Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ярҙам тойғас, һынатмайҙар
Кәйефтәре күтәренке, игенгә хаҡ тотороҡло

“Рощинский” дәүләт унитар ауыл хужалығы предприятиеһының Стәрлетамаҡ берләшмәһе баҫыуҙарында ла техника тауышы тынмай, һәр ерҙәгесә ураҡ бында ла дәррәү һәм ойошҡан бара. Бынан тыш, ҡышҡылыҡҡа мал аҙығы хәстәрләү ҙә дауам итә, пар ерҙәре һөрәләр, баҫыуҙарҙа химик утау үткәрелә. Берләшмәнең 5200 гектар һөрөнтө ере бар, баҫыуҙар тәрбиәле, йыл һайын күпләп минераль ашлама, тиреҫ индерелгәс, ауыл эшсәндәре мул уңыш алыуға өлгәшә.

— Шөкөр, районда тәүгеләрҙән булып көҙгө уңышты йыйып алдыҡ, әле ҡайһы бер баҫыуҙарҙа ғына ҡалған игенде ураһы бар, былай үҙебеҙҙең элеваторға 42 мең тонна ашлыҡты һаҡлауға һалдыҡ та инде, — тип ҡыуанысы менән уртаҡлашты йәмғиәттең Стәрлетамаҡ берләшмәһе начальнигы Рөстәм Ринат улы Рысаев. — Тәбиғәт беҙҙе быйыл әллә ни иркәләтмәһә лә, баҫыуҙар уңышы менән шатландырҙы, ауыл эшсәндәренең дә тырышлығы бушҡа китмәне. Бөгөн игенселәрҙең кәйефе күтәренке, сөнки келәттәр тулы, игенгә лә хаҡ тотороҡло.

Ысынлап та, нәҡ совет осорондағы кеүек, йәмғиәттең ырҙын табаҡтарында ла, баҫыуҙарҙа ла эш гөрләй, һәр кем ҙур ихласлыҡ менән үҙенә йөкмәтелгән бурысты намыҫлы башҡара. Ҡышҡылыҡҡа мал аҙығын да етерлек күләмдә хәстәрләгәндәр, тимәк, малдар сифатлы, туҡлыҡлы аҙыҡҡа ҡытлыҡ кисермәйәсәк. Бынан тыш улар 700 гектарҙа ужым культуралары сәсеү менән мәшғүл, күп йыллыҡ һәм бер йыллыҡ үләндәр ултыртасаҡтар.

— Техника төҙөк һәм яңы булғас, бер ниндәй ауырлыҡтар күҙәтелмәй, яғыулыҡ, сифатлы орлоҡ, минераль ашламаларҙы алдан әҙерләгәс, эш тотҡарлыҡһыҙ бара, — ти Рөстәм Рысаев.

Хужалыҡ хеҙмәткәрҙәре 610 гектарҙа үҫтерелгән кукуруз баҫыуҙарында тырышып хеҙмәт өлгөһө күрһәтә. Был культура бында юғары уңышы менән ҡыуандыра. Белгестәр билдәләүенсә, уның бейеклеге өс метрға етә, ҡайһы бер урындарҙа унан да артып китә икән. Уңыш ҡеүәте гектарынан, мәҫәлән, 450-500 центнер тәшкил итә. Әле йәмғиәттең биш силос соҡоро ла мал аҙығы менән тулылана. Бынан тыш 23 мең центнер бесән, 25 мең центнер һалам, 165 мең центнер сенаж хәстәрләгәндәр.

— Мал да ишле бит, әле йәйләүҙә 2170 баш ҡара-сыбар тоҡомло һыйыр малы аҫрала, таналар күпләп быҙауланы. Шуға ла уларҙың аҙыҡ өҫтәле наҡыҫ булмаһын тип тырышабыҙ инде, — ти Рөстәм Ринат улы.

Һауын һыйырҙары 650 баш тәшкил итә, көтөүгә йыл һайын яңы йөҙ баш тана ҡушалар. Һимертеү майҙансығында иһә 600 баш үгеҙ аҫрайҙар. Малсылыҡтан алынған әҙер продукцияны үҙҙәренең һөт һәм ит эшкәртеү цехына оҙаталар. Сифатлы һөттән һәм иттән төрлө ризыҡтар етештереп, һатыуға сығаралар. Етәкселек киләсәктә лә был тәңгәлдә эшмә­кәрлектәрен дауам итеп, халыҡты экологик яҡтан таҙа продукция менән тәьмин итергә күҙаллай.

Хужалыҡ эшсәндәре йәй көндәре һөтсөлөк фермаларына бына тигән ремонт үткәргән, тағы ла мал һимертеү өсөн яңы биш майҙансыҡ төҙөп ултыртҡандар.

Техника паркының бай булыуы әллә ҡайҙан күренә, сит илдә һәм Рәсәйҙә етештерелгән ҡеүәтле техника бөгөн баҫыуҙарҙы иңләй. Һөтсөлөк фермалары ла заманса ҡоролмалар менән йыһазландырылған. “Ололар менән бер рәттән йәштәр ҙә беҙҙә тырышып эшләй, эш һорап мөрәжәғәт итеүселәр бик күп”, — ти Рөстәм Ринат улы. Хеҙмәт хаҡы юғары, бөгөн уртаса эш хаҡы 25 мең һум тәшкил итә. Премиялар, социаль яҡлау ҡаралған.

— Яҙғы-көҙгө баҫыу эштәренә республика Хөкүмәте, Ауыл хужалығы министрлығы тарафынан субсидия ла ваҡытында бүленде, шуға ла был ярҙамға байтаҡ эштәр башҡарып, ураҡ эштәрен тотҡарлыҡһыҙ атҡарырға мөмкинлек булды, — тине район хакимиәте башлығының ауыл хужалығы буйынса урынбаҫары Салауат Фәритов. — Бындай ярҙам булғас, беҙгә тик тырышып эшләргә генә ҡала, ә стәрлетамаҡтар былай ҙа һынатҡандары юҡ.


Автор: Самат ҒӘЛИН
Фото: Айрат Нурмөхәмәтов
Район: Стәрлетамаҡ районы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ауыл ҡатынының тормошон ауырлаштыралар

Ауыл ҡатынының тормошон ауырлаштыралар 27.03.2019 // Ауыл хужалығы

Ауыл ерендә эшләгән ҡатын-ҡыҙҙы бигүк күңелле булмаған үҙгәрештәр көтә. Рәсәйҙең Хеҙмәт һәм социаль...

Тотош уҡырға 450

Илдар ирландтарҙы нимәгә өйрәтер?

Илдар ирландтарҙы нимәгә өйрәтер? 26.03.2019 // Ауыл хужалығы

Мәләүез районынан Илдар Ишәкәев Ирландияға юлға сыҡты....

Тотош уҡырға 87

Ҡыш бауыры  оҙон түгел

Ҡыш бауыры оҙон түгел 26.03.2019 // Ауыл хужалығы

Арбаңды — ҡыш, санаңды йәй әҙерлә....

Тотош уҡырға 199

Ауылды улар йәшәтә

Ауылды улар йәшәтә 26.03.2019 // Ауыл хужалығы

Грант аҡсаһына — һөтсөлөк фермаһы....

Тотош уҡырға 280

Хәҙер Ахунға барырға мөмкин

Хәҙер Ахунға барырға мөмкин 23.03.2019 // Ауыл хужалығы

Учалы районында быға тиклем махсус мал һуйыу урындары икәү генә ине – ҡалала һәм Озерный...

Тотош уҡырға 103

Һөт сертификация үтәсәк

Һөт сертификация үтәсәк 22.03.2019 // Ауыл хужалығы

Рәсәй Ауыл хужалығы министрлығынан хәбәр итеүҙәренсә, быйыл майҙа әҙер һөт продукцияһын “Меркурий”...

Тотош уҡырға 92

Ауыл хужалығы предприятиеларын көтәләр

Ауыл хужалығы предприятиеларын көтәләр 19.03.2019 // Ауыл хужалығы

Шишмә районында ауыл хужалығы йүнәлешендәге индустрия паркы барлыҡҡа киләсәк....

Тотош уҡырға 100

“Ленин”дарға эйәрергә була

“Ленин”дарға эйәрергә була 19.03.2019 // Ауыл хужалығы

Стәрлебаш районының Ленин исемендәге ауыл хужалығында мал ҡышлатыу уңышлы ойошторолған....

Тотош уҡырға 149

Сифатлы орлоҡһоҙ алға китеш юҡ

Сифатлы орлоҡһоҙ алға китеш юҡ 19.03.2019 // Ауыл хужалығы

Был һүҙҙәрҙең дөрөҫлөгөн ерҙе яратҡан һәр кем яҡшы аңлай. Әлбиттә, һауа шарттарының нисек килеүе,...

Тотош уҡырға 140

“Ҡалмыҡ” тоҡомлолар даланы үҙ иткән

“Ҡалмыҡ” тоҡомлолар даланы үҙ иткән 19.03.2019 // Ауыл хужалығы

Хәйбулла районы Өфө ауылынан Марат Булатов – районда малсылыҡ тармағында уңышлы эшләгән...

Тотош уҡырға 199

Ауыл ерендә эшләгәндәр өҫтәмә алды

Ауыл ерендә эшләгәндәр өҫтәмә алды 18.03.2019 // Ауыл хужалығы

1 ғинуарҙан ауыл ерендә малсылыҡта, үҫемлекселектә, балыҡсылыҡта 30 йыл эшләгән пенсионерҙарға...

Тотош уҡырға 276

Ҡолоштан мал алмай тор...

Ҡолоштан мал алмай тор... 18.03.2019 // Ауыл хужалығы

Учалы районының Ураҙ ауыл биләмәһенә ҡараған Ҡолош ауылында ғәҙәттән тыш хәл теркәлгән....

Тотош уҡырға 173