Мәҙәниәт йылы башланды!Президент Рөстәм Хәмитов республикабыҙҙың Милли музейында сәнғәт әһелдәре менән осрашты. Башҡортостандың төрлө төбәгендәге мәҙәниәт усаҡтарынан килгән вәкилдәр үҙҙәрен борсоған мәсьәләләр хаҡында фекер алышты, тәҡдимдәрен еткерҙе. Рөстәм Хәмитов республикабыҙҙа мәҙәниәт өлкәһе иғтибар үҙәгендә тороуын, уны үҫтереү буйынса һәр йәһәттән дә ярҙам буласағын әйтте. “Ижад кешеләре дәүләт ярҙамынан мәхрүм ҡалмаясаҡ”, — тип белдерҙе Президент.

(Был хаҡта тулы мәғлүмәтте — киләһе һанда, ә Мәҙәниәт йылына арнап үткәрелгән “түңәрәк өҫтәл”дә ниндәй мәсьәләләр күтәрелеүе тураһында "Әҙәмиәт йәне — мәҙәниәт" тигән материалда уҡығыҙ).
Ком: 0 // Уҡынылар: 768 тапҡыр // Тотош уҡырға
Йәшәйешебеҙ бизмәненең матдилыҡ яғы көндән-көн ауырыраҡ тарта бара. Ҡайһы саҡта фәҡәт шул бизмәндең матдилыҡ касаһын тултырыу менән генә шөғөлләнәбеҙ һымаҡ. Тегенеһе кәрәк, быныһы кәрәк — матди "кәрәк"тәр тулған йөрәктәрҙә әхлаҡ, әҙәп юғала, кешенең мәҙәни сифаттары, рухиәте һайыға.
Быйыл — илебеҙҙә, республикабыҙҙа Мәҙәниәт йылы. Ошо уңайҙан "Башҡортостан" гәзите редакцияһы “түңәрәк өҫтәл” үткәрҙе. Унда Башҡортостандың Журналистар союзы рәйесе урынбаҫары Фәнил Ҡоҙаҡаев, Салауат Юлаев исемендәге дәүләт премияһы лауреаты, яҙыусы Ринат Камал, билдәле журналист, филология фәндәре кандидаты Сәлимйән Бәҙретдинов, күренекле шағирә Зөһрә Ҡотлогилдина, Шәйехзада Бабич исемендәге дәүләт йәштәр премияһы лауреаты, ҡумыҙ оҫтаһы Миңлеғәфүр Зәйнетдинов ҡатнашты.
Ком: 0 // Уҡынылар: 1254 тапҡыр // Тотош уҡырға
Ҡағыҙҙа ғына ҡалмаһын ине
Башҡорт дәүләт университетының Сибай институтында Бөтә донъя башҡорттары ҡоролтайының башҡарма комитеты менән берлектә мәғариф тураһында яңы ҡануниәт шарттарында туған телдәрҙе өйрәтеү мәсьәләләренә арналған төбәк-ара фәнни-ғәмәли конференция булды.


Сараға, сибайҙарҙан тыш, Баймаҡ, Әбйәлил, Белорет, Хәйбулла, Архангел райондарынан, Өфө, Стәрлетамаҡ ҡалаларынан ҡунаҡтар саҡырылғайны. Фекер алышыуҙа БДУ-ның Сибай институты директоры Зиннур Йәрмөхәмәтов, Бөтә донъя башҡорттары ҡоролтайының башҡарма комитеты рәйесе, Дәүләт Йыйылышы — Ҡоролтай депутаты Румил Аҙнабаев, республика мәғариф министрының беренсе урынбаҫары Руслан Хәбибов һәм башҡалар ҡатнашты.
Ком: 0 // Уҡынылар: 720 тапҡыр // Тотош уҡырға
Тарихты ижад итәләрме?
Яңы уҡыу йылынан мәктәптәрҙә Ватан тарихы программа буйынса түгел, ә концепцияға ярашлы өйрәнелә башлаясаҡ. Рәсәйҙең мәғариф министры Дмитрий Ливановтың аңлатыуынса, яңы дәреслектәр яҙыу өсөн йыл ярым-ике йыл ваҡыт кәрәк. “Быға саҡлы ҡулланылған дәреслектәргә ни булған һуң?” тигән һорау тыуыуы тәбиғи.


Эш шунда: үҙгәртеп ҡороу осоронда һәм уның дауамы булған баҙар иҡтисады дәүерендә ил тарихында бик күп “аҡ тап” барлығы, Рәсәй йылъяҙмаһын нисек уңайлы, шулай боҙоп күрһәтеү, бер яҡлы аңлатма биреү күренештәренең бихисаплығы асыҡланды. Уларҙы танымай, етешһеҙлек һәм хаталарҙы төҙәтмәй тороп, үҫеп килеүсе быуынға тарихи белем биреүҙе объектив нигеҙгә ҡороп булмай ине.
Ком: 0 // Уҡынылар: 608 тапҡыр // Тотош уҡырға
Шор халҡының яҙмышы янамаһын
Шундай шәхестәр була – йөрәктәрендә йәшәгән рухи ялҡын уларҙың күҙҙәрендә лә, һүҙҙәрендә лә, башҡарған эштәрендә лә сағыла. Ғалим-этнограф Мирза МУЛЛАҒОЛОВТЫ ла мин тәү күреүҙән шундайҙар рәтенә индерҙем. Был осраҡлы түгел: "Башҡорттарҙа урман кәсебе", "Собирательство и рыболовство у башкир", "Башкирский народный транспорт XIX — начала XX веков" кеүек ғилми эштәре, йөҙҙән ашыу фәнни мәҡәләһе менән киң танылған ғалим, Раил Кузеев исемендәге премияның беренсе лауреаты бөгөн дә һис тынғы белмәй, эш өҫтөндә. Мәҫәлән, былтыр ғына уның "Башҡорттарҙа ыласын һунары" тип аталған хеҙмәте донъя күрҙе һәм беҙҙе тарихыбыҙҙың әлегәсә асылып етмәгән биттәре менән таныштырҙы.
Эйе, оҙайлы хеҙмәт йылдарында Мирза Ғизетдин улы һәр ваҡыт халыҡ араһында булды, милләтебеҙҙең көнкүрешен, уның холоҡ-фиғелен тәрәндән өйрәнде. Алыҫ Бөрйән районының тауҙар ҡуйынына һырынып ултырған бәләкәй генә ауылында, ябай халыҡтың тын алышын ишетеп, ул кисергәнде үҙ йөрәге аша үткәреп үҫеүе лә уның тап этнография йүнәлешендә емешле эшләүенә булышлыҡ иткәндер. Шуға ла бөгөн ғалим менән тәбиғәтебеҙҙең киләсәген уйлап, экологиябыҙҙы хәстәрләп ҡорған әңгәмәбеҙ гәзит уҡыусылар өсөн бер ҙә сәйер тойолмаҫ, һәм уларҙа ошо етди мәсьәләгә ҡарата өр-яңы фекерҙәр уяныр тип ышанабыҙ.
Ком: 0 // Уҡынылар: 848 тапҡыр // Тотош уҡырға
Коммуналь хеҙмәттәр хаҡының артыуына бәйле компенсация түләү быйылғы тәүге алты айҙа ла дауам итәсәк. Был ябай халыҡ тарифтар артыуҙың эҙемтәһен еңелерәк кисерһен өсөн эшләнә.


Республика Президентының ҡарары буйынса, коммуналь хеҙмәттәр өсөн түләүгә компенсация былтыр 1 июлдән тәғәйенләнеп, йыл аҙағынаса ғәмәлдә ҡалды. Бюджеттан ошо маҡсатҡа яҡынса миллиард һум сарыф ителгән булһа, уның күләме бер йортҡа 200-400 һумтирәһе тура килгәйне.
Ком: 0 // Уҡынылар: 713 тапҡыр // Тотош уҡырға
Түлә лә тыныс йоҡлаБюджетты тулыландырыу маҡсатындамы, юғары инстанцияларҙа ышандырырға тырышҡандарынса, донъя иҡтисади көрсөгө ҡағылмаһын өсөн ил яҙмышын, халыҡтың көнкүрешен алдан хәстәрләпме, төрлө “кеҫә”ләрҙе ҡапшап ҡарай башланылар — ҡайҙан аҡса алып булһа, шунан “киҫергә”, “ҡулайлаштырырға” тотондолар. Әсе телле бәғзеләр әйтеүенсә, тәмәке тартыуға ҡарата штрафтар артыуы етмәне, спиртлы эсемлектәргә, аҙыҡ-түлектең ҡайһы бер төрөнә, йомортҡа, һөт ризыҡтарына хаҡ күтәрелде. Юҡҡа хафаланабыҙ икән дәһә, барыһы ла ябай халыҡ өсөн эшләнгәнен аңламайбыҙ: бөтә нәмәгә бөгөн хаҡ һикерҙе ниһә, ике-өс айҙан пенсияға проценттар өҫтәләсәк, бюджет өлкәһендә эшләүселәрҙең устары аҙыраҡ йылынасаҡ тигән һүҙ бит. Әйткәндәй, һуңғылары тураһында фекер йөрөткәндә, ни өсөндөр медицина менән мәғариф өлкәһе, хоҡуҡ һаҡлау органдары хеҙмәткәрҙәре генә хәстәрләнә килде. Ярай әле уҙған йыл аҙағында мәҙәниәтте лә ҡуштылар.
Ком: 0 // Уҡынылар: 549 тапҡыр // Тотош уҡырға
“Панорама Башкортостана” журналы редакцияһы Рәсәй Хөкүмәте ҡарамағындағы Финанс институтының Өфө филиалы менән берлектә торлаҡ, страховка һәм финанс мәсьәләләренә асыҡлыҡ индергән брошюралар нәшер итте.


“Торлаҡ мәсьәләһен нисек хәл итергә?” тигән махсус сығарылышта йорт һатып алыуҙың төп ысулдары билдәләнә. Ошоға бәйле ипотека кредитлауының, торлаҡ кооперативына инеүҙең, төҙөлөштә өлөшләтә ҡатнашыуҙың төрлө йүнәлештәре ҡарала. Шунда уҡ Башҡортостанда ғәмәлгә индерелгән торлаҡ төҙөү һаҡламы системаһы хаҡында ла мәғлүмәт табырға мөмкин. Брошюрала ғәмәлдәрҙең эҙмә-эҙлеклелеге, теге йәки был алымдың ыңғай һәм кире яҡтары, хәүефтән һаҡланыу саралары ла билдәләнә.
Ком: 0 // Уҡынылар: 791 тапҡыр // Тотош уҡырға
Башҡортостан яңы Сингапурға әүерелерме? 50 йыл элек кенә Сингапур артта ҡалған колониаль дәүләт, “өсөнсө донъя” иле ине. Бөгөн ул баҙар иҡтисады үҫешкән, эшҡыуарлыҡ өсөн уңайлы шарттар булдырылған, һалым сәйәсәте отошло дәүләттәрҙең береһенә әүерелгән.


Уңыштарға сит ил инвестицияһын йәлеп итеү юлы менән өлгәшелә бында. Капиталдың ҙур өлөшө Джуронг утрауындағы ҙур нефть химияһы кластерын үҫтереүгә йүнәлтелә. Бөгөн Джуронг — Хьюстон менән Роттердамдан ғына ҡалышҡан ҙур үҙәк. “Сингапур иҡтисади мөғжизәһе” күптәрҙе ылыҡтыра. Шуға күрә капиталистик диктатор Ли Куан Юның идеяларын Рәсәй ысынбарлығына яраҡлаштырыу ниәте лә юҡ түгел.
Ком: 0 // Уҡынылар: 592 тапҡыр // Тотош уҡырға
Юғары хоккей лигаһында уйнаған “Торос” командаһы йылды уңышлы ғына башлап ебәрҙе, тип әйтергә була. Ул ғинуарҙағы уйындарҙың барыһында ла тиерлек еңеүгә өлгәште.


Осрашыуҙарҙың тәүге өсәүһе Нефтекама боҙонда уҙҙы. Беренсе дәғүәсене — Красноярск ҡалаһының “Сокол”ын — беҙҙең хоккейсылар 3 ғинуарҙа “ҡоро” ғына (2:0) еңде, ә үҙҙәре өсөн “уңайһыҙыраҡ” һаналған “Ермак” командаһынан (Ангарск ҡалаһы) шундай уҡ иҫәпкә отолдо. Миҙгел башындағы уйындарҙы иҫкә төшөрһәк, киреһенсә, былтыр октябрҙәге тәүге алышта “Сокол” үҙ майҙанында көслөрәк булғайны (4:2), ә “Ермак” Ангарск боҙонда 2:3 иҫәбенә еңелгәйне.
Нефтекама хоккейсылары Ҡаҙағстандың Усть-Каменогорск ҡалаһынан “Казцинк-Торпедо” менән дә ике уйын үткәрҙе. Былтыр октябрҙә дәғүәсеһенең боҙонда осрашҡанда 3:1 иҫәбенә еңгән “Торос” быйыл 7 ғинуарҙағы алышта ла, үҙ көйәрмәндәренә оло шатлыҡ бүләк итеп, ҡунаҡтарҙы ҡоро иҫәпкә (6:0) ҡыйратты.
Ком: 0 // Уҡынылар: 512 тапҡыр // Тотош уҡырға
Артҡа 1 2 3 4 Алға
Бит башына