Илдең иң ҙур хазинаһы Һәр халыҡтың, һәр илдең иң ҙур хазинаһы быуындан быуынға тупланған алтын күләме йәки һумдар, долларҙар һаны менән түгел, ә китаптары менән билдәләнә. Дәүләттең төп байлығы – атаҡлы банктар түгел, ә атаҡлы китапханалар. Һәр ҡалалағы иң бай йорт – эре-эре банктар түгел, ә ошондағы китапханалар ул.
Ком: 0 // Уҡынылар: 704 тапҡыр // Тотош уҡырға
Башҡорт һылыуы өсөн тауыш бирегеҙ “Рәсәй һылыуҡайы-2016” милли матурлыҡ конкурсының финалында М. Аҡмулла исемендәге Башҡорт дәүләт педагогия университетында уҡыған, “Һылыуҡай – Bashkirian Beauty” студияһында шөғөлләнгән Гөлнур Зиннәтова Башҡортостан исеменән сығыш яһаясаҡ.
Ком: 0 // Уҡынылар: 537 тапҡыр // Тотош уҡырға
Ҡурай моңо тынмаҫ әле... Үрге Тәтешлеләге балалар сәнғәт мәктәбенә килеп ингәс тә, илаһи ҡурай моңон ишетеп, күңелдәр күтәрелде. Башҡорт ҡурайының был төбәктә лә яңғырауына ихлас ҡыуаныс кисерҙек. Ә йөрәктәргә үтеп инерлек итеп кем уйнай һуң? “Тиҫтәләгән малайҙың ҡурай буйынса уҡытыусыһы, тамашасының яратҡан көй оҫтаһы Айнур Ҡыямов ул”, – тип таныштырҙы мәктәп директоры Марат Саҙретдинов ҡурайсы егет менән.
Ком: 0 // Уҡынылар: 776 тапҡыр // Тотош уҡырға
Барыр юлы оҙон “Юрға”ның Ат элек-электән башҡорт халҡының тоғро дуҫы, айырылмаҫ юлдашы булған. Өс йәше тулған малайҙарҙы эйәргә ултыртып, бәләкәйҙән һыбай йөрөргә өйрәткәндәр. Башҡорт атына дан йырлаған “Урал батыр”, “Аҡбуҙат”, “Аҡһаҡ ҡола”, “Ҡара юрға”, “Ҡара ат” һымаҡ эпостарыбыҙ, “Сыбай ҡашҡа”, “Ерәнсәй”, “Толпар”, “Аҡбуҙат” кеүек йырҙар ижад ителгән.
Һуңғы йылдарҙа башҡорт тоҡомон һаҡлап ҡалыу, уны үҫтереү, йылҡысылыҡ һәм ҡымыҙсылыҡты тергеҙеү кеүек бихисап эш башҡарыла. Бигерәк тә хәҙер, аттың дауалау көсөнә эйә булыуын иҫәпкә алып, иппотерапия үҫешә.
Ком: 0 // Уҡынылар: 578 тапҡыр // Тотош уҡырға
Ҡояш аҫтындағы урын ни хаҡ? Быйыл республика халҡы туризмдың арзаныраҡ йүнәлештәренә өҫтөнлөк бирә

Иҡтисади көрсөк Башҡортостан халҡының ҡулланыусы булараҡ ихтыяжына ла тәьҫир итмәй ҡалманы — күптәр тәү сиратта ял итеүгә сығымдарын ҡыҫҡартты.
Ком: 0 // Уҡынылар: 692 тапҡыр // Тотош уҡырға
Иҫәпкә инмәй ҡалмағыҙ! 1 апрелгә тиклем эшҡыуарҙарҙың иҫәбен алыу ойошторолғайны. “Башҡортостанстат”тың 8 апрелдә үткәргән мониторингы һөҙөмтәләренә ҡарағанда, бәләкәй эшҡыуарлыҡ субъекттарының 74,4 проценты, шул иҫәптән бәләкәй предприятиеларҙың – 70,9, шәхси эшҡыуарҙарҙың 76,7 проценты отчеттарын тәҡдим иткән. Баҡалы, Нуриман, Тәтешле һәм Саҡмағош райондары был эште тулыһынса тамамлаған. Тағы ла 11 район иҫәп алыуҙы 97 процентҡа башҡарған.
Ком: 0 // Уҡынылар: 495 тапҡыр // Тотош уҡырға
Яңы аҡса, яңы тәҡдим Үҙәк банк рәйесе Эльвира Нәбиуллина белдереүенсә, тиҙҙән Рәсәйҙә 200 һәм 2000 һумлыҡ ҡағыҙ аҡсалар сығасаҡ.
Ком: 0 // Уҡынылар: 578 тапҡыр // Тотош уҡырға
“Емереп эшләнем. көсөмә ирҙәр ҙә шаҡ ҡата ине...” Алексей Стаханов, Банат Батырова, Шәүәли Вахитов, Риза Яхин, Килдебай Сөләймәнов... Белмәйем, киләсәктә ошоноң һымаҡ хеҙмәт батырҙарының ысын ҡаһарманлығы күрһәтелерме, йәш быуын улар өлгөһөндә тәрбиәләнерме — барыһы ла илдәге сәйәсәттән тора. Әммә беҙ балаларыбыҙға атай-олатайҙар, әбей-бабайҙарыбыҙ хаҡында һөйләргә бурыслы. Ысын тәрбиә төрлө каналдарҙан өйҙәребеҙгә бәреп ингән ялған геройҙарҙың ҡылыҡтары аша түгел, ә үҙ тупрағыбыҙҙа тыуып, фанилыҡта кешелек өсөн аҙ ғына булһа ла изгелек ҡылған шәхестәр миҫалында алып барылырға тейеш.
Ком: 0 // Уҡынылар: 484 тапҡыр // Тотош уҡырға
Закуан Әхмәтов: “Кешеләрсә мөнәсәбәткә  ни етә!” Закуан ағай хаҡында тәүге тапҡыр 1992 йылда Башҡорт дәүләт университетының 1-се ятағында ишеттем. Спортсы, көслө рухлы ағай хаҡында һөйләйҙәр ине, әммә ул бынан байтаҡ йылдар элек белем алып сыҡҡас, үҙен уҡыған осорҙа күрергә насип булманы. Уның низағтарҙа милли мәсьәләләргә ҡағылышлы бәхәстәрҙе лә егеттәрсә хәл иткәне тураһында ла миҫал килтерҙеләр. “Йәшлек” гәзитендә эшләгәндәге тәүге командировкаларымдың береһе Әлшәй районына булды. Шунда таныштым яҡташым, миһырбанлы йөрәкле, ҡайһы бер хакимиәт эшмәкәрҙәренә хас булмағанса һиҙгер күңелле шәхес, бына инде нисәмә йыл Әлшәй районы хакимиәте башлығының социаль мәсьәләләр буйынса урынбаҫары вазифаһын башҡарыусы Закуан Зөфәр улы Әхмәтов менән. Ваҡыт тигәнең аҡҡан һыу кеүек, тиҙәр. Һәр эште еренә еткереп атҡарған, яҡташтарының ғына түгел, мөрәжәғәт иткән һәр кемдең үтенесен тәрән аңлап, хәленә инергә тырышҡан етәксе менән әңгәмә ҡорам тигәнемә лә ике тиҫтә йыл үтеп китә яҙған. Ул арала ниндәй генә һынауҙар үтмәне Закуан Зөфәр улының башынан! Әммә ул һаман элеккесә – егеттәрсә дәрт, күңел зирәклеге менән ҡаршылай тыуыр көндәрен. Нисәмә йыл ниәт итеп йөрөткән әңгәмәбеҙҙә дәүер, замандаштар, шәхси кисерештәр хаҡында һөйләшәбеҙ.
Ком: 0 // Уҡынылар: 678 тапҡыр // Тотош уҡырға
Илһамға – илһамлы сәм Өзләү буйынса Бөтә Рәсәй бәйгеһендә ҡатнашырға илебеҙҙең төрлө төбәктәренән 34 кеше теләк белдергән. Улар араһында Мәскәү, Санкт-Петербург ҡалаларынан, Тверь, Вологда, Архангел өлкәләренән, Удмурт, Коми, Мордва, Карелия республикаларынан солистар һәм ижади коллективтар (йәмғеһе 200 кеше) бар. Башҡортостан исеменән Илһам Байбулдин сығыш яһаясаҡ.
Ком: 0 // Уҡынылар: 530 тапҡыр // Тотош уҡырға
Төбө-тамырынан үҙгәртеү мөһим Был мәҡәләне бик оҙаҡ уйланғандан, икеләнгәндән һәм үҙ-үҙем менән бәхәсләшкәндән һуң яҙам. Шулай уҡ яҡындарым, дуҫтарым, ата-әсәләр менән фекер алышҡас. Мине һәр ваҡыт бер нәмә борсой: шундай ныҡлы, ҡалыплашҡан методикаһы була тороп, ни өсөн беҙҙәге юғары белем менән ҡайҙалыр ситтә үҙ урыныңды табып булмай? Ниңә беҙҙәге юғары квалификациялы инженерҙар, табиптар һәм башҡалар, теге йәки был сәбәп менән ситкә китһә, башлыса урам һеперә, иҙән йыуа йә бүтән төрлө ауыр, ҡара эш башҡара? Һиҙеп торам, миңә ҡаршы әллә күпме дәлил килтерерһегеҙ.
Ком: 1 // Уҡынылар: 564 тапҡыр // Тотош уҡырға
Тарихсының тарихи фиҙакәрлеге Ошо көндәрҙә абруйлы йәмәғәт эшмәкәре, тарих фәндәре докторы, профессор Марат Ҡолшәриповтың 75 йәшлек юбилейына арнап “Башҡортостандың мәҙәниәте, археологияһы, этнологияһы һәм тарихы проблемалары” тигән конференция уҙғарылды.
Ком: 0 // Уҡынылар: 485 тапҡыр // Тотош уҡырға
Мурҙа– Ошо Рәйел ҡәйнеш бәләкәй сағынан иртә торҙо. Ана, ҡултығына әллә нимә ҡыҫтырып, Ҡыҙыл яғынан килеп инеп тә китте, – ти әсәйем.
Уға атайымдың тауышы ҡушылды:
– Ә-ә, ул талға барған бит. Берәй нәмә үрергә булғандыр.
Ком: 0 // Уҡынылар: 574 тапҡыр // Тотош уҡырға
Ир-аттың баһаһы ниҙә? Исламда ир-атҡа ҙур урын бирелгән. Ул – ғаиләһен ҡараусы, балаларына яҡшы өлгө күрһәтеүсе, халҡына, иленә, диненә тоғро хеҙмәт итеүсе, киләсәкте хәстәрләүсе. Ҡыҙғанысҡа ҡаршы, бөгөнгө бәғзе көслө зат вәкилдәре ошо сифаттарҙан ситкә киткәндәй. “Ауылда эш булмағанлыҡтан, ирем өйҙә ултырырға мәжбүр” тигәнерәк һүҙҙәр – быға аныҡ дәлил.
Ком: 0 // Уҡынылар: 509 тапҡыр // Тотош уҡырға
КӨМӨШКӘ БИРМӘГӘН ӨСӨН...  ҮЛЕМ Был рубрикала баҫылып килгән мәҡәләләрем кемделер фашлау йәки рәнйетеү өсөн яҙылмай. Шуныһы ҡыҙыҡ, ҡайһы саҡта редакцияға минең өҫтән аноним хаттар ҙа килеп төшә. Унда: “Ни өсөн Г. Иҫәнгилдина ябай халыҡтың боҙоҡлоғо тураһында ғына яҙа? Ана, түрәләр күпме енәйәт ҡыла...” – тигән һүҙҙәр ҙә осрағаны бар.
Дөрөҫөн әйткәндә, “Суд залынан” рубрикаһында тик суд рөхсәт иткән, хөкөм ҡарары ғәмәлгә ингән ваҡиғалар бәйән ителә. Ябыҡ шарттарҙа үткән судҡа журналистарға инергә рөхсәт юҡ. Был – бер. Икенсенән, иғтибар итһәгеҙ, “Суд залынан” рубрикаһындағы мәҡәләләрҙә бер ҡасан да кешенең йәшәгән урыны, исем-шәрифе күрһәтелмәй (йәки ул мотлаҡ үҙгәртелә). Шуға күрә, үҙегеҙҙе фашлап, “Ни өсөн беҙҙе яҙҙығыҙ?!” тип миңә янап, ҡурҡытып йөрөмәһәгеҙ ине.
Тағы бер ҡабатлайым: маҡсатым кемделер рәнйетеү түгел, ә халыҡты ғибрәтле хәлдәрҙән фәһем алырға саҡырыу. Был донъяла бер кем дә фәрештә түгел, дүрт аяҡлы ат та абына. Шуға күрә ваҡытында уйланып, бүтән кешеләрҙең хатаһын ҡабатламай йәшәргә кәрәк. Әйткәндәй, ошо йылдар дауамында миңә бик күптәрҙе төрмәгә “оҙатып ҡалырға” тура килде. Уларҙың ҡайһы берәүҙәре ҡайтып матур итеп донъя көтөп, ғаилә ҡороп, бынамын тигән йәшәй. Ә биш йылдан әйләнеп ҡайтҡан егет (мин уның тәржемәсеһе лә булғайным) килеп рәхмәт әйтеп: “Һеҙ минең хаҡта яҙған мәҡәләне туғандарым төрмәгә ебәргәйне. Әле лә һаҡлайым, сөнки уны уҡығас, бик оҙаҡ уйландым. Һәм һеҙҙең “Ул егеттең күҙҙәрендә өмөт, хатта күңел матурлығы сатҡыларының сағылып ҡалыуы киләсәгенә ышаныс тыуҙырҙы” тигән һүҙҙәрегеҙ миңә ныҡ ыңғай тәьҫир итте”, – тип әйтеүе үҙемдең дөрөҫ юлда булыуыма инандырҙы...
Ком: 0 // Уҡынылар: 359 тапҡыр // Тотош уҡырға
Артҡа 1 2 Алға
Бит башына