Ҡырпа ҡаптырып ҡараҠырпа балығы мәрсен балыҡтар (осетр) ғаиләһенә ҡарай. Сөсө һыуҙа йәшәгән иң ҙур балыҡ тиһәң дә була, сөнки уның ауырлығы 1,5 тоннаға етә. Күберәк Ҡара диңгеҙҙә, Каспий һәм Азов диңгеҙҙәрендә осрай. Ыуылдырыҡ сәсеү өсөн улар диңгеҙгә ҡойған йылғаларға күтәрелә. Әүәлге мәлдәрҙә ҡырпа балығы күплеге менән дан алһа, хәҙерге ваҡытта уларҙың запасы аҙайған.
Ком: 0 // Уҡынылар: 154 тапҡыр // Тотош уҡырға
“Ауырлыҡ менән тотолһа,  тәмлерәк була”Йылдың иң матур мәленә аяҡ баҫтыҡ. Күңел тәбиғәт ҡосағына ашҡына. Айырыуса ҡаланыҡылар, таш өйҙәренән айырылып, саф һауаға, һыу буйҙарына, урманға юл тота. Һалҡын ҡыштан һуң балыҡсылар ҙа, иреккә сыҡҡандай, ҡармаҡтарын тотоп йылға-күл ярҙарында теҙелә. Тегендә лә, бында ла ғаиләһе менән ял итергә килгәндәр күренә. Бала-саға рәхәтләнеп уйнап йөрөй. Ғөмүмән, кем генә юҡ һыу буйында!
Ком: 0 // Уҡынылар: 222 тапҡыр // Тотош уҡырға
Имен үтһен ялдарығыҙНиһайәт, йыл буйы көтөп алған каникул, отпуск, тәбиғәттә рәхәтләнеп ял итеү мәлдәре етте. Күңел саф һауаға, йәшеллеккә тартыла. Әммә төрлө бәлә-ҡаза әҙәм балаһын аҙым һайын һағалап ҡына тора. Саҡ ҡына уяулығыңды юғалттыңмы, хәүеф-хәтәр менән ҡара-ҡаршы ҡалаһың. Көтөп алған хозур осорҙо күңелһеҙ хәлдәргә тарымай, матур итеп үткәреү өсөн хәүефһеҙлек ҡағиҙәләрен иҫкә төшөрөү артыҡ булмаҫ. Улар тәбиғәт ҡосағындағы ялға ғына түгел, урамдағы, өйҙәге именлеккә лә ҡағыла.
Ком: 0 // Уҡынылар: 235 тапҡыр // Тотош уҡырға
Йыр-моңға сорналды СибайЫсынлап та, өс көн, өс төн буйы Сибай ҡалаһы башҡорт йыры, башҡорт моңо бишегендә тирбәлде, халыҡ йырын тыңлап кинәнде. Халҡыбыҙға Буранбай, Сибай, Хәмит, Бирғәле кеүек бөйөк сәсәндәрҙе биргән, мәшһүр “Сибай”, “Азамат”, “Сәлимәкәй”, “Ирәндек” һымаҡ йырҙарҙы бүләк иткән сал төбәктә 14-се тапҡыр төбәк-ара башҡорт йырын башҡарыусыларҙың “Ирәндек моңдары” конкурсы үтте. Быйыл бәйге республикала иғлан ителгән Ғаилә йылына һәм атаҡлы ҡурайсы Ишмулла Дилмөхәмәтовтың тыуыуына 90 йыл тулыуға арналды.
Ком: 0 // Уҡынылар: 248 тапҡыр // Тотош уҡырға
Беҙ – Күмертау лицейынан!Белем усағының шаулап торған мәленә тура килдек. Ниндәй байрам тиһегеҙме? Тамаша залында “Шаяниум” конкурсы бара ине. Сәхнә түренә береһенән-береһе көслө һәм шаян командалар күтәрелә, ә аҫта көйәрмәндәр девизды яңғыратып, ҡыҫҡа йыр башҡарып, фекерҙәштәрен ҡеүәтләй, дәртләндерә. Әлбиттә, һәр береһе беренсе урынға лайыҡ. Хәйер, был эште белгестәргә – жюри ҡарамағына тапшырайыҡ. Әйткәндәй, әлеге бәйге бында күптән матур йолаға әйләнгән. Сираттағыһы иһә Башҡортостанда иғлан ителгән Ғаилә йылына арналып уҙғарылды. Иң мөһиме, ярыштың ҡыҙ һәм малайҙар араһында популярлыҡ яулай барыуы шатландыра, командаларҙың артыуы бигерәк тә маҡтаулы. Шуға асыҡлыҡ индерәйек – Күмертау ҡалаһындағы был физика-математика һәм физика-химия йүнәлешендә эшмәкәрлеген көйләгән Республика политехник лицей-интернаты. Форсаттан файҙаланып, уҡыу йортоноң директоры – Башҡортостандың мәғариф алдынғыһы Римма ҒӨБӘЙҘУЛЛИНА менән әңгәмә ойошторҙоҡ.
Ком: 0 // Уҡынылар: 115 тапҡыр // Тотош уҡырға
Кем алған?Бер генә уҡыу йылы менән иҫәпләнеүгә ҡарамаҫтан, уҡытыусы булып эшләгән осором һис кенә лә хәтерҙән сыҡмай. Билдәле, йәш мөғәллим менән ниндәй генә тәжрибә үткәреп ҡараманы уҡыусылар. Ултырғысҡа аҡбур һөртөү, хатта кнопка һалыу, эстән ишекте тартып тороу кеүек һәм бүтән төрлө сәйер ҡылыҡтарын бер нисек тә үпкәләп түгел, ә шаярыу итеп ҡабул ҡылдым. Хәйер, атай-әсәйемдең, бер ҡасан да балаларға үпкәләмә, тигән өгөт-нәсихәтен дә тотҡанмындыр. Әгәр ҙә шул ваҡытта мөнәсәбәтемде бүтәнсәгә үҙгәртһәм, әйтәйек, йөҙ йыртһам, өҫтәл һуҡһам, әлбиттә, хеҙмәтем бүтәнсәрәк йүнәлеш алған булыр ине. Ҡыҫҡаһы, төрлө саҡтар иҫтә, әммә ҡыҙ, малайҙар менән тиҙ уртаҡ тел таптым. Ә бына бер төйөндө сисеү әҙме-күпме ауырға төштө. Хәйер, баштан һөйләү отошлораҡ булыр.
Ком: 0 // Уҡынылар: 100 тапҡыр // Тотош уҡырға
Федераль бюджеттан Грант отоу конкурсында еңеүселәрҙең исемдәре билдәләнде. Бәйгелә һигеҙ белем усағы асыҡланған, Башҡортостандағы белем биреү үҙәктәренең еңеү яулауы айырыуса ҡыуаныслы. Ойоштороусыһы – Рәсәй Мәғариф һәм фән министрлығы.
Ком: 0 // Уҡынылар: 114 тапҡыр // Тотош уҡырға
Ышаныс еңеүҙәргә илтәЯҡташ студенттарыбыҙҙың төрлө ярыштарҙа һынатмай, әленән-әле еңеү яулауы тураһында хәбәрҙарбыҙ. Мәҫәлән, С. Бикеев исемендәге Өфө профессиональ колледжы студенты Егор Макаров “Йәш профессионалдар” (WorldSkills Russia) бәйгеһендә призлы урынды яуланы.
Ком: 0 // Уҡынылар: 170 тапҡыр // Тотош уҡырға
Ошо көндәрҙә редакциябыҙға Ырымбур өлкәһе Һарыҡташ районының Түбәнге Аҫҡар ауылында йәшәгән Дәүләтбай Алтынсуриндан сетерекле бер хат килеп төштө. “Балаларҙың үҫеп еткәнен һиҙмәй ҙә ҡалабыҙ, ғәзиздәребеҙ иһә ҡанат сығарғас, йыраҡҡа осоп китә. Һәр кем үҙенсә тәрбиә бирергә тырыша уларға, күп ата-әсә илебеҙгә бынамын тигән шәхестәр биргәненә ҡыуанам. Ҡыҙғанысҡа ҡаршы, балаларҙың төрлөһө бар. Берәҙәктәрҙең күбәйеүе һағайта. Шытымлы орлоҡтар ғаиләлә генә була, ә бүтән ерҙә түгел. Ни өсөн шулай килеп сыға һуң? Һарыҡташ ҡасабаһына барғанда, бер төркөм үҫмерҙең тәртип боҙоп йөрөүен күреп борсолдом, йәнем әрнене. Башҡортостанда хәлдәр нисек икән? Йәш быуындың, милләттәштәремдең яҙыҡ юлға баҫыуын теләмәйем”, – тип яҙып һалған республикабыҙҙан ситтә ғүмер иткән ағай.
Ком: 0 // Уҡынылар: 92 тапҡыр // Тотош уҡырға
Мәскәү ғалимы – ӨфөләКүптән түгел Өфөгә Мәскәү халыҡ-ара мөнәсәбәттәр дәүләт институты лингвистика һәм мәҙәниәт-ара коммуникациялар факультетының инглиз теле кафедраһы профессоры Елена Поканинова килде, ҡунаҡ республикабыҙҙың мәғариф министры Гөлназ Шафиҡова менән осрашты.
Ком: 0 // Уҡынылар: 99 тапҡыр // Тотош уҡырға
Фольклор түңәрәге, көрәш секцияһы...Башҡорт гимназияларын район үҙәктәрендә генә күреп өйрәнгәнбеҙ. Һәр береһенең тирә-яҡҡа йәм биреп ултырыуы ҡайһылай ҡыуаныс! Эргә-тирәнән йыйылған һәр ерҙә лә алдынғы ҡыҙ һәм малайҙарҙың татыу бер ғаиләне хасил итеүенә шулай уҡ нисек шатланмаҫҡа! Ниндәйҙер ауылда бындай белем усағының эшләүен йәки асылыуын күҙ алдына килтереп булмаған кеүек тойола ине. Баҡтиһәң, һис кенә лә улай түгел. Бар ундай данлы уҡыу йорто – Миәкә районының Илсеғол ауылындағы башҡорт гимназияһының эшмәкәрлеге менән уның директоры Резеда САДЫҠОВА таныштыра.
Ком: 0 // Уҡынылар: 79 тапҡыр // Тотош уҡырға
Эшсе кадрҙар ҡайҙа әҙерләнә?Бөгөн илебеҙ эшсе кадрҙарға ҡытлыҡ кисерә, бигерәк тә ауыл хужалығы. Совет осорондағы механизаторҙар, агрономдар хаҡлы ялға китә. Тағы ла бер нисә йылдан кем ерҙә эшләр тигән һорау етәкселәрҙе борсой. Ҡулайлаштырыу ваҡытында ауыл ерендә ҡайһы бер мәктәптәр ябылһа ла, урта һөнәри лицей, колледж кеүек белем усаҡтарына уның шауҡымы ҡағылманы. Шуға ла “Йәштәрҙә ниңә ябай эшсе һөнәрҙәре ҡыҙыҡһыныу уятмай?” тигән һорауҙы уҡыу йорттарына биреү урынлы түгел, сөнки был мәсьәлә ил иҡтисадына, хеҙмәт баҙарына, эш хаҡына барып тоташа.
Ком: 0 // Уҡынылар: 83 тапҡыр // Тотош уҡырға
Чемпиондар мәктәптән тәрбиәләнәЫсынлап та, бала ниндәйҙер уңышҡа өлгәшһен тиһәк, әҙерлекте мәктәп эскәмйәһенән башларға кәрәк, бигерәк тә спортта. Һуңғы йылдарҙа республикабыҙҙан сыҡҡан спортсылар, ил, Европа, донъя кимәлендә уңышлы сығыш яһап, Башҡортостандың данын тирә-яҡҡа тарата. Был иһә, һәр кем ошо ҡаҙаныштарҙы яулай ала, тигән миҫалда йәш быуынды тәрбиәләүгә булышлыҡ итә. Олимпия хәрәкәтен үҫтереү иһә – илебеҙ өсөн стратегик йүнәлештәрҙең береһе. Бөгөн уға ҡараған спорт төрҙәрен республика мәктәптәренә индереү мөһим.
Ком: 0 // Уҡынылар: 86 тапҡыр // Тотош уҡырға
Йәштәр ниңә ситкә китә?Мәктәпте тамамлаусылар өсөн яуаплы осор – имтихандар башланды. Быйыл төбәктә урта мәктәпте 18 меңдән ашыу уҡыусы тамамлай. Сығарылыш класс уҡыусылары уҡыу йорттарын һәм ниндәй фәндәр буйынса Берҙәм дәүләт имтихандарын биреү тураһында күптән инде хәл иткән.
Ком: 0 // Уҡынылар: 89 тапҡыр // Тотош уҡырға
“Бюджет урындарын Мәскәү билдәләй”Башҡорт дәүләт университеты бигерәк тә 90-сы йылдарҙа башҡорт теле һәм әҙәбиәте белгестәре әҙерләүгә ҙур өлөш индерҙе. Әлеге көндә факультеттың тын алышы нисек, ниндәй пландар менән йәшәй? Ошо һорауҙарға яуап алыу маҡсатында башҡорт филологияһы һәм журналистика факультеты деканы, филология фәндәре докторы, профессор, Башҡортостан Республикаһының атҡаҙанған мәҙәниәт хеҙмәткәре Риф Барый улы ӘХМӘҘИЕВ менән әңгәмә ҡорҙоҡ.
Ком: 0 // Уҡынылар: 127 тапҡыр // Тотош уҡырға
Артҡа 1 2 3 4 5 6 7 8 9 10 ... 24 Алға
Бит башына