Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Киләсәк йәштәр ҡулында
Хәҙерге заманда йәштәрҙең ауылда ҡалырға атлығып тормауы барыһына ла мәғлүм. Ә бына Ҡырмыҫҡалы районының Иҫке Бәпес ауылында беҙ бөтөнләй икенсе күренешкә шаһит булдыҡ.

Асҡар Ишбирҙин – ошо ауыл егете. Республика башҡорт лицей-интернатын та­мам­лағас, Свердловск өлкәһенең танк ғәскәр­ҙәрендә әрме хеҙмәтен башлай һәм уны Силәбе өлкәһенең Сыбаркүл районында тамамлай. Унан һуң Башҡорт дәүләт уни­верситетының география факультетында геология йүнәлеше буйынса белем ала.

Асҡар беренсе курста уҡығанда уҡ лаборант-тикшеренеүсе булып эшкә урынлаша. Бакалавр дипломын алғас, “Башнефтегеофизика” йәмғиәтендә хеҙмәт юлын башлай. Шул уҡ ваҡытта һайлаған һөнәре буйынса магистратурала уҡырға ла ваҡыт таба тырыш егет. Географияға һөйөү әсәһенән килә: Рима Рәшит ҡыҙы Иҫке Бәпес мәктәбендә ошо фән серҙәренә төшөндөрә.

Ярайһы уҡ яҡшы эшкә урынлашыуына ҡарамаҫтан, егеттең күңеле ауылға тартыла, әммә унда эш табыу мәсьәләһе ҡырҡыу тора. Ниһайәт, былтыр шундай мөмкинлек тыуа: Иҫке Бәпес мәктәбе директоры Рамазан Шаймарҙанов мәктәпкә уҡытырға ҡайтырға тәҡдим итә. Оҙаҡ уйлап тормайынса Асҡар ҡатыны – Белорет районы һылыуы Гөлнур һәм кескәй ҡыҙы Сафия менән тыуған ауылына юл тота. Шулай итеп, былтыр август айында йәштәр мәктәптә эш башлай. Ғаилә башлығы география фәненән белем бирһә, юғары уҡыу йортон ҡыҙыл дипломға тамамлаған хәләле инглиз һәм немец телдәренән уҡыта.

Уҡыусылар Асҡар ағайҙарын һәм Гөлнур апайҙарын шунда уҡ яратып өлгөрә, хатта арттарынан ҡалмай эйәреп йөрөй. Үҙҙәренең белгәндәрен балалар менән ихлас уртаҡлаша йәш уҡытыусылар.

Әйткәндәй, Асҡар Рәсүл улы инглизсә лә бик яҡшы белә – телде ул лицейҙа ентекләп өйрәнгән. Ушу менән дә тап шунда ҡыҙыҡһынып китә. Ярты йыл шөғөлләнгәндән һуң ярыштарҙа сығыш яһай башлаған. Әрменән һуң да мауығыуын ташламаған, үҙ көсөн төрлө бәйгеләрҙә һынаған. Әле иһә уҡыусыларын спортҡа, сәләмәт йәшәү рәүешенә йәлеп итә, буш ваҡыттарын файҙалы үткәрергә өйрәтә. Йәш булыуына ҡарамаҫтан, һәр балаға атайҙарса хәстәрлек күрһәтергә, иғтибар бүлергә тырыша. Һәм һөҙөмтәләр оҙаҡ көттөрмәй: бер нисә ай шөғөлләнгәндән һуң республика кимәлендәге ярыштан еңеү менән ҡайталар! Тәүҙә күнекмәләргә дүрт-биш бала килһә, тора-бара уларҙың һаны арта. Ҡыҙҙарҙың йөрөүе лә – шатлыҡлы күренеш. Киләсәктә кикбоксинг һәм ҡул һуғышы буйынса ла сығыш яһарға ниәтләйҙәр. Башланғыстары маҡ­таулы, әлбиттә, әммә матди яҡтан ярҙам булһа, тағы ла яҡшыраҡ һөҙөмтәләргә өлгәшеү мөмкин булыр ине.

Гөлнур Рәмил ҡыҙы иһә сәнғәткә ғашиҡ. Түңәрәк ойоштороп, балаларҙы бейеү серҙәренә төшөндөрә. Алдағы көндәрҙә уларҙың уңыштары өсөн дә шатланырға яҙһын.

Уҡыу йылдары – баланың хәтере шәп ваҡыт, ул бар мәғлүмәтте тиҙ отоп ала. Ошо мәлде уңышлы файҙаланыу маҡсатында һәр шәмбелә инглиз телендә субтитрҙар менән фильмдар күрһәтелә. Балаларға оҡшай, бик теләп йөрөйҙәр.

Гөлнур һәм Асҡар Ишбирҙиндарға ҡарап, күҙ тейеп ҡуймаһын, тип әйтке килә. Уларҙың киләсәккә пландары бик ҙур, һәр ниәттәре тормошҡа ашып тороуын теләйек. Киләсәк – йәш быуын ҡулында, ә ошондай йәштәр күберәк булһа, ауылдың йәшәйәсәгенә лә өмөт-ышаныс арта.



Беҙҙе Яндекс Дзен лентаһында уҡығыҙ
Комментарий өҫтәргә






Бергә-бергә еңелерәк

Бергә-бергә еңелерәк 11.12.2018 // Ауыл хужалығы

Баймаҡ районында ауыл биләмәләре хакимиәттәре башлыҡтары ҡатнашлығында ауыл хужалығы ҡулланыусылары...

Тотош уҡырға 40

Айырылғанды айыу ашар...

Айырылғанды айыу ашар... 11.12.2018 // Ауыл хужалығы

Уҙып барған йылда Күгәрсен районында ауыл хужалығын үҫтереү буйынса конкурсты уңышлы үткән дүрт...

Тотош уҡырға 48

Тырыштарға ярҙам да күрһәтелә

Тырыштарға ярҙам да күрһәтелә 11.12.2018 // Ауыл хужалығы

Учалы аграрийҙары быны яҡшы аңлай. Республика агросәнәғәт комплексын дәртләндереүгә йыл һайын...

Тотош уҡырға 41

Башҡорт һөтө шә-ә-ә-әп!

Башҡорт һөтө шә-ә-ә-әп! 08.12.2018 // Ауыл хужалығы

Францияның Savencia Fromage & Dairy компанияһының генераль директоры Жан-Поль Торрис...

Тотош уҡырға 104

Этҡолдарҙан дәрт һәм дарман алдыҡ

Этҡолдарҙан дәрт һәм дарман алдыҡ 07.12.2018 // Ауыл хужалығы

Башҡортостандың “Иң егәрле ауыл”ында эшһөйәр халыҡ йәшәй....

Тотош уҡырға 73

Беҙгә трактор кәрәк

Беҙгә трактор кәрәк 07.12.2018 // Ауыл хужалығы

Ауыл ерендә хәл итеүҙе көткән проб­лемалар әҙ түгел, һәм уларҙы, әлбиттә, үҙаллы ғына еңеп сығыу...

Тотош уҡырға 68

Толом-толом... сыр үрәләр

Толом-толом... сыр үрәләр 06.12.2018 // Ауыл хужалығы

Үрелгән сәс толомо рәүешендәге ыҫланған сырҙы яратмаған кеше бармы икән? Ул формаһы менән генә...

Тотош уҡырға 84

Башҡорт бал ҡортон... Үзбәкстанға ебәрмәкселәр

Башҡорт бал ҡортон... Үзбәкстанға ебәрмәкселәр 06.12.2018 // Ауыл хужалығы

Бал ҡорттарын ҡышҡылыҡҡа йылы яҡҡа ебәреү тәҡдимен республика Хөкүмәте Премьер-министры урынбаҫары...

Тотош уҡырға 113

Баҫыуға идара — электроника аша

Баҫыуға идара — электроника аша 02.12.2018 // Ауыл хужалығы

Федоровка районында баҫыуҙарҙы “цифрлаштырыу” башланды. Был эште райондың ауыл хужалығы эштәре...

Тотош уҡырға 76

Фермерға нимә кәрәк?

Фермерға нимә кәрәк? 02.12.2018 // Ауыл хужалығы

Көйөргәҙе районы хакимиәтенең ауыл хужалығы бүлеге белгестәре райондың Мәғлүмәт-консультация үҙәге...

Тотош уҡырға 100

Әкиәттәге кеүек, әммә был — ысынбарлыҡ!

Әкиәттәге кеүек, әммә был — ысынбарлыҡ! 28.11.2018 // Ауыл хужалығы

Саҡмағош районының “Базы” ауыл хужалығы предприятиеһының генераль директоры Вадим Соколов малсылыҡ...

Тотош уҡырға 81

Саҡмағоштар һынатмай

Саҡмағоштар һынатмай 28.11.2018 // Ауыл хужалығы

Башҡортостан ауыл хужалығы консультациялары үҙәге мәғлүмәттәренә ярашлы, республика ауыл хужалығы...

Тотош уҡырға 79