“ҮҘГӘРЕРГӘ КӘРӘК БЕҘГӘ, Ә ҺЫНЫРҒА ТҮГЕЛ…” Һәр халыҡтың таянырҙай, ышанырҙай абруйлы үҙ шәхестәре, зыялылары була. Күренеп тә бармай уларҙың хеҙмәттәре, әммә милләт үҫешен уларҙан тыш күҙ алдына килтереүе ҡыйын. Йәмәғәт эштәренә ярты быуаттан ашыу ғүмерен арнаған, Стәрлетамаҡ ҡалаһында башҡорт мөхитен үҫтереүгә ҙур көс һалған аҡһаҡалыбыҙ Риф ДӘМИНЕВ – нәҡ шундай шәхестәрҙең береһе. Рух, милләт, тип янған йәштәребеҙгә өлгө алырлыҡ тәжрибәгә бай Риф Абдулла улының тормошо. Юбилейы айҡанлы уҙаман менән ҡорған әңгәмәлә шул турала һүҙ барҙы, башҡорт халҡының киләсәге мәсьәләһе лә урап үтелмәне, әлбиттә.
Ком: 0 // Уҡынылар: 748 тапҡыр // Тотош уҡырға
“Ожмах мөйөшө”н күргегеҙ килһә... Йәмле Һаҡмар буйында ял итергә теләүселәр бихисап: йәй көнө күрше Ырымбур өлкәһе ҡунаҡтары ла, Хәйбулла районында йәшәүселәр ҙә йыш килә. Әммә күңелдәрҙе әрнеткәне шул: уларҙан өйөм-өйөм сүп-сар ҡала, йылға буйҙары бысраҡҡа күмелә. Халҡыбыҙ әле булһа матур итеп ял итә, артынан йыйыштыра белмәй шул.
Ком: 0 // Уҡынылар: 997 тапҡыр // Тотош уҡырға
Матурлыҡ өләшеүсе Шаҡмаҡлы оло сумка менән сит илдән төрлө тауар тейәп алып ҡайтып һатыусылар башлап ебәргән шәхси эшҡыуарлыҡ һуңғы ике тиҫтә йылда, рәсми нигеҙ һәм дәүләт яҡлауы алып, ныҡлы аяҡҡа баҫты. Был хәрәкәт беҙҙең көндәлек тормоштоң күп өлкәләрендә үҙен ярайһы уҡ танытты. Элегерәк уға булған кире ҡараш та ыңғайға үҙгәрә, йәмғиәттәге ышаныс та арта бара. Бының төп сәбәпсеһе – әлбиттә, килем артынан ғына ҡыуған алыпһатар түгел, ә кеше ихтыяжын даими иғтибарҙа тотҡан ысын эшҡыуар. Быға тиклем етерлек тәжрибә туплаған шөғөлдәре буйынса үҙ эшен асҡан йүнселдәр араһында нәҡ шундайҙар бихисап.
Ком: 0 // Уҡынылар: 1052 тапҡыр // Тотош уҡырға
Әҙип, рәссам һәм педагог Тап ошо өс бөйөк һүҙ билдәләй Урал Ҡолошовтың ижадын. Уны өлкәлә һәм Башҡортостанда ҡаурый ҡәләм оҫтаһы ғына түгел, рәссам булараҡ та беләләр. Сосновка районындағы Долгодеревенское ауылының сәнғәт мәктәбендә 25 йыл эшләгән Урал Фәләх улының уҡыусылары йыл һайын Силәбе өлкәһе һәм Рәсәй кимәлендәге конкурстарҙа призлы урындар яулай.
Урал Ҡолошов – өс китап авторы. Уның хикәйәләре һәм шиғырҙары шулай уҡ әҙип үҙе етәкләгән «У камина» тип аталған район яҙыусылары һәм шағирҙары берекмәһе хәстәрлегендәге һәм Аҡмулла исемендәге өлкә ижадсылары ойошмаһы әҙерләгән йыйынтыҡтарға ингән.
Ком: 0 // Уҡынылар: 533 тапҡыр // Тотош уҡырға
Изгелек өләшә “Рабиға” “Ерҙә мәсет һалған кеше йәннәттә үҙенә һарай булдырыр” тигән фәһемле һүҙ бар мосолмандарҙа. Әммә бөгөн нәфсеһен тыя алмай, үҙен генә хәстәрләп икешәр-дүртәр ҡатлы зиннәтле йорттар һалған әҙәмдәр юҡ түгел арабыҙҙа. Ошондай заманда Күгәрсен районының Сапыҡ ауылында мөһабәт мәсеттең ҡалҡып сығыуы – үтә лә шатлыҡлы күренеш.
Ком: 0 // Уҡынылар: 619 тапҡыр // Тотош уҡырға
Әле лә һағынып һөйләйҙәр Уҙған быуаттың 90-сы йылдар башында илдә, республикала барған рухи һынылыш шарттарында сағыу бер йондоҙ булып килеп инде ул Стәрлетамаҡтың мәҙәни донъяһына. Бөтә донъя башҡорттарының Беренсе ҡоролтайына алыҫ Себер тарафтарынан саҡырылған делегаттар араһында алсаҡлығы, һөйкөмлөлөгө менән айырылып, барыһының да иғтибарын үҙенә йәлеп итеп тора ине. Төмән өлкәһенең Нижневартовск ҡалаһында мәғариф буйынса төрлө яуаплы вазифаларҙа эшләгән ул, башҡорт, татар, украин балалары өсөн йәкшәмбе мәктәбен асыуҙа, “Ватан” башҡорт һәм татар халыҡ үҙәген ойоштороуҙа әүҙем ҡатнашҡан.
Ком: 0 // Уҡынылар: 642 тапҡыр // Тотош уҡырға
Ҡурай моңон Тымыҡ океан да тыңлаған Әбйәлил районының Мәхмүт ауылынан Рифат Исҡужинды, һис шикһеҙ, талантлы ҡурайсы тип әйтергә була. Уның милләтебеҙҙең ҡото булған оҙон көйҙәрҙе күкрәге аша үткәреп, өҙҙөрөп уйнауы бер кемде лә битараф ҡалдырмай, йөрәкте әсир итеп, күңелде болоҡһота, халҡыбыҙ өсөн ғорурлыҡ хистәрен көсәйтә.
Рифаттың ҡыҫҡа ғына ваҡытта бер нисә конкурста еңеп сығыуы, ҡурайҙа уйнау оҫталығын камиллаштырыу маҡсатында бөгөн дә тырышып эшләүе уның киләсәктә ҙур сәхнәләрҙе яуларына өмөтләндерә.
Ком: 0 // Уҡынылар: 590 тапҡыр // Тотош уҡырға
Академияға Абдразаҡов етәкселек итә! Яңыраҡ Санкт-Петербургта Елена Образцова исемендәге Халыҡ-ара музыка академияһы асылды. Уның художество етәксеһе итеп билдәле опера йырсыһы, Башҡортостандың халыҡ артисы Илдар Абдразаҡов тәғәйенләнде.
Ком: 0 // Уҡынылар: 657 тапҡыр // Тотош уҡырға
Аҡ ҡалас өләшәләр... Тормош кешегә төрлө һынауын ебәреп кенә тора. Зилә лә ике бала менән эшһеҙ тороп ҡала. Әммә балаларының — ике бөртөк күҙ нурҙары Динә менән Гөлшаттың — киләсәге хаҡына үҙенә оло маҡсат ҡуйып, уны бойомға ашырырға көс таба. Тәүҙә Кинйәбулат ауылында колхоздан ҡалған иҫке генә икмәкханала эш башлай. Ҡамыр ризыҡтарына ихтыяж ҙур икәнлеген күргәс, дәртләнеп эшкә тотона. Артабан Зилә Хәйбулла ҡыҙы Ишембай ҡалаһына күсеп килә һәм “Ауылса икмәк” тигән сауҙа ойошмаһын асып ебәрә.
Ком: 0 // Уҡынылар: 873 тапҡыр // Тотош уҡырға
Барыһы ла – балалар өсөн — Ҡыҙымдың тыуған көнө, һеҙҙә урындар бармы?
— Баймаҡтан дуҫтар килә, пейнтбол клубына барырға ине...
— Балалар пониҙа йөрөргә теләй...
Лидар Әхтәмовтың һәр көнө телефон аша шундай һорауҙарға яуап биреүҙән башлана тиһәк тә, яңылыш булмаҫ.
Ком: 0 // Уҡынылар: 989 тапҡыр // Тотош уҡырға
Хазина тулы “Хазина” Шафран ауылы эргәһендәге оло юлда асылған кафе-магазин, күптән түгел генә эшләй башлаһа ла, юлда йөрөүселәрҙең яратҡан урынына әйләнде. Бында ысын мәғәнәһендә хазинаға тиң милли аш-һыуыбыҙ әҙерләнә. Кафеға килеүселәргә башҡорт һәм татар милли ризыҡтарын, шул иҫәптән Шафран оҫталары яһаған шифалы ҡымыҙҙы ла тәҡдим итәләр. Был эсемлек һыуһынды ҡандырып ҡына ҡалмай, уны тәмләгәндән һуң бөтә арыу-талыуҙарың һыпырып алғандай юҡҡа сыға. Тәндәрҙе сихәтләндереүсе, күңелгә ял биреүсе ошо хазинаны йылҡы үрсетеүсе фермер Рәфис Әминев етештерә.
Ком: 0 // Уҡынылар: 667 тапҡыр // Тотош уҡырға
Дәртләндереү эште еңеләйтә Комбайндар баҫыуға төшкәйне генә, еңелсә һибәләп үткән ямғыр эште туҡтатты ла ҡуйҙы. Ураҡсылар, һөйләшеп ҡуйғандай, бер юлы кабинанан сығып, төрлөһө төрлө шөғөлгә сумды. Хәҙер иһә бакуйҙың кипкәнен көтөргә кәрәк. Дим буйҙарында ошондай үҙенсәлекле күренеш йыш күҙәтелә. Әҙ генә төшкән тамсы ла урып йыйыу эштәрен ныҡ тотҡарлай.
Ком: 0 // Уҡынылар: 392 тапҡыр // Тотош уҡырға
Ихлас ярҙам онотторор хәсрәтте Бөрйән районының Иҫке Монасип ауылындағы янғын бөтә республиканы шаңҡытты. Һин дә мин йәшәп ятҡанда дүрт ғаиләгә ҡара ҡайғы килгән: ғүмер буйына йыйған донъялары бер нисә сәғәттә көл-күмергә әйләнгән. Ярай әле ҡорбандар юҡ. Ҡан-ҡәрҙәштәребеҙгә ярҙам итеү маҡсатында “Рәсәй – Башҡортостан” телеканалының милли тапшырыуҙар бүлеге мәрхәмәтлек акцияһы ойошторған. Ошо турала бүлек етәксеһе Уйылдан ҒӘЛИН һөйләй.
Ком: 0 // Уҡынылар: 346 тапҡыр // Тотош уҡырға
Диңгеҙҙән алыҫ булһаҡ та... Башҡортостан, диңгеҙҙәрҙән алыҫ урынлашһа ла, хәрби флоттың бик күп офицеры, мичманы, ветеранының төйәге. Һуңғы мәғлүмәттәр буйынса, төбәктән 43 мең кеше диңгеҙҙә хеҙмәт иткән.
Ком: 0 // Уҡынылар: 458 тапҡыр // Тотош уҡырға
Армия генералы – шишмәлә ҡунаҡта Армия генералы, Генераль штаб начальнигының элекке урынбаҫары, Хәрби фәндәр академияһы президенты, хәрби һәм тарих фәндәре докторы, профессор. Йөҙҙән ашыу ғилми эш, 300-ҙән ашыу фәнни мәҡәлә авторы. Был һүҙҙәр Мәхмүт Гәрәев тураһында. Арҙаҡлы шәхес тыуған ерен – Шишмә районының Сәлих ауылын – йәнә бер тапҡыр күреү бәхетенә өлгәште.
Ком: 0 // Уҡынылар: 398 тапҡыр // Тотош уҡырға
Артҡа 1 2 3 Алға
Бит башына