Эйе, мин бар булмышым менән үҙемдең халҡыма, тыуған илемә бурыслымын. Йәшерәк саҡта, бындай юғары әхлаҡи фекер һалынған һүҙҙәрҙе ҙур, мәртәбәле йыйындарҙа ғына һөйләйҙәрҙер, тип уйлай инем. Йылдар үтеү менән, әлеге түләнеп бөтмәй торған бурыстың һәр кемдең аңында булырға тейештер, тигән фекергә килдем.
Ком: 0 // Уҡынылар: 305 тапҡыр // Тотош уҡырға
Йөҙйыллыҡҡа нисек әҙерләнәбеҙ?Уҙған аҙнала Бөтә донъя башҡорттары ҡоролтайы Башҡарма комитетының киңәйтелгән ултырышы үтте. Сарала Мәскәүҙәге “Яҡташтар” йәмғиәте етәксеһе, Башҡортостан Республикаһынан Федерация Советы ағзаһы Рафаил Зинуров, Рәсәй Дәүләт Думаһы депутаты, Башҡортостан халыҡтары ассамблеяһы рәйесе Зөһрә Рәхмәтуллина, Башҡортостан Дәүләт Йыйылышы — Ҡоролтай рәйесе урынбаҫары, шағирә Йомабикә Ильясова, Өфө ҡалаһы хакимиәте башлығы урынбаҫары Сынтимер Баязитов һәм башҡалар ҡатнашты.
Ком: 0 // Уҡынылар: 314 тапҡыр // Тотош уҡырға
“Беҙҙән тора заман. Беҙ төҙөгән заман бит ул беҙҙән төҙөлә” Салауат районы – башҡорттар өсөн изге урынға әйләнгән төйәк. Был күренешкә тап ошо ерҙә тыуған Байыҡ Айҙар сәсән, Салауат Юлаев, Рәми Ғарипов кеүек шәхестәрҙең ҡаһарманлығы, халыҡ өсөн йәнен фиҙа ҡылыуы сәбәпсе, тиһәм, моғайын да, берәү ҙә ҡаршы төшмәҫ. Ҡоролтай кеүек йәмәғәт ойошмаһының да асылы ана шуға ҡайтып ҡала – унда тап милләтем, халҡым өсөн Аллаһ Тәғәлә риза булыр эштәр башҡарыу, заманыбыҙ ҡуйған мәсьәләләргә бөгөн хәл итеү юлдарын эҙләү тора. Мотлаҡ һәр урында яр һалып йөрөү түгел, урындарҙа йәштәр, балалар өсөн даими тәрбиәүи саралар ойоштороу, йәш быуын менән уларға ҡыҙыҡлы телдә һөйләшкәндә лә этник теманы күтәрә белеү.
Ком: 0 // Уҡынылар: 439 тапҡыр // Тотош уҡырға
Башҡорт ҡоролтайҙары кәңәш ҡорҙоОшо көндәрҙә Бөтә донъя башҡорттары ҡоролтайы Башҡарма комитеты, Нефтекама ҡала хакимиәте, Төньяҡ төбәк-ара башҡорт ҡоролтайҙары берләшмәһе ҡоролтай рәйестәре һәм уларҙың урынбаҫарҙары өсөн махсус семинар-кәңәшмә үткәрҙе. Унда Дүртөйлө, Илеш, Краснокама, Тәтешле, Яңауыл райондарынан, Нефтекама һәм Ағиҙел ҡалаларынан, Пермь крайынан вәкилдәр саҡырылғайны. Йыйылышты Нефтекама башҡорттары ҡоролтайы рәйесе Рәйес Абдрахман улы Исмәғилев алып барҙы.
Ком: 0 // Уҡынылар: 393 тапҡыр // Тотош уҡырға
Бер ваҡыт үҙенең дуҫ-иштәре менән әңгәмә ҡороп ултырғанда Ғүмәр ибн Әл- Хаттаб:
– Мөмкинлегегеҙ булһа, Аллаһтан һеҙ нимә һорар инегеҙ? – тип ҡыҙыҡһына.
Ком: 0 // Уҡынылар: 265 тапҡыр // Тотош уҡырға
Урам яҡтырҙы, клубты ағартаһы ҡалдыИшембай районында биләмәләрҙе төҙөкләндереү буйынса төрлө программалар уңышлы эшләп килә. “Урындағы башланғыстарҙы яҡлау”ҙың да телгә алырлыҡ һөҙөмтәләре күп. Мәҫәлән, йәнырыҫтар уның ярҙамында һыу линияһын нығытһа, Яңы Әптек ауылы халҡы совхоздан ҡалған ашхана-магазин бинаһын клуб итеп үҙгәртте, әрметтәр иһә программаны спортты үҫтереүҙә ҡулланмаҡсы. Ғөмүмән, халыҡтың әүҙемлеге бушҡа китмәй, урындағы мәсьәләләрҙе үҙе билдәләй, уларҙы хәл итеүҙә мөмкин тиклем булыша.
Ком: 0 // Уҡынылар: 396 тапҡыр // Тотош уҡырға
Фермерға “Instagram” кәрәкме?Фермер тигәс, тәү сиратта мал бағыусы, трактор-комбайнда иген баҫыуын иңләүсе күҙ алдына килеп баҫа. Ғәмәлдә уның төп бурысы ошо эштәрҙе башҡарырға йәки уларҙы хеҙмәткәренән үтәтеүгә ҡайтып ҡала ла инде һәм… былар ғына түгел. Ер кешеһенең эштәре алға барһын өсөн, уның компьютерҙа ултырыуы йәки гаджет менән булышыуы ла мотлаҡ икән. Әлбиттә, уйнар өсөн түгел.
Ком: 0 // Уҡынылар: 321 тапҡыр // Тотош уҡырға
Илдә таңдар тыныс атһын 1986 йылдың 26 апрелендә Чернобылдә булған фажиғәнән һуң, Башҡортостандан ғына 12 меңгә яҡын (Рәсәй буйынса 600 мең) кеше йәлеп ителгән, әлеге мәлдә уларҙың 300-гә яҡыны ғына иҫән. Шул иҫәндәре менән аралашҡанда иһә әле лә күңел һыҙыла... Тән-йән күтәрмәҫ ауырлыҡты оло яуаплылыҡ һәм сабырлыҡ менән үткәргәндәрҙең йәшләнгән күҙҙәренә ҡарап, заман ыуы булып ил йәненә, кеше яҙмыштарына, тереклеккә яғылған ауырлыҡтың ҡурҡыныс көсөн аңлағандай булаһың...
Ком: 0 // Уҡынылар: 176 тапҡыр // Тотош уҡырға
Нисек кенә сәйер булмаһын, эксперттарҙың күпселеге, уны-быны уйлап тормай, Рәсәйгә ҡаршы санкциялар рәсми рәүештә иғлан ителгән маҡсаттарҙы бойомға ашырыуға йүнәлтелгән, тип иҫәпләй.
Ком: 0 // Уҡынылар: 218 тапҡыр // Тотош уҡырға
“Таң нурынан сихри илһам алып, Шиғри сәйләнемде теҙәмен”Мин, Резеда Флүр ҡыҙы Шакирова, Саҡмағош районының Иҫке Ҡалмаш ауылында өс игеҙәк ҡыҙҙарҙың икенсеһе булып донъяға килгәнмен.
Бала сағымда атайымдың халҡыбыҙҙың моңло йырҙарын тальянында уйнауы, әсәйемдең уға ҡушылып йырлауы кескәй күңелемде һәм аңымды оҙаҡ йылдар дауамында һуғарып килде.
Башҡорт дәүләт университетының филология факультетында, татар теле һәм әҙәбиәте бүлегендә, уҡыу осоронда әҙәбиәт теорияһы һәм әҙәби процесс тураһында белем даирәһе киңәйҙе һәм тәрәнәйҙе. Уҡыған осорҙа ижадҡа тартылдым. “Аҡсарлаҡ” әҙәби-ижад түңәрәгенә йөрөнөм. Беренсе ижад тәжрибәһен ижадташтарым менән уртаҡлаштым.
Оҙаҡ йылдар Өфө дәүләт авиация техник университеты китапханаһында эшләнем. Әле баш ҡалабыҙҙағы Сит телдәрҙе өйрәнеү үҙәгендә татар теле дәрестәрен алып барам.
Күңел өсөн генә тип яҙылған шиғырҙар, хикәйәләр, очерк һәм нәҫерҙәр байтаҡ йыйылып китте. Шуларҙың уңышлы тип һаналғандары республика матбуғатында донъя күрҙе.
Ком: 0 // Уҡынылар: 240 тапҡыр // Тотош уҡырға
Артҡа 1 2 3 4 5 6 7 8 9 10 ... 36 Алға
Бит башына