Булмышы – көс һәм ышаныс“Кеше үҙ көсөнә ышанған ерҙә генә уңышҡа өлгәшә”. Күренекле немец фәлсәфәсеһе Людвиг Фейербахтың был фекерен күптәрҙең тормош юлына бәйләп дәлилләргә мөмкиндер, әммә беҙҙең өсөн дуҫыбыҙ Ислам Мифтаховтан да нығыраҡ тап килгәне юҡ һымаҡ, сөнки уның булмышында “көс”, “ышаныс” һәм “уңыш” тигән өс төшөнсә айырыуса асыҡ сағыла.
Ком: 0 // Уҡынылар: 123 тапҡыр // Тотош уҡырға
Башҡорт ғаиләһе көнөн билдәләрбеҙме? Бөтә донъя башҡорттары ҡоролтайы Башҡарма комитеты 1 мартты Башҡорт ғаиләһе көнө тип билдәләргә тәҡдим итте. Яҙҙың тәүге көнө менән бергә тәбиғәт тә уянған, күңелдәргә яҡтылыҡ бөркөлгән мәлдәрҙә, кешеләрҙең йөрәге лә яҡшылыҡҡа, Йыһан моңона ҡушылып, йәшел үләнгә баҫырға әҙерләнгән миҙгелдә Башҡорт ғаиләһе көнөн билдәләү – тереклек илаһи нурҙарға күмелгән кеүек, ғаиләләрҙә үҙенең йәшәү осоронда яғымлы яҙын да, йәмле йәйен дә, мул уңышлы көҙөн дә, ап-аҡ ҡышын да бергә кисереүгә ишаралыр, тип өмөт итәйек.
Ком: 0 // Уҡынылар: 223 тапҡыр // Тотош уҡырға
“Тамыр”лы бала саҡ ..– “Тамыр” иле – бик ҙур, бик бай ил. Тапшырыуҙарға бай, балаларға бай, һәләттәргә бай... Балаларға хас сафлыҡ, ябайлыҡ менән йәмләнеп, сағыу тауыштарҙан гөрләп торған шундай күңелле бер донъя ул. “Тамыр” телерадиостудияһы асылыуға 25 йыл тулыу күҙлегенән ҡарағанда, байрамлы, даланлы, бәхетле ил.
Студияла эшләгән режиссерҙарҙың, мөхәррирҙәрҙең, тауыш режиссерҙарының, рәссамдарҙың, һәләтле балаларҙың булыуы менән бәхетле ул “Тамыр” иле.
Ком: 0 // Уҡынылар: 93 тапҡыр // Тотош уҡырға
“100 шәхес” проекты тамамланды, әммә...
“100 шәхес” тип аталған телевизион конкурс үтте, шәхестәребеҙ һайлап алынды, исемлек төҙөлдө һәм нөктә ҡуйылды. Ҙур эш башҡарылды, сөнки конкурстың маҡсаты республика яҙмышында, үҫешендә, көрәш һәм һынылыш йылдарында тос өлөш индергән шәхестәрҙе һайлау ине. Әлбиттә, 100 йыллыҡ тарихтан иң лайыҡлыларҙы һайлап алыу ҡатмарлы. Ә шулай ҙа...
Ком: 0 // Уҡынылар: 82 тапҡыр // Тотош уҡырға
Илен һаҡлаған – илен  яҡлаған Ошо көндәрҙә Совет ғәскәрҙәрен Афғанстандан сығарыуға 28 йыл тулды. Шул айҡанлы Дәүләт Йыйылышы – Ҡоролтайҙа яугирҙәрҙең йәмәғәт ойошмалары вәкилдәре менән осрашыу үтте. Ул Бөйөк Ватан һуғышында, Афғанстандағы һәм башҡа илдәрҙәге хәрби хәрәкәттәрҙә ҡатнашыусыларҙың социаль яҡланыу кимәле тураһында һөйләшеүҙе маҡсат итеп ҡуйҙы.
Ком: 0 // Уҡынылар: 61 тапҡыр // Тотош уҡырға
Беҙ бит һиңә бик яратып килдек, Бик һағынып килдек, Аҡтаныш! Тарихи Башҡортостандың ҡитғаларҙан ҡитғаларға һуҙылып ятҡанлығын, ҡеүәтен иҫбатлап, бөгөнгө республика сиктәренән тыш тыуған шәхестәрҙең уҙған быуат башында башҡарған эштәрен, фәнни, сәйәси, рухи ҡаһарманлыҡтарын телгә алыу ҙа етә. Тик бөтәһен дә белеп бөтәбеҙме һуң беҙ? Мәҫәлән, атаҡлы ғалим, Башҡортостан автономияһы башында торған Зәки Вәлиди: “Ырымбурҙа милли хәрәкәт башланғас, шура ойошторолған мәлдә Сәғит Мерәҫов, Аллабирҙе Йәғәфәров, Илдархан Мутиндарҙың эшмәкәрлегенә барып ҡушылдым”, – тип яҙа. Сәғит Мерәҫов, Аллабирҙе Йәғәфәровтар сығыштары менән Ырымбурҙан булһа, Илдархан Мутин Өфө губернаһының Миңзәлә өйәҙендә урынлашҡан Таҡталасыҡ ауылында тыуған. Кем һуң һин, Илдархан Мутин, тип бөгөн үҙенә Татарстандың Аҡтаныш районында йәшәгән халыҡ ҡына түгел, Башҡортостанда көн иткәндәр ҙә һорау бирәлер, моғайын, сөнки беҙ уның хаҡында әленән-әле телгә алып тормайбыҙ, ғөмүмән, аҙ хәбәрҙарбыҙ. Башҡорт Хөкүмәте ағзаһы, йәмәғәт һәм дәүләт эшмәкәре, башҡорттарҙың данлыҡлы Гәрәй ырыуы вәкиле, 1859 йылда XI башҡорт кантонының юрта старшинаһы булып торған Ибраһим Мутиндың улы Илдархан Мутиндың тыуған яғында булып, күп халыҡ ҡатнашлығындағы сарала Мутиндар затының аҫыл вәкилдәренә иҫтәлекле таҡтаташ асыу ваҡиғаһының шаһиты булдыҡ. Бөтә донъя башҡорттары ҡоролтайы башланғысы менән ойошторолған сараны Татарстандың Аҡтаныш районы етәкселеге лә күтәреп алды.
Ком: 0 // Уҡынылар: 84 тапҡыр // Тотош уҡырға
 Тормошонан йәм,  эшенән тәм таба “Ғүмереңде яңынан ҡабатларға мөмкинлек булһа, берәй нәмәне үҙгәртер инеңме?” тигән һорауға Рая Заһит ҡыҙы бер ниндәй икеләнеүһеҙ “Юҡ!” тип яуап бирҙе. Күптән түгел генә ярты быуатлыҡ матур юбилейын билдәләгән замандашыбыҙ, ысынлап та, тормошонан ҡәнәғәт. Көндәлек хәстәрҙәре маҡсатлы йүнәлештә алға бара, ҡул аҫтында эшләгәндәр менән ярты һүҙҙән уртаҡ тел таба, заман талаптарына яуап бирерлек итеп бергәләп һалған, зауыҡ менән йыһазландырылған йортонда бар йәһәттән дә ныҡлы терәк булған ире ҡатыны өсөн йән атып тора. Ҡыҙҙары Гүзәл ата-әсәһен ейән һәм ейәнсәре менән ҡыуандырһа, улдары Рөстәм быйылғы яҙҙың тәүге көндәрендә уларҙы киленле итергә ниәтләй... Борай районының хозур тәбиғәтле Яңы Шилек ауылында буй еткергән Рая үҫмер сағынан уҡ тиҫтерҙәренән әүҙемлеге менән айырылып тора. Бындай малайҙарға халыҡта “үтә шуҡ” тиһәләр, ҡыҙҙарға ҡарата “егеттәрҙән бер ҙә айырылмай” тип тә ебәрәләр. Ғаиләләге икенсе бала булараҡ, совет осоронда урындағы колхозда күптәргә өлгө булып, тик маҡталып ҡына эшләгән, шуға өҫтәп өс ҡыҙ һәм өс улға ғүмер биреп, уларҙы оло тормош юлына баҫтырған атаһы Заһит ағай менән әсәһе Хәлимә апайҙың иң ыңғай сифаттарын үҙенә алған.
Ком: 0 // Уҡынылар: 66 тапҡыр // Тотош уҡырға
Дәүерҙәрҙе осраштырыусыКүптән эҙләгән әйберен тапҡан кешенең шатлығы һәр кемгә таныштыр ул. Бындайҙар тураһында, ғәҙәттә, “ауыҙы ҡолағына еткән”, “түбәһе күккә тейгән” тиҙәр. Тәү ҡараштан уҡ иҫкелеге күренеп торған өҫтәл лампаһын ике ҡуллап үтә һаҡсыл тотоп алған Альберт Хәрипов эш урынына шулай йылмайып килеп инде. Был минуттарҙа ул үткәндәр менән бөгөнгө араһында күпер һалған тылсым эйәһенә оҡшағайны. Яратҡан шөғөлөнән оло ҡәнәғәтлек алыуы ла ир-уҙамандың йөҙөндә ине...
Ком: 0 // Уҡынылар: 63 тапҡыр // Тотош уҡырға
Рәнйетелгәндең доғаһы ҡабул булыр Дәүләт Думаһында яңыраҡ ҡабул ителгән законға ярашлы, хәҙер өйҙә яҡындарына ҡарата көс ҡулланған кешегә, әгәр ундай осраҡ беренсе тапҡыр теркәлгән икән, енәйәт эше ҡуҙғатылмаясаҡ. Бында тәнгә физик ауыртыныу яһаған, әммә хеҙмәткә яраҡлылыҡты юғалтыуға, һаулыҡтың ваҡытлыса ҡаҡшауына килтермәгән хәл күҙ уңында тотола. Ул административ хоҡуҡ боҙоуға индерелә, яза төрҙәре – штраф, 15 тәүлеккә бикләү һәм башҡа ваҡ холоҡ төҙәтеү саралары. Ошонан һуң да көс күрһәтеүен дауам иткәндәргә иһә енәйәт эше асыласаҡ.
Ком: 0 // Уҡынылар: 126 тапҡыр // Тотош уҡырға
Өләсәһенең яҙып ултырғанын күреп, ейәне уның эргәһенә килә. Бер килке ҡыҙыҡһынып ҡарап тора.
– Нимә тураһында яҙаһың, өләсәй? Әллә минең хаҡтамы?
Ком: 0 // Уҡынылар: 66 тапҡыр // Тотош уҡырға
Артҡа 1 2 3 4 Алға
Бит башына