Ҡәҙерле балалар! Йылҡы йылына аяҡ баҫыуыбыҙ уңайынан аттар хаҡында хикәйә тәҡдим итәбеҙ. Ҡолонсаҡтай шаян, етеҙ булығыҙ!
Олатайҙарҙың баҡсаһына барған юлда матур ауылдар, иген баҫыуҙары, мал көтөүҙәре осрай. Ғәзизә менән Һәҙиә айырыуса йылҡы өйөрөн күҙәтергә ярата. Уларҙың олатаһы аттарға төрлөсә иркәләп өндәшеүсән. Ҡолонсаҡ ҡойроҡ сәнсеп уйнаҡлағанда: “Шәп сапҡыр булырға оҡшаған!” — тип һоҡлана, “Ерәне менгегә тартҡан, буҙы — еккегә”, — ти, һынаулы ҡарап. Һәҙиә был һүҙҙәрҙе әлегә аңлап етмәй. Апаһы иһә байтаҡ нәмәне белә, өлкәндәрҙең һүҙенә ҡушылып та китә. Башҡорт ҡыҙы йылҡы малына бәйле төшөнсәләрҙе белергә тейеш инде.
Аттар уҙышырға ярата. Һабантуйҙарға кешеләр сабыш ҡарарға ғына килә кеүек тойолоп та китә ҡыҙҙарға, сөнки һыбайлылар күренеү менән барлыҡ халыҡ бәйге юлын түңәрәтеп баҫа һала. Уҙышты ҡысҡырышып, ярһып күҙәтәләр.
Ком: 0 // Уҡынылар: 865 тапҡыр // Тотош уҡырға
Яңы йылдың тәүге көндәрендә пенсия ғәҙәттәгенән иртәрәк таратыласаҡ, тип хәбәр иттеләр Пенсия фондынан.
Өсөнсө ғинуарҙа — 3 һәм 5-е, дүртенсе ғинуарҙа — 4-е, алтынсы ғинуарҙа — 6 һәм 7-һе, һигеҙендә 8 ғинуар өсөн түләнәсәк. Туғыҙынсы ғинуарҙан башлап пенсия ғәҙәттәгесә таратыласаҡ.
Ком: 0 // Уҡынылар: 541 тапҡыр // Тотош уҡырға
Тиҫтерҙәремдең ихлас башҡарған изге ғәмәле хаҡында һөйләмәксемен. 18 ноябрҙә көтмәгәндә мәктәп ашханаһында эшләгән Рәзинә апайҙың йорт-ҡураһы янып китә. Хужалар үҙҙәре лә, күрше-күлән дә эштә була. Урамдан үтеп барыусылар янғын һүндереүселәргә шылтырата.
Был фажиғәне мәктәптән, интернаттан балалар күреп ҡала һәм ярҙамға ашыға. Дөрләп торған уттан ҡурҡмайынса, уҡыусылар Рәзинә апайҙың әйберҙәрен ташый, һыу килтерә, хатта өй башына менеп китәләр. Был бәләлә батырлыҡ күрһәткән уҡыусыларҙың исемен әйткем килә. Ғаян Харисов, Таһир Зиннуров, Дим Әбүбәкеров, Ғаяз Камалетдинов, Юнир Вәлиев, Айҙар менән Айнур Ғариповтар, Дамир Фазлетдинов, Иҙел Нәбиуллин, Роман Пешков, Регина Нәжметдинова ҙур ярҙам күрһәтте.
Ком: 0 // Уҡынылар: 838 тапҡыр // Тотош уҡырға
Быйыл Кремль шыршыһында Башҡортостандан 100-ҙән ашыу бала ҡатнашты. Кисә улар сәфәрҙән әйләнеп ҡайтты.
Билдәле булыуынса, Кремль шыршыһына уҡыуҙа һынатмаған, спортта, ижад эшендә ҡаҙаныштарға өлгәшкән уҡыусылар, шулай уҡ социаль яҡтан аҙ тәьмин ителгәндәр, хәрби бурысын үтәгәндә һәләк булғандарҙың балалары ебәрелә.
Республиканың Мәғариф министрлығында әйтеүҙәренсә, байрамға илдән ете мең тирәһе кеше килгән. Уҡыусылар баш ҡалала уҙғарылған төрлө тамашала ҡатнашҡан, концерт ҡараған. Кремль фойеһында Ҡыш бабай, Ҡарһылыу менән Яңы йыл спектакле ҡуйылған, дизайн студиялары, уйын майҙансыҡтары, оҫтаханалар эшләгән. Уларҙа Башҡортостан уҡыусылары ла үҙ һәләтен күрһәткән.
Ком: 0 // Уҡынылар: 720 тапҡыр // Тотош уҡырға
Үткән эшкә — салауат, ти халыҡ. Ләкин журналист халҡы — үҙ уҡыусылары алдында һәр саҡ яуаплы, ҡағыҙ битенә бер һүҙ яҙғас та, “быға ҡарата ни әйтерҙәр икән?” тип шөбһәләнергә яратҡан һөнәр эйәһе. Шуға күрә тарихта тороп ҡалырға һанаулы ғына сәғәттәр ҡалған йылда “Башҡортостан” гәзите коллективының ниҙәр башҡарғанына ҡыҫҡаса байҡау яһарға ваҡыт етте.
2013 йылдың тәүге һанында “Быйыл беҙҙе ниҙәр көтә?” тигән һөйләм менән башланып киткән мәҡәлә донъя күргәйне. Аллаға шөкөр, ғүмер булғас ни, беҙҙе көткән хәл-ваҡиғаларҙың нисек булып уҙғаны хәҙер ап-асыҡ билдәле. Һанай башлаһаң, алдан фаразланған һәм көтмәгәндә килеп сыҡҡан ваҡиғалар иҫ киткес күп. Гәзит уларҙың иң әһәмиәтлеләрен һәр саҡ яҡтыртып барырға, күҙ уңынан ысҡындырмаҫҡа тырышты. Был осраҡта беҙ ҡайһы бер “һары матбуғат” баҫмалары кеүек байҙарҙың нисек шашып ҡыланыуы тураһында түгел, ә халыҡтың аһ-зары, ауылдарыбыҙҙың киләсәге, туған телебеҙ һәм мәҙәниәтебеҙҙең бөгөнгө хәле, тыуған тупрағыбыҙҙың яҙмышы, милләттең дөйөм матди хәле хаҡында үҙ йөрәгебеҙ аша үткәреп яҙҙыҡ.
Ком: 0 // Уҡынылар: 524 тапҡыр // Тотош уҡырға
Яңы йыл байрамы алдынан Бөрйән районы тарихында мөһим ваҡиға – Иҫке Собханғолда физкультура-һауыҡтырыу комплексын асыу тантанаһы булды. Унда Башҡортостан Президенты Хакимиәте етәксеһе Сергей Молчанов, «БашРегионСтрой» йәмғиәтенең генераль директоры Ирек Әхмәҙуллин, Башҡортостан Дәүләт Йыйылышы – Ҡоролтай депутаты Илдар Ғәбитов, район хакимиәте башлығы Динир Әхмәтйәнов һәм башҡа мәртәбәле ҡунаҡтар ҡатнашты.
Ком: 0 // Уҡынылар: 529 тапҡыр // Тотош уҡырға
“Сулпылар”ҙың көмөш сыңыСеңгер-сеңгер
Сыңлай көмөш сулпылар.
Һәр сулпыла моңло йырҙың,
Йә бейеүҙең уты бар! —
ти “Тамыр” балалар вокаль ансамбле йырсылары. Ырым буйынса, сулпы сыңы хатта яуыз көстәрҙе ҡасырыр булған. Бындай ерҙә, тимәк, тик яҡшылыҡ, матурлыҡ йәшәгән.
Ком: 0 // Уҡынылар: 1019 тапҡыр // Тотош уҡырға
Ҡустым менән шыршыға
Уйынсыҡтар теҙәбеҙ.
Бергәләшеп эшләгәс,
Рәхәт, күңелле һәм тиҙ.
Ком: 0 // Уҡынылар: 638 тапҡыр // Тотош уҡырға
Физкультура дәресен
Бик ярата балалар —
Ошо дәрес етеүен
Һәр саҡ көтөп алалар.
Ком: 0 // Уҡынылар: 708 тапҡыр // Тотош уҡырға
Аҡбуҙат сыҡҡан төйәктә...Ах! Был тәбиғәт мөғжизәһенә һоҡланып туймаҫлыҡ: йылҡылдап торған тәне ҡояш нурына сағыла, һәр быуын-һеңере көс-ҡеүәт бөркә, ҡар сәсрәткән тояҡтар, юртҡанда ялпылдаған ял, юғары сөйөлгән баш, үткер ҡараш, ҡайсыланған ҡолаҡтар...
— Бына ниндәй бит ул беҙҙең Фургат! — ти ферма мөдире Вера Морозова. Уның тауышында эске ғорурлыҡ, ниндәйҙер кимәлдә тулҡынланыу ҙа һиҙелә ине. — Быйыл ғына алдыҡ. Киләсәктә ярышҡа әҙерләмәксебеҙ. бындай юртаҡ менән әллә нимәләр ҡыйратып була...
Фургат — инглиз тоҡомло айғыр. Туймазынан алғандар. Йәш әле: хәйлә белмәйенсә бар көсөнә юрта, эргә-тирәләге кешеләрҙе лә аңлап бөтмәй, бәй, нишләп мине оҙон арҡанда йүгертәләр әле тигән шикелле ҡарап ала ла тағы түңәрәк буйлап сабырға керешә. Ә арыраҡ — бер үк ваҡытта алынған урыҫ ауыр йөк тартыусы тоҡомло "Свояк" кәртәгә һыймай үрһәләнә. Уның да сыҡҡыһы, дала, тау һырттары буйлап ҡыштың әсе еле менән ярышҡыһы киләлер. Икеһе лә — тоҡом арттырыусы, ҡан алыштырыусы. Хужалыҡҡа табыш килтереүсе лә, тип өҫтәйек. "Восход" йәмғиәте отошло тармаҡты, йүнәлеште һайлаған икән, саф тоҡомло айғырҙарһыҙ булмай.
Ком: 0 // Уҡынылар: 832 тапҡыр // Тотош уҡырға
Артҡа 1 2 3 4 5 6 7 8 9 10 ... 40 Алға
Бит башына