Башҡортостан Башлығы республикабыҙҙа һәм, атап әйткәндә, Стәрлетамаҡ ҡалаһында 2013 йылда аҡсаһын алдаҡсы фирмаға тапшырып, торлаҡһыҙ ҙа, аҡсаһыҙ ҙа ҡалғандарҙың проблемаһын хәл итеү тураһында һөйләне.

Рөстәм Хәмитов республикалағы күп балалы ғаиләләргә ярҙам күрһәтеү артабан да дауам итәсәк, тип ышандырҙы.

Республика Башлығына Бөрйән районынан урман хужалығындағы проблемалар тураһында һорау бирҙеләр.

Тура бәйләнеш барышында Рөстәм Хәмитов билдәләүенсә, ауыл хужалығы даими иғтибар үҙәгендә. Көйөргәҙе районынан эшҡыуар төбәк Башлығынан ауыл хужалығы предприятиеларына субсидия биреү хаҡында ҡыҙыҡһынды.

Төбәк Башлығы Рөстәм Хәмитов социаль селтәрҙә донъя күргән үҙенең отставкаға китергә йыйыныуы тураһындағы хәбәргә ҡарата фекерен белдерҙе.

Өфөләрҙе етәкселектең балалар баҡсалары, поликлиникалар төҙөү буйынса пландары ҡыҙыҡһындыра. Мәҫәлән, Дим биҫтәһендә йәшәгән Ольга Филиппова урындағы халыҡ өсөн яңы поликлиника кәрәк тигән фекерҙә. 47-се поликлиниканың төрлө урындарҙа урынлашҡан бүлексәләренә сирлеләргә барып етеү бик ҡыйын.

“Театрҙар, мәҙәниәт һарайҙары алдындағы майҙандар таҙартылмай”, – тине тура бәйләнеш барышында Рөстәм Хәмитов. Республика Башлығы Өфө халҡы өсөн иң сетерекле мәсьәләләрҙең береһе – ҡар таҙартыуға ҡағылды.

Республикала эш хаҡы әкренләп, эҙмә-эҙлекле артасаҡ, тип белдерҙе Рөстәм Хәмитов.

Республика Башлығы Рөстәм Хәмитов Башҡортостандағы социаль-иҡтисади хәлгә баһа бирҙе.

Төбәк Башлығы Рөстәм Хәмитов тура эфирҙа республика халҡының һорауҙарына яуап бирә башланы. “Башҡортостан Башлығы менән һөйләшеү” программаһын БЮТ, “Рәсәй-Башҡортостан”, “Вся Уфа” телеканалдары, “Радио России Башкортостан”, “Сптник ҒМ” радиостанцияары тапшыра.