“Сәңгелдәк”ле, тимәк, киләсәкле Ибрай ауылындағы Ҡабра тауының түбәһендә бер нисә йыл инде “сәңгелдәк” бәүелә. Тирмә һынының ҡап уртаһына эленгән ул. Ҙур мәғәнәгә эйә ҡоролманы урынлаштырыу, уның өҫтөнә республиканың флагын ҡаҙау Рамаҙан Уликанов атлы уҙамандың башланғысы менән тормошҡа ашырылды.
Ком: 0 // Уҡынылар: 598 тапҡыр // Тотош уҡырға
Йәшәү мәғәнәһен хеҙмәттә тапҡан Мәғариф тармағына заман технологиялары, яңыртыу алымдары индерелгән саҡта туған телебеҙ иғтибарға айырыуса ҙур мохтажлыҡ кисерә. Уны ҡулланыу йәһәтенән туҡтауһыҙ эш талап ителә. Был бурысты иңенә алған төп кешеләр – башҡорт теле һәм әҙәбиәте уҡытыусылары. Араларында Сибай медицина колледжының юғары категориялы педагогы Мәүлиҙә Килдебаева ла бар.
Ком: 0 // Уҡынылар: 545 тапҡыр // Тотош уҡырға
Эш белмәгәнде ауыл яратмай Мәғариф буйынса республика кәңәшмәһе алдынан белем биреү тармағындағы көнүҙәк мәсьәләләр хаҡында йышыраҡ уйлана башлайбыҙ. Улар араһында хеҙмәт тәрбиәһе айырым иғтибар талап итә.
Илдең мәғариф өлкәһе ҡанундары, бөгөнгө реформаларҙың күбеһе ҡала уҡыусылары өсөн яраҡлаштырылған кеүек.
Ком: 0 // Уҡынылар: 605 тапҡыр // Тотош уҡырға
Дүртөйлөнөң  үҙ “Икар”ы Тормошта уйламағанда ҡыҙыҡлы кешеләр менән осрашырға тура килә. Мин дә быйыл һабантуйҙа шундай ғәҙәти булмаған ир-ат менән таныштым. Арҡаһына пропеллер эләктергән 15-ләгән һәүәҫкәр осоусы йыйылғайны. Берсә түбәнәйеп, берсә бәләкәй генә нөктә булып, рәхәтләнеп осто улар. Йәше-ҡарты “ҡанатлы” кешеләрҙе көслө алҡыштарға күмде, теләге булғандар осоп ҡарау бәхетенә иреште.
Осоусы – тәүәккәл, ҡыйыу ирҙәр һөнәре. Улар араһында Дүртөйлө районының Ҡораласыҡ ауылынан Ғәзизйән Йәһүҙин да бар ине. Ул үҙенең бала саҡ хыялдары менән уртаҡлашты.
Ком: 0 // Уҡынылар: 539 тапҡыр // Тотош уҡырға
Голландиянан килтерелгән рәсемдәр Өфөнөң «Болоттар» заманса сәнғәт үҙәгендә Сулпан Билалованың «Таш йыйыусылар» тип аталған шәхси күргәҙмәһе асылды.
Сулпан Билалова — билдәле башҡорт рәссамы, хәҙер Мәскәүҙә йәшәй. Рәсәйҙең Рәссамдар союзы ағзаһы, Шәйехзада Бабич исемендәге дәүләт республика йәштәр премияһы лауреаты.
Ком: 0 // Уҡынылар: 531 тапҡыр // Тотош уҡырға
Ете тирмәле “Ватан”да Теләктәр тормошҡа аша бит, йәмәғәт. Ҡасан ғына әле башҡорттарҙың тарихын, Башҡортостан халыҡтары менән таныштырған этномайҙансыҡтар, туристик маршруттар хаҡында гәзит биттәрен тултырып яҙа торғайныҡ. Бына, ниһайәт, ШОС һәм БРИКС илдәре саммиттары алдынан Башҡортостан Президенты грантына Өфө амфитеатрында “Ватан” этноауылы асылды. Проект авторы – рәссам, дизайнер Илдар Нурисламов.
Ком: 0 // Уҡынылар: 631 тапҡыр // Тотош уҡырға
Үҙ яғыма ҡайтһам… Тәпәй баҫҡан, буй еткергән ерем Ҡыҙыл Мәсет минең өсөн татлы ла, серле лә, изге лә. Борон-борондан тирә-яҡта дан тотҡан исеме лә уға ҡөҙрәт бирә һымаҡ. Эйек һыуын эскән, урман-даланы үҙ иткән халыҡ ихласлығы, йомартлығы, саф күңелле булыуы менән айырылып торғандай.
Ком: 0 // Уҡынылар: 533 тапҡыр // Тотош уҡырға
Алтын хәреф менән яҙылған Кемдәр генә белмәй был мәктәпте,
Кем үтмәгән уның һуҡмағын?
Стәрлегә килгән һәр иптәштең
Теләр инем бында туҡтауын...
Ком: 0 // Уҡынылар: 472 тапҡыр // Тотош уҡырға
Игенсенең хәстәре күп Йәй — ҡыҙыу эш мәле. “Искәндәров” крәҫтиән (фермер) хужалығы баҫыуҙарын комбайндар иңләй.
Ямғырҙар бер аҙ ҡамасаулаһа ла, егеттәр эште йылдам алып бара. Үҫтерелгән уңышты юғалтыуһыҙ һәм ваҡытында йыйып алырға тырыша улар. Техника етерлек. Баҫыуҙы арҡырыға-буйға уҙған комбайндарҙың береһе былтыр ғына һатып алынған. Техниканың икәүһендә лә кондиционер ҡуйылған.
Ком: 0 // Уҡынылар: 492 тапҡыр // Тотош уҡырға
Изге күңелдән — китаптар З. Биишева исемендәге “Китап” нәшриәте ойошторған “Изге күңелдән — китап” акцияһы дауам итә. Был сараның маҡсаты – милли әҙәбиәтте пропагандалау, йәш быуында китапҡа ҡарата ҡыҙыҡһыныу тыуҙырыу, йәмәғәтселектең иғтибарын йәлеп итеү. Унда дәүләт ойошмалары, эшҡыуарҙар, ғөмүмән, теләгән һәр бер кеше ҡатнаша ала.
Ком: 0 // Уҡынылар: 631 тапҡыр // Тотош уҡырға
 Бер быуатлыҡ ғүмер Оло быуын вәкилдәрен күргәндә, тормош һынауҙары ни тиклем күберәк һәм ҡатмарлыраҡ булған һайын, әҙәм балаһы шул дәрәжәлә нығына, тамырлана баралыр, тигән уй килә. Тап шундай кеше беҙҙең арала бер быуатлыҡ ғүмер үрен ҡаршылай.
Ком: 0 // Уҡынылар: 414 тапҡыр // Тотош уҡырға
Рәхимйән Дөйөм ятаҡта киске уйын бара. Төрлө төҫтәге уттар бер яна, бер һүнә. Йәш-елкенсәк үҙенсә күңел аса. Ғәҙәттәгесә, кемдер бейей, икенселәр күҙәтә. Бер яҡ ситтәрәк баҫып торған мыҡты кәүҙәле егеттең һәм унан буйға бер аҙ бейегерәк дуҫының, ҡайһы бер йәштәрҙең саманан тыш ҡыланыуын күреп, йоҙроҡтары төйнәлеп-төйнәлеп ала. Үҙҙәре һымаҡ рухлы һәм көслө егеттәр менән ошо ятаҡта ҡаты тәртип урынлаштырғанына ҡасан ғына әле. Хатта ҡалала урынлашҡан башҡа ятаҡтарҙы ла үҙ ҡулдарына ала башлағайнылар.
Ком: 0 // Уҡынылар: 518 тапҡыр // Тотош уҡырға
Ленинград яраһы Стәрлетамаҡ дәүләт уҡытыусылар институты уҡытыусыһы Абдулла Баязитов оҙон буйлы, бөхтә кейемле, баҫалҡы холоҡло һәм һөйкөмлө ҡарашлы шәхес ине. Башҡорт теле һәм әҙәбиәте факультеты студенттары янына бүлмәгә килеп инә лә үҙенең дәресен шундай яғымлылыҡ менән башлай торғайны. Беҙ йыш ҡына уң ҡулы менән бауырын тотоуына иғтибар итһәк тә, сәбәбен һорашырға ҡыймай инек.
Ком: 0 // Уҡынылар: 430 тапҡыр // Тотош уҡырға
Һуғыш балалары ҡасан ҡыуаныр? Бөйөк Ватан һуғышы йылдарында Иҫке, Бәләкәй һәм Яңы Аҡҡолай ауылдарынан 146 кеше фронтҡа китә, шуларҙың ни бары 49-ы тыуған яғына әйләнеп ҡайта. Әле бында ағалы-ҡустылы Лоҡман менән Талха Шафиҡовтар ғына иҫән.
Райондың “Заветы Ильича” колхозы башҡорттарҙы ла, татарҙарҙы ла, украиндарҙы ла, немецтарҙы ла берләштергән.
Ком: 0 // Уҡынылар: 346 тапҡыр // Тотош уҡырға
Сквер яңыртыласаҡ Өфөлә Еңеүҙең 50 йыллығы исемендәге скверҙа сәйәси золом ҡорбандарына ҡуйылған һәйкәл төҙөкләндерелә. Яңы проектҡа ярашлы, уның ҡайһы бер өлөштәре алмаштырыласаҡ. Һәйкәлгә йән өрөүсе Леонид Дубинскийҙың һүҙҙәренә ҡарағанда, был теләк 2001 йылда уҡ тыуған, ләкин уны тормошҡа ашырыу бер нисек тә мөмкин булмаған.
Ул саҡта алыҫ Карелиянан алып килгәндә үк ҡара мәрмәрҙә ярыҡтар табылған. Ваҡыт үтеү менән таш үтәнән-үтә тишелеп сыҡҡан, хатта һәйкәлдең ҡолау хәүефе тыуған.
Ком: 0 // Уҡынылар: 322 тапҡыр // Тотош уҡырға
Артҡа 1 2 Алға
Бит башына