Ихтыярлылар илде күтәрә Ихтыярлы, маҡсатлы заттар бер урында тапанмай, артҡа ла сигенмәй. Ысынында, үҙеңдә ышаныс тойғанда, көслө саҡта ғына ниәтеңә ирешәһең.
Маҡсат тигәндән, “Акрополь” яуаплылығы сикләнгән йәмғиәтенең генераль директоры Хәйҙәр Ғайсин өсөн бойомға ашмаҫтай хыял юҡ. Ябай ғына бер миҫал: бәхетен ситтә табыусылар һирәк, ә ул үҙе тыумышы менән Ейәнсура районының “киләсәге юҡ” тигән мөһөр һуғылған Ҡарабәрҙе ауылынан, шуға ҡарамаҫтан, алыҫ Күмертау ҡала­һында бынамын итеп эшләп йөрөй. Компанияһын республиканың ниндәй генә районында, ҡалаһында белмәйҙәр!
Ком: 0 // Уҡынылар: 409 тапҡыр // Тотош уҡырға
Гүзәл затҡа ихтирам билдәһе Быйыл республика кимәлендә тәүге тапҡыр “Ҡатын-ҡыҙ — милләт әсәһе” тигән конкурс үткәрелде. Башҡортостандың Башҡорт ҡатын-ҡыҙҙары йәмғиәте һәм “Башҡортостан ҡыҙы” журналы редакцияһы тарафынан ойошторолған сара йәмғиәттә ҙур ҡыҙыҡһыныу уятты.
Ком: 0 // Уҡынылар: 442 тапҡыр // Тотош уҡырға
Ил кимәлендә танылды Медицина белгестәре араһында үткәрелгән Бөтә Рәсәй конкурсында республикабыҙҙың алты табибы еңеү яуланы.
Еңеүселәрҙең береһе — Рес­­публика туберкулезға ҡар­шы диспансерының балалар бүлексәһе мөдире, юғары категориялы табибә, Башҡортос­тан­дың һәм Рәсәйҙең һаулыҡ һаҡлау отличнигы Ольга Шукаева. Ул был хәтәр сиргә тарымау өсөн беҙҙә ниҙәр эш­лә­неүе, ниндәй саралар кү­ре­леүе хаҡында һөйләп, бо­ронғо хәүефле инфекцияның ни өсөн табиптарға һаман да тынғылыҡ бирмәүен аңлатты.
Ком: 0 // Уҡынылар: 385 тапҡыр // Тотош уҡырға
Этҡолдар — берҙәм халыҡ Этҡол уңған, егәрле килендәре менән дан тота. Шуларҙың береһен — почтальон Әсмә Әлибаеваны — һәр өйҙә көтөп алалар. Ауылдаштарын гәзит-журналға яҙҙырыуҙа йыл да өлгөрлөк, маһирлыҡ өлгөһө күрһәтә ул. Этҡолдоң һәр өйөнә тиерлек “Башҡортостан” гәзитенең килеүендә лә уңған почтальондың өлөшө ҙур. Араларҙы яҡынайтҡан, халыҡҡа кәрәкле мәғлүмәтте, донъя, республика яңылыҡтарын ваҡытында илткән почтальондың үҙенә һүҙ бирәйек:
Ком: 0 // Уҡынылар: 434 тапҡыр // Тотош уҡырға
“Район баҫмаһы Ниңә башҡортса сыҡмай?” “Башҡортостан”дың дуҫтары араһында төрлө кешеләр, төрлө шәхестәр бар. Гәзитте берәүҙәре яңыраҡ ҡына алдыра башлаған, ә икенселәренең был баҫманан ғүмере буйы айырылғаны юҡ. Стәрлетамаҡ районының Мәҡсүт ауылында йәшәгән Басир Ишембаевты лайыҡлы рәүештә гәзиттең Почет таҡтаһына индерергә булыр ине.
Ком: 0 // Уҡынылар: 431 тапҡыр // Тотош уҡырға
Тәнде генә түгел,  йәнде лә дауалайҙар “Асы” хозур тәбиғәтле Белорет районында урынлашҡан. Урал тауҙарына һыйынып ултырған, Инйәр йылғаһының сылтыр тауышына күмелеп, шифалы һыуы менән әллә күпме кешегә сәләмәтлек, йәшәү дәрте бүләк иткән был шифахана күптәргә таныш.
Урындағы халыҡ тоҙло һыуҙың үҙенсәлектәрен элек-электән яҡшы белгән. Составы яғынан ул хатта диңгеҙҙекен хәтерләтә, химик һәм органик компоненттарҙан тора. Аҙ мине­ралланған сульфат-хлоридлы, кальций-натрийлы һыуҙың ҡан әй­лә­нешен, матдәләр алмашыныуын яҡшыртыуҙа, үт бүлеп сығарыуҙы көсәйтеүҙә файҙаһы ҙур.
Ком: 0 // Уҡынылар: 417 тапҡыр // Тотош уҡырға
Ырымбур ҡалаһында тыуып үҫкән урыҫ егете Вячеслав Черневтың башҡортса матур һөйләшеүе, етмәһә, Башҡортостан юлдаш телевидениеһында барған махсус программаның төп геройы булып танылыуы 2014 йылдың сағыу бер күренешенә әүерелде.
Ком: 0 // Уҡынылар: 399 тапҡыр // Тотош уҡырға
Рәшит Назаровтың исемен атау менән ҙур таланттар, уларҙың онотолмаҫ ижады, ҡатмарлы, фажиғәле яҙмыштар иҫкә төшә. Улар араһында беҙҙең шағирыбыҙ сағыу, ҡабатланмаҫ бер йондоҙ булып балҡый.
Ком: 0 // Уҡынылар: 397 тапҡыр // Тотош уҡырға
Яңы Ҡарас ауылында мәсет бер йыл элек төҙөлә башлағайны. Ошо арала төйәктә гүйә ки бәрәкәт артты: урамдар таҙарҙы, өйҙәр күркәм­ләнде, кешеләр тағы ла мәрхә­мәтлерәк, бер-береһенә иғти­барлыраҡ булып китте. Иман йорто ҙур көскә эйә шул.
Ком: 0 // Уҡынылар: 456 тапҡыр // Тотош уҡырға
Бәлә-ҡаза һорап килмәй Таң һыҙылыуға табан Ейәнсура районының Иҫәнғол ауылында йәшәгән Василина йәшен атыуға тертләп уянып китә. Ҡыҙ өй эсенә әсе төтөн таралыуын һиҙә.
«Янғын!» – 15 йәшлек Василинаға оҙаҡ уйлап торорға ваҡыт булмай, һәр секунд, һәр минут ҡәҙерле икәнен аңлаған ҡыҙ әсәһен, кескәй туғандарын уята. Әсәһе Лариса янғын хеҙмәтен саҡырырға уйлап, ҡулына телефон ала. Ул арала Василина тәҙрәне тибеп вата ла 11 йәшлек Регина менән 6 йәшлек Элинаға тышҡа сығырға ярҙам итә. Кескәй Ярославты ла ҡулына алып, әсәһенә тәҙрә аша сығырға ярҙам итә.
Ком: 0 // Уҡынылар: 402 тапҡыр // Тотош уҡырға
Быйыл булдырылған “Ата-әсә фиҙакәрлеге” миҙалы менән республикаға дан килтергән, батырлыҡ ҡылған, фәнни, ижади, спорт йәки башҡа эшмәкәрлектә айырым ҡаҙаныштарға эйә булған бала тәрбиәләүсе ата-әсәләр (опекундар, попечителдәр, уллыҡҡа алыусылар) бүләкләнә.
Ком: 0 // Уҡынылар: 421 тапҡыр // Тотош уҡырға
Бөйөк Ватан һуғышы фажиғәһенең шаңдауы йылдан-йыл йырағая бара. Был шанлы йылдарҙы үҙ күҙҙәре менән күргәндәр, ваҡиғаларҙың уртаһында ҡайнағандар арабыҙҙан китә. Еңеү яҙы алып килгән ветерандарҙың имәндәй ныҡтары ла бар. Шуларҙың береһе – Өфө районының Әсән ауылында йәшәгән Хәмзә Шәрәфетдинов.
Ком: 0 // Уҡынылар: 447 тапҡыр // Тотош уҡырға
3 декабрҙә Рәсәйҙә тәүге тапҡыр Билдәһеҙ һалдат көнө билдәлән­де. Хә­терегеҙ­гә төшө­рәбеҙ: ил Президенты Владимир Путин Билдәһеҙ һалдат көнөн билдәләү тураһындағы Указға быйыл ноябрь башында ҡул ҡуйғайны.
Ком: 0 // Уҡынылар: 595 тапҡыр // Тотош уҡырға
Сочи ҡалаһында үткән XI Ҡышҡы Паралимпия уйындарында Рәсәй йыйылма командаһы составында Башҡортостандан биатлонсы һәм саңғысылар Азат Ҡарасурин, Кирилл Михайлов, Ирек Зарипов һәм Александр Давидович лайыҡлы сығыш яһаны.
Ком: 0 // Уҡынылар: 407 тапҡыр // Тотош уҡырға
Ҡуй әле, шулай буламы ни, тиерһегеҙ. Була икән шул. Бына быйыл Сочиҙағы Ҡышҡы Олимпиадала Башҡортостандан ике спортсы алтын миҙал яуланы. Икеһе лә конькиҙа уҙышыуҙың шорт-трек төрөндә, икеһе лә команда эстафетаһында. Шунан уларҙы нисек айырып ҡарамаҡ кәрәк?!
Ком: 0 // Уҡынылар: 347 тапҡыр // Тотош уҡырға
Артҡа 1 ... 4 5 6 7 8 9 10 11 12 ... 31 Алға
Бит башына