Клуб уттары балҡып торһон Һәр тарафта социаль объекттарҙы ҡышҡа әҙерләү бара. Был йәһәттән мәҙәниәт өлкәһендә хәлдәр нисек? Ошо һорау менән Ғафури районы хакимиәтенең мәҙәниәт бүлеге мөдире Фәнил Мәғәфүр улы КИНЙӘҒОЛОВҠА мөрәжәғәт иттек.
— Билдәле булыуынса, районыбыҙҙа күркәм мәҙәниәт һарайы, 14 мәҙәниәт йорто, 18 ауыл клубы һәм Борон ауылында мәҙәниәт һәм ял үҙәге эшләй. Мәҙәниәт һарайы үҙәк йылылыҡ системаһына тоташтырылһа, ҡалғандары йә газ, йә электр, йә утын яғып йылытыла. Утын яғып йылытылған клубтарҙың хеҙмәткәрҙәре үҙ көсө менән ҡышҡылыҡҡа әҙерләнә. Мәҫәлән, Ташбүкән ауыл мәҙәниәт йорто, Баҡраҡ, Байымбәт, Ҡолҡан ауыл клубтары хеҙмәткәрҙәре ҡыш өҙөклөктәр булмаһын өсөн утын әҙерләп ҡуйҙы ла инде.
Ком: 0 // Уҡынылар: 799 тапҡыр // Тотош уҡырға
“Бер аҙым алға баҫам да Әйләнәм мин артыма...” Башҡортостан  юлдаш телевидениеһының иң “өлкән”  проекттарының береһе булған “Йома” тапшырыуы 1991  йылда  тәүге  тапҡыр  эфирға сыҡҡайны. Ике тиҫтә йылдан ашыу ваҡытта мең самаһы тапшырыу әҙерләнгән. 4 октябрҙә – Ҡорбан ғәйетендә – республикабыҙҙың төп каналында көн дауамында “Йома”ның элекке сығарылыштары, уның тарихына, рухиәтебеҙгә бәйле яҙмалар күрһәтелеүе көтөлә. Күркәм байрамын билдәләгән дини тапшырыуҙың элеккеһе һәм бөгөнгөһө хаҡында ҡыҙыҡһынып, уның алып барыусыһы Морат хажи ЛОҠМАНОВҡа бер нисә һорау менән мөрәжәғәт иттек.
Ком: 0 // Уҡынылар: 851 тапҡыр // Тотош уҡырға
Тамырҙарҙың тартыуы Тәүге һүҙем – тамырҙар тураһында, ерлек хаҡында. Ғәзим Шафиҡовтың һәр әҫәрен уҡыған һайын, мин бер нәмә хаҡында нығыраҡ уйланам. Уның ижадында тыуған ер тойғоһо шул тиклем көслө, һәм ошо сифат китаптан китапҡа һаман нығына һәм тәрәнәйә барҙы. Ғәҙәттә бит башҡасараҡ була: йәшерәк саҡтарҙағы һоҡланыуҙарға, ил алдындағы ярһыу анттарға ғүмер үтеү менән һағышлы кисерештәр күберәк өҫтәлә, шағир йышыраҡ тормоштоң фәлсәфәүи асылы тураһында уйлана, мәңгелек һорауҙарға яуап эҙләй.
Был үҙгәрештәр Ғәзим Шафиҡовты ла урап үтмәне, әлбиттә. Етмешенсе йылдар башында “Рожденные в седле” китабында күҙ алдына баҫҡан ярһыу Ғәзимде артабанғы шиғри йыйынтыҡтарында уйсаныраҡ, һалмағыраҡ итеп күрҙек, йыш ҡына уның ирониялы, әсе һүҙҙәрен ишеттек. Ләкин шағирҙың тамыры, үҙәге, йәшәү һутын алған ерлеге шул уҡ булып ҡалды, бәйләнеш нығына барҙы.
Ком: 1 // Уҡынылар: 1082 тапҡыр // Тотош уҡырға
“Һәр кем тормошта үҙ урынын тапһын” Арабыҙҙа исеме есеменә тап килгән кешеләр етерлек. Шуларҙың береһе – Үрге Йәркәйҙәге 1-се гимназияның башланғыс кластар уҡытыусыһы Гүзәл Сәлихова.
Ул беҙҙең мәктәпкә, Кушнаренко педагогия училищеһын тамамлап, пионервожатый булып килгәйне. Иң тәүҙә сибәрлеге, ихласлығы, матур йырлауы менән һоҡландырҙы. Тиҙ арала уҡыусыларҙың барыһын да исемләп белеүе, талантлыларҙы эҙләп табып, төрлө сараларға йәлеп итеүе хайран ҡалдырҙы.
Ком: 0 // Уҡынылар: 798 тапҡыр // Тотош уҡырға
Һөнәренә ғашиҡ Әрмет ҡыҙы …Мәктәптә “практикант ҡыҙ килә” тигән хәбәр таралғас, беҙ, танауына еҫ керә башлаған малайҙар, осрашыу мәлен түҙемһеҙләнеп көтә башланыҡ. Кем ул? Ҡайҙан килә? Сибәрме?.. “Практикант ҡыҙ” ауылдашыбыҙ Зөбәржәт апай булып сыҡты. Ул беҙҙе ике аҙна самаһы урыҫ теленән һәм әҙәбиәтенән уҡытты.
Студент ҡына көйө педагогтың йәмғиәттә тотҡан урыны хаҡында яҡшы аңлай, эшенә һәр саҡ яңылыҡ индерергә ынтыла ине йәш белгес. Әле лә ошо һыҙаттары менән һоҡландыра Зөбәржәт Ришат ҡыҙы: Башҡортостан Мәғарифты үҫтереү институтының Стәрлетамаҡтағы мәғлүмәти-методик үҙәге мөдире, ҡала хакимиәтенең мәғариф идаралығы методисы, Ж. Кейекбаев исемендәге 3-сө гимназияла Башҡортостан тарихы һәм мәҙәниәте уҡытыусыһы вазифаларын юғары кимәлдә атҡара.
Ком: 0 // Уҡынылар: 621 тапҡыр // Тотош уҡырға
Йөрәк йылыһын йәлләмәй өләште ...Яңы йыл кисәһенә әҙерләнәбеҙ –мәктәп-интернат гөр килеп тора. Һәр кем үҙенә байрам костюмы хәстәрләй, күңелдәрҙә – аҡ өмөттәр, хыялдар. Үҫмерҙәр генә түгел, хатта өлкәндәр ҙә байрамдан ниндәйҙер мөғжизә көткән кеүек. Йәм-йәшел ҡупшыҡай шыршы, биҙәнеп-төҙәнеп, күптән спорт залы түренән урын алған.
“Бына, вьетнам ҡыҙы костюмын таптым, һиңә килешер ул. Салбары бар, ә өҫтөн үҙең биҙәп, матурлап алырһың. Төҫлө ҡағыҙҙан күҙлек тә эшләп ебәрһәң, бер кем дә танымаҫ үҙеңде...” Тәрбиәсебеҙ бөтәбеҙ өсөн дә борсола, һәр беребеҙҙең байрамға әҙерлеген ентекле тикшерә. Ул, башҡорт теле һәм әҙәбиәте уҡытыусыһы Гөлкәй Сәлмән ҡыҙы Ҡужина, беҙ мәктәп-интернатта уҡыған 1963 – 1966 йылдарҙа йәш кенә ине әле.
Ком: 0 // Уҡынылар: 570 тапҡыр // Тотош уҡырға
Назар Нәжми рухын дауам итеп «Мәктәп – ғилем шишмәһе ул.
Изге уның исеме.
Ҡараңғынан тартып алып,
Нурландыра кешене».
Ҡ. Даян.
Назар Нәжми исемендәге башҡорт гимназияһында 400-гә яҡын бала белем ала. Уҙған уҡыу йылында XI класты 37 егет һәм ҡыҙ тамамланы. Яҡшы уңыштары өсөн уларҙың икәүһенә – Башҡортостан, бишәүһенә Рәсәй миҙалы тапшырылды. Быйыл I класҡа 26 бала килде.
Ком: 0 // Уҡынылар: 1055 тапҡыр // Тотош уҡырға
Өйө барҙың көйө бармы? Ҡасандыр “их, өйөм булһын ине” тип теләгәнем хәтерҙә ҡалған. Ысынлап та, әҙәм балаһының уй-хыялдарының береһе үҙ ҡыуышын ҡороуҙыр ул. Һүҙ ҙә юҡ, йортоңдоң ишеген тәү асып ингән мәл – иң шатлыҡлы ваҡиғаларҙың береһе. Әммә бының менән генә мәшәҡәт бөтмәй шул. Хатта, киреһенсә, башлана ғыналыр әле.
Бөгөн торлаҡлы булыу еңелдән түгел. Элек рәхәт ине: йәш белгес уҡып бөтөп эшкә урынлашыуына дөйөм ятаҡтан урын бирәләр, бер аҙ хеҙмәт юлын үтеүгә, ғаилә лә ҡороп ебәрһә, айырым бүлмә йә фатир асҡысы тотторалар. Ҡыуанып, балалар үҫтереп йәшә генә. Хәҙер инде ауылда өйлөк ағас ала алмай йонсойҙар, ә ҡалала хаҡтар ҡот осмалы ҡиммәт. Заманы ла үҙгәрҙе: йәштәр боронғоса ата-әсәһе менән бергә көн итергә атлығып тормай. Шуға күрә йышыраҡ торлаҡты ҡуртымға алырға мәжбүрҙәр.
Ком: 0 // Уҡынылар: 522 тапҡыр // Тотош уҡырға
Уның менән донъя ырыҫлы «Моңдарымдың шишмә башы һиндә,
Тыуған ауылым, тыуған төйәгем.
Мин бит һинһеҙ телһеҙ ҡалған гармун
Һәм ярылған ҡурай кеүекмен».
Ауылыма кем, ҡасан нигеҙ һалған? Бында нисек килеп урынлашҡандар, нимә менән шөғөлләнгәндәр? Тағы ла кемдәр йәшәгән? Әлбиттә, был һорауҙар һәр ауылдашымды ҡыҙыҡһындыра.
Ком: 0 // Уҡынылар: 560 тапҡыр // Тотош уҡырға
Эше тауыҡ сүпләһә лә бөтөрлөк түгел Ҡасандыр гөрләп торған колхоз-совхоздар юҡҡа сыҡҡас, ауылдар үҙ мәшәҡәттәре менән яңғыҙ тороп ҡалды. Көндәлек эштәрҙе ойоштороу, кемгәлер ярҙам күрһәтеү йәки бергәләшеп мәсьәләләрҙе хәл итеү өсөн һәр саҡ урындағы үҙидараға барыу мәшәҡәтле лә, ваҡытты ла ала. Тап ошо саҡта халыҡ ауылдың хужаһы булырлыҡ абруйлы кеше кәрәклегенә инана. Уйлап ҡараһаң, элек тә һәр ырыуҙың, тотош йәйләүҙең йәки ауылдың төп проблемалары менән урындағы старшиналар йәки аҡһаҡалдар ҡоро шөғөлләнгән.
Ком: 0 // Уҡынылар: 493 тапҡыр // Тотош уҡырға
Артҡа 1 2 3 4 Алға
Бит башына