“Мин – ҡатын-ҡыҙ.  Хәстәрҙәрем ябай...” “Һәр яңылыҡ – ихлас онотолған иҫкелек” тигәнерәк әйтем бар көнкүрештә. Был һүҙҙәрҙе иһә мең йоҙаҡ һәм сер менән уратылған гүзәл зат күҙлегенән тикшермәксемен. Яңы һаналған күренештәргә ысынлап та бығаса шаһит булмағанбыҙмы беҙ? Заман тиҙлеге талап иткән, төрлө юҫыҡтағы үҙгәрештәр, асыштар гүзәл зат вәкилдәренә нисек тәьҫир итә? Файҙаһы бармы? Улар еңел үҙләштереләме?
Ком: 0 // Уҡынылар: 798 тапҡыр // Тотош уҡырға
Ашың ниндәй –  тормошоң шундай Тәбиғәттең ҡышҡы йоҡоһонан уяныуын – яҙ етеүен тоймаған кеше юҡтыр был донъяла. Һәммәбеҙҙең күңеленә үтеп инеп, йөрәктәрҙе елкендереп, йәшәйешкә йәм, дәрт өҫтәп ҡыуандыра был ҡояшлы миҙгел. Мөғжизәле мәлдең ауазын тулыһынса тасуирлап бөтөү мөмкин түгел. Әммә ошо барлыҡ шатлыҡтарҙы һулау, ыңғай үҙгәрештәр кисереү өсөн иң тәүҙә сәләмәт булыу, үҙеңде яҡшы тойоу мотлаҡ. Яҙғы осорҙа ҡатын-ҡыҙ организмы өсөн нимәләр кәрәк? Авитаминозға ҡаршы нисек көрәшергә? Дөрөҫ туҡланыуҙы нисек көйләргә? Күпселек гүзәл зат вәкилен борсоған ошондай һорауҙарға яуапты медицина фәндәре кандидаты, доцент, терапевт-гастроэнтеролог Лилиә ҒӘББӘСОВА менән бергәләп эҙләнек.
Ком: 0 // Уҡынылар: 639 тапҡыр // Тотош уҡырға
Бер күңелдең балҡышы Танылған журналист Рәйсә Абдуллинаны студент саҡтан уҡ беләм. Яғымлы, һылыу, алсаҡ, егәрле ҡыҙ һәйбәт уҡыу менән бер рәттән йәмәғәт эштәрендә лә әүҙем ҡатнаша торғайны. “Шоңҡар” әҙәби түңәрәген йәнләндереү өсөн ваҡытын йәлләмәне. 1996 йылдан алып ул – Башҡортостан дәүләт телерадиокомпанияһы хеҙмәткәре.
Йылдар һәм заман елдәре әҙәм балаһын төрлөсә һынай. Бергә үтелгән тиҫтә йылдар эсендә Рәйсә эҙләнеүҙәре, асыш-табыштары, йөкмәткеле тапшырыуҙары менән һоҡландыра, уйландыра, ғәжәпләндерә һәм ҡыуандыра килә. Үҙенең күңел йылыһын, нурын тапшырыуҙарына һала белеүе, яғымлылығы, мөләйемлеге менән айырылып торған журналистарҙың береһе ул. Үтә лә нескә күңелле зат тип тә ҡабул итәбеҙ. Тик шул нескәлек һәм наҙ эсендә заман елдәре бөгә алмаҫ саҡматаштай рухи көс бар. Һүҙ яҡтылығы, күңел яҡтылығы, юл яҡтылығы шунан. Борон-борондан халҡыбыҙ саҡматашты ҡулынан ысҡындырмаған. Һәр дәүерҙә лә уның осҡоно ҡараңғылыҡты яҡтыртҡан.
Ком: 0 // Уҡынылар: 701 тапҡыр // Тотош уҡырға
Өйҙәре лә, ишек алдары ла бөхтә Меңдәрсә кеше йәшәгән тораҡты йәмләндереү, күп фатирлы йорттарҙы һәр саҡ тәртиптә, таҙа, төҙөк тотоу, уңайлы йәшәү шарттары тыуҙырыу өсөн ниндәй тырышлыҡ кәрәклеген “Сала-уат” торлаҡ кооперативы директоры Татьяна Смирнова яҡшы белә.
Ком: 0 // Уҡынылар: 398 тапҡыр // Тотош уҡырға
“Аяҡҡа баҫһам, кешеләрҙе дауалаясаҡмын!” …Ҡатын етеҙ аҙымдар менән урам буйлап атлай. Кешеләргә кәрәклеген, уны көткәндәрен белеп ҡабалана. Миңһылыу Әминева ул.
Ком: 0 // Уҡынылар: 964 тапҡыр // Тотош уҡырға
Ҡулдарынан гөлдәр тама Уға һоҡланмаған кеше юҡтыр. Хәстәрлекле, наҙлы ҡатын, әсә, бөтә яҡлап та булдыҡлы һәм уңған хужабикә, бурыстарын яуаплы башҡарған йәмәғәт эшмәкәре, ҡул эшенә маһир оҫтабикә, күңелендәге кисерештәрен шиғыр юлдарына һалып, милли асылын сихри хәрәкәттәр аша халҡына еткереүсе бейеүсе лә. Иң мөһиме — нимәгә генә ҡағылмаһын, ҡулдарынан гөлдәр тама.
Ком: 0 // Уҡынылар: 559 тапҡыр // Тотош уҡырға
Ҡыҙыҡтырмаҫ, ҡыуандырмаҫ, һыҙландырмаҫ һине нимә,  башҡорт ҡатын-ҡыҙы?! Заман менән бергә атлай “Бәйләнештә” социаль селтәрендәге “Башҡорт ҡатын-ҡыҙы” төркөмө. Унда шиғырҙар, хикәйәләр, шәхестәр менән әңгәмәләр генә тәҡдим ителеп ҡалмай, ә гүзәл затты борсоған проблемалар, ғаиләләге көндәлек мәшәҡәттәр, иң тәмле ризыҡтар, кейем-һалым, милли шөғөлдәр тураһында уҡырға була. Хәйер, һанап бөтөп кенә буламы икән ҡатын-ҡыҙҙы ҡыҙыҡһындырған, борсоған, ылыҡтырған, ярһытҡан, шатландырған күренештәрҙе?! Ана шуларҙың һәр береһе хаҡында фекер алышалар, бер-береһенә кәңәш бирәләр бында. Ҡорға ир-аттар ҙа килеп ҡушыла. Бик ҡыҙыҡлы, йәнле төркөм тормошо.
Ком: 0 // Уҡынылар: 1748 тапҡыр // Тотош уҡырға
 Биш бармағы кеүек белә Була бит тыйнаҡ кешеләр. Гәзиткә яҙырға теләгемде белдергәс, ризалығын ала алмай торҙом. – Ҡуй әле, районда мин генә түгел дә инде… – тип үҙенең хеҙмәттәштәрен телгә алды.
Ком: 0 // Уҡынылар: 393 тапҡыр // Тотош уҡырға
Байрам йәме – табын муллығында Халыҡ-ара ҡатын-ҡыҙҙар көнө – яҙҙың тәүге гүзәл байрамы. Ә байрамдың күрке – һый-ниғмәтле табындар. Тормош муллығының билдәһе лә ул. Ә инде өҫтәлгә ҡуйылған ризыҡтар ҡатын-ҡыҙҙың аш-һыуға оҫталығын күрһәтә. Тәмле ризыҡ әҙерләү өсөн дә һәләт кәрәк. “Мәләүез” ҡулланыусылар йәмғиәте лә шундай алтын ҡуллы һөнәр оҫталары менән дан тота.
Ком: 0 // Уҡынылар: 517 тапҡыр // Тотош уҡырға
Бал ҡортоноң наҙы бар,  ҡыҙлы йорттоң нуры бар Моғайын, тормошта ҡайһы саҡ ҡырҡа боролош яһарға ла кәрәктер. Һәр хәлдә, Илнур Нәҙершин шулай уйлай. Бер ҡараһаң, барыһы ла етә төҫлө: юғары белем алған, өйләнеп, ике ҡыҙ үҫтерәләр, ҡатыны Ләйсән уҡытыусы булып эшләй, мал-тыуар етерлек, яратҡан шөғөлдәре бар – умарта тоталар. Ләкин Илнурҙың күңеле тынғылыҡ тапмай, нисек тә үҙаллы эшләгеһе, хужалыҡ алып барғыһы килә. Шуға ла крәҫтиән (фермер) хужалығы ойоштороп йөрөй, бизнес-план төҙөгән. Был йәһәттән ғаиләһе – ныҡлы терәк.
Ком: 0 // Уҡынылар: 486 тапҡыр // Тотош уҡырға
Артҡа 1 2 3 4 Алға
Бит башына