Борхан фермеры “Ауыл ерендә эшһеҙлектән йонсоп, урам ҡыҙырған кеше булырға тейеш түгел, малсылыҡҡа, баҡсасылыҡҡа тотонорға теләк белдергәндәргә иһә йүнәлеш бирәйек, ярҙам итәйек”. Ҡайһы ғына хакимиәт башлығын алмайыҡ, барыһынан да кәрәкле шөғөлгә этәргес һәм ынтылыш бирерлек ошондай йылы һүҙҙәрҙе ишетергә мөмкин. Хуплап торғанда эшҡыуарлыҡ нисек үҫешә һуң? Миҫалға Ҡариҙел районының Борхан ауылында дүрт йыл элек барлыҡҡа килгән “Игошев” крәҫтиән (фермер) хужалығы етәксеһен тыңлайыҡ.
Ком: 0 // Уҡынылар: 417 тапҡыр // Тотош уҡырға
Геройҙар  уҡыған мәктәп Һәр төбәк, һәр район – арҙаҡлы шәхестәре, һәр мәктәп үҙенең күренекле уҡыусылары менән ғорурлана. Ҡариҙелдәге 1-се урта мәктәпкә яҡынлашҡанда ихатала һәм фойела өйкөлөшөп торған апай-ағайҙарҙан “Әлимов килгән икән” йәки “Владимир Ришат улын күрербеҙме?” тигән һүҙҙәрҙе ишеттек.
Хәйер, был уҡыу йортон кемдәр генә тамамламаған! Улар араһында ғалимдар, сәнғәт кешеләре, эшҡыуарҙар, инженерҙар һәм башҡа һөнәр эйәләре бар...

Ком: 0 // Уҡынылар: 460 тапҡыр // Тотош уҡырға
Мәңгелек урман төйәгендә Көндө күтәренке кәйеф менән башлаһаң, ул тәүлек әйләнәһенә шулай дауам итәсәк тигән ышаныу бар. Алсаҡ йөҙ, ихлас ҡараш әҙәм балаһына ыңғай тәьҫир итә. Иңдәргә ҡанат ҡуйып, дәртләндереп ебәреү иһә киләсәккә өмөт уята, ышанысты икеләтә арттыра.
Ҡариҙел районы хакимиәте башлығының кабинетынан кеше өҙөлмәй – берәүҙәр инә, икенселәр ҡәнәғәт рәүештә ҡайтырға юллана. Улай ғынамы, ишектән күренгән һәр кемдең йөҙө ҡояштай балҡый, күҙҙәрендә нур уйнай. Әйтерһең дә, ҙур һәм мәртәбәле тантанала ҡатнашҡандар ҙа шунан кинәнес алалар. Илдар Вил улының эш бүлмәһенән һәр кем күкрәк киреп, ҡыйыу аҙымдар менән сыға икән, тиккә түгел. Был яҡтарҙа шундай әйтем йәшәй: булдыҡһыҙ әҙәм булмай, бары тик уны эшкә өйрәтеү, дилбегәне ҡулына тоттора белеү зарур.
Ком: 0 // Уҡынылар: 785 тапҡыр // Тотош уҡырға
Әри буйҙарында арыу белмәй… Республикабыҙҙың төньяғында ятҡан Тәтешле районының ялан эшсәндәрен тәбиғәт иркәләмәй. Теләгән уңышты үҫтереп-йыйып алыу өсөн уларға йылдың-йылы икеләтә көс түгергә тура килә. Ҙур тырышлыҡ һалып, аяҙ көндөң һәр сәғәтен файҙаланып ҡалырға ынтыла тәтешлеләр. Көттөрөп килгән әбейҙәр сыуағы, игенде урып йыйыуҙы һиҙелерлек тиҙләтеп, күп майҙанда эште тамамларға мөмкинлек бирҙе.

Ком: 0 // Уҡынылар: 490 тапҡыр // Тотош уҡырға
“Үҙ-үҙем менән гармонияла йәшәйем” Гүзәл Балтабаева — һөнәре буйынса теш табибы. Йога менән шөғөлләнә башлауына – етенсе йыл. Һомғол буйлы, нәзәкәтле ханымдан йәшлек сере хаҡында һорауы ла урынһыҙ. “Үҙ-үҙем менән гармонияла йәшәйем”, — тигәйне ул. Матурлыҡ, сабырлыҡ, сәләмәтлек гармонияһында... Шуға был хаҡта йәнә һүҙ ҡуйыртып тороу артыҡ кеүек. Әммә, форсаттан файҙаланып, Гүзәл Рәхмәт ҡыҙына ошо аһәңлелеккә илткән юл — йога тураһында бер нисә һорау бирмәй булдыра алманыҡ.
— Гүзәл Рәхмәт ҡыҙы, һеҙҙең өсөн йога нимә ул?
— Тормош фәлсәфәһен, уның асылын нығыраҡ аңларға, ниндәйҙер кимәлдә хатта үҙ-үҙеңде ишетергә булышлыҡ иткән ғәмәл. Ҡайһы берәүҙәр йога менән шөғөлләнеүҙе ысынбарлыҡтан ваз кисеү тип ҡабул итә. Йәшермәйем, башта мин дә шундайыраҡ фекерҙә инем. Күңелем тартһа ла, аҡылым менән уны оҙаҡ ҡабул итә алманым.
Ком: 0 // Уҡынылар: 656 тапҡыр // Тотош уҡырға
Йырлап йәшәй Замандаш Рәсәй Фәндәр академияһының мөхбир ағзаһы, медицина фәндәре докторы, Башҡортостандың һәм Рәсәйҙең атҡаҙанған табибы, профессор Марс Тимербулат улы Юлдашев менән яҡындан танышҡас, кешелек донъяһының ҡиммәттәре, һәр шәхестең йәмғиәттә тотҡан урынының мөһимлеге һәм әһәмиәте тураһында уйлана башлайһың. Берҙән, ул үҙ ғүмерен кешегә хеҙмәт итеүгә арнаған ғаиләгә ҡарай. Атаһы Тимербулат Миңлеғәле улы Юлдашев – Бөйөк Ватан һуғышы ветераны, Стәрлебаштағы 2-се урыҫ мәктәбе директоры, Башҡортостандың атҡаҙанған уҡытыусыһы. Әсәһе Гөлшамса Мырҙахан ҡыҙы Имашева башланғыс мәктәп балаларын уҡыта, алты балаға ғүмер биргән.
Биографияһына өҫтән генә күҙ ташлаһаң да, күп балалы ғаиләлә үҫкән миһырбанлы егеткә кеше ғүмере өсөн яуаплылыҡ тойоу ят сифат түгел кеүек.
Әммә тормошта бөтәһе лә ыңғай килеп сыҡмай шул. Ә шәхестең эске ынтылыштар, тырышлыҡ аша ҡыйынлыҡтарҙы еңеүе күҙгә-башҡа эленеп тә бармай.
Ком: 0 // Уҡынылар: 654 тапҡыр // Тотош уҡырға
Онотолмай шаян бала саҡ Йырсы, Башҡортостан менән Татарстандың халыҡ артисы Айҙар Ғәлимов спорт ярата. Уны йыш ҡына хоккей матчында күрергә була. Ә үҙе йыл да үҫмерҙәр араһында футбол буйынса республика турниры ойоштора. Ҙур үҫһәң дә, малай саҡ, шаян саҡ иҫтән сыҡмай инде ул!
Быйыл ярыш етенсе тапҡыр уҙҙы. Унда Әлшәй, Бишбүләк, Благовар, Йәрмәкәй, Миәкә, Стәрлетамаҡ, Стәрлебаш райондары һәм Миәкә районының Оло Кәркәле ауыл биләмәһе командалары сығыш яһаны.
Ком: 0 // Уҡынылар: 514 тапҡыр // Тотош уҡырға
Тәмле лә, файҙалы ла Йога кулинарияһы — сәләмәт туҡланыуға көйләнгән айырым бер донъя. Ризыҡ организмға файҙа килтерергә, уны ыңғай энергия менән туҡландырырға тейеш тигән фекерҙә был фәлсәфәгә табынғандар. Шуға йога-рецепттарҙа файҙалы, тәбиғи аҙыҡ-түлек һәм тәмләткестәр генә ҡулланыла. Төп маҡсат — ризыҡтарҙың бер-береһе менән тура килешлеге.
Кәңәштәргә килгәндә, улар бик ябай: күберәк йәшелсә, емеш-еләк, сәтләүек ашарға, итле ашамлыҡтарҙы составында крахмал булған ризыҡтар (мәҫәлән, картуф) менән ҡушмаҫҡа, икмәкте эре тарттырылған ондан бешерергә,
Ком: 0 // Уҡынылар: 686 тапҡыр // Тотош уҡырға
Йога. Тән һәм күңел дауаһы Йога — боронғо Һиндостанда барлыҡҡа килеп, бөгөн бөтә донъяла танылған ғәмәли фәлсәфә. Уның атамаһы боронғо санскрит теленән тәржемә иткәндә “берҙәмлек”, “ялғаныу”, “тоташыу” тигәнде аңлата. Һиндостанда 6-7 йәшлек баланың да йога менән шөғөлләнеүе – тәбиғи күренеш. Уларҙа был ғәмәл, аҡыл үҫешенә һәм сәләмәтлеккә ыңғай тәьҫир итеүҙән тыш, тәрбиә сараһы ла булып тора. Һуңғы йылдарҙа беҙҙең илдә лә йога менән шөғөлләнеү модаға инеп китте.
Ком: 0 // Уҡынылар: 751 тапҡыр // Тотош уҡырға
Ҡаһарманлыҡ — халыҡ йөрәгендә Икенсе Бөтә донъя һуғышы тамамланыуға 70 йыл тулып килә. Бер быуатҡа яҡын ваҡыт үткән, әммә халыҡ дәһшәтле йылдарҙы хәтеренән сығармай. Тәндәге йәрәхәттәр ҙә, күңел яралары ла һаман һыҙлай. Өҫтәүенә донъяның төрлө тарафындағы шартлауҙар, дары еҫе һуғыштың выжданһыҙ ғәрәсәтен иҫкә төшөрөп кенә тора.
Был һуғышта илебеҙҙе һаҡлап ҡан ҡойғандар бөгөн донъяла бармаҡ менән генә һанарлыҡ, тип әйтергә мөмкин. Ләкин батырлыҡ онотолмай, ул киләһе быуындар күңелендә лә ныҡлы урын алырға тейеш.
Быйыл 17 ноябрҙә 112-се Башҡорт кавалерия дивизияһы ойошторолоуға 70 йыл тула. Ошо уңайҙан Борис Малородов менән Наил Шәйәхмәтов урыҫ телендә яҙылған “Несокрушимая и легендарная 112-я” тигән китап сығарҙы.
Ком: 0 // Уҡынылар: 639 тапҡыр // Тотош уҡырға
Артҡа 1 2 3 4 5 6 7 8 9 10 ... 42 Алға
Бит башына