Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Баҫыуҙарҙа уңыштың бөртөгө лә ятып ҡалмаясаҡ
Ауырғазы районының “Урал” эшсәндәре өсөн ҡыш ҡурҡыныс түгел.

Район агросәнәғәт комплексында үҙенсәлекле тәжрибә үҙәге булған “Урал” ауыл хужалығы эшсәндәре баҫыуҙарҙан көҙгө муллыҡты юғалтыуһыҙ йыйып алып, мал ҡышлатыу миҙгеленә аяҡ баҫты. Кәйефтәре күтәренке, сөнки йыл бигүк насарҙан булманы, иген культураларының гектар ҡеүәте 20-25 центнер тәшкил итте.

Әле бында шәкәр сөгөлдөрө уңышын йыйыу дауам итә, ялан батырҙары эште ошо көндәрҙә тамамларға иҫәп тота. “Татлы тамыр”ҙы быйыл 300 гектарҙа сәскәндәр, көн һайын 400-500 тонна уңышты Мәләүез шәкәр заводына оҙаталар. Техниканың ҡеүәтле һәм заманса булыуы эште күпкә еңеләйткән, уларҙы ситтән йәлеп итмәгән­дәр, йөк машиналары ла үҙҙәренеке.

— Көндәрҙең ямғырлы булыуы бер аҙ тотҡарлыҡ тыуҙыра. Әммә баҫыуҙарҙа уңыштың бөртөгөн дә ҡалдырмаясаҡбыҙ, тәүлек әйләнәһенә тырышабыҙ, — ти “татлы тамыр” ҡаҙыусылар.


“Урал” төбәктә алдынғылар иҫәбендә, етәкселек етештереүҙе оҫта ойоштора, алдынғы технологияларҙы ҡуллана белеүе менән күптәргә өлгө булып тора, киләсәген алдан күҙаллап эшләргә өйрәнгән.

Бында, игендән тыш, техник культуралар үҫтереүгә лә өҫтөнлөк бирелә. Шәкәр сөгөлдөрө, көнбағыш баҫыуҙарынан йыл һайын мул уңыш алыуға өлгәшәләр. Ҡоролоҡҡа сыҙамлы культуралар ҙа, ямғырлы йылға ҡулайлаштырылғандары ла берҙәй сәселә. Техника һатып алыуға, яңыртыуға ла аҡса йәлләмәйҙәр, һуңғы йылдарҙа ғына ошо маҡсатҡа 40 миллион һумдан ашыу аҡса тотонолған.

Ауыл хужалығында игенселек менән малсылыҡтың айырылғыһыҙ булыуын бында яҡшы аңлайҙар, шуға мал аҫрап, унан күпмелер табыш-килем алыуға ла өлгәшә йәмғиәт етәкселеге. Кооперативта бөгөн 1100 баш һыйыр малы бар, 350-һен һауып, көн һайын өс мең тоннаға яҡын аҡты Бөрө һөт заводына тапшыралар.

— Сифатлы һәм юғары сортлы продук­цияға ихтыяж һәр саҡ ҙур булды, шуға ла уны һатыу буйынса ҡыйынлыҡтар юҡ, — ти йәмғиәт етәксеһе Рәмил Иштуғанов. — Киләсәктә лә ошо талаптарҙы һаҡлап, халыҡты үҙебеҙҙең аҡ менән тәьмин итәсәкбеҙ.


Ҡышҡы осорҙа мал аҙығы наҡыҫ булмаясаҡ, сенаж, силос, бесән-һалам етерлек күләмдә хәстәрләнгән. Һөтсөлөк фермалары заманса йыһазландырылған, һәр береһендә һыуытҡыстар, һөт, һыу үткәргестәр урынлаштырылған. Әле бында өс ауылдан 120 кеше эшләй. Шуныһы ҡыуаныслы: йәштәр ауылды һайлап, ошо хужалыҡта хеҙмәт сынығыуы үтә икән. Улар менән бер рәттән ололар ҙа ихлас эшләй. Белемле кадрҙарға ла ҡытлыҡ кисермәйҙәр бында: Башҡортостан дәүләт аграр университетын тамамлап килгән йәштәр байтаҡ.

Етәкселек малсылар Альбина Кирәева, Вера Киясова, Лилиә Смаҡова, Рәлиә Сәйфетдинова, Фәнил Ғәҙелшин, Айсыуаҡ Абыҙгилдинды, баҫыуҙа тырышлыҡ күрһәт­кән ялан батырҙары Рәфис Теләүембәтов, Рәфис Ильясов, Петр Киясов, Динир Хәбибуллин, Зиннур Лоҡманов, Филхәт Иҫәнбаев, Василий Баландинды һәм башҡаларҙы маҡтап телгә алып, “нәҡ улар — йәмғиәт тотҡаһы” тип белдерҙе.



Беҙҙе Яндекс Дзен лентаһында уҡығыҙ
Комментарий өҫтәргә






Бергә-бергә еңелерәк

Бергә-бергә еңелерәк 11.12.2018 // Ауыл хужалығы

Баймаҡ районында ауыл биләмәләре хакимиәттәре башлыҡтары ҡатнашлығында ауыл хужалығы ҡулланыусылары...

Тотош уҡырға 41

Айырылғанды айыу ашар...

Айырылғанды айыу ашар... 11.12.2018 // Ауыл хужалығы

Уҙып барған йылда Күгәрсен районында ауыл хужалығын үҫтереү буйынса конкурсты уңышлы үткән дүрт...

Тотош уҡырға 51

Тырыштарға ярҙам да күрһәтелә

Тырыштарға ярҙам да күрһәтелә 11.12.2018 // Ауыл хужалығы

Учалы аграрийҙары быны яҡшы аңлай. Республика агросәнәғәт комплексын дәртләндереүгә йыл һайын...

Тотош уҡырға 43

Башҡорт һөтө шә-ә-ә-әп!

Башҡорт һөтө шә-ә-ә-әп! 08.12.2018 // Ауыл хужалығы

Францияның Savencia Fromage & Dairy компанияһының генераль директоры Жан-Поль Торрис...

Тотош уҡырға 105

Этҡолдарҙан дәрт һәм дарман алдыҡ

Этҡолдарҙан дәрт һәм дарман алдыҡ 07.12.2018 // Ауыл хужалығы

Башҡортостандың “Иң егәрле ауыл”ында эшһөйәр халыҡ йәшәй....

Тотош уҡырға 78

Беҙгә трактор кәрәк

Беҙгә трактор кәрәк 07.12.2018 // Ауыл хужалығы

Ауыл ерендә хәл итеүҙе көткән проб­лемалар әҙ түгел, һәм уларҙы, әлбиттә, үҙаллы ғына еңеп сығыу...

Тотош уҡырға 71

Толом-толом... сыр үрәләр

Толом-толом... сыр үрәләр 06.12.2018 // Ауыл хужалығы

Үрелгән сәс толомо рәүешендәге ыҫланған сырҙы яратмаған кеше бармы икән? Ул формаһы менән генә...

Тотош уҡырға 86

Башҡорт бал ҡортон... Үзбәкстанға ебәрмәкселәр

Башҡорт бал ҡортон... Үзбәкстанға ебәрмәкселәр 06.12.2018 // Ауыл хужалығы

Бал ҡорттарын ҡышҡылыҡҡа йылы яҡҡа ебәреү тәҡдимен республика Хөкүмәте Премьер-министры урынбаҫары...

Тотош уҡырға 113

Баҫыуға идара — электроника аша

Баҫыуға идара — электроника аша 02.12.2018 // Ауыл хужалығы

Федоровка районында баҫыуҙарҙы “цифрлаштырыу” башланды. Был эште райондың ауыл хужалығы эштәре...

Тотош уҡырға 81

Фермерға нимә кәрәк?

Фермерға нимә кәрәк? 02.12.2018 // Ауыл хужалығы

Көйөргәҙе районы хакимиәтенең ауыл хужалығы бүлеге белгестәре райондың Мәғлүмәт-консультация үҙәге...

Тотош уҡырға 103

Әкиәттәге кеүек, әммә был — ысынбарлыҡ!

Әкиәттәге кеүек, әммә был — ысынбарлыҡ! 28.11.2018 // Ауыл хужалығы

Саҡмағош районының “Базы” ауыл хужалығы предприятиеһының генераль директоры Вадим Соколов малсылыҡ...

Тотош уҡырға 84

Саҡмағоштар һынатмай

Саҡмағоштар һынатмай 28.11.2018 // Ауыл хужалығы

Башҡортостан ауыл хужалығы консультациялары үҙәге мәғлүмәттәренә ярашлы, республика ауыл хужалығы...

Тотош уҡырға 79