер көндә, тигәндәре хаҡтыр. Баймаҡ ҡалаһы һабантуйҙай гөрләне: район халҡы юбилейға килгән ҡунаҡтарҙы тирмәләр ҡороп ҡаршылаһа, Башҡортостан Президенты Рөстәм Хәмитов һәм башҡа мәртәбәле ҡунаҡтар байрам уңайынан төҙөлгән объекттарҙы ҡарап, һоҡланыуын йәшермәне.
Халыҡ араһында “баймаҡтар маҡтанып күкрәк һуғырға ярата” тигәнерәк шаяртыу бар. Республика алдында өлгө итеп күрһәтерлек эштәре барында ниңә күкрәк ҡаҡмаһындар, ти?! Байрамды иҫ китерлек матур ҡаршылаған Баймаҡҡа һис тә аҡһаҡал йәше бирерлек түгел, ул әле йәштәрсә яңы һулыш ала, төҙөкләнә. Республика башлығы Рөстәм Хәмитовтың, Баймаҡтағы оло юбилейға арналған сарала ҡатнашып, ҡаланың төрлө объектында булыуы хаҡында гәзитебеҙҙең алдағы һанында хәбәр иткәйнек инде.
Ком: 0 // Уҡынылар: 891 тапҡыр // Тотош уҡырға
“Эй ярһыу ҙа, яғымлы ла Ҡыйғыларҙа тойғолар!”Район хакимиәте башлығының урынбаҫарҙары, бүлек начальниктары менән үткәргән сираттағы кәңәшмәһе Рәсәй Президенты Владимир Путин Федераль Йыйылышҡа йыллыҡ Мөрәжәғәтнамә менән сығыш яһаған көнгә тап килде. Шуға ла Рафиҡ Харисов барыһына ла ил етәксеһенең телмәрен тыңларға кәңәш итте, уның киләсәктә ниндәй йүнәлештә эшләргә күрһәтеүсе документ булыуы хаҡында әйтте. Өфөлә Яңы йыл алды йәрминкәләре башланды, ошоға бәйле, теләүселәр булһа, халыҡтың итен баш ҡалала һатыуҙы ойоштороу кәрәклеген дә билдәләне.
Ком: 0 // Уҡынылар: 1146 тапҡыр // Тотош уҡырға
“Ғәлиә”лә — өр-яңы технология“Ғәлиә” химик таҙартыу предприятиеһында республикала тәүге келәм сафландырыу ҡоролмаһы эшләй. Испанияла етештерелгән “Catinet Total” ҡулайламаһы әлегә Рәсәйҙә өсәү генә.
Яңы машинаның үҙенсәлеге шунда: ул бер үк ваҡытта өс операцияны башҡара — балаҫ, келәмдән туҙанды, бысраҡты ҡағып сығара, йыуа, киптерә. Был эште махсус программа һалынған компьютер контролдә тота.
Заманса ҡорамал келәмдең төҫөн яңырта, уға әүәлге йомшаҡлығын ҡайтара. Иң мөһиме — бысраҡты, туҙанды, паразиттарҙы бөтөрә. Яңы машина ҡалын балаҫтарҙы таҙартыу өсөн дә бик ҡулай. “Catinet Total” келәмдәге насар еҫте лә юҡ итә. Үҙ һаулығы һәм дөйөм экология хаҡында хәстәрлек күргән европалылар ошо машинаны ғына файҙалана.
Ком: 0 // Уҡынылар: 584 тапҡыр // Тотош уҡырға
Краснокама районында йәш ғаиләләргә торлаҡ шарттарын яҡшыртыу өсөн социаль түләүгә таныҡлыҡ тапшырылды. Тантана район хакимиәте бинаһында үтте.
Бында граждандарҙың торлаҡ шарттарын яҡшыртыуға йүнәлтелгән айырым маҡсатлы федераль һәм республика программалары тормошҡа ашырыла. Шуларҙың береһе — “Йәш ғаиләләрҙе тәьмин итеү”.
Әлеге тантана — сертификат тапшырыу буйынса икенсе сара. Йыл башында өс ғаилә субсидия алған булһа, әле тағы ла дүртәүһенә аҡса бүленде. Уны республикала торлаҡ һатып алыуға йәки йорт һалыуға тотонорға мөмкин.
Ком: 0 // Уҡынылар: 651 тапҡыр // Тотош уҡырға
Башҡортостанда әсәлек (ғаилә) капиталына 2007 йылдың 1 ғинуарынан алып 171 566, шул иҫәптән 2012 йылда — 25 564, быйыл 24 712 дәүләт сертификаты тапшырылған.
“Балалы ғаиләләргә дәүләт ярҙамының өҫтәмә саралары тураһында”ғы Закон тормошҡа ашырыла башлаған мәлдән алып 33,7 миллиард һумлыҡ әсәлек капиталы аҡсаһы күсерелгән, тип хәбәр итте Рәсәй Пенсия фонды Башҡортостан бүлексәһенең матбуғат хеҙмәте.
Ком: 0 // Уҡынылар: 730 тапҡыр // Тотош уҡырға
Быйыл эш урынында йәрәхәтләнеүселәр яҡынса 20 процентҡа кәмегән, әммә был ҡыуандырмай, сөнки хеҙмәт хәүефһеҙлеге талаптарын боҙоу сәбәпле 69 кеше һәләк булған. Фажиғәле осраҡтарға юл ҡуйылмаһын өсөн байтаҡ эшләргә кәрәк әле. Башҡортостан Хөкүмәтенең Хеҙмәтте һаҡлау буйынса ведомство-ара комиссияһы кәңәшмәһендә ошо хаҡта һүҙ барҙы. Уны Башҡортостан Хөкүмәте Премьер-министры урынбаҫары, комиссия рәйесе Лилиә Ғүмәрова үткәрҙе.
Ком: 0 // Уҡынылар: 601 тапҡыр // Тотош уҡырға
“Росимущество”ның Башҡортостандағы идаралығы ҡайһы бер мәҙәни мираҫ объекттарын республика милкенә тапшырыу өсөн документтар әҙерләгән.
— Атап әйткәндә, Дуҫлыҡ монументы, Салауат Юлаев һәйкәле, ике тапҡыр Советтар Союзы Геройы Муса Гәрәевтең Өфөләге бюсы, шулай уҡ Шишмә районындағы Хөсәйенбәк менән Тура-хан кәшәнәләре хаҡында һүҙ бара, — тине матбуғат конференцияһында идаралыҡ етәксеһе Андрей Агапов. — Республика юлламаһына ярашлы, Рәсәй Хөкүмәте бойороғо менән был объекттар урындағы кимәлгә тапшырылырға тейешле ҡомартҡылар исемлегенә индерелде.
Ком: 0 // Уҡынылар: 727 тапҡыр // Тотош уҡырға
Артҡа 1 2 Алға
Бит башына