“Юл аҙабы – гүр ғазабы” тип юҡҡа әйтмәгәндәрҙер инде. Ҡаланан ситтә йәшәгәс, көн һайын эшкә килеүе үҙе бер бәләгә әүерелә. Дүшәмбе иртәһе лә “күңелле” башланды: трассаға сығыуыбыҙ булды, “Форд” микроавтобусының тәгәрмәсе шартланы. 27 кеше ултыртыр урынға ҡырҡҡа яҡын пассажир тейәгәс, шартламаҫ ерҙән шартлар! Халыҡ әлеге хәл өсөн водителде ғәйепләп маташһа, уныһы иһә бөтөн бәләне юлдың насарлығына япһарҙы.

Уҙған аҙнала “Әҙәби нағыш” марафоны республикабыҙҙың Ҡалтасы һәм Балтас райондарын да урап сыҡты. Башҡортостандың Яҙыусылар союзы делегацияһына “Шоңҡар” журналының баш мөхәррире, шағир, прозаик Мөнир Ҡунафин етәкселек итте.

...Йоҡоға киткәнсе өләсәйемдең доғаларын тыңлап, отоп алып ятам. Ҡайһы бер төндәрҙә ҡәҙерлем үҙе менән тышҡа алып сыға ла, күккә ҡарап, оҙаҡ итеп ниҙер шыбырҙай. Миңә лә иң матур хыялдарымды иҫкә төшөрөргә ҡуша. Ҡәҙер кисендә изге теләктәребеҙҙе әйткәнбеҙ икән.

23 октябрҙә данлыҡлы спортсы Харис Йосоповтың тыуған ерендә – Салауат районының Арҡауыл ауылында –“Башҡортостан” гәзите кубогына һәм приздарына милли көрәш буйынса III асыҡ республика турниры үткәрелә.

Башҡортостаныбыҙҙа бейеклеге буйынса икенсе урында торған Ирәмәл тауына сәйәхәткә барырға саҡырыу килгәс, ни өсөндөр ҡабынып китмәнем. Ярай, барырбыҙ, менеп ҡарармын, килеп сыҡмаһа сыҡмай инде, тигән булдым. Һыу инер өсөн кәрәк-яраҡты иғтибарлап йыйҙым, һыу матрасын да, күҙлеген дә онотманым. Шулай һүлпән генә әйткәндә, белһәм икән Ирәмәл беҙгә ниндәй һынауҙар һәм мажаралы көндәр әҙерләп ҡуйғанын...

Беҙҙең мәктәптә Уңыш байрамын уҙғарыу йолаға әйләнгән. Ул һәр ваҡыт ҡыҙыҡлы, күңелле үтә.
Быйылғы байрамды ла ашҡынып көтөп алдыҡ. Айырыуса йәшелсәнән төрлө һын, һауыт эшләргә яратабыҙ. Көҙгө сәскә-үләндән гөлләмә яһау ҙа оҡшай. Һәр ваҡыттағыса, бындай әҙерлек эштәрендә атай-әсәйҙәребеҙ ныҡ ярҙам итте.
Байрамда командалар төрлө һынау үтте, йыр-бейеүгә маһирлығын күрһәтте, сәмләнеп ярышты. Көҙһылыуҙарҙың сығышы бигерәк тә матур килеп сыҡты.

Һаумыһығыҙ, Мостай олатай! Һеҙҙең иҫәндәр араһында булмауығыҙға тиҫтә йыл да үтте, ләкин һаман да арабыҙҙа кеүекһегеҙ, сөнки рухығыҙ күңелдәребеҙҙә йәшәй. “Беҙҙең өйҙөң йәме” әҫәрендәге Оксана йорт ҡото булһа, һеҙ – илебеҙҙең, барлыҡ әҙәбиәт донъяһының күрке. Һәр әҫәрегеҙ кешелеккә фәһем бирә, тормошто яратырға өйрәтә. Шундай яҙыусыбыҙ, шағирыбыҙ булғаны менән сикһеҙ бәхетлебеҙ. Рәхмәт һеҙгә!

Әсәйем менән атайымдың һөйләүе буйынса үҙебеҙҙең яҡтағы бер ҡая атамаһының тарихын яҙып үтмәксемен.

Йәйге каникул мәлендә Ураҙбай быуаһына балыҡҡа барыуыбыҙ хәтеремдә ныҡ уйылып ҡалды.

Урман аяуһыҙ ҡырҡыла, йылға-күл бысрана, һайыға, һауабыҙ ағыулана... Ер шары көсһөҙ, яҡлаусыһыҙ ҡалған кеүек. Әйтерһең, кескәй бала... Кешеләрҙең ярҙамына мохтаж ул.