Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Халыҡ эшле лә, ашлы ла
Хужа хәстәрлекле булһа, йәштәр ҙә янда.

Бөгөн крәҫтиән (фермер) хужалыҡтары мөһим тармаҡтарҙың береһе һанала. Нәҡ улар халыҡты сифатлы аҙыҡ-түлек менән тәьмин итеп, күптәргә эш урындары булдырып, ауыл кешеһендә киләһе көнгә ышаныс тыуҙыра һәм төбәктең социаль-иҡтисади үҫешенә тос өлөш индерә. Бынан тыш, мәктәп, балалар баҡсаларына һәр яҡлап ярҙам ҡулы һуҙа. Шәхси хужалыҡтары, эш һөйөүсән, тырыш фермерҙары булған ауылдың киләсәге лә өмөтлө, йәштәр ҙә эш эҙләп сит тарафтарға юлланмай, ә тыуған яғында ҡалыуҙы хуп күрә. Бүздәк районында ла фермер хужалыҡтары ойоштороп, яҡшы эшмәкәрлек алып барған ир-уҙамандар етерлек. Уларҙың күбеһе төрлө маҡсатлы дәүләт программалары менән уңышлы файҙалана.

Ҡасандыр гөрләп торған Фрунзе исемендәге колхоз 2005 йылда бөлгөн­лөккә төшкәс, ошо хужалыҡтың Яҡуп ауылы бригадиры Зөлфәт Камалов крәҫтиән (фермер) хужалығы ойоштороп, бушап ҡалған ферма биналарын үҙенә ала.

— Мин бит ауыл малайы, тыуған төйәгем бөтөнләй таралмаһын, халыҡ эшһеҙ ҡалмаһын тип, фермер хужалығы ойошторорға йөрьәт иттем. Шөкөр, тәжрибә етерлек, ауыр эштән бер ваҡытта ла ҡурҡманым, туғандарым да минең теләгемә ҡаршы килмәне, — тип иҫләй ул көндәрҙе бөгөн Зөлфәт Сәлихйән улы.

2011 йылда “Ғаилә һөтсөлөк фермаларын үҫтереү” программаһына эләгеп, фермер ауылындағы һөтсөлөк фермаларын яңыртыуға өлгәшә, матур итеп ремонт үткәрә, заманса һөт, һыу үткәргестәр урынлаштыра, ҡеүәтле һыуытҡыстар һатып ала. Дәүләт ярҙамынан тыш, Зөлфәт Камалов фермаларҙы тергеҙеү өсөн бар көсөн һала, уға туғандары, ауылдаштары булышлыҡ ҡыла. “Бөгөн эшмәкәрлегемдән ҡәнәғәтмен, ауыл халҡы эшле лә, ашлы ла. Халыҡтың көнкүреше яҡшы, улар хужалыҡта ла намыҫлы эшләй, шәхси ихатаһында ла тырыша”, — ти Башҡорт­остандың атҡаҙанған ауыл хужалығы хеҙмәткәре, райондың тәжрибәле фермеры Зөлфәт Камалов.

Хужалыҡ, малсылыҡ менән бер рәттән, үҫемлекселектә лә яҡшы һөҙөмтәләргә өлгә­шә. 1500 гектар һөрөнтө ере бар. Хужалыҡта халыҡтың пай ерҙәрен дә файҙаланалар, бынан бөтәһе лә ота — хужаларға ер биләмәһе өсөн тос ҡына хаҡ түләнә. Мал йә мал аҙығы менән иҫәп­ләшеү ҙә ҡаралған. Баҫыуҙар тәрбиәле, ҡараулы, минераль ашламалар, тиреҫ менән байытылғас, йыл һайын һәр культуранан мул уңыш алалар. Быйыл, мәҫәлән, ҡеүәт 27 центнер тәшкил иткән, урыны менән хатта 30-ға ла барып еткән. Әле көҙгө уңыш келәттәрҙә һаҡлана, киләһе йылдағыға нигеҙ һалыу өсөн сифатлы орлоҡҡа ҡытлыҡ кисермәйәсәк фермер. Техникаһы ла заманса: һуңғы өс йылда 13 миллион һумлыҡ төрлө ауыл хужалығы техникаһы, ҡоролмалар һатып алыуға өлгәшкән. Төҙөлөшкә аҡса йәллә­мәй, “ЗАВ” төҙөп ултыртҡандар, иген киптергестәр бөгөн тулы ҡеүәтендә эшләп тора. Яғыулыҡ-майлау материалдарын да етерлек кимәлдә хәстәрләгәндәр.

Әле көнбағыш урағына төшөргә йыйыналар, майлы культура 100 гектарҙа сәселгән, гектарынан 20 центнер йыйып алыу күҙаллана.
Малсылыҡ тармағы ла ныҡлы үҫешкән, бөгөн ихатала 400-гә яҡын һыйыр малы тотола, 120-һен һауалар. Ҡышҡы осорға ферма биналары әҙер, мал аҙығына ҡытлыҡ булмаясаҡ, сөнки силос соҡорҙары тулы, бесән-һалам күпләп етештерелгән.

Йәмғиәттә дүрт ауылдан 22 кеше эш урыны тапҡан, йәштәр ҙә, ололар менән бер рәттән, бында намыҫлы хеҙмәт өлгөһө күрһәтә. “Ер эшен үҙ иткәндәргә, уңғандарға өҫтөнлөк бирәбеҙ. Ҡасандыр Себер тарафтарына сығып киткәндәрҙе лә ҡабаттан үҙ ҡанатыбыҙ аҫтына алырға тырышабыҙ, әйҙә, ҡайтһындар, тик эшләһендәр генә”, — ти фермер.

— Ниндәй генә үтенес менән мөрәжәғәт итмә, һәр ваҡыт асыҡ йөҙ менән ҡаршы алалар, һорауыңды хәл итергә тырышалар. Көҙөн бесән һәм һалам бирәләр, шәхси ихатаңда мал тотҡас, был бигерәк тә уңайлы, — ти хужалыҡ эшсәндәре.

Шикләнәһе юҡ, тап ошондай эшһөйәр фер­мерҙар республикабыҙ уңышын то­со­раҡ итеүгә бөгөн бөтә көсөн һала ла инде.

Автор: Самат ҒӘЛИН
Фото: Айрат Нурмөхәмәтов фотоһы
Район: Бүздәк районы


Беҙҙе Яндекс Дзен лентаһында уҡығыҙ
Комментарий өҫтәргә






Энәк буйы йәмле, ҡымыҙы тәмле

Энәк буйы йәмле, ҡымыҙы тәмле 23.10.2018 // Ауыл хужалығы

Рус ҡатыны башҡорт эсемлеге яһай. – Һылыуҡайым, әйҙә, алға үт. – Ҡурҡма, бәләкәсем, ҡурҡма. Мария...

Тотош уҡырға 34

Яҡташтарының терәге

Яҡташтарының терәге 23.10.2018 // Ауыл хужалығы

Яҡын-тирә халҡы һөттө Верясовтарға тапшыра. Ҡаранда һәм эргә-тирәһендәге Сапыҡ, Сәлих, Тәүәкән...

Тотош уҡырға 28

“Тәүәкән” сит ил баҙарына юл ала

“Тәүәкән” сит ил баҙарына юл ала 23.10.2018 // Ауыл хужалығы

Ҡеүәтле хужалыҡ экспортҡа баҫым яһарға йыйына. Иран Республикаһы “Тәүәкән” дәүләт унитар ауыл...

Тотош уҡырға 38

Башҡортостан Төркиәлә Умартасылыҡ буйынса халыҡ-ара конгрестың төп бүләгенә лайыҡ булды

Башҡортостан Төркиәлә Умартасылыҡ буйынса халыҡ-ара конгрестың төп бүләгенә лайыҡ булды 19.10.2018 // Ауыл хужалығы

Төркиәнең Мугла провинцияһында умартасылыҡ һәм ҡарағай балы буйынса VI Халыҡ-ара конгресс...

Тотош уҡырға 54

Гран-при – беҙҙә!

Гран-при – беҙҙә! 17.10.2018 // Ауыл хужалығы

Башҡортостан Хөкүмәте Рәсәй “Алтын көҙ” агросәнәғәт күргәҙмәһенең Гран-прийына лайыҡ булды....

Тотош уҡырға 72

Тау-таш араһын үҙ итеүселәр төйәгендә

Тау-таш араһын үҙ итеүселәр төйәгендә 12.10.2018 // Ауыл хужалығы

Төпкөлдә лә тормош ҡайнай. Ереклегә юлландыҡ. Йылға үҙәненән барғанда иҫ киткес матур тәбиғәт...

Тотош уҡырға 67

Абруй уртаҡ эштә яулана

Абруй уртаҡ эштә яулана 12.10.2018 // Ауыл хужалығы

“500 ферма” программаһына инеү уй-хыялдарҙы тормошҡа ашырыуға булышлыҡ иткән. Нуғай яланына аяҡ...

Тотош уҡырға 57

Саҡматаштай ныҡлы Саҡмағош

Саҡматаштай ныҡлы Саҡмағош 12.10.2018 // Ауыл хужалығы

Заман һынауҙарын улар нисек еңә? ...Быйыл Өфөнөң “ВДНХ-ЭКСПО” майҙансығында үткән XXVIII...

Тотош уҡырға 61

Мәскәүҙә – "Алтын көҙ"

Мәскәүҙә – "Алтын көҙ" 11.10.2018 // Ауыл хужалығы

10 окябрҙә ВДНХ-ла асылған “Алтын көҙ” Рәсәй агросәнәғәт күргәҙмәһе илдең генә түгел, сит...

Тотош уҡырға 72

“Беҙҙең ауыл” проектына йомғаҡ яһалды

“Беҙҙең ауыл” проектына йомғаҡ яһалды 11.10.2018 // Ауыл хужалығы

Республикала “Беҙҙең ауыл – 2018” муниципаль проектына йомғаҡ яһалды....

Тотош уҡырға 50

Ауылда 30 йыл эшләгәндәргә...

Ауылда 30 йыл эшләгәндәргә... 10.10.2018 // Ауыл хужалығы

Рәсәй Президенты Владимир Путин ауылда кәмендә 30 йыл эшләгәндәрҙең пенсияһына өҫтәмә түләргә...

Тотош уҡырға 92

“Татлы тамыр” йыялар

“Татлы тамыр” йыялар 10.10.2018 // Ауыл хужалығы

Райондарҙа сөгөлдөр уңышын йыйыу осоро бара. Бүздәк районы хакимиәте мәғлүмәттәре буйынса, 8...

Тотош уҡырға 62