Ҡайһы ғына мөхәрририәтте алма, бер үк нәмә тураһында баш вата: нисек гәзитте ҡыҙыҡлыраҡ итергә? Шунда уҡ икенсе һорау ҙа тыуа: ә нимә һуң ул үҙе — “ҡыҙыҡлы”, ул ниндәй өлөшсәләрҙән тора? Тырышып-тырышып яҙғандарың да бит күп ваҡыт кешене бик әүрәтеп бармай. Ҡуйылған проблемалар ҙа етди, тәҡдим иткән мәғлүмәт тә етерлек, тел-стиль йәһәтенән дә насар түгел, ә бына мәҡәлә уҡылмай. Хикмәт нимәлә?
Ком: 0 // Уҡынылар: 24 тапҡыр // Тотош уҡырға
Онотола яҙған мөхәррирҒаффан Ғафаровтың биографияһын асыҡламаҡ булып, редак­цияла эшләп пенсияға сыҡҡан Файыҡ Мөхәмәтйәнов менән Юныс Әхмәҙиевкә лә мөрәжәғәт итеп ҡараным. Илеш районынан, тине улар икеһе бер ауыҙҙан. Мөхәррир булғансы ҡайҙарҙа эшләгән, вазифаһынан бушатылғас, тормош юлы нисек булған? Был һорауҙарым яуапһыҙ ҡалды. Аптырап, Илеш районының “Маяҡ” гәзите мөхәррире Айһылыу Хәйретдинова менән бәйләнешкә индем. Айһылыу Зәки ҡыҙы ла бер ни ҙә асыҡлай алманы.
Ком: 0 // Уҡынылар: 28 тапҡыр // Тотош уҡырға
Бергә ғүмер кисергән ҡорҙаш, ҡәләмдәштәремде осратҡан һайын көлөп әйтелә торған был лаҡаптың “авторы” Рәшит Солтангәрәев булыр. 1967 йылда Белореттан килеп “Совет Башҡортостаны”ның мәғлүмәт бүлегенә урынлашҡанда редакцияла ижади яҡтан көслө коллектив эшләй ине: Рәми Ғарипов, Рәшит Шәкүр, Динис Бүләков, Мәхмүт Уразаев, Әмир Гәрәев, Ярулла Вәлиев, Файыҡ Мөхәмәтйәнов...
Ком: 0 // Уҡынылар: 17 тапҡыр // Тотош уҡырға
Ҡыҙыҡ та, ҡыҙғаныс та заман “Ҡыҙыл Башҡортостан”дың элекке мөхәррире Ғарифулла Вәли улы Ғөзәйеров менән әңгәмә

— Ғариф Вәлиевич, һеҙ матбуғатҡа нисе­герәк килдегеҙ?
Ком: 0 // Уҡынылар: 18 тапҡыр // Тотош уҡырға
Милли матбуғаттың барлыҡҡа килеүеБашҡорт милли матбуғатының барлыҡҡа килеү тарихы 1917–1919 йылдарҙағы автономия өсөн көрәш менән туранан-тура бәйле. 1917 йылдың йәйендә башҡорт милли-азатлыҡ хәрәкәте ойошоу менән, уның тәүге матбуғат баҫмаһы ла барлыҡҡа килә. Беренсе башҡорт гәзите “Башҡорт иттихаҡи бюроһының мөхбире” тип атала. Уның ойоштороусыһы,
милли хәрәкәт етәкселәренең береһе Сәғит Мерәҫов була.
Ком: 0 // Уҡынылар: 25 тапҡыр // Тотош уҡырға
Башҡорт совет матбуғаты буш урында тыуманы. Башҡорт АССР-ы ойошторол­ғанға тиклем, 1918 йылда Ырымбур һәм Өфөлә Совет власы урынлашҡас та, татар һәм башҡорт нәшриәттәре эшләй башланы. Шул уҡ йылда Ырымбурҙа “Мөхбир”, “Башҡортостан”, Өфөлә “Ҡыҙыл юл” тигән большевистик гәзиттәр сыҡты.
Ком: 0 // Уҡынылар: 11 тапҡыр // Тотош уҡырға
Һүҙҙең тураһын беҙҙән ишетһендәрГәзитте һәр кем үҙенсә уҡый. Ҡыштырлатып асҡас, берәүҙәр тәүҙә мәҡәләләрҙең башына, рубрикаһына, авторының исем-шәрифенә күҙ йүгертеп сыға. Күптәр, йәшерен-батырын түгел, гәзиттең аҙаҡҡы битенән үҙен ҡыҙыҡһындырғандай хәбәрҙәр ҡарауҙан башлай. Рәсми, вазифалы, етди ағай-апайҙар, әлбиттә, һәр һандан йә мөһим темалар эҙләй, баҫылған әйберҙәрҙе ваҡ иләктән үткәрә. Ҡыҫҡаһы, кем генә булмаһын, ул гәзит менән үҙенсә әңгәмә ҡора. “Әңгәмә” һүҙенә баҫым яһауымдың әтнәкәһе шунда: гәзит, тере һүҙ һәм уяу фекер төйнәлеше булараҡ, олоно ла, кесене лә, иҫән-һауҙы ла, сирләшкәне лә ғафил ҡалдырмай. Рус халҡының бөйөк тарихсыһы Василий Осипович Ключевский: “Гәзит уҡыусыны ул белмәгән нәмә тураһында фекерләргә һәм ул аңламаған нәмәне белергә өйрәтә”, — тип ысындан да шул хәҡиҡәтте тәҡрарлайҙыр.
Ком: 0 // Уҡынылар: 16 тапҡыр // Тотош уҡырға
Оҫтаханаларҙың да оҫтаханаһы1981 – 2002 йылдарҙағы хеҙмәт юлым “Баш­ҡортостан” гәзите редакцияһы менән бәйле. Байрам уңайынан ошо баҫмала эшләгән осорҙа алған һабаҡтарым, ҡайһы бер иҫтәлектәрем менән уртаҡлашмаҡсымын. Яҙмышыма рәхмәт: күңелемә, аң-зиһенемә журналист һөнәре ҡомары һалынғас, уны ошо һөнәрҙәгеләрҙең иң кәттәләре, иң маһирҙары эшләгән “оҫтаханала” ғәмәлгә ашырыу бәхетен насип итте. Ул заманда, ысынлап та, оҫтаханаларҙың да оҫтаханаһы ине “Совет Башҡортостаны” гәзите редакцияһы. Рәшит Солтангәрәев, Хәсән Назаров, Сабир Шәрипов, Ризуан Хажиев, Аҫылғужа Баһуманов, Ислам Мырҙабаев, Марсель Ҡотлоғәлләмов, Риф Тойғонов, Ғәтиәт Үзбәков, Дәүләт Мәһәҙиев, Әниф Бикҡолов, Шәүкәт Бикҡолов, Рәүеф Насиров, Аҡмал Саптаров кеүек танылған журналистар менән эшләргә тура килде. Ҡәләм оҫталығы, журналист табыштары, үҙ һөнәренә мөкиббән булыуҙары менән һоҡландыра ине улар. Беҙҙе, йәштәрҙе лә, шуға өйрәттеләр.
Ком: 0 // Уҡынылар: 7 тапҡыр // Тотош уҡырға
Ҡайҙа ғына булмаһын, Шәйехзада ижад өсөн янып, ғилемгә ын­тылып, мәғрифәткә табынып йәшәй. Уның зиһен даирәһе, күңел офоҡтары һәр саҡ ғәйәт киң, маҡсат-идеалдары ғәйәт юғары. Ҡыҫҡа ғына ғүмерендә Бабич ниндәй шәхестәр менән яҡындан аралашып ҡала! Зәки Вәлиди, Ғәлимйән Ибраһимов, Дәрдмәнд, Мәжит Ғафури, Риза Фәхретдинов, Мөхәмәтша Буранғолов, Аб­дулҡадир Инан, Хәбибулла Ғәбитов, Зыя Камали, Ғәзиз Әлмө­хәмәтов, Бағбостан, үзбәк шағиры Сулпан, ҡаҙаҡ әҙибе Мөхтәр Әүәзов, Муса Мортазин, Әмир Ҡарамышев, Шәриф Манатов, Юныс Бикбов — Шәйехзада Бабичҡа тормош юлында бына ниндәй кешеләр менән бергә булырға, уларҙың күңел яҡтылығын күтәрергә, үҙенең шиғри нурын улар менән бүлешергә тура килә! Ошо миҫал үҙе үк шағирҙың ниндәй бай рухи мөхиттә, көсөргәне­шле етеҙ ритмлы тормошта, замандың әллә күпме яҡтарын үҙ зиһене аша үткәреп йәшәүен бик асыҡ күрһәтә.
Ком: 0 // Уҡынылар: 31 тапҡыр // Тотош уҡырға
Һикәлтәле ғүмер юлдарыАбдулла Ғиниәт улы Исмәғилев 1929 йылда Башҡорт АССР-ының Йылайыр кантоны (хәҙер Ейәнсура районы) Мәзит ауылында тыуған. Урта белем алғас, 1952 йылда Стәрлетамаҡ уҡытыусылар институтын, 1956 йылда Орск педагогия институтын тамамлай. 1947 йылдан Абҙан районының Мөхәмәтйән һигеҙ йыллыҡ мәктәбендә уҡытыусы, 1953 йылдан — Өмбәт урта мәктәбендә директор, 1955 йылдан — партияның Абҙан район комитетында бүлек мөдире, 1956 йылдан — КПСС-тың Ейәнсура район комитетында бүлек мөдире, 1957—1962 йылдарҙа секретарь булып эшләй.
1965 йылда Мәскәүҙә КПСС Үҙәк Комитеты ҡарамағындағы ул заманда абруйлы иҫәпләнгән Ижтимағи фәндәр академияһын тамамлап, бер ыңғай кандидатлыҡ диссертацияһын яҡлап, Башҡортостанға ҡайта. Уны “Совет Башҡортостаны” гәзите редакцияһына эшкә тәғәйенләйҙәр.
Бер йыл баш мөхәррир урынбаҫары булып эшләгәс, 1966 йылдан 1986 йылға тиклем, ике тиҫтә йыл буйы, республикабыҙҙың төп гәзитенең баш мөхәррире вазифаһын атҡара. Үтә егәрле, эшлекле, үҙенә лә, бүтәндәргә лә бик талапсан етәксе булды. Гәзитте уҡымлы, йөкмәткеле итеп сығарыу, көнүҙәк мәсьәләләрҙе күтәрә белеү, телгә иғтибарлы булыу ул осорҙа редакция коллективының көндәлек иғтибар үҙәгендә торҙо. Ҡалаларҙа һәм райондарҙа осрашыуҙар, уҡыусылар конференциялары үткәрелде. Быларҙың барыһы ла тираждың байтаҡҡа артыуына килтерҙе, халыҡ араһында баҫманың абруйын бермә-бер күтәреүгә булышлыҡ итте. Абдулла Исмәғилев йәш журналистарҙы тәрбиәләп үҫтереү буйынса күп эш башҡарҙы. Бөгөн башҡорт журналистикаһының уҙаманы булған күп кенә публицист һәм журналистар уның янында ҡанат нығытты.
Республика гәзитенә етәкселек итеү менән бер рәттән, Абдулла Ғиниәт улы 1966—1969 йылдарҙа БАССР Журналистар союзы рәйесе булды. 1986—1988 йылдарҙа — БАССР кинофикация дәүләт комитеты рәйесе.
Хаҡлы ялға сыҡҡас та эшләүен дауам итә: биш йыл “Известия Башкортостана” гәзитендә бүлек мөдире, яуаплы секретарь була, Бөтә донъя башҡорттары ҡоролтайы башҡарма комитетында яуаплы секретарь вазифаһын башҡара. Абдулла Ғиниәт улы ғүмеренең һуңғы көндәренә тиклем ҡулынан ҡәләмен төшөрмәне, уның төплө, фәһемле мәҡәләләрен гәзит уҡыусылар һәр ваҡыт көтөп алды.
Тарих фәндәре кандидаты Абдулла Исмәғилев —VII — XI саҡырылыш Башҡорт АССР-ы Юғары Советы депутаты. “Почет Билдәһе” ордены менән бүләкләнгән. Башҡортостан Республикаһының атҡаҙанған мәҙәниәт хеҙмәткәре.
Бөгөн гәзит уҡыусыларға тәҡдим ителгән иҫтәлектәре 2004 йылда яҙылған.
Ком: 0 // Уҡынылар: 10 тапҡыр // Тотош уҡырға
Артҡа 1 2 3 4 5 6 7 8 9 10 ... 35 Алға
Бит башына