Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һуҡа бабай, ситтә тор...

Ауыл биләмәләре техникалы була.

Бынан быуатҡа яҡын элек йырланған был йырҙы бөгөн сахайҙар башҡаса көйләй: “Ана килә беҙҙең трактор!” Ысынлап та, күптәр шулай тип йөрөтә өр-яңы “Беларусь” тракторын. Сөнки...

– “Урындағы башланғыс­тарға булышлыҡ итеү” програм­маһына кергәйнек. Бик яҡшы программа ул. Халыҡты йыйып, “Беларусь” алырға тигән уртаҡ фекергә килдек. Миллион һумын дәүләт бүлде, 150 меңен һигеҙ ауыл халҡы йыйҙы, 155 мең һумды – бағыусылар. Барыһына ла рәх­мәт, – тип ҡыуанысын йәшермәй Сахай ауыл хакимиәте башлығы Ришат Хөснөтдинов.

Ришат Рауил улы әйтеүенсә, ярҙамға кешеләр кем күпме бирә алған, шунса дөйөм эшкә ҡушыл­ған. “Крона”, “Ирек”, “Надежда” яуаплылығы сикләнгән йәмғиәт­тәре, шәхси эшҡыуар­ҙар Халиҡов, Алышева, Моталовтар, “Алдаҡаев” крәҫтиән (фермер) хужалығы үҙ өлөшөн индергән. Алған техникаға барыһы ла шатланып бөтә алмай. Етмәһә, тик трактор ғына түгел: һалам, бесән өйөү, йөк тейәү өсөн “кон”ы ла бар, ҡы­шын – ҡар этәреүгә көрәге, йәйгелегенә – бесән сапҡысы. Арбаны иһә “Крона” йәмғиәте биргән.


Бөгөн – техника заманы. Унһыҙ бер эш тә атҡарып булмай. Мәҫәлән, Сахай ауыл биләмәһенә генә лә һигеҙ ауыл инеп, 3 мең 200 кеше даими йәшәй. Өфөгә яҡын булғас, йәй миҙгелендә, хәйер, яҙын, көҙөн дә халыҡ икеләтә тиерлек кү­бәйә. Тимәк, мәшәҡәттәр ҙә, талаптар ҙа шунса өҫтәлә тигән һүҙ. Һис йәшерен түгел, ауыл­дарҙа сүп, ҡалдыҡ ташыу оло проблемаға әйләнгән. Бары­һының да үҙ техникаһы юҡ, булғандары ла хужалыҡ ҡалдыҡ­тарын тәғәйен ергә алып бармаҫҡа мөмкин. Сүплектәрҙе лә этәреп торорға, тәртиптә тоторға кәрәк. Ҡышын урам­дарҙы таҙартып тормаһаң да булмай.

Сүплек тигәндән, киләһе йыл башынан улар төбәк оператор­ҙары ҡарамағына күсә.
– Әлегә тиклем булғандарын бөтөрөп, “контейнер майҙан­сыҡтары” эшләйбеҙ. Сүп йыйыр өсөн пакетлау ысулын кертәбеҙ. Ҡағыҙ, пластик һауыттар айырым-айырым ошо пакеттарға тултырыла ла билдәле сәғәттә йөрөгән трактор арбаһына ырғытыла, – тип һөйләй хаки­миәт башлығы.

– Кешеләрҙең баҡсаһында була бит инде ағасы, бәрәңге ҡамылы, баш­ҡаһы, улар өсөн ваҡытлыса сүп йыйыу урыны эшләнә...
Бындай майҙансыҡтар һәр ауылда буласаҡ. Тик бына һыу баҫыу зонаһына ингән Эҫем, Ҡояш, Бельскийҙа ғына проблема бар – унда сүпте йыйып булмай икән. Шуға ҡарамаҫтан, был мәсьәлә хәл ителәсәк. Хәйер, әле лә ул ауылдарҙан ҡал­дыҡтар башҡа яҡҡа сығарыла.

Бөгөн хакимиәттең эше, кем әйтмешләй, тауыҡ сүпләһә лә бөтмәй. Ашаған белмәй, тураған белә, ти бит халыҡ аҡылы. Эшләмәгән кешегә генә күрен­мәй бар ауырлығы: ауыл билә­мәләренә ингән юлдарҙы ипкә килтереү, сүплектәрҙе ҡарау, шишмәләрҙе, йылға буйҙарын тәртиптә тотоу, төнгөлөккә урамдарҙы яҡтыртыу – һанап бөткөһөҙ. Быларға ҡағыҙ эшен, халыҡтың һорауҙарын ҡәнәғәт­ләндереүҙе, документация менән район үҙәгенә, хатта баш ҡалаға йөрөүҙе лә индерергә кәрәк. Шуға ла ауыл биләмәһенә трактор алыу бик күп мәшәҡәт­тәрҙән арындырған. Һис сер түгел, ҡасан ғына әле ауыл хакимиәттәре, мәктәптәр урын­дағы колхоз-совхоздарға күҙ терәп тора ине. Бөгөн мәктәп­тәрҙең үҙ автобусы бар, ауыл хакимиәттәре лә техникалы була бара. Иң мөһиме – халыҡ шуны аңлай: урындан сыҡҡан башлан­ғыс юғарыла хупланып, дәүләт ярҙамында тормошҡа ашырыла икән, тимәк, ике аралағы бәйлә­неш өҙөлмәйәсәк, халыҡтың киләһе көндәргә ышанысы артасаҡ.



Беҙҙе Яндекс Дзен лентаһында уҡығыҙ
Комментарий өҫтәргә






Бергә-бергә еңелерәк

Бергә-бергә еңелерәк 11.12.2018 // Ауыл хужалығы

Баймаҡ районында ауыл биләмәләре хакимиәттәре башлыҡтары ҡатнашлығында ауыл хужалығы ҡулланыусылары...

Тотош уҡырға 41

Айырылғанды айыу ашар...

Айырылғанды айыу ашар... 11.12.2018 // Ауыл хужалығы

Уҙып барған йылда Күгәрсен районында ауыл хужалығын үҫтереү буйынса конкурсты уңышлы үткән дүрт...

Тотош уҡырға 51

Тырыштарға ярҙам да күрһәтелә

Тырыштарға ярҙам да күрһәтелә 11.12.2018 // Ауыл хужалығы

Учалы аграрийҙары быны яҡшы аңлай. Республика агросәнәғәт комплексын дәртләндереүгә йыл һайын...

Тотош уҡырға 43

Башҡорт һөтө шә-ә-ә-әп!

Башҡорт һөтө шә-ә-ә-әп! 08.12.2018 // Ауыл хужалығы

Францияның Savencia Fromage & Dairy компанияһының генераль директоры Жан-Поль Торрис...

Тотош уҡырға 105

Этҡолдарҙан дәрт һәм дарман алдыҡ

Этҡолдарҙан дәрт һәм дарман алдыҡ 07.12.2018 // Ауыл хужалығы

Башҡортостандың “Иң егәрле ауыл”ында эшһөйәр халыҡ йәшәй....

Тотош уҡырға 77

Беҙгә трактор кәрәк

Беҙгә трактор кәрәк 07.12.2018 // Ауыл хужалығы

Ауыл ерендә хәл итеүҙе көткән проб­лемалар әҙ түгел, һәм уларҙы, әлбиттә, үҙаллы ғына еңеп сығыу...

Тотош уҡырға 70

Толом-толом... сыр үрәләр

Толом-толом... сыр үрәләр 06.12.2018 // Ауыл хужалығы

Үрелгән сәс толомо рәүешендәге ыҫланған сырҙы яратмаған кеше бармы икән? Ул формаһы менән генә...

Тотош уҡырға 86

Башҡорт бал ҡортон... Үзбәкстанға ебәрмәкселәр

Башҡорт бал ҡортон... Үзбәкстанға ебәрмәкселәр 06.12.2018 // Ауыл хужалығы

Бал ҡорттарын ҡышҡылыҡҡа йылы яҡҡа ебәреү тәҡдимен республика Хөкүмәте Премьер-министры урынбаҫары...

Тотош уҡырға 113

Баҫыуға идара — электроника аша

Баҫыуға идара — электроника аша 02.12.2018 // Ауыл хужалығы

Федоровка районында баҫыуҙарҙы “цифрлаштырыу” башланды. Был эште райондың ауыл хужалығы эштәре...

Тотош уҡырға 80

Фермерға нимә кәрәк?

Фермерға нимә кәрәк? 02.12.2018 // Ауыл хужалығы

Көйөргәҙе районы хакимиәтенең ауыл хужалығы бүлеге белгестәре райондың Мәғлүмәт-консультация үҙәге...

Тотош уҡырға 103

Әкиәттәге кеүек, әммә был — ысынбарлыҡ!

Әкиәттәге кеүек, әммә был — ысынбарлыҡ! 28.11.2018 // Ауыл хужалығы

Саҡмағош районының “Базы” ауыл хужалығы предприятиеһының генераль директоры Вадим Соколов малсылыҡ...

Тотош уҡырға 84

Саҡмағоштар һынатмай

Саҡмағоштар һынатмай 28.11.2018 // Ауыл хужалығы

Башҡортостан ауыл хужалығы консультациялары үҙәге мәғлүмәттәренә ярашлы, республика ауыл хужалығы...

Тотош уҡырға 79