Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йылҡы илендәге ҡымыҙ байрамы
“Йоматау” шифаханаһында ҡымыҙ яһаусыларҙың 13-сө республика конкурсы үтте

Йылҡы илендәге ҡымыҙ байрамыРеспубликаның “Йоматау” шифаханаһында уҙған бәйгелә йылҡысылыҡҡа мөкиббән киткән, шифалы эсемлек етештереү менән ныҡлап шөғөлләнгән оҫталар милли эсемлекте әҙерләү серҙәре менән уртаҡлашты.


Сарала ҡатнашыусылар өсөн “түңәрәк өҫтәл” ойошторолдо. Башҡортостандың Баш дәүләт ветеринар инспекторы Азат Йыһаншин 1 июлдән ауыл ху­жалы­ғы тауарҙарына электрон оҙатыу документтарының булыуы мотлаҡ талап ителеүен белдерҙе. Хәҙер крәҫтиән етештергән продукцияға “Меркурий” системаһы буйынса сертификатлау талап ителә. Йәғни бейәнән һауылған һөт ҡымыҙ булып магазин кәштәһенә еткәнгә тиклем күҙәтеү аҫтында буласаҡ. Йылҡыларға “чип” ҡуйыласаҡ. Был иһә кемдең аты йөрөгәнен ике метр алыҫлыҡтан билдәләү мөмкинлеген бирә. “Чип”ы булмаған бейә һөтөнән яһалған ҡымыҙҙы һатыу тыйы­ласаҡ. Был алым кеше сәләмәт­леген һаҡлау маҡсатында ла индерелә.
Башҡортостандың сертификация һәм экспертиза үҙәгенең һөттө һәм һөт ризыҡтарын сертификатлау буйынса эксперты Наталья Агеева бейә һөтөнөң һәм унан етеш­те­релгән ризыҡтарҙың ярашлы­лығына сертификат һәм декларация талаптары менән таныштырҙы.
– Йыл һайын ҡымыҙ сифаты арта. Республика брендын юғары ки­­мәлдә тоторға кәрәк. Алдағы ос­ра­шыуҙан һуң күп нәмәләр үҙгәрҙе. Был техник регламентта ҡаралған продукция ҡуйылығы һәм аҡһымдар өлөшөнә лә ҡағыла. Башҡа коллегалар менән бергәләп эшләп, талаптарҙы үҙгәртеүгә ирештек. Хәҙер ҡымыҙҙың ҡуйылығы бер процентҡа тиклем кәметелде. Шифалы эсемлектең хәүеф­һеҙ­легенә иғтибар арта. Етештереү­селәр төрөү, маркалау кеүек нес­кәлектәргә лә иғтибар бирә. Бының менән һатыусылар ҙа ҡәнәғәт. Ҡымыҙҙы тик шешәләргә генә ҡойоп һатыу талабын да һәр кем үтәргә бурыслы, – тине Наталья Евгеньевна.
“Түңәрәк өҫтәл”дән һуң сара тышта дауам итте. Ҡунаҡтар, ял итеүселәр конкурсанттар тәҡдим иткән шифалы эсемлекте тәмләп, үҙҙәренең баһаһын бирҙе. Ҡайһы бер хужалыҡтар йылҡы итенән етештерелгән колбаса, ҡаҙы, ҡарта кеүек ризыҡтарҙы ла алып килгән. Билдәле артистарҙың сығышы, төрлө спорт саралары конкурсҡа биҙәк өҫтәне. Зоотехниктар ара­һында ваҡытҡа ат егеү һәм туғарыу ярышы ла мауыҡтырғыс тамашаға әйләнде. Унда Бишбүләк районынан Таһир Фазләхмәтовҡа етеүсе булманы. Атты дүрт минут егерме секундта егеп-туғарған уҙаманға быҙау бүләк иттеләр. Икенсе урынды – Учалынан Гөлназ Кәбирова, өсөнсө урынды Шишмә районынан Венер Зәйнетдинов яуланы.
Конкурсанттар республика­быҙ­ҙың Әбйәлил, Баймаҡ, Белорет, Хәйбулла, Әлшәй, Шишмә, Өфө һәм башҡа райондарынан килгән. Улар араһында тәүге йыл ҡатнаш­ҡандар ҙа, шулай уҡ был йәһәттән тәжрибә туплағандар ҙа бар. Ҡымыҙ сифатын баһалағанда уның тауар ярлығы ла, ҡуйылығы, тәме, еҫе, тышҡы күренеше кеүек сифаттары ла, оҫталарҙың эсемлекте әҙерләү буйынса белеме лә иғтибарға алынды. Һөҙөмтәлә Әбйәлил районы Ишҡол ауылынан Рөстәм Мәхи­йәновтың “Ирәндек” хужалығында яһалған ҡымыҙ иң яҡшыһы тип табылды. Еңеүселәр “Йоматау” ши­фа­­ханаһына юллама менән бүләк­ләнде. Икенсе урын – 119-сы Өфө йылҡы заводында. Уларға ла тай бирҙеләр. Хәйбулла районының Аҡъюл ауылынан Әхәт Байғужин крәҫтиән (фермер) хужалығы өсөнсө урынға лайыҡ булып, ҡолон алып ҡайтты.
Быйыл тәүгеләрҙән булып “Тамашасылар һөйөүе” конкурсы ойошторолдо. Унда ҡунаҡтар, ял итеүселәр эсемлекте тәмләп ҡарағандан һуң мәрәй ҡуйып барҙы. Был юлы Шишмә районынан эшҡыуар Зилә Йосопованың ҡымы­ҙы иң тәмлеһе тип билдәләнде. Икенселә – “Йоматау” шифаханаһы, өсөнсө урынды Әбйәлил ра­йонының “Ҡаҙмаш” йәмғиәте алды.
Эйе, һуңғы йылдарҙа төбәктә ҡымыҙ етештереүгә иғтибар артты. Быға йылҡы үрсеткәндәргә, ҡымыҙ етештергәндәргә федераль һәм республика кимәлендә дәүләт ярҙамы күрһәтелеүе лә булышлыҡ итә. Йыл башында Башҡортостанда 124 500 баш йылҡы иҫәпләнеп, ауыл хужалығы предприятиеларына уларҙың 29 400-ө, крәҫтиән (фермер) хужалыҡтарына – 35 меңе, шәхси хужалыҡтарға 60 100 самаһы тура килә. Республикала йыл­ҡысылыҡ көньяҡ-көнсығыш райондарҙа ныҡлы үҫешә. Әлеге мәлдә Баймаҡ төбәге был йәһәттән беренсе урында тора – 11 300, икенсе урында Әбйәлил – 9 500, өсөнсө урында Учалы – 5 700, дүртенсе урында Ейәнсура – 4 400 баш мал.
Йылҡы үрсетеү отошломо? Әлбиттә, тип йылҡысылыҡ менән шөғөлләнгән бөтә кеше лә ыңғай яуап бирҙе. Тимәк, теләге булған һәр кем был файҙалы шөғөлдән килем алырлыҡ итеп үҙ эшен башлай ала.

Өфө районы.



Беҙҙе Яндекс Дзен лентаһында уҡығыҙ
Комментарий өҫтәргә






Аҙанлы таң – көнгә ҡеүәт

Аҙанлы таң – көнгә ҡеүәт 22.08.2018 // Йәмғиәт / Анонстар

Байрамса кейенгән, йөҙҙәрендә нур балҡыған, ҡараштарынан изгелек бөркөлгән ҡәрҙәштәребеҙ иртә менән...

Тотош уҡырға 173

Иҫке Күлдә – яңы үҙәк

Иҫке Күлдә – яңы үҙәк 21.08.2018 // Социаль мәсьәлә / Анонстар

Нуриман районының Иҫке Күл ауылында “Башҡортостандың 100 йыллығына – 100 объект” программаһына...

Тотош уҡырға 159

Нуриман районының Иҫкекүл ауылында яңы социаль-мәҙәни үҙәк асылды

Нуриман районының Иҫкекүл ауылында яңы социаль-мәҙәни үҙәк асылды 17.08.2018 // Йәмғиәт / Анонстар

Нуриман районының Иҫкекүл ауылында социаль-мәҙәни үҙәк асылды. Тантанала республика Башлығы...

Тотош уҡырға 215

Башҡорт сәйен эсеп ҡарағыҙ!

Башҡорт сәйен эсеп ҡарағыҙ! 16.08.2018 // Иҡтисад / Анонстар

Боланут (иван-чай) хаҡында күптәрҙең ишеткәне бар. Интернет селтәрендә лә был шифалы эсемлектең...

Тотош уҡырға 297

Ергә эйелергә йыбанмаһаң...

Ергә эйелергә йыбанмаһаң... 15.08.2018 // Эшҡыуар / Анонстар

Илле дүрт сутый баҡса. Аҙмы был, күпме? Йөҙәр гектар баҫыуҙарҙа эш иткәндәргә бындай ҙурлыҡтағы...

Тотош уҡырға 241

Төбәк бәҫе – мәғарифтың көсөндә

Төбәк бәҫе – мәғарифтың көсөндә 14.08.2018 // Социаль мәсьәлә / Анонстар

Баш ҡалабыҙ Өфөлә сираттағы Мәғариф буйынса республика кәңәшмәһе үтте. Уның эшендә 600-ҙән ашыу...

Тотош уҡырға 216

Эштең ауырлығын һиҙмәйҙәр

Эштең ауырлығын һиҙмәйҙәр 10.08.2018 // Иҡтисад / Анонстар

Байрам алдынан төҙөлөш тармағы хеҙмәткәрҙәре Башҡортостан Республикаһы Башлығы Рөстәм Хәмитовтың...

Тотош уҡырға 247

Күрһәтерлек өлгө бар

Күрһәтерлек өлгө бар 08.08.2018 // Иҡтисад / Анонстар

Республика Башлығы Рөстәм Хәмитов Бүздәк районына эш сәфәре барышында ураҡ барышы менән танышты,...

Тотош уҡырға 183

Хеҙмәтебеҙ табыш килтерһен

Хеҙмәтебеҙ табыш килтерһен 03.08.2018 // Эшҡыуар / Анонстар

Республика Башлығы Рөстәм Хәмитов эш сәфәре менән Ҡырмыҫҡалы районында булды “Артемида” йәмғиәтенең...

Тотош уҡырға 186

Рәхәтләнеп уйнар саҡ

Рәхәтләнеп уйнар саҡ 01.08.2018 // Анонстар / Йәмғиәт

Республикала балаларҙың йәйге ялы файҙалы үтһен өсөн күп көс һалына Балаларҙың шат тауышы, ихлас...

Тотош уҡырға 274

Сәм һәм дәрт менән

Сәм һәм дәрт менән 31.07.2018 // Йәмғиәт / Анонстар

Ауырғазы районы хужалыҡтары мал аҙығы хәстәрләүгә етди тотонған Берәүҙәре сенаж соҡорҙарын тиҙерәк...

Тотош уҡырға 218

Уңғандарға дәүләт тә ярҙам итә

Уңғандарға дәүләт тә ярҙам итә 27.07.2018 // Социаль мәсьәлә / Анонстар

Раевка ҡасабаһы эргәһендә яңы ҡалҡып сыҡҡан биҫтәлә бер йорт алыҫтан уҡ күркәм булып күренеп тора....

Тотош уҡырға 624