Ҡорос атлы баҫыу батыры Ауыл буйлап һәлмәк кенә атлап килгән, уйсан ҡарашлы был ағайға урамдың һәр тыҡрығы, аяҡ аҫтындағы һәр ташы таныш. Бөтә ғүмерен ғәзиз төйәгенә арнаған Тәлғәт Рәхмәтулла улын яҡташтары ныҡ хөрмәт итә. Ана бит, юлында осраған олоһо ла, кесеһе лә ихлас сәләмләй уны.
Йөҙөнән алсаҡлыҡ бөркөлгән уҙамандың ҡан тамырҙары ошо ғәзиз тупраҡ менән береккән — ҡырҡ йыл буйы үҙенең ҡорос атында иген баҫыуында алтын тир түккән ул. Ялан батырының намыҫлы хеҙмәтен Совет иле етәкселеге юғары баһалаған: ағайҙың күкрәген Ленин, Октябрь Революцияһы, “Почет Билдәһе” ордендары биҙәй, “БАССР-ҙың атҡаҙанған ауыл хужалығы хеҙмәткәре” тигән маҡтаулы исемгә лә эйә.
Тәлғәт ағай менән Дәүләтбай ауылында күрешеп, һөйләшеп тороу бәхете тәтегәйне. Аҡһаҡалдың әйткәндәре һаман хәтерҙән сыҡмай...
— Элек эшселәрҙе хөрмәт итә белделәр шул... — тип көрһөнөп ҡуйҙы уҙаман.
Ком: 0 // Уҡынылар: 569 тапҡыр // Тотош уҡырға
“Татлы” сирҙән дауа табылырмы? Был һорауға билдәле эндокринолог Фәтих Әлибаев ғүмере буйы яуап эҙләй. Әсәһе уны сауҙа өлкәһендә күрергә теләһә, өләсәһе: “Минең улым киләсәктә уҡытыусы, мәктәп директоры буласаҡ!” – тип хыяллана. Әммә нәҫелендәге тиҫтәнән ашыу табиптың эшенә ғашиҡ булған үҫмер медицина юлын һайлай. Шулай итеп, көтмәгәндә, хәҙер инде ҡалала ғына түгел, бар төбәккә даны таралған абруйлы шәхес,
Ком: 0 // Уҡынылар: 607 тапҡыр // Тотош уҡырға
Башҡорт суҡмарының серен ул белә Ҡасим ағайҙың артынан өлгөрөп тә булмай, 83 йәшлек бабай тип уйламаҫһың да. Беҙ уның менән тәбиғәт мөғжизәһен ҡарарға китеп барабыҙ. Үрге Бикбирҙенән ике саҡрым ғына тиһә лә, урман шырлығы аша атлау оҙаҡ тойола шул. Юлыбыҙҙа ауып ятҡан ағас осраһа, беҙ уны аша атлап сығабыҙ, ә ағайыбыҙ йылғыр ғына бер аяғы менән өҫтөнә баҫа ла арыраҡ һикерә, тиҙлеге тағы ла ырамлыраҡ булып сыға. “Өйҙән ҡата ғына эләктереп сыҡҡанмын икән, шуға йәһәтерәк барып булмай...” – тип аҡлана үҙе!
Ком: 0 // Уҡынылар: 558 тапҡыр // Тотош уҡырға
Әҫәрҙәрендә – киҫкен яҙмыштар Ил уҙаманы йәшенә еткән, ижади илһам утында янып-ярһып йәшәгән әҙип юбилейын тиҫтәләгән китаптары, әҙәби журналдарҙа донъя күргән күп һанлы романдары, повестары, хикәйәләре менән, егәрле, емешле хеҙмәт юлы үтеп, лайыҡлы ҡаршылай. Айырыуса һуңғы ике тиҫтә йыл эсендә ташҡа баҫылған киң эпик күләмле әҫәрҙәре уны ҡоласлы романист, бөгөнгө башҡорт прозаһының йөҙөн, төп үҫеш йүнәлештәрен билдәләшеүсе яҙыусы итеп танытты.
Ринат Камалдың ҡайһы әҫәрен генә алып ҡарама, бәләкәй күләмлеме ул, ҙурмы – барыһында ла хикәйәләү үҙәге, һүрәтләүҙең төп предметы итеп кеше, уның яҙмышы, рухи донъяһы алыныуын ап-асыҡ күрергә була.
Быйыл донъя күргән «Кеше драмаһы» китабына «Беләҙекүл», «Шаңдау», «Талаҡ», «Дебет шәл», «Һөйкөмлө һөйәк» кеүек романдары тупланған. Китапҡа баш һүҙендә Ринат Камал утыҙ йыл дауамында ижад иткән әҫәрҙәрен бер системаға һалып ҡарап,
Ком: 0 // Уҡынылар: 904 тапҡыр // Тотош уҡырға
Күңелдә һайрай ҡоштар Йырлап йәшәйек

Күңел күгем гел ҡояшлы,
Булғанда яҡын дуҫтар.
Киң Йыһандан нур ҡойола,
Күңелдә һайрай ҡоштар.

Туған халҡымдан һут алып
Бөрөләнә яңы моң.
Илем, телем, дуҫтар барҙа
Һайрар ҡош тынамы һуң?!

Йәйғор төҫтәрендә балҡып,
Дәрт-илһам ишек ҡаға.
Халҡым өсөн йөрәгемдән
Йыр-моң шишмәһе аға.
Ком: 0 // Уҡынылар: 828 тапҡыр // Тотош уҡырға
Ҡулымдағы китапты ҡат-ҡат битләп, быуаттар төпкөлөнән килгән ябай уҡ булмаған хәл-ваҡиғаларҙы күҙаллап ултырғанда “Беҙ – евразиясылар, сығышыбыҙ менән башҡорттар, мосолмандар” тигән һүҙҙәрҙең ни тиклем тапҡыр һәм тәрән мәғәнәле икәнлеге яңы яҡтары менән асылып киткәндәй була.
Ком: 0 // Уҡынылар: 514 тапҡыр // Тотош уҡырға
Ожмах – беҙҙең күңелдә Кеше бөгөн йәшәй. Бөгөн ҡыуана, бөгөн моңлана. Иртәгә түгел. Бөгөн нисек бар – иртәгә шуның дауамы ғына буласаҡ, шуға күрә әҙәм балаһының ысын тормошо хәҙер һәм ошо урында бара.
Был хәҡиҡәтте аңлаған кеше бөгөнгө уйҙары, кисерештәре менән йәшәй. Күңелендә ниндәй хистәр булыуға ҡарап уның шартлы рәүештә ҡайҙа йәшәгәне билдәләнә кеүек.
Ком: 0 // Уҡынылар: 506 тапҡыр // Тотош уҡырға
Нәҫел шәжәрәһе XVIII быуат мәғрифәтсеһе, дин әһеле Батыршаға барып тоташҡан, Иҫке Балтас имам-мөхтәсибе, Балтас мәсетенең имам-хатибы, Башҡортостан Республикаһының Балтас һәм Асҡын райондары ахуны, Батырша йорт-музейы директоры, районыбыҙ тарихы тураһында бер нисә китап авторы Рәфис хажи Муллағәтдәр улы Шәйхәйҙәровҡа 60 йәш тулған тип һис уйламаҫһың.
Ком: 0 // Уҡынылар: 664 тапҡыр // Тотош уҡырға
Һуңғы көндәрҙә республикала иген һәм ҡуҙаҡлыларҙы йыйыу 2,2 процентҡа артҡан. Был күрһәткесте Баҡалы, Белорет, Благовещен, Учалы, Яңауыл райондары 4 – 12 процентҡа арттырған.
Ком: 0 // Уҡынылар: 408 тапҡыр // Тотош уҡырға
Өҫтәлдән шәкәр өҙөлмәҫ Быйыл республикала 49,5 мең гектар майҙандан шәкәр сөгөлдөрөн йыйып алырға кәрәк. Белгестәр әйтеүенсә, йәйҙең тәбиғәт шарттары был “татлы тамыр”ҙан яҡшы уңыш йыйыу мөмкинлеген биргән. Өҫтәүенә уның шәкәрлелеге лә юғары. Сентябрь башы мәғлүмәттәренә ҡарағанда, Шишмә районының «Башкирагроинвест» яуаплылығы сикләнгән йәмғиәтендә иң ҙур ауырлыҡтағы – 460 грамлыҡ сөгөлдөр үҫтерелгән. Шулай уҡ Көйөргәҙе, Мәләүез райондарында ла күрһәткестәр яҡшы ғына.
Ком: 0 // Уҡынылар: 478 тапҡыр // Тотош уҡырға
Артҡа 1 2 Алға
Бит башына