Икмәк тәменең сере ниҙә? Өфөлә аҙыҡ-түлек һатылған ниндәй генә магазинға инмә, икмәк алыусыларҙың күпселеге Ҡырмыҫҡалыныҡын эҙләй. Элегерәк Үҙәк баҙар янына был райондан йылы әпәкәй тейәлгән машинаның килгәнен оҙон сиратҡа баҫып көтә торғайнылар. Хәҙер иһә Ҡырмыҫҡалы икмәге баҙарҙың эсендә, матур кәштәләрҙә урынлаштырыла, “Байрам”, “Пятерочка” кеүек ҙур сауҙа селтәрҙәрендә лә кеше күҙе төшөр ергә ҡуйыла. Заманса әйткәндә, бренд инде ул, ә һәр сауҙагәр һатып алыусыларҙы күберәк ылыҡтырыр өсөн нәҡ шундай үтемлеһен тәҡдим итергә тырыша.
Ком: 0 // Уҡынылар: 822 тапҡыр // Тотош уҡырға
Кескәйҙәргә – ижади ҡараш Күҙҙең яуын алып торған беседкалары, сағыу майҙансыҡтары, саф һауала, аҡ ҡарҙа уйнап йөҙҙәре алһыуланған, бәхет нуры һирпелгән кескәйҙәр менән ҡаршыланы беҙҙе Ҡырмыҫҡалы ауылының 1-се балалар баҡсаһы. Ҡапҡанан уҡ башланған ҡупшы таҙалыҡ эстәге бер бүлмәне лә урап үтмәгән.
Ком: 0 // Уҡынылар: 600 тапҡыр // Тотош уҡырға
Ауылды – мәктәп, уҡыусыны тәртип биҙәй Олокүл урта дөйөм белем биреү мәктәбендә 544 бала уҡый. 52 уҡытыусы араһынан өсәү – Галина Черенева, Наталья Горустович, Альбина Фәхрисламова – “Рәсәйҙең иң яҡшы уҡытыусыһы” исемен алған. Мәктәптә йәмғиәтте өйрәнеү, информатика, география фәндәрен төплө үҙләштереүгә баҫым яһала, уҡыусылар йыл һайын республика, ил кимәлендәге олимпиадаларҙа еңеү яулай. Галина Череневаның хоҡуҡ буйынса биргән белем сифаты балаларҙың аҙаҡ киң танылған юғары уҡыу йорттары студенты булып китеүендә сағыла, физика уҡытыусыһы Нина Матвеева эстәткән ғилем дә егет һәм ҡыҙҙарға Санкт-Петербург, Мәскәү ҡалаларын иңләргә ярҙам итә.
Ком: 0 // Уҡынылар: 641 тапҡыр // Тотош уҡырға
“Морж” булғың килһә... Ҡышҡы спорт төрҙәре аңлашыла: йылыраҡ итеп кейенәһең дә саф һауала көн үткәрәһең. Ә бына ошо һыуыҡта һыу керергә яратҡандар тураһында ни әйтерһегеҙ? Арағыҙҙа, бәлки, тәжрибәле “морж”дар ҙа барҙыр. Һәр хәлдә, был шөғөлгә ҡарата әле булһа бер яҡлы ғына фекер ишетеүе ауыр. Кемдер “морж”дарҙың ҡыҙыҡһыныуын аңлап ҡабул итә, икенселәр был спорт төрөнөң организмға саманан тыш көсөргәнеш килтереүен билдәләй.
Ком: 0 // Уҡынылар: 747 тапҡыр // Тотош уҡырға
Әйҙә сығайыҡ, сығайыҡ, Сана шыуайыҡ, шыуайыҡ Һыуыҡтар башланыу менән үҙебеҙ ҙә һиҙмәҫтән йылыға тартылабыҙ. Кистәрен эҫе сәй эсеп, йылы юрған аҫтында ятыуы ҡайһылай рәхәт. Йыш ҡына хатта тышҡа сыҡҡы ла килмәй. Әммә бындай ялдың файҙаһы ла, фәтүәһе лә аҙ. Табиптар ҡышын күберәк саф һауала йөрөргә, спорт менән шөғөлләнергә кәңәш итә. “Ҡышҡы спорт тәнде сыныҡтыра, кәйефте күтәрә, депрессиянан ҡотолорға ярҙам итә”, — ти улар.
Ком: 0 // Уҡынылар: 1088 тапҡыр // Тотош уҡырға
Баҡсала —  боҙ майҙансыҡ Бөгөн конькиҙа шыуырға теләгәндәргә каток юҡлыҡҡа һылтанып ултыраһы түгел. Баҡсағыҙҙа йә булмаһа ауылдаштарығыҙ менән берлектә мәктәп биләмәһендәге майҙансыҡта бер нисә көн эсендә шыуғалаҡ эшләп ҡуйырға мөмкин. Бер аҙ ваҡытығыҙҙы сарыф итерһегеҙ, уның ҡарауы, ҡыш буйы рәхәтләнеп конькиҙа шыуырһығыҙ. Әммә шуны ла билдәләп үтеү кәрәк: катокты баҡсағыҙҙа эшләй ҡалһағыҙ, йортоғоҙға яҡын урынды һайламағыҙ.
Ком: 0 // Уҡынылар: 769 тапҡыр // Тотош уҡырға
Һөнәрме, ижадмы,  әллә йәшәү рәүешеме? Төрлө быуын вәкилдәре менән, уларҙың дәрәжәһенә һәм йәшенә ҡарамай, уртаҡ тел табыу, сәстәренә сал төшкән аҡһаҡалдар араһында ла, йәштәштәре менән дә, күпкә кесерәктәр янында ла үҙ кеше булыу күптәргә бирелмәй. Ябай оператив хеҙмәткәрҙән алып барлыҡ вазифа баҫҡыстарын үткән һәм 35 йыллыҡ хәрби эшмәкәрлеген Федераль именлек хеҙмәтенең Башҡортостан Республикаһы буйынса идаралығы етәксеһе урынбаҫары булып тамамлаған Рәйеф РАПАЕВ – нәҡ шундайҙарҙан.
Ком: 0 // Уҡынылар: 623 тапҡыр // Тотош уҡырға
Һинең менән һәм һинһеҙ... Рәсәйҙең һәм Башҡортостандың атҡаҙанған мәҙәниәт хеҙмәткәре, журналист-публицист, яҙыусы Рәүеф Насировтың вафатына ете ай булды. Бергә ғүмер итеүебеҙгә 55 йыл тулырға бер ай ҙа өс көн ҡалғас, баҡыйлыҡҡа күстең. Берәүҙең ғүмеренә тиң ваҡытты парлы йәшәп, балалар үҫтереп, ҡартлыҡты үткәргәндә һине юғалтыу ауыр кисерелде. Ярай әле, уй тигән нәмә бар, уның ярҙамында бергә саҡтың бәхетле мәлдәрен гиҙәм. Бына әле лә, йәшлек осорона ҡайтып, ярты быуаттан ашыу ғүмерҙе күҙ алдынан үткәреп ултырам. Ул саҡта һинең тормош багажыңда өс йыл әрме хеҙмәте менән урта, ә миндә — туғыҙ класс белем. Икебеҙгә йәмғеһе – ете йыл хеҙмәт стажы. Ғаилә тормошон шулай ҡороп ебәрҙек. Уҡырға теләгебеҙ ҙур ине, шунлыҡтан ике балалы булғас, һин Стәрлетамаҡ педагогия институтына инеп, өсөнсө курстан һуң Свердловскиҙағы М. Горький исемендәге Урал дәүләт университетының журналистика факультетына күстең.
Ком: 1 // Уҡынылар: 901 тапҡыр // Тотош уҡырға
Рух һәм ҡеүәт биргән Ишбирҙе Ошо көндәрҙә 80 йәшен билдәләгән ғалим-төркиәтсе, филология фәндәре докторы, профессор Эрнст Ишбирҙин – данлы Баймаҡ яғынан. Ишбирҙе ауылында ишле ғаиләлә бишенсе бала булып донъяға килә ул. Күңелендә бәләкәй Ватаны хаҡында ифрат йылы хистәр һаҡлай. Буласаҡ ғалим тыуған ауылындағы ете йыллыҡ мәктәптә уҡығандан һуң, 1949 – 1952 йылдарҙа Баймаҡ балалар йортонда тәрбиәләнә, ҡаланың 1-се урта мәктәбен уңышлы тамамлай. Ғилемгә ынтылған һәләтле егет белем алыуын Темәс педагогия училищеһында дауам итә.
Диплом алғас, йәш педагог дәртләнеп эшкә тотона. Дүрт йылдан белемен артабан камиллаштырыу теләге Э. Ишбирҙинде БДУ-ның тарих-филология факультетына алып килә.
Ком: 0 // Уҡынылар: 735 тапҡыр // Тотош уҡырға
Яуаплылыҡ  көслө булғанда Был аҙнала ил Президенты Владимир Путин унынсы тапҡыр Рәсәй һәм донъя журналистары менән осрашты. Сираттағы матбуғат конференцияһы айырыуса иғтибар үҙәгендә булды — һорауҙарҙың күпселеге сит илдәр менән мөнәсәбәттәргә, Украиналағы ваҡиғаларға, санкцияларға, илдең иҡтисади хәүефһеҙлегенә ҡағылды.
Ком: 0 // Уҡынылар: 596 тапҡыр // Тотош уҡырға
Моңға сорнап  тормош йомғағын Мәҙәнилек йыр-бейеүгә маһирлыҡта ғына түгел, тәү нәүбәттә халыҡтың күңел торошонда, көнүҙәк тормошто ла моңло итеп үткәреүендә сағыла. Район үҙәгендәге һәр урам-мөйөштә иртә таңдан көләс йөҙ менән тегендә-бында ашыҡҡан кешеләр, гөрләп торған баҙар, ауылды йылды оҙатыу тантанаһына әҙерләүселәрҙең дәртле хеҙмәтен күреү хозурлығы йәшәүгә дарман өҫтәй.
Ком: 0 // Уҡынылар: 643 тапҡыр // Тотош уҡырға
Ҡырмыҫҡалы – халыҡ күп йәшәгән, башҡорт, татар, урыҫ, сыуаш, мордва, ҡыҫҡаһы, 40-тан ашыу милләт вәкиле теркәлгән, 16 ауыл биләмәһенән торған район. Өфөгә яҡын урынлашҡан был төбәктә йәшәйештең һәр тармағы буйынса эштәр баш ҡала кимәлендәгеләй юғары сифатта башҡарыла. Мәғариф өлкәһенең дә иҡтисади, сәйәси, социаль йүнәлештә үҫеш өсөн таяныс булырҙай йәш быуынды тәрбиәләү маҡсаты менән йәшәүе – быға асыҡ миҫал. Башлыса етештереү тармағына нигеҙләнгән район бюджетының социаль йүнәлешкә ҙур иғтибар бүлеүе белем биреү эшен уңышлы атҡарып сығыуға булышлыҡ итә.
Ком: 0 // Уҡынылар: 378 тапҡыр // Тотош уҡырға
Пекинда уҙғарылған Бөтә донъя интеллектуаль уйындарында яҡташыбыҙ Тамара Танһыҡҡужина халыҡ-ара шашка буйынса супер-блицта көмөш миҙал яуланы.
Ком: 0 // Уҡынылар: 514 тапҡыр // Тотош уҡырға
Башҡортостандың Мәҙәниәт министрлығы республикабыҙҙа Әҙәбиәт йылы эмблемаһының иң яҡшы проектын эшләүгә конкурс иғлан итте.
Ком: 0 // Уҡынылар: 400 тапҡыр // Тотош уҡырға
Нурлы бүләк Күркәм акция республикабыҙ райондары буйлап ышаныслы атлай. “Строймеханизация” яуаплылығы сикләнгән йәмғиәтенең генераль директоры Нур Тажетдиновтың 100 кешегә “Башҡортостан” гәзитен яҙҙырып, бүләк яһауы – быға асыҡ миҫал. Нур Азамат улы сығышы менән Баймаҡ районының 2-се Этҡол ауылынан. Бөгөн төҙөлөш менән шөғөлләнә, уның объекттары республикала ғына түгел, күрше Силәбе, Ырымбур яҡтарында ла бар.
Башҡортостандың Дәүләт Йыйылышы – Ҡоролтай депутаты булараҡ Нур Тажетдинов, төбәктең рухи үҫешенә ҙур йоғонто яһап, үҙ эшселәренә, ауылдаштарына, күп балалы ғаиләләргә, ағинәйҙәргә, хеҙмәт ветерандарына хөрмәт йөҙөнән матур күстәнәс әҙерләне. Афарин!
Ком: 0 // Уҡынылар: 374 тапҡыр // Тотош уҡырға
Артҡа 1 2 Алға
Бит башына