Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Эшһөйәр халыҡҡа ихтирам арта ғына
Агрофирма эшсәндәре тырыш хеҙмәте менән дан яулай

Республика хужалыҡтарында ауыл эшсәндәре ҙур ихласлыҡ менән баҫыуҙарҙан көҙгө муллыҡты йыйып алып, ырҙын табаҡтарына оҙата. Улар ошо мәлдең иң изгеләрҙән булыуын яҡшы аңлай.

Стәрлетамаҡ районының бөтә хужалыҡтары ла ҡышҡылыҡҡа бесән әҙерләүҙе тамамлап, уңыш йыйыу кампанияһын дәррәү алып бара, күптәре хатта уны тамамлаған да инде. Мәҫәлән, “Салауат агрофирмаһы” яуаплылығы сикләнгән йәмғиәтенең ауыл эшсәндәре лә был көндәрҙә баҫыу-яландарҙа тырышлыҡ күрһәтә. Ауыр йөктө булдыҡлы һәм иң мөһиме ауыл тормошон яҡшы белгән йәш етәксе Наил Рөстәм улы Баһауетдинов тарта. Әйткәндәй, уның олатаһы, Социалистик Хеҙмәт Геройы Рәйес ағай ҙа, 30 йылға яҡын элекке Салауат исемендәге колхозға етәкселек иткән, атаһы Рөстәм Рәйес улы ла ҡасандыр ошо хужалыҡта эшләп киткән. Һаман да ауыл халҡы ул осорҙағы етәкселәрҙе һағынып, маҡтап иҫкә ала.

Тап шул йылдарҙа һөтсөлөк фермалары, гараждар, машина-трактор оҫтаханалары, күп кенә социаль объекттар, колхозсылар өсөн йорттар төҙөлә. Бөгөн иһә Наил Рөстәм улы олатаһы менән атаһының эшен уңышлы дауам итеп, ауылдаштарына һәр яҡлап ярҙамлаша, кәңәш һорап килгәндәрҙең үтенестәрен хәл итергә тырыша. “Олоно — оло, кесене кесе итә белә”, – тиҙәр уның хаҡында.

– Халыҡ – иң ҙур байлығыбыҙ. Ҡеүәтле техникаң, ишле малың булып та эшләргә кешең юҡ икән, маҡсатыңа өлгәшә алмаясаҡһың, шуға күрә тырыш халыҡҡа беҙҙә ихтирам да, иғтибар ҙа бар, – ти йәмғиәт етәксеһе. – Бөгөн яҡшы эшләр өсөн уңайлы шарттар тыуҙырғанбыҙ, ҡул көсө бөтөнләй тиерлек ҡулланылмай, бары тик тырышырға ғына кәрәк.

Хужалыҡта, нигеҙҙә, сит илдә етештерелгән техника һәм ҡорамал ҡулланыла, уны йыл һайын яңыртып торалар. Мәҫәлән, механизаторҙар, комбайнсылар хәҙер кондиционеры, борт компьютеры булған заманса техникала баҫыуҙарҙы иңләй. Агрофирма директоры намыҫлы хеҙмәт күрһәткәндәрҙең эшен ихлас баһалай. Күп кенә хеҙмәт алдынғылары сит илгә юллама менән бүләкләнеп, Мысырҙа, Төркиәлә, Кубала һаулығын нығытҡан.

Йәмғиәттең Үрге Уҫылы ауылында урынлашҡан һөтсөлөк фермалары “500 ферма” программаһына инеп, улар тулыһынса яңыртылған. “Һөт үткәргестәр, һыуытҡыстар, аҙыҡ өҫтәлдәре ҡуйылғас, малсыларға эшләүе күпкә еңелләште, элекке кеүек биҙрә менән һыу, һөт ташымайһың, аҡ торбалар буйлап үҙе аға”, – ти директор.

Сит илдә етештерелгән заманса ҡорамалдар менән йыһазландырылған һауын залы бер юлы 25 һыйырҙы һауырға мөмкинлек бирә. Һауынсылар электрон аппараттар аша ғына һөт һауыу барышын тикшереп, малҡайҙарҙың торошон күҙәтә ала. Эштән һуң малсыларға йыуынып, сәй эсеп, китап, гәзит-журнал уҡып ял итеү өсөн махсус бүлмә лә булдырылған.

Симменталь тоҡомло һыйыр малы үрсетеү буйынса тоҡомсолоҡ предприятиеһы ла икән хужалыҡ. Көтөүҙе йыл һайын яңы таналар менән яңырталар, яһалма ҡасырыу эше лә бында һәйбәт ҡуйылған. Бөгөн үгеҙҙәр ялан кәртәлә айырым һимертелә.

Мәскәүҙә үткән “Алтын көҙ” күргәҙ­мәһендә ҡатнашып, агрофирма малсылары ошондай малдары менән абруйлы күргәҙмәнең көмөш миҙалына лайыҡ булған.

Бөгөн йәмғиәттең туғыҙ мең гектарға яҡын ере бар. Бынан тыш, халыҡтың пай ерҙәрен дә файҙаланалар. Пай хаҡына хужалыҡ халыҡҡа мал аҙығы, бесән-һалам бирә, дәүләткә һалымын түләй. Әле ауыл халҡына осһоҙ хаҡҡа бесән, һалам ташыйҙар, иген тарата башлағандар.
Ураҡҡа ла яҡшы әҙерләнгәндәр, ырҙын табағына тулыһынса тиерлек ремонт яһағандар, һәр ерҙә асфальт йәйелгән. Ҡеүәтле иген киптергес һатып алғандар. Әле баҫыуҙарҙан алтынға тиң уңыш ырҙын табағына ҡайтарыла, келәттәргә һаҡлауға һалына.

– Шөкөр, быйыл баҫыуҙар уңышы менән ҡыуандыра. Агротехнологияларҙы дөрөҫ ҡулланғас, һәйбәт кенә уңыш килә, гектар ҡеүәте 30 центнер тәшкил итә, – ти йәмғиәт рәйесе. – Салауаттарҙың тырышлығына һоҡланырлыҡ, сөнки бында тырыш, үҙ эшен яратып башҡарған, хеҙмәт һөйөүсән халыҡ йәшәй. Һәр ерҙә тәртип булғас, ҡаҙаныштарға ла һәр саҡ юл асыҡ.

Етәкселек алдынғы ялан батырҙарын Фәнзил Сабитов, Раил Мосаҡаев, Радик Ғиззәтуллин, Илдус Яппаров, Айгиз Сәләмов менән Азат Абдуллинды маҡтап телгә алды. Әйткәндәй, Башҡортостан дәүләт аграр университеты студенттары ла ҡыҙыу мәлдә ауыл эшсәндәренә һәр яҡлап ярҙам ҡулы һуҙа, ололарға лайыҡлы алмашсы ла.

Кукуруз баҫыуҙары ла күп кенә хужалыҡтар өсөн өлгө, ваҡытында ямғыр булмаһа ла, был культура ҡоролоҡҡа бирешмәй, яҡшы үҫкән. Тимәк, мал аҙығына туҡлыҡлы ҡушымта буласаҡ. Көнбағыш баҫыуы ла беҙҙе күҙҙең яуын алып торған һары сәскәләре менән ҡаршы алды. Хужалыҡ 250 гектарҙа картуф та үҫтерә, районда уның менән тик улар ғына шөғөлләнә икән.

Баҫыуҙарҙы иңләп сыҡҡас, ҡәнәғәтлек тойғоһо кисереп, хужалыҡтың бесәне һаҡланған амбарға барҙыҡ. Бесән төргәктәрҙә булғас, малсыларға уны мал аҙбарына ташыу уңайлы. Бөгөн алты ауылда урынлашҡан силос, сенаж соҡорҙарына туҡлыҡлы аҙыҡ һалыу дауам итә. Бында ватылып ултырған бер техника ла юҡ.

– Алдынғы хужалыҡтың эшмәкәрлеге ошолай булырға тейеш. Етәкселәр аҡса йәлләмәй, баҫыуҙарға күп күләмдә минераль ашлама индерелә, техника яңыр­тыла, – ти район хакимиәте башлығының ауыл хужалығы буйынса урынбаҫары Салауат Фәритов. – Бындай хужалыҡтар күп булһа, район даны ла алыҫҡа таралыр ине.

Автор: Самат ҒӘЛИН
Фото: Айрат Нурмөхәмәтов


Беҙҙе Яндекс Дзен лентаһында уҡығыҙ
Комментарий өҫтәргә






Эмуға әрем килешкән

Эмуға әрем килешкән 21.09.2018 // Ауыл хужалығы

Күгәрсен районының Ҡаран ауылында йәшәүсе Людмила менән Павел Верясовтарҙың ялан кәртәһендә ҡәҙимге...

Тотош уҡырға 98

“Батшалар майы”на ихтыяж бармы?

“Батшалар майы”на ихтыяж бармы? 19.09.2018 // Ауыл хужалығы

Етен етештереүгә дәүләт тарафынан иғтибар арта. Хужаның иҫәбен баҙарҙағы хаҡ боҙа. Һуңғы йылдарҙа...

Тотош уҡырға 57

Үтәлмәй торған бурыс юҡ

Үтәлмәй торған бурыс юҡ 19.09.2018 // Ауыл хужалығы

“Эшләһәң, эш ҡарышмай” тигән принципҡа таяна йәш фермер Йәштәрҙең ныҡышмал, сәмсел, тәүәккәл...

Тотош уҡырға 55

Ужым сәсеүҙе тамамланылар

Ужым сәсеүҙе тамамланылар 18.09.2018 // Ауыл хужалығы

Әле республикала 416 мең гектар ерҙә йәки планлаштырлған майҙандың 69 процентында ужым сәселгән,...

Тотош уҡырға 52

Ваҡытында дауалау мөһим

Ваҡытында дауалау мөһим 18.09.2018 // Ауыл хужалығы

— Беҙҙең ауылда елендәренә һөйәл сыҡҡан һыйырҙар күп. Минең һыйырҙа ла, башмаҡта ла барлыҡҡа килде....

Тотош уҡырға 35

Дөрөҫ туҡландырһаң...

Дөрөҫ туҡландырһаң... 18.09.2018 // Ауыл хужалығы

Тауыҡтар аҙыҡ төрләмәй, шуға ла бирелгән ашлыҡтан тыш та үҙҙәренә ем таба ала. Ләкин был эште...

Тотош уҡырға 35

Һалҡындар башланғансы

Һалҡындар башланғансы 18.09.2018 // Ауыл хужалығы

Сентябрҙә бал ҡорттары ҡышҡа тамам әҙер була. Йәйге осорҙа йыйылған аҙыҡ запасын кәметмәү...

Тотош уҡырға 52

Баҫыуҙа ла, ырҙында ла түгел,  ә баҙарҙа баһалана

Баҫыуҙа ла, ырҙында ла түгел, ә баҙарҙа баһалана 18.09.2018 // Ауыл хужалығы

Бөгөнгө ауыл хужалығына ниндәй үҙенсәлектәр хас? Башҡортостандың ауыл хужалыҡтары быйылғы ураҡты...

Тотош уҡырға 35

Барыһы ла үҙеңдән тора

Барыһы ла үҙеңдән тора 18.09.2018 // Ауыл хужалығы

Шәхси ярҙамсы хужалыҡ алып барып ҡына етеш йәшәп буламы? Был һорауға күптәр яуап эҙләй. Һуңынан...

Тотош уҡырға 41

Ярҙам тойғас, һынатмайҙар

Ярҙам тойғас, һынатмайҙар 14.09.2018 // Ауыл хужалығы

Кәйефтәре күтәренке, игенгә хаҡ тотороҡло “Рощинский” дәүләт унитар ауыл хужалығы предприятиеһының...

Тотош уҡырға 40

Сөгөлдөр алалар

Сөгөлдөр алалар 14.09.2018 // Ауыл хужалығы

Баҫыуҙарҙа шәкәр сөгөлдөрө йыйыу бара. Быйыл республикала был культура 46,1 мең гектар майҙанды...

Тотош уҡырға 49

Ашламалар өсөн инфраструктура булдырыла

Ашламалар өсөн инфраструктура булдырыла 12.09.2018 // Ауыл хужалығы

Көнсығыш иҡтисад форумында Башҡортостан Хөкүмәте Премьер-министры Рөстәм Мәрҙәнов һәм иҡтисади үҫеш...

Тотош уҡырға 62