Йөҙҙәренән зыялылыҡ аңҡый…2018 йыл Башҡортостанда Ғаилә йылы тип иғлан ителде. Ғаилә — беҙҙең тамырҙарыбыҙ, ә тамырҙарыбыҙ өләсәйҙәребеҙгә, олатайҙарыбыҙға барып тоташа. Ғөмүмән, беҙҙең халыҡта элек-электән өләсәйҙәр мәктәбе көслө булған. Әле лә бар ул тәрбиә, рух, илһам сығанағы. Шуның менән бәхетлебеҙ ҙә! Форсаттан файҙаланып, “Башҡортостан” гәзите “Минең өләсәйем” тип аталған акция иғлан итә. Өләсәйегеҙҙең фотоһын, уның тураһында ҡыҫҡа ғына белешмә лә яҙып, редакцияға ебәрегеҙ. Фотолар мотлаҡ боронғо, тарихи булырға тейеш.
Ком: 0 // Уҡынылар: 320 тапҡыр // Тотош уҡырға
Ҡотлайбыҙ!Бөгөн хөрмәтле хеҙмәттәшебеҙ, оҙаҡ йылдар “Башҡортостан” гәзитендә йыйыу операторы булып эшләүсе Сажидә Хәйрәзи ҡыҙы Ғилметдинова күркәм байрамын – 50 йәшлек юбилейын билдәләй. Уны ғүмер байрамы менән ихлас ҡотлайбыҙ һәм иң изге теләктәребеҙҙе еткерәбеҙ.
Ком: 0 // Уҡынылар: 306 тапҡыр // Тотош уҡырға
Гүзәл актрисаМин актриса Гүзәл Маликованы үҫмер сағынан беләм. Ижади үҫешен һоҡланып күҙәтеп барам. Шуға ла уның хаҡында башҡорт театрының сәхнә йондоҙо тип һис икеләнмәй әйтә алам.
Ихлас, алсаҡ, һөйкөмлө ҡыҙыҡай менән беҙ уҙған быуаттың һикһәненсе йылдары аҙағында Башҡортостандың ҡала һәм ауыл клубтарында ижад кисәләре үткәреп йөрөнөк. Өфөләге 2-се музыка-педагогия училищеһының баян бүлегендә уҡыған, донъяға тик йылмайып баҡҡан был теремек йәш сәнғәт кешеһенең үҙенең хеҙмәт юлын ошо өлкәлә һайлауы юҡҡа түгел икәне билдәле ине инде: уның моңло тауышлы йырсы, профессиональ баянсы булыуы, сәхнәлә үҙен тәбиғи тотоуы, халыҡты ылыҡтыра белеүе тамашасыла ыңғай хистәр уята торғайны. Мин шиғыр уҡыйым, Гүзәл минең шиғырҙарға яҙылған йырҙарҙы баянда уйнап башҡара. Ике-өс сәғәт барған ике кешелек концерттарҙы тамашасылар әле лә яҡты тойғолар менән хәтерләй.
Ком: 0 // Уҡынылар: 326 тапҡыр // Тотош уҡырға
Күҙ менән ҡаш араһында“...Буран ҡотора... Хаҡы арыу ғына... Табиптарҙы уның сиргә бирешмәүе аптыратҡан... Парижға барып киләйек әле...” Бер-береһенә һис тә бәйле булмаған был һөйләмдәр нимә аңлата тиһегеҙме? Социаль селтәрҙәрҙә күҙ менән ҡаш араһында үтеп киткән яңылыҡтар теҙмәһе тип ҡабул итергә була уларҙы. Әммә мәсьәләгә киңерәк бағайыҡ әле. Интернеттағы яңылыҡтарҙы ғына түгел, күптәр, ғөмүмән, мәғлүмәтте, тормоштоң үҙен шулай үҙләштерә хәҙер. Өҫтән генә, һайлап ҡына.
Ком: 0 // Уҡынылар: 261 тапҡыр // Тотош уҡырға
Ауыл ҡотон һаҡлай уңғандарЗаман ауыр, тиҙәр, ә бит ауыл ерендә тормош көтөү бер ҡасан да еңел булмаған. Бынан тиҫтә йыл самаһы элек кеүек үк, башҡаларҙан кәм-хур булмайым тигәндәргә бөгөн дә ең һыҙғанып ете ҡат тирен түгергә тура килә. Уның ҡарауы, ашы мул, донъяһы ҡотло, башҡалар алдында йөҙө яҡты ундайҙарҙың. Һатлыҡ ауылында ғүмер иткән Фәниә менән Нәсим Мозафаровтарға ла мул тормош күктән төшмәгән, күркәм пар барыһына ла үҙ тырышлығы, үҙ көсө менән өлгәшкән...
Ком: 0 // Уҡынылар: 212 тапҡыр // Тотош уҡырға
Әлисәнең һәм Гүзәл Ситдиҡованың Сәйерстандағы мажараларыШағирә Гүзәл Ситдиҡованың тәржемә менән даими шөғөлләнгәнен беләм. Быйыл Мәскәүҙәге әҙәби фестивалдә Марина Цветаева әҫәрҙәрен башҡортсаға иң шәп тәржемә иткәне өсөн көмөш миҙалға лайыҡ булыуы ла оҙаҡ йылдар барышындағы ижади эшенә бер баһа ине. “Бәйләнештә” социаль селтәрендә уның: “Амазонда “Алиса в стране чудес” тигән киң билдәле китаптың башҡортсаға тәржемәһе тәҡдим ителде! Ҡотлайыҡ барыбыҙҙы ла!” – тигән мәғлүмәтен уҡып, тәржемә эше, ошо йыйынтыҡ хаҡында әңгәмәләшергә булдым.
Нәшриәтсе М. Эверсон, мөхәррир-консультант В. Фет тәҡдиме менән ул ҙур эш башҡарған – донъя телдәрен, милли телдәрҙәге әҙәбиәттәрҙе пропагандалау йәһәтенән хәҙерге заман өсөн был — үҙенә күрә еңеү ҙә! Шор, алтай, ҡаҙаҡ, урыҫ, ҡырғыҙ телдәре менән бергә башҡортсаға әйләндерелгән әҫәр Бөйөк Британия китапханаһы каталогына индерелгән.
Википедия, йәғни Интернет-энциклопедияға башҡортса мәҡәләләр яҙыу менән дә әүҙем шөғөлләнә Гүзәл Рамаҙан ҡыҙы. “Азия” айлығында әүҙем ҡатнашыуы һөҙөмтәһендә уға 12 илдән үҙ телендәге викиға яҙышырға саҡырыу килеп төшкән. Ғәрәп телендә яҙышҡан бер нисә илдән, фарсы, пәнжәби, тай, латыш, үзбәк һәм башҡа википедиялар уны үҙҙәре сафында күрергә теләк белдергән. Бына бит! Әгәр бөгөнгө заман талаптары Интернет селтәре, тәржемәләр аша ла халҡыбыҙ хаҡында башҡаларға еткереүҙе бурыс итеп ҡуя икән, беҙ быны ла атҡарырға тейеш. Гүзәл Рамаҙан ҡыҙы был эште ең һыҙғанып, ҙур кинәнес менән башҡара.
Ком: 0 // Уҡынылар: 1172 тапҡыр // Тотош уҡырға
“Йыл яҡшы башланды”Республика автоинспекцияһында Яңы йыл байрамы осоронда юл-транспорт ваҡиғаларына күҙәтеү яһанылар.
Ком: 0 // Уҡынылар: 150 тапҡыр // Тотош уҡырға
Торлағың ни хаҡ?Эксперттар 2018 йылда яңы төҙөлгән йорттарҙағы фатирға хаҡтың артыуын, ә икенсел торлаҡтың арзанайыуын фаразлай.
Ком: 0 // Уҡынылар: 201 тапҡыр // Тотош уҡырға
“Бөтәһенең дә беҙҙең дөйәне күргеһе килә”Шүлгәнташ мәмерйәһе лә, бал, ҡурай менән бер рәттән, күптән инде республикабыҙҙың милли брендына әйләнгән. Әле лә уның асылып бөтмәгән серҙәре күп. Былтыр ғалимдарҙың мәмерйәлә граффити һүрәттәрен таҙартҡан саҡта дөйә һүрәтенә юлығыуы тағы ла бер ҙур табыш булды, ул донъя кимәлендә ҙур ҡыҙыҡһыныу тыуҙырҙы. “Бөтәһенең дә беҙҙең дөйәне күргеһе килә”, – ти Башҡортостан Республикаһының мәҙәни мираҫ объекттарын дәүләт һаҡлауы буйынса идаралығына ҡараған Башҡортостан Республикаһының күсемһеҙ мираҫ объекттарын һаҡлау һәм файҙаланыу буйынса ғилми-етештереү үҙәге дәүләт бюджет учреждениеһы етәксеһе вазифаһын башҡарыусы Данир Әхмәҙи улы Ғәйнуллин.
Шүлгәнташ мәмерйәһе ғалимдарға 200 йылдан ашыу билдәле, әммә әлегә тиклем ныҡлап өйрәнелмәгән тип иҫәпләнә. Әле уның иң төпкөлөнә тиклем бер кем дә барып етмәгән. Тәүге палеолит осорона ҡараған ат, мамонт һүрәттәре XX быуаттың 50-се йылдарында табыла. Таш быуат мираҫына зыян килмәһен өсөн, ул залдарға инеү тыйылған, бары тикшереүселәргә генә рөхсәт ителә.
Халҡыбыҙҙың милли хазинаһы – Шүлгәнташтың киләсәге ниндәй буласаҡ? Уны һаҡлау йүнәлешендә ниндәй саралар күрелә? Данир ҒӘЙНУЛЛИН менән ошо хаҡта әңгәмәләштек.
Ком: 0 // Уҡынылар: 317 тапҡыр // Тотош уҡырға
Республиканың баш ҡалаһында халыҡ һанын иҫәпләнеләр. 1 ғинуарға Өфө халҡы 1,127 миллиондан ашып киткән. Бер йыл элек баш ҡалала 1,126 миллион кеше теркәлгән.
Ком: 0 // Уҡынылар: 152 тапҡыр // Тотош уҡырға
Баш ҡалабыҙҙағы ике юғары уҡыу йорто 2017 йылда донъяның иң яҡшы университеттары халыҡ-ара рейтингына инде. Round University Ranking (RUR) агентлығы мәғлүмәттәренә ярашлы, рейтингта 763 уҡыу йорто ҡатнашҡан, шуларҙың 67-һе – Рәсәйҙеке.
Ком: 0 // Уҡынылар: 155 тапҡыр // Тотош уҡырға
Яңы йыл мәлдәрендә ирекһеҙҙән бала саҡ хәтирәләренә биреләһең. Билдәле, ғаилә байрамы бит. Тик эш унда ғына түгел, тау шыуыуҙар, Ҡыш бабай күстәнәстәре, бүләктәр һәм битлек-костюмдар тураһында ла түгел һүҙем әлегә. Мөғжизә! Бына нимә хаҡында уйлағанда иҫкә төшә бала саҡ.
Ком: 0 // Уҡынылар: 157 тапҡыр // Тотош уҡырға