Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Энәк буйы йәмле, ҡымыҙы тәмле

Рус ҡатыны башҡорт эсемлеге яһай.

– Һылыуҡайым, әйҙә, алға үт.
– Ҡурҡма, бәләкәсем, ҡурҡма.

Мария Породькина һауын бейәләре менән шулай наҙлы, йомшаҡ һөйләшә. “Саҡ ҡына ҡатыраҡ өндәшһәң, йә үрәпсенә башлайҙар, йә һөттәре юғала”, – ти ул.

Көндәр буйы Энәк йылғаһында һыу эсеп, тау һәм яланда үлән утлап, арҡалары эйәр күрмәй иркенлектә сабып үҫкән малҡайҙар бит улар, шуға бигерәк ҡырағай холоҡлолар. Уның ҡарауы, һөттәренең шифаһын тирә-яҡта маҡтап һөйләйҙәр.

– Былтыр күрше ауылдан бер ир Өфөлә йөрәгенә ҡатмарлы операция яһатып ҡайтты. Ул, көн дә машинала килеп, яңы һауылған бейә һөтө эсте. Бер йәйҙә яҡташыбыҙ күҙгә күренеп шәбәйҙе, йөҙөнә алһыулыҡ йүгерҙе. Көҙ тикшеренергә барғас, анализ һөҙөмтәләре табиптарҙы таң ҡалдырған. Ҡаны шул осорҙа операция яһатҡан кешеләрҙекенән күпкә яҡшыраҡ, таҙараҡ булып сыҡҡан, – тип ҡыуанып һөйләй Мария Николаевна.

Башҡорт милли эсемлеген әҙерләү нескәлектәрен рус ҡатыны Сапыҡ ауылында йәшәгән, хәҙер инде туҡһанға еткән Хөмәйрә Хөсәйенованан өйрәнгән. Инәһенән күргән – тун бескән, тигәндәй, техникумда һөт ризыҡтары технологына уҡып сыҡҡан ҡыҙы Анастасия диплом эшен ҡымыҙ темаһына арнаған, хатта балалар өсөн еләкле ҡымыҙ эсемлеге рецебын уйлап сығарған.

– Эшкә килгәнемдә ашҡаҙаным ауыртып яфалай ине, бейә һөтө, ҡымыҙ эсә башлағас, гастриттың нимә икәнен дә оноттом. Тағы ла холестерин күрһәткесе менеп киткәйне, хәҙер тейешле кимәлгә төштө, – тип сөсө эсемлектең шифаһын маҡтап бөтә алмай ихлас ҡатын.

Ишбирҙеләге йылҡысылыҡ фермаһы “Утар” йәмғиәтенә ҡарай. Уның генераль директоры Азамат Айытҡолов фермаға етәкселек итеү, бейә һауыу, ҡымыҙ бешеү кеүек эштәрҙе тулыһынса Мария Породькинаға ышанып тапшырған. Бигерәк мал йәнле шул үҙе – ана, һауын бейәләренә “Һылыуҡай”, “Муйылҡай”, “Аҡсарлаҡ” кеүек матур ҡушаматтар таҡҡан! 30 баштың береһен дә буш ҡалдырмаған. Наҙлы бейәләр ҙә һауынсыны яҡын күрә – йәй айҙарында көнөнә 100 – 115 литр һөт биреп һөйөндөрә.

180 баш йылҡы малының именлеге, таҙалығы өсөн малсылар Владимир Породькин менән Евгений Суняйкин яуаплы. “Аттарҙы ҡарап йөрөтөргә тағы бер шәп ярҙамсыбыҙ бар”, — тип мут йылмая улар, барыһынан бер баш аша ҡарап торған күк айғырға ымлап.

Автор: Нурзиә ХӘСӘНОВА әҙерләне
Фото: Автор фотоһы


Беҙҙе Яндекс Дзен лентаһында уҡығыҙ
Комментарий өҫтәргә






Бергә-бергә еңелерәк

Бергә-бергә еңелерәк 11.12.2018 // Ауыл хужалығы

Баймаҡ районында ауыл биләмәләре хакимиәттәре башлыҡтары ҡатнашлығында ауыл хужалығы ҡулланыусылары...

Тотош уҡырға 41

Айырылғанды айыу ашар...

Айырылғанды айыу ашар... 11.12.2018 // Ауыл хужалығы

Уҙып барған йылда Күгәрсен районында ауыл хужалығын үҫтереү буйынса конкурсты уңышлы үткән дүрт...

Тотош уҡырға 51

Тырыштарға ярҙам да күрһәтелә

Тырыштарға ярҙам да күрһәтелә 11.12.2018 // Ауыл хужалығы

Учалы аграрийҙары быны яҡшы аңлай. Республика агросәнәғәт комплексын дәртләндереүгә йыл һайын...

Тотош уҡырға 43

Башҡорт һөтө шә-ә-ә-әп!

Башҡорт һөтө шә-ә-ә-әп! 08.12.2018 // Ауыл хужалығы

Францияның Savencia Fromage & Dairy компанияһының генераль директоры Жан-Поль Торрис...

Тотош уҡырға 105

Этҡолдарҙан дәрт һәм дарман алдыҡ

Этҡолдарҙан дәрт һәм дарман алдыҡ 07.12.2018 // Ауыл хужалығы

Башҡортостандың “Иң егәрле ауыл”ында эшһөйәр халыҡ йәшәй....

Тотош уҡырға 77

Беҙгә трактор кәрәк

Беҙгә трактор кәрәк 07.12.2018 // Ауыл хужалығы

Ауыл ерендә хәл итеүҙе көткән проб­лемалар әҙ түгел, һәм уларҙы, әлбиттә, үҙаллы ғына еңеп сығыу...

Тотош уҡырға 70

Толом-толом... сыр үрәләр

Толом-толом... сыр үрәләр 06.12.2018 // Ауыл хужалығы

Үрелгән сәс толомо рәүешендәге ыҫланған сырҙы яратмаған кеше бармы икән? Ул формаһы менән генә...

Тотош уҡырға 86

Башҡорт бал ҡортон... Үзбәкстанға ебәрмәкселәр

Башҡорт бал ҡортон... Үзбәкстанға ебәрмәкселәр 06.12.2018 // Ауыл хужалығы

Бал ҡорттарын ҡышҡылыҡҡа йылы яҡҡа ебәреү тәҡдимен республика Хөкүмәте Премьер-министры урынбаҫары...

Тотош уҡырға 113

Баҫыуға идара — электроника аша

Баҫыуға идара — электроника аша 02.12.2018 // Ауыл хужалығы

Федоровка районында баҫыуҙарҙы “цифрлаштырыу” башланды. Был эште райондың ауыл хужалығы эштәре...

Тотош уҡырға 80

Фермерға нимә кәрәк?

Фермерға нимә кәрәк? 02.12.2018 // Ауыл хужалығы

Көйөргәҙе районы хакимиәтенең ауыл хужалығы бүлеге белгестәре райондың Мәғлүмәт-консультация үҙәге...

Тотош уҡырға 103

Әкиәттәге кеүек, әммә был — ысынбарлыҡ!

Әкиәттәге кеүек, әммә был — ысынбарлыҡ! 28.11.2018 // Ауыл хужалығы

Саҡмағош районының “Базы” ауыл хужалығы предприятиеһының генераль директоры Вадим Соколов малсылыҡ...

Тотош уҡырға 84

Саҡмағоштар һынатмай

Саҡмағоштар һынатмай 28.11.2018 // Ауыл хужалығы

Башҡортостан ауыл хужалығы консультациялары үҙәге мәғлүмәттәренә ярашлы, республика ауыл хужалығы...

Тотош уҡырға 79