Башҡортостан Президенты Рөстәм Хәмитов исеменә БДБ, сит илдәрҙә йәшәгән ватандаштарыбыҙ эштәре һәм халыҡ-ара гуманитар хеҙмәттәшлек буйынса федераль агентлыҡ етәксеһе Константин Косачевтан рәхмәт хаты килде.
Ком: 0 // Уҡынылар: 528 тапҡыр // Тотош уҡырға
Хеҙмәтенә күрә — хөрмәтеРәсәй Федерацияһы Президенты Указына ярашлы, агросәнәғәт комплексын үҫтереүҙәге хеҙмәттәре һәм оҙаҡ йылдар намыҫлы эшләгәне өсөн Саҡмағош районындағы “Базы” ауыл хужалығы кооперативының машина менән һауыу операторы Никифирова Мария Дәүләтбай ҡыҙына — “Рәсәй Федерацияһының атҡаҙанған ауыл хужалығы хеҙмәткәре”, ватан телевидениеһын, радио тапшырыуҙарын, матбуғатын үҫтереүҙәге хеҙмәттәре, күп йыллыҡ һөҙөмтәле эшмәкәрлеге өсөн Башҡортостан Фәндәр академияһы филиалы — “Ғилем” нәшриәте директоры Тикеев Фаил Солтан улына “Рәсәй Федерацияһының атҡаҙанған мәҙәниәт хеҙмәткәре” тигән маҡтаулы исем бирелде.
Ком: 0 // Уҡынылар: 475 тапҡыр // Тотош уҡырға
Башҡортостан Хөкүмәте бойороғо менән Премьер-министр урынбаҫарҙары, министрлыҡ, дәүләт комитеттары, ведомстволар етәкселегенең быйыл беренсе кварталда граждандарҙы күсмә ҡабул итеү графигы раҫланды.


22 ғинуарҙа Сибайҙа ҡала халҡы менән Лилиә Ғүмәрова осраша, 23 ғинуарҙа Салауатта Рөстәм Мәрҙәнов ҡабул итә, 24 ғинуарҙа ҡыйғылар Илшат Тажетдинов менән аралаша, 13 февралдә дүртөйлөләргә — Эрнст Исаев, ә ишембайҙарға Евгений Маврин килә, 20 февралдә Марат Мәһәҙиев — Туймазы, 27 мартта Дмитрий Шаронов Йылайыр районына юллана.
Ком: 0 // Уҡынылар: 469 тапҡыр // Тотош уҡырға
Ғинуарҙа Өфөлә Эшҡыуарҙар союзы йүнселлек мәсьәләләре буйынса бушлай консультация ойоштора.

21 ғинуарҙа “Бәләкәй эшҡыуарлыҡ предприятиеларында кадрҙарға бәйле документтар әйләнеше” тигән темаға һөйләшеү күҙаллана. “Бизнес Ярҙам” яуаплылығы сикләнгән йәмғиәте белгесе Елена Әминева йүнселдәрҙең һорауҙарына яуап бирә. Сара көндөҙгө сәғәт 4-тә башлана.
Ком: 0 // Уҡынылар: 593 тапҡыр // Тотош уҡырға
Фәйзи Ғәскәров исемендәге дәүләт академия халыҡ бейеүҙәре ансамбле Сочиға сәфәргә әҙерләнә. Улар 11 — 15 февралдә Башҡортостандың сәнғәте менән таныштырасаҡ. Сараға бөтә Рәсәйҙән 100-гә яҡын ижади коллективтың килеүе көтөлә.
Ком: 0 // Уҡынылар: 598 тапҡыр // Тотош уҡырға
Табиптарҙың ике бригадаһы Башҡортостан хирургтары ассоциацияһы наградаһы — “Алтын скальпель”гә эйә булды.


Республика һаулыҡ һаҡлау тарихында беренсе тапҡыр йөрәкте күсереп ултыртҡан өсөн Федераль трансплантология һәм яһалма органдар ғилми үҙәгенең бүлек мөдире, медицина фәндәре докторы, профессор Ринат Сәйетгәрәев етәкселегендәге Республика кардиология диспансеры хирургтары ошондай юғары баһаға лайыҡ булды.
Ком: 0 // Уҡынылар: 510 тапҡыр // Тотош уҡырға
Ут сәсрәтә тимерсе
Былтыр гәзитебеҙ биттәрендә йыл буйы дауам иткән “Һөнәрмән” конкурсын күпселек уҡыусыларыбыҙ онотоп өлгөрмәгәндер әле. 10 декабрҙә М. Ғафури исемендәге Башҡорт дәүләт академия драма театрында ошо конкурстың йомғаҡлау туры ла шаулап-гөрләп уҙҙы. Ләкин гәзит тарихында беренсе тапҡыр үткәрелгән был сара хаҡында тағы яҙырға тура килә...


Эш шунда: приздарҙы алырға барлыҡ оҫталар ҙа килеп етә алманы. Кемдер сирләп киткән, кемдер алыҫ сәфәрҙә...
Ком: 0 // Уҡынылар: 588 тапҡыр // Тотош уҡырға
Балаңды ла, ата-әсәңде лә ҡара
Федераль суд приставтары хеҙмәтенең Башҡортостан буйынса идаралығы журналистарҙың "Закондың көсө — үтәлешендә" тигән ижади конкурсында еңеүселәрҙе бүләкләне.


Бер юлы идаралыҡтың былтырғы эшенә йомғаҡ та яһалды. Ведомство етәксеһе, республиканың баш суд приставы Зариф Байғусҡаров журналистарҙың һорауҙарына яуап бирҙе.
Былтыр идаралыҡ тәртип боҙоусыларҙан 7,5 миллиард һум аҡса түләтеүгә өлгәшкән. Шуларҙың 2,7 миллиарды Рәсәй Федерацияһы бюджетына күсерелгән. Бөтәһе 1,6 миллион эш ҡарала башлаған, 486 меңе аҙағына еткерелгән тиерлек.
Ком: 0 // Уҡынылар: 527 тапҡыр // Тотош уҡырға
Бына бер нисә йыл инде ике сетерекле проблеманы хәл итә алмай йонсойом. Район етәкселәренең күбеһендә булдым. Мин күтәргән мәсьәләләрҙе хуплап ҡаршы алалар, ярҙам итергә вәғәҙә бирәләр, әммә оноталар.


Архангел районының Оҙондар ауылында ике һәйкәл бар. Береһе Икенсе бөтә донъя һуғышында ҡорбан булған 113 яугиргә арналған. Уға урындағы урта мәктәп уҡыусылары шефлыҡ итә. Бөйөк Еңеү көнөн ошонда үткәреү матур йолаға әүерелгән. Был тантанала үҙем дә ҡатнашам, сығыш яһайым.
Ком: 0 // Уҡынылар: 426 тапҡыр // Тотош уҡырға
Пенсияға сығыу йәшен арттырыу Рәсәй өсөн ҡулай түгел, тигән фекерҙә илдең хеҙмәт һәм социаль яҡлау министры Максим Топилин.


— Ғүмер оҙайлығы 75 — 80 йыл тәшкил иткән илдәрҙә генә, ҡағиҙә булараҡ, пенсияға сығыу йәше юғары. Рәсәйҙә әлегә был күрһәткес — 70. Шуға күрә пенсия йәшен арттырыу Рәсәй өсөн ҡулай тип әйтеп булмай, — тине министр.
Рәсәйҙең Хеҙмәт һәм социаль яҡлау министрлығы сайтында хәбәр ителеүенсә, пенсия системаһын оҙайлы үҫтереү стратегияһы нигеҙендә эшләнгән һәм декабрь айында ҡабул ителгән закондар хаҡлы ялға сығыу йәшен арттырыуҙы күҙ уңында тотмай.
Ком: 0 // Уҡынылар: 530 тапҡыр // Тотош уҡырға
Артҡа 1 2 3 Алға
Бит башына