Шаршау күтәрелде "— Нимә-ә?! Ниндәй детдом? — Әлиәнең йөҙө үҙгәреп китте, бына-бына күҙ йәштәре сығыр төҫлө. Үҙемде иң көсһөҙ кеше итеп тойҙом шул мәлдә. Эйе, көсһөҙ. Алдағы көндәремде, ҡайҙа йәшәйәсәгемде, кем менән аралашасағымды үҙем билдәләй алмайым бит. Ҡайҙалыр өҫтән берәү һинең менән идара итә кеүек". Был юлдарҙы мин йәш яҙыусы Айгиз Баймөхәмәтовтың "Ҡалдырма, әсәй!" исемле повесынан ("Китап", 2013) алдым. Китаптың йөкмәткеһен ошо әҫәр һәм Салауат Әбүзәрҙең "Төйөрһөҙ тәүге ҡоймаҡ" тип аталған фатихаһы тәшкил итә.
Повестың геройы — замандашыбыҙ Ильяс Мөхәмәтов. Үлем менән ҡунаҡ һорап килмәй тигәндәй, ата-әсәһенең ваҡытһыҙ донъя ҡуйыуы арҡаһында үкһеҙ етем ҡалған бала яҙмышы. Етегәндәй ете бала, шуларҙың береһе — Ильяс. Диңгеҙҙә, өйөрмәлә ҡалған капитанһыҙ карапты хәтерләтте миңә хужаларһыҙ ҡалған йорт. Кем теләй, шул килеп инә, бала күңелен аңларға тырышыу, йыуатыу урынына — тартҡыслайҙар, алдайҙар, ҡайҙалыр һөйрәкләйҙәр, бикләйҙәр, битәрләйҙәр.
Ком: 0 // Уҡынылар: 2106 тапҡыр // Тотош уҡырға
Һәр дәүер  гәзите менән көслө Матбуғат ҙур ҡеүәткә эйә. Шуның өсөн дә борон-борондан, бәләкәй генә дәүләтме, милли ойошмамы, барыһы ла иң элек гәзитен булдырған, йәғни үҙе хаҡында барлыҡ донъяға хәбәр таратҡан. Һәр баҫма үҙенсәлекле йөҙө, йөкмәткеһе, ораны менән иғтибарҙы йәлеп иткән.
Гәзиттәрҙең барыһы ла үҙ дәүләтенең мәнфәғәттәрен алға һөрә, уға хеҙмәт итә. Ә инде йөкмәткеһе, уҡымлылығы урындағы халыҡтың әүҙемлегенә бәйле. Тимәк, матбуғат баҫмаһы — мөхәрририәттеке генә түгел, ә тотош халыҡтыҡы. Үҙ заманында В.В. Ленин: "Гәзит — халыҡтың трибунаһы", — тип юҡҡа ғына әйтмәгән.
Матбуғат баҫмаһын "тарихи йылъяҙма алып барыусы" тип тә атап булыр ине. Донъялағы һәр яңылыҡ тиерлек сағылыш таба унда, өҫтәүенә гәзит был ваҡиғаларҙың эсендә ҡайнап йәшәй, ыңғай үҙгәрештәргә үҙ өлөшөн индерә.
Ком: 0 // Уҡынылар: 642 тапҡыр // Тотош уҡырға
Олатайҙар "дедсад"ҡа йөрөй — Ейәндәрем минең көн дә иртән йыйынып "дедсад"ҡа йөрөүемә өйрәнеп бөткән инде. "Өләсәй, бөгөн дә баҡсаға уйнарға бараһыңмы? Унда уйынсыҡтар күпме?" — тип һорап йөҙәтеп бөтөрә бәләкәстәрем. "Юҡ, ҡыҙым, беҙ унда уйнамайбыҙ, үҙем кеүек олатай һәм өләсәйҙәр менән һүрәт төшөрәбеҙ, гимнастика яһайбыҙ, театрға йөрөйбөҙ, тиһәм, йәнә аптырайҙар, — ти танышыбыҙ Фәниә Мөстәҡимова.
Ком: 0 // Уҡынылар: 1012 тапҡыр // Тотош уҡырға
Гиннесс китабына ингән Янбарис ауылында йәшәгән Ингел Садиҡов – бар донъяға билдәле шәхес. Гер спортындағы юғары күрһәткестәре өсөн ул халыҡ-ара “Ҡанатлы арыҫлан” ордены менән бүләкләнгән, исеме Гиннесстың рекордтар китабына индерелгән.
Гер күтәреү буйынса ун тапҡыр Рәсәй һәм биш рәт Европа чемпионы, дүрт ҡабат Евразия беренселегендә еңеүсе, ун биш мәртәбә донъя чемпионы Ингел Нәзип улы 1941 йылда тыуған. Янбариста башланғыс белем алғас, көн дә биш саҡрымға йәйәү йөрөп, күрше Бәҙрәштә ете йыллыҡ, ә унан һуң тағы ла алыҫыраҡ ятҡан Ҡарман ауылында урта мәктәпте тамамлаған.
Колхозда бер йыл эшләгәс, Өфөләге һөнәрселек училищеһында аппаратсыға уҡып сыға. Үҙен яҡшы яҡтан ғына күрһәтеп өлгөргән егеткә Свердловск ҡалаһына йүнәлтмә бирәләр.
Ком: 0 // Уҡынылар: 1433 тапҡыр // Тотош уҡырға
Һөнәре – шахтер, булмышы – көрәшсе Хәйбулланың данлыҡлы улы Ғаззали Үтәшевтең тыуыуына 105 йыл тулыуға арналған милли көрәш бәйгеһендә Көньяҡ Уралдағы йөҙҙән ашыу спортсы ҡатнашты.
Бил бирмәҫ батыр Ғаззали Үтәшевтең даны быуындан быуынға күсеп йөрөй, уның оҫталығы келәм батырҙарына легенда булараҡ еткерелә. Элек ойошторолған бәйгеләрҙә район, ҡала көрәшселәре генә бил һынашһа, быйыл “Бүребай тау-байыҡтырыу комбинаты” ябыҡ акционерҙар йәмғиәте вәкилдәре лә ҡатнашты.
Ком: 0 // Уҡынылар: 715 тапҡыр // Тотош уҡырға
Директорыбыҙҙың ышанысын аҡланылар Билдәле булыуынса, быйыл Рәми Ғарипов исемендәге 1-се башҡорт республика гимназия-интернаты күркәм байрамын — 70 йыллығын — билдәләй. Әле ошо уңайҙан уҙғарыласаҡ сараларға әҙерлек бара.
Республикабыҙҙың данлыҡлы уҡыу йортон уҙған быуаттың төрлө ҡатмарлы осоронда йәш быуындың арҡа терәр таянысы, белемһеҙлектән, ғәмһеҙлектән аралап алып ҡалған рух ҡәлғәһе, халҡыбыҙҙың киләсәген "бәүетеп" үҫтереп, уға осор ҡанат ҡуйған, һөҙөмтәлә төбәгебеҙҙең алға китешенә ҙур өлөш индергән һәм әле лә ошо бурыстарына тоғро белем усағы итеп беләбеҙ. Уның тәрбиәләнеүселәре араһында мәшһүр ғалимдар Ғайса Хөсәйенов, Нияз Мәжитов, Мирас Иҙелбаев, билдәле дәүләт эшмәкәрҙәре Сәлиә Мырҙабаева, Йомабикә Ильясова, Илшат Тажетдинов һәм башҡаларҙың исеме генә лә күп нәмә хаҡында һөйләй.
Ком: 0 // Уҡынылар: 1589 тапҡыр // Тотош уҡырға
Алмаш үҫтерәйек: башланғыс дауам итер Республикабыҙҙа, илебеҙҙә дини тәрбиәгә иғтибар арта барыуы һәр кемгә мәғлүм. Шуны ла беләбеҙ: үҙеңә алмаш үҫтермәйһең икән, башланғыстың ғүмерле булырына иҫәп тотоу мөмкин түгел — ул бер урында ҡатып ҡаласаҡ. Ошо хәҡиҡәтте күҙ уңында тотоп, бөгөнгө мосолман йәштәре хаҡында һөйләшеп алырға ниәтләнек. Улар ниндәй уй-теләк, маҡсат менән йәшәй? Йәштәрҙе бер урынға туплау, ойоштороу нисек алып барыла? Дини уҡыу йорттарының эшмәкәрлеге ҡәнәғәтләнеү тыуҙырамы? Имамдарҙың хәле нисек? Ошо һәм башҡа һорауҙарға М. Аҡмулла исемендәге Башҡорт дәүләт педагогия университеты доценты,
Ком: 0 // Уҡынылар: 1029 тапҡыр // Тотош уҡырға
Атай  эшен дауам итеп Тәбиғәттә йылы яҙ миҙгеле башланды. Һуңғы йылдарҙа күпләп ҡош-ҡорт тотоуға әүәҫләнгән, бының табышлы шөғөл икәнлеген аңлаған халыҡ был көндәрҙе түҙемһеҙләнеп көтә. Ҡыйғы районының Туғыҙлы ауылындағы “Аҡҡош” яуаплылығы сикләнгән йәмғиәтенә шылтыраталар, белешәләр.
— Һаумыһығыҙ! Һеҙҙе Пермдән борсойҙар. Беҙгә 500 ҡаҙ бәпкәһе кәрәк ине. Алдан заказ бирергә уйлағайныҡ.
— Йомортҡа һала торған тауыҡтар бармы?
— Бройлер себештәре?..
Ойошмала сауҙа эштәре менән шөғөлләнгән Юлизә ханым Сәйфуллина бөтәһен дә иғтибар менән тыңлай, ҡасан килергә кәрәклеген аңғарта.
Ком: 0 // Уҡынылар: 755 тапҡыр // Тотош уҡырға
Александр Васильев — министр урынбаҫары Башҡортостан Президенты Рөстәм Хәмитов Александр Васильевты Башҡортостан Республикаһы иҡтисади үҫеш министрының беренсе урынбаҫары итеп тәғәйенләне.
Васильев Александр Юрьевич 1971 йылда Архангел районында тыуған. Өфө авиация институтын һәм Бөтә Союз финанс-иҡтисад институтын тамамлаған.
1994—2008 йылдарҙа Федераль һалым хеҙмәтенең Башҡортостан идаралығында эшләп, өлкән дәүләт һалым инспекторынан идаралыҡ етәксеһе урынбаҫарына тиклем хеҙмәт юлы үткән.
Ком: 0 // Уҡынылар: 643 тапҡыр // Тотош уҡырға
Йәмғиәттең торошон нимә билдәләй? — Сабыйҙар үлеменә юл ҡуйыу хәҙерге заманда оят, — тип билдәләне Башҡортостан Президенты Рөстәм Хәмитов Хөкүмәттең сираттағы ултырышында.
Һуңғы йылдарҙа республикала яңы тыуған сабыйҙарҙың үлем күрһәткесе кәмеүгә барһа ла, ҡайһы бер райондарҙа был тәңгәлдә алға китеш юҡ. Өҫтәүенә ҡайһы бер төбәктәрҙә был хәл ҡырҡыуланғандан-ҡырҡыулана ғына.
Ком: 0 // Уҡынылар: 688 тапҡыр // Тотош уҡырға
Артҡа 1 2 3 4 Алға
Бит башына