Ком: 0 // Уҡынылар: 1291 тапҡыр // Тотош уҡырға
-Ҡулдары тартышҡыр, бөгәсә һарайымдан аҡтыҡ һарығымды алып сыҡҡандар. Тамаҡтарына арҡыры торһон!
Иртән һәш тә һәш килеп һыйырҙарын көтөүгә ҡыуған бисә-сәсәгә Шәмсинур әбейҙең тәүге һүҙе шул булды. Тегеләренә был етә ҡалды. Кемеһелер, ай аллаҡайым, тип усын ботона шапылдата һуҡты, икенселәре ҡасандыр шундай уҡ ҡазаға тарыуын иҫенә төшөрҙө, уғрыларҙы эттән алып беткә һалып һүкте.
– Берәүҙең эсен тиште инде.
– Ҡуй инде, ҡуй, әллә ниндәй заман тыуҙы. Элек мәңге ишек бикләй белмәнек, энәбеҙ ҙә юғалмай торғайны. Хәҙер ишек түгел ҡапҡаны асыҡ ҡалдырыр әмәл юҡ.
– Теге ваҡыт һуң! Һарайҙан баҫып ятҡан ҡаҙымды алып сыҡтылар бит. Шунан бирле мына ҡаҙ уңдыра алғаным юҡ.
– Минең һуҡыр тауығым да ҡалманы бит!
Ком: 0 // Уҡынылар: 779 тапҡыр // Тотош уҡырға
Баш ҡаланың ҡапҡаһы ҡырҡ
Ҡәҙерле гәзит уҡыусыларыбыҙ!
Һәр төбәктең йөҙөн билдәләгән, уға күркәмлек өҫтәгән тарихи һәм иҫтәлекле урындары була. Ғәҙәттә, олоһо ла, кесеһе лә шунда юл тота, иҫтәлеккә фотоға төшә.


Мәҫәлән, Мәскәү һынлы Мәскәүгә сәфәр ҡылып та, Кремлде һәм Ҡыҙыл майҙанды, Санкт-Петербургта булып та, Эрмитаж менән Ҡышҡы һарайҙы, Сочиға юлланып та, Дендрарий паркын күрмәй ҡайтыу ҡайһылай үкенесле булыр ине. Ә Салауат Юлаев һәйкәле, Халыҡтар дуҫлығы монументы һәм башҡа урындар – Өфөлә йәшәүселәрҙең генә түгел, ҡунаҡтарҙың да яратҡан ере. Бынан тыш, бигүк күҙгә салынып бармаған, әммә үҙенсәлекле архитектуралы йорттарға йәки бүтән иҫтәлекле, тарихи ҡомартҡыларға ла бай баш ҡалабыҙ. Эргәләренән көн дә тиерлек үтеп-һүтеп йөрөһәк тә, ҡайһы бер осраҡта иғтибарыбыҙҙан ситтә лә ҡалдырабыҙ шикелле. Ә уларҙың барыһы ла ҡалабыҙға биҙәк өҫтәүен онотмайыҡ...
Ком: 0 // Уҡынылар: 591 тапҡыр // Тотош уҡырға
Һайрай ҙа һайрай һандуғас...
Бөгөн йыр сәнғәтендә яңынан-яңы исемдәр барлыҡҡа килә. Кесерәк быуындың да сәнғәткә ынтылыуы — шатлыҡлы күренеш. Шулар араһында – үҙенең көй-моңо менән тамашасы мөхәббәтен яулап килгән ун йәшлек Айбулат Ғиләжетдинов. Бәләкәй булыуына ҡарамаҫтан, Илеш данын таратҡан малай ул! Район мәҙәниәт һарайында уҙған "Яҙғы тамсылар" конкурсында беренсе урынды ала, Борайҙа, Асҡында икенсе урынға лайыҡ була, Ағиҙелдә "Яҙғы тамсылар" конкурсында йәнә беренсе урынды яулай. Октябрьскийҙа иһә ҡурай менән ике тапҡыр III урынды ала.
Ком: 0 // Уҡынылар: 686 тапҡыр // Тотош уҡырға
"Сабиров иртәнән бирле бер мәсьәләне сисә алмай бутала.
— "Аға" тигән һүҙ һәйбәтме, әллә "ағай" тигәнеме?
— "Ағай" тигән, — ти ул, — беҙҙең башҡортса дөрөҫөрәк кеүек.
Беҙҙең халыҡ бит "аға" тип йөрөмәй. Бына минең атай ҙа "Фәрхетдин ағай", "Мөҙәрис ағай", фәлән ағай, төгән ағай тип йөрөтә торғайны, ләкин бит үҙеңдең директорыңа ағай тип әйтеүе әллә нисек. Йәбешеп етмәй. Ул әле фәҡәт һинән оло, йәшкә ҙур булыуын ғына аңлата. Мәҫәлән, сторож Дәүләтов ҡарт инде. Оло кеше. Ләкин положениеһы менән минән күп түбән булһа ла, йәшенә була, бер ун йыл алдан тыуғанлығына була, ағай тип йөрөтөргә мәжбүрһең. Мәжбүр булмаһаң да, шулай әйтеү кәрәк. Ә бына директорға нисек әйтергә: "ағай" типме, "аға" типме?
Ком: 0 // Уҡынылар: 638 тапҡыр // Тотош уҡырға
Тыуған ауылым Нәбиҙең саҡрымдан ашҡан үҙәк урамы Әйүп Һатыбалов исемен йөрөтә.
– Кем һуң ул был тиклем ҙур хөрмәткә лайыҡ уҙаман?
– Тарихи шәхестәр, яҙыусы, артист халҡы араһында ундай исемдең осрағаны юҡ шикелле...
Ауылыбыҙға тәүгә килеүселәр ауыҙынан шундайыраҡ һорауҙарҙы ишеткеләргә тура килә.
– Ошонда тыуып, ошонда үҫкән үҙ кешебеҙ ине ул, – тип яуаплай күптәр. Бындай яуап менән ҡәнәғәтләнмәй:
– Кем һуң ул Һатыбалов? – тип ныҡышҡандарға тулыраҡ яуап бирергә лә тура килә.
Ком: 0 // Уҡынылар: 664 тапҡыр // Тотош уҡырға
Ул үҙ тормошо хаҡында гәзиткә яҙыуҙы һорағайны. Берәйһе, бәлки, аңлар, кемдер ғәйепләр, ҡайһылары үҙенә һабаҡ алыр, тип өҫтәгәйне. Кеше яҙмышын фашлауҙы хупламағанлығымды иҫәпкә алып, исемдәрҙе үҙгәрттем.


Рәғиҙә – ябай ауыл ҡыҙы. “Ауыл” тигән һүҙҙе ҡулланғанда әллә ни эшләп шул “ябай” тигәне лә йәбешеп ҡуя. Ысынлап та, эскерһеҙ, эшһөйәр, ярҙамсыл кешеләр йәшәй ауыл ерендә. Рәғиҙә ғаиләлә тәүге бала була. Ата-әсәһе көнө-төнө тигәндәй колхоз эшенән бушамай. Йорт-ҡура, хужалыҡ йөгө ҡыҙ елкәһенә төшә. Нисек кенә булмаһын, тормошоноң иң бәхетле мәлдәре шул осорҙа – балалыҡта – ҡалған икән. Ашнаҡсы, тегенсе һөнәрҙәрен үҙләштерә. Ҡала мөхитенең еле лә ҡағылмай үтмәй уға. Әллә оло мөхәббәткә ышаныу, әллә тәкәбберлек, әллә яңылышлыҡ арҡаһында ун һигеҙ йәшендә урыҫ егетенә кейәүгә сыға һала. Башҡа милләт менән ҡан ҡушыуҙы мөрхәтһенмәгән туған-тыумасаһы күнә.
Ком: 0 // Уҡынылар: 622 тапҡыр // Тотош уҡырға
Йылы һүҙ – йән аҙығы
– Һаумыһығыҙ, хәлдәрегеҙ нисек? Бөгөн нисек йоҡланығыҙ? Ҡан баҫымығыҙ һәйбәтләндеме?
Көн дә шундай яғымлы һүҙҙәр менән йылмайып-көлөп ҡаршылай ауырыуҙарҙы Совет районының 48-се поликлиникаһында урынлашҡан көндөҙгө стационарҙың мөдире Ирина Моратова.


Юғары категориялы табип, Башҡортостандың һаулыҡ һаҡлау отличнигы, 30 йылдан ашыу медицина өлкәһендә эшләгән кешенең ауырыуҙар менән мөғәмәлә итеү тәжрибәһе етерлек. Ысынлап та, уның һүҙҙәре йөрәккә май булып яғыла. Ә ауырыуҙар өсөн был – иң мөһиме. Бөгөн ошондай табиптарҙың булыуы һөйөнөслө. Юғиһә, бәғзеләренең тупаҫ һөйләшеүен ишетмәҫ өсөн генә дауаханаға бармай ҡалаһың ҡайһы ваҡытта.
Ком: 0 // Уҡынылар: 838 тапҡыр // Тотош уҡырға
2014 йылдың тәүге яртыһында республика халҡына коммуналь хеҙмәттәр өсөн адреслы социаль түләү шәхси ғариза буйынса ғына бирелә, тип һөйләйҙәр. Ошо хаҡта асыҡлап яҙһағыҙ ине.

А. ШӘРИПОВА.

Бөрө ҡалаһы.


Гәзиттең үткән һандарында был турала яҙғайныҡ инде. Өҫтәп шуны әйтеү кәрәк: компенсацияны торлаҡ-коммуналь хеҙмәттәр өсөн түләнгән дөйөм хаҡ былтырғы июнь айындағы менән сағыштырғанда 12 процентҡа (йәки 15 процентҡа – электр һәм газ тәьминәте өҫтөнлөк иткәндә) артҡан осраҡта ғына алыу мөмкинлеге бар. Өҫтәүенә, торлаҡ һәм коммуналь хеҙмәттәр өсөн бурыстың булмауы ла иҫәпкә алына. Хаҡ артымы ғаиләнең дөйөм килеменең 20 проценттан ашыуын тәшкил итһә, субсидия мотлаҡ түләнергә тейеш.
Ком: 0 // Уҡынылар: 552 тапҡыр // Тотош уҡырға
Һәр нәмәгә ҡарата һаҡсыл ҡараш булғанда ғына беҙ ата-бабалар мираҫ итеп ҡалдырған серле, үҙенсәлекле төҙөлөшлө, күптәр күңелендә ҡыҙыҡһыныу уятҡан, айырыуса әһәмиәтле ҡомартҡыларҙы һаҡлап, йәш быуынға тапшыра аласаҡбыҙ.


Аллаға шөкөр, бөгөнгә тиклем милләтебеҙ зыялыларының тырышлығы, әүҙем хәрәкәте арҡаһында тәбиғи ҡомартҡылар — Таш өй (Шүлгән мәмерйәһе), Мораҙым һәм Яуымбай мәмерйәләре, изге Торатау, Тарыуал һәм Айҙа болон яландары, Хәйбулла районының Мәмбәт ауылы эргәһендә уникаль ҡоролма-таш мәсеттәр, Йылайыр районының Ҡаҙырша ауылы эргәһендә Пәйғәмбәр ташы, йәғни уның уң аяғының эҙен күрһәткән изге таш һәйбәт һаҡлана.
Ком: 0 // Уҡынылар: 577 тапҡыр // Тотош уҡырға
Артҡа 1 2 3 Алға
Бит башына