Тамырҙарҙы сабып  ташлап булмай Алтын-көмөш яуған ерҙән тыуған-үҫкән ил артыҡ... Туйған ерҙән тыуған ер яҡшы... Сит илдә солтан булғансы, үҙ илеңдә олтан бул...
Башҡорт халҡына хас әйтем-мәҡәлдәр былар. Ысынлап та, хатта үҙ ауылын ҡалдырып ҡайҙалыр китергә теләмәгәндәр күп милләтебеҙҙә. Шулай булмай, кендек ҡаның тамған ерҙе нисек ташлайһың?!
Әммә бөгөнгө бикһеҙ сиктәр заманында күрше ауылға, яҡындағы ҡалаға ғына түгел, донъяның теләһә ниндәй мөйөшөнә юлдар асыҡ. Башҡорт аяҡ баҫмаған ҡитға ҡалмағандыр хәҙер. Һәм ул сит ер-һыу күрергә генә бармай, ә оҙаҡҡа эшләргә, йәшәргә. Тик һағыш баҫҡан саҡта барыбер “бер ҡайтмаһам, әсәй, бер ҡайтырмын...” тип йырын һуҙып ебәрәлер...
Яуаплы урында эшләгән таныш апайыбыҙ сентябрҙә хаҡлы ялға сыҡты. Дөрөҫөрәге, бәлки, артабан да эшләр ине, тик был компанияла пенсия йәшенә еткәндәрҙе бик хушһынмайҙар, тиҙерәк хаҡлы ялға оҙатыу яғын ҡарайҙар. Ҡыҫҡаһы, уңған ханым тиҙ арала документтарға бәйле эштәрен тамамланы ла өс аҙна эсендә... Америкаға сыҡты ла китте.
“Ниңә аҙыраҡ ял итмәйһең?”, “Ҡайҙа ҡабаланаһың?”, “Нисек, ни эшләп, ҡасан?” кеүек һорауҙар борсоған кешеләр хатта аңламай ҙа ҡалды шикелле – етеҙ апайыбыҙ Атлантик океан ярын, Нью-Йорк урамдарын ҡыҙыра ине инде. Бына шулай, тәүәккәл кешеләр башҡалар уйлағансы эшен теүәлләй ҙә ҡуя.
Ком: 0 // Уҡынылар: 971 тапҡыр // Тотош уҡырға
Моңло йырға тиң ғүмерШулай йырлаған был биш йәшлек сая ҡыҙ кем икән? Башҡортостандың буласаҡ халыҡ артисы Мәғфирә Ғәлиева ул. Башҡорт сәхнәһендә уның кеүек алтмыштан ашыу донъя халыҡтары телендә йырлаған башҡа йырсы юҡ. Шуға ла уны һәр милләт вәкиле үҙ күреп ҡабул итте, алҡыштарға күмде. Йырсы өсөн шунан да ҙурыраҡ бәхет бармы?!
Эй, ғүмер… Бер туғандай яҡын күргән апайым, серҙәшем, Башҡортостандың күренекле йырсыһы Мәғфирә Ғәлиева апайҙың вафат булыуына ла ҡырҡ көн булып китте. Һикһән һигеҙе менән бара ине инде ул. Сирләштерһә лә, өй эсендә үҙен ҡарай ала, тормошто ярата, туҡһан йәшен нисек үткәреү хаҡында пландар ҡора ине. Оптимист рухлы апайыбыҙ кешеләрҙе, яҡташтарын яратты, үҙен ҡәҙерләп тәрбиәләгән улы Вячеслав Николаевич Головҡа һәм килене Элинаға ихлас рәхмәтле булды.
Ком: 0 // Уҡынылар: 483 тапҡыр // Тотош уҡырға
“Туҡта, тормошоңдо үҙгәрт!” Халҡыбыҙға баҫалҡылыҡ, сабырлыҡ хас. Үҙ-үҙеңде яратыу, үҙеңде һаҡлау, йәлләү тигәнде белмәйбеҙ. Шулай күпме яҡындарыбыҙ фани донъянан иртә китә. Ә дөрөҫ йәшәйбеҙме һуң? Бәлки, туҡтап хәл алырға, уйланырға кәрәктер?..
Өс ай элек онкология диспансерынан сыҡтым. Оҙаҡ, бик оҙаҡ дауаландым унда. Һыҙланыу, аһ-зар, үҙәкте өҙгөс әрнеү, үпкә, әсе күҙ йәштәре, өмөтһөҙлөк... Барыһын да күрҙем, кисерҙем, йөрәгемдән үткәрҙем. Йәшәүгә йәбешеү өсөн “һуңғы һалам”... Тап шулай тип ҡабул итә күптәр был диспансерҙы. Ә “яр” ситенә нимә килтереп терәй һуң әҙәм балаһын?
Ком: 0 // Уҡынылар: 782 тапҡыр // Тотош уҡырға
Ҡурҡҡанға ҡуш күренәме, йәки ҡышҡы урман аша белем эстәргә? Ғәҙәттә, Башҡортостанды һирәк-һаяҡ ҡына иҫкә алған федераль телеканалдарҙан һуңғы арала республиканың исеме йыш яңғырай. Ҡайһыныһын асма, Бөрйән районының Ғәлиәкбәр ауыл Советына ҡараған Ямаш ауылы уҡыусылары һәм ата-әсәләре Интернет селтәренә һалған видеояҙманы күрһәтәләр. Сюжет йәмәғәтселектә ҙур ығы-зығы тыуҙырҙы.
Ком: 1 // Уҡынылар: 691 тапҡыр // Тотош уҡырға
“Тантаналы ант итәм...” Федераль суд приставтары хеҙмәте – суд эшмәкәрлегендә билдәләнгән тәртипте тәьмин итеү, суд акттарын, башҡа органдарҙың һәм вазифалы кешеләрҙең акттарын үтәү буйынса, шулай уҡ хоҡуҡ ҡулланыу функцияларын башҡарған федераль башҡарма власть
органы. Уның Башҡортостан Республикаһы буйынса идаралығында билдәләүҙәренсә, быуат ярым ваҡыт эсендә хеҙмәттең үҙ тарихы,
йолалары барлыҡҡа килгән. Идаралыҡтың шәхси составы ғорурланырлыҡ геройҙары ла байтаҡ.
Ком: 0 // Уҡынылар: 337 тапҡыр // Тотош уҡырға
Юғалтыуҙар юлындағы табыштар Республика етәксеһе Рөстәм Хәмитов ошо көндәрҙә Хөкүмәт йортонда Инвестиция климатын яҡшыртыу буйынса йәмәғәт советы ултырышын үткәрҙе. Унда 2016 йылдың тәүге яртыһындағы инвестиция эшмәкәрлеге тикшерелеп, ошо йүнәлештәге төп мәсьәләләр билдәләнде. Башҡортостан Республикаһы бөгөн инвестиция күләме буйынса Волга буйы федераль округында 2-се һәм Рәсәй Федерацияһында 11-се урындарҙы биләй. Республикала 662 миллиард һум күләмендәге 472 инвестиция проекты ғәмәлгә ашырыла. Уларҙың иң ҙур өлөшө Өфө ҡалаһына (нефть эшкәртеү, электр энергетикаһы һәм машиналар эшләү тармаҡтарындағы 191,8 миллиард һумлыҡ проекттар) һәм Салауат ҡалаһына (нефть эшкәртеү өлкәһендәге 136,8 миллиард һумлыҡ
проекттар) тура килә.
Ком: 0 // Уҡынылар: 347 тапҡыр // Тотош уҡырға
Ергәндең егәрле халҡы Яңы Ергән ауылында төрлө милләт вәкилдәре йәшәй. Сиҙәм күтәреү осоронда был яҡтарға Ҡалтасы районынан бер төркөм удмурт халҡы килә. Йылдар үтеү менән улар, төйәкте үҙ итеп, ошонда төпләнеп ҡала, ғаилә ҡора, балалар үҫтерә. Хатта башҡорт телендә һөйләшкән удмурттар ҙа бар. Шулай уҡ ауылда урыҫтар, сыуаштар һәм татарҙар йәшәй.
Ком: 0 // Уҡынылар: 516 тапҡыр // Тотош уҡырға
Йәй үтте, көҙҙәр елә – Ишек шаҡый “Сөмбөлә” XXI быуатта ла Ер кендегенә йәбешеп, үҙ моңон көйләгән башҡорттоң Мәңгелеккә табан юлланыуына берсә ғәжәпләнеп, берсә һоҡланып әленән-әле яҙабыҙ. Хайран ҡалырлыҡ та шул: анау хәтлем яуҙар, ҡырғындар, аслыҡ та еңә алмаған милләт асылын. Күптәр башҡорт халҡының был феноменаль күренешен үҙенсә аңлата, әммә бөгөнгө заманда өндәшмәй ҡалманылар. Үҙе иҫән саҡта Нобель премияһы лауреаты А. Солженицын да был хаҡта: “1917–1926 йылдарҙағы ҡыҫымдарҙан һәм аслыҡтан миллиондан артыҡ башҡорт һәләк булды, йәғни милләттең революцияға тиклемге 58,7 проценты яҡты донъя менән хушлашҡан. Большевиктар революцияһындағы башҡорт халҡының фажиғәһе – донъя тарихындағы геноцидтарҙың иң ҙуры һәм иң өйрәнелмәгәне”. Ана шундай Аслыҡ батша булған йылдарҙы ла халҡыбыҙ тап үҙенең йолаларына, тамырҙарына тоғролоғо, ихласлығы менән еңеп сыҡҡандыр. Ошолар хаҡында уйландым мин Әлшәй районының Ҡармыш ауылындағы “Сөмбөлә” байрамы барышында.
Ком: 0 // Уҡынылар: 447 тапҡыр // Тотош уҡырға
“Ғүмерем буйы яҙмышым менән көрәшеп...” Әҙәбиәттең шиғриәт һуҡмағында көсөн һынап, үҙ асылын һәм ижад шишмәһен прозала тапҡандар байтаҡ. Һүҙ сәнғәтенең илаһи арбау көсө ижадсыны әллә ҡол итә, әллә тәхеткә күтәрә? Ләкин унан айырылмай үҙ булмыштарын, шәхесен әҙәбиәт аша аса икән, хуплауға ғына лайыҡ. Тап шундайҙарҙың береһе – яҙыусы Зөлфирә Ҡаҙаҡбаева. Өфөнән ситтә, Йылайырҙа йәшәп ижад итеүсенең “Сиселмәгән сер” һәм “Хыялға илтер һуҡмаҡ”, “Мәрхәмәтле булһын яҙмыш” исемле йыйынтыҡтарын уҡыусылар бик йылы ҡабул итте.
Ком: 0 // Уҡынылар: 760 тапҡыр // Тотош уҡырға
Йондоҙҙарға киттеләр… Атайымды күккә эшкә саҡырҙылар, хатта шылтыратмай. Мин көтәм, ә ул оҙаҡлай. Әсәй, көймә, ҡыҙым, тигән була. Унда аҡса күпләп түләйҙәр. Йәнәһе лә, шунда эшкә ҡалған.
Ком: 0 // Уҡынылар: 815 тапҡыр // Тотош уҡырға
Артҡа 1 2 3 Алға
Бит башына