Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Арғужа” һәм “Әминәкәй” төйәгендә
“Арғужа” һәм “Әминәкәй” төйәгендә Ҡасандыр Арғаяш кантонының үҙәге булған Ҡолой ауылы бөгөн дә башҡорт милли һәм мәҙәни усағы булыуынан туҡтамаған.
Ошо көндәрҙә 11 ауылдан һәм Силәбе ҡалаһынан моң һөйөүселәр урындағы китапханаға йыр байрамына йыйылды.

Ысынлап та, милли кейемдәге дәртле, рухлы милләттәштәребеҙ үҙҙәре үк байрам мөхитен тыуҙыра. Ҡатнашыусылар ғына түгел, тамашасылар ҙа сараға бик ентекле әҙерләнгән. Ҡолой кантон, Таймас Шәйемов, Көсөков вариҫтары был байрамды уҙғарыуға бик яуаплы ҡараған. Йыр-моң аша күңел асыу, тыуған яҡ тарихын барлау, мәшһүр шәхестәрҙе иҫкә алыу – ауылдаштарҙың борондан килгән матур йолаһы.
Моң бәйгеһендә көс һынашырға теләгәндәрҙең төрлө жанрға өҫтөнлөк биргәндәрен иҫәпкә алып, сарала мөнәжәт тә, оҙон көй ҙә, бәйет тә яңғыраны. Шиғыр һөйөүселәрҙе Арғаяш районының “Таң нурҙары” әҙәби берекмәһе ағзалары ижад емештәре менән һөйөндөрҙө.
Күркәм сараны башҡорт халыҡ йыры менән Ҡолой ауылынан Кәримә Хәкимова асып ебәрҙе. Йырҙың тарихын белеү зарур икәнлеген дәлилләп, Марсель Хәйбуллин яҡташы Яхъя Хәмзин тураһындағы яҡты хәтирәләре менән бүлеште. Шулай уҡ аҡһаҡал ҡатыны Хәтимәне йылға аша кәмәгә ултыртып оҙатҡанда, Ҡолой кантондың уға арнап йырлағаны хаҡында ҡыҙыҡлы мәғлүмәттәр ҙә еткерҙе.
Китапхана хеҙмәткәрҙәре арҙаҡлы йырсы яҡташтары Яхъя Хәмзин, Маһинур Шәйемова, Мостафа Солтанов, Жәүәт Вәлиев һәм башҡаларға арнап махсус фотокүргәҙмә әҙерләгән. Уларҙың тырышлығы арҡаһында тик Арғаяш башҡорттары ғына йырлаған “Мейәс көйө”, “Әминәкәй”, “Арғужа”ны хәҙер башҡа төбәктәр ҙә белә. “Был йырҙар шулай уҡ республиканың йырҙар энциклопедияһына ла ингән”, – ти китапхана рәйесе Флүрә Истамғолова.
Яхъя Хәмзиндың ҡыҙы Флүрә Хәмзина мөнәжәт әйтте. 82 йәшендә булыуына ҡарамаҫтан, күңеле тулы моң булған ағинәй – ауылда һәм район­да уҙғарылған сараларҙың көтөп алған ҡунағы.
Ошондай мәртәбәле йәштә сәхнә йәме булып йөрөгән ил инәләренең тағы берәүһе – Зәйтүнә Хәйруллина. Уның етәкселегендәге “Ҡолой моңдары” фольклор төркөмө боронғо йола сеңләүҙе (кейәүгә бирелгән ҡыҙҙың тыуған йортонан китер алдынан ата-әсәһе һәм туғандары менән хушлашыуын) сәхнәләштерҙе.
Арғаяш һандуғасы, төбәк-ара конкурстар лауреаты Венера Шәймөхә­мәтова был юлы бәйет башҡарҙы. Унда әсәнең вафат булған улына һағышы сағыла.
Силәбе ҡалаһының Харис Йосопов исемендәге мәсет шәкерттәре Али Нурмагамедов һәм Маруф Мамадалиев ғәрәп телендә сығыш яһаны.
Жюри ағзаһы, ветеран-педагог, Башҡортостандың атҡаҙанған уҡытыу­сыһы Нәғимә Усманова телде, мәҙәниәтте онотмауға өндәгән ялҡынлы телмәр менән сығыш яһаны.
Ҡәҙриә Зиннурова, Гөлфиҙә Йома­ғужиналар ҡатнашыусыларҙың һәр сығышына ентекле күҙәтеү яһаны.
Жюри ағзалары бигерәк тә Бикҡол ауылынан Әнисә Ғарипованың, дуэт менән мөнәжәт башҡарған Ҡорман ауылынан Фәрнизә Ғиниәтуллина һәм Роза Хабилова, Ҡолойҙан Сания Байназарова һәм Фәрхинур Исмәғилева, Рәзинә Ғиззәтуллина, Ҡуйһары ауылынан Бәғнәни Яҡупова, Ялтыр ауылынан Фәнил Йыһаншиндың сығышын юғары баһаланы. Конкурсанттарға иҫтәлекле бүләктәр һәм маҡтау ҡағыҙҙары тапшырылды.



Беҙҙе Яндекс Дзен лентаһында уҡығыҙ
Комментарий өҫтәргә






“Тормошта әүҙемлек кәрәк”

“Тормошта әүҙемлек кәрәк” 05.12.2018 // Башҡорт донъяһы

Сығымдар үҙен аҡлай. Рәсәй һәм Азия илдәре араһында мөнәсәбәттәр яҡшырған һуңғы осорҙа экзотик...

Тотош уҡырға 111

“Юлымды табыуыма шатмын”

“Юлымды табыуыма шатмын” 05.12.2018 // Башҡорт донъяһы

Тыуған илен донъяға күрһәтмәксе. Айнур Асҡаров – йәш режиссер, “Өфөнән һөйөү менән”, “Еңмеш”,...

Тотош уҡырға 77

“Яҡташтарым менән тик үҙебеҙҙең телдә һөйләшәм”

“Яҡташтарым менән тик үҙебеҙҙең телдә һөйләшәм” 05.12.2018 // Башҡорт донъяһы

Геройҙары ижадҡа этәргес бирә. – Әгәр үҙебеҙҙең телдә үҙебеҙ һөйләшмәһәк, кемгә кәрәк ул? – тип...

Тотош уҡырға 95

Башҡорттар хаҡында – “Bashkort 2.0”

Башҡорттар хаҡында – “Bashkort 2.0” 05.12.2018 // Башҡорт донъяһы

Күптән түгел башҡорт йәмәғәтселеге ҡыуаныслы хәл кисерҙе: өр-яңы форматтағы “BASHKORT 2.0”...

Тотош уҡырға 73

Башҡорттар – тау эшенә нигеҙ һалыусылар

Башҡорттар – тау эшенә нигеҙ һалыусылар 20.11.2018 // Башҡорт донъяһы

Свердловск өлкәһе башҡорттары аҫаба халыҡ булыуын иҫбатлап, төрлө саралар ойоштора. Свердловск...

Тотош уҡырға 101

“Башҡорт халҡы – ул бит  бал ҡорто һымаҡ”

“Башҡорт халҡы – ул бит бал ҡорто һымаҡ” 16.11.2018 // Башҡорт донъяһы

Уртаҡ ғәмәлдәрҙе тормошҡа ашырабыҙ. Тап ошо һүҙҙәр менән башланы сығышын Түбәнге Кама ҡалаһының...

Тотош уҡырға 265

Мәркәздә лә башҡорт булып ҡалыу еңелме?!.

Мәркәздә лә башҡорт булып ҡалыу еңелме?!. 30.10.2018 // Башҡорт донъяһы

Мәскәүҙәге милләттәштәребеҙҙең зиһен байлығы – Башҡортостанға бүләк. Мәскәү ҡалаларын матур тиҙәр,...

Тотош уҡырға 1270

Башҡорт балы – халҡыбыҙ һағы

Башҡорт балы – халҡыбыҙ һағы 19.10.2018 // Башҡорт донъяһы

Милли байлығыбыҙҙы үҙ мәнфәғәтебеҙҙә файҙалана беләбеҙме? Белеүебеҙсә, 2021 йылда беҙҙә ХLVII...

Тотош уҡырға 135

Кәмәлек буйҙарында ҡунаҡта

Кәмәлек буйҙарында ҡунаҡта 31.08.2018 // Башҡорт донъяһы

Һарытау башҡорттары хаҡында һөйләгән һайын һөйләге килә... “Функционально-структуральный метод П.Г....

Тотош уҡырға 284

Бөрйән балы – башҡорт даны!

Бөрйән балы – башҡорт даны! 24.08.2018 // Йәмғиәт / Башҡорт донъяһы

Бар донъяға танылыу яулаған Бөрйән балын кем генә белмәй икән? Һуңғы йылдарҙа ул райондың ғына...

Тотош уҡырға 256

“Салауат рухы беҙҙе ҡурсаланы”

“Салауат рухы беҙҙе ҡурсаланы” 24.08.2018 // Башҡорт донъяһы

Батырыбыҙҙың һуңғы төйәге – Эстониялағы Палдиски ҡалаһына милләттәштәребеҙҙең юлы өҙөлмәй. Йәй...

Тотош уҡырға 271

ХӘТЕР ҘӘ, ХӨРМӘТ ТӘ, ӨМӨТ ТӘ

ХӘТЕР ҘӘ, ХӨРМӘТ ТӘ, ӨМӨТ ТӘ 16.08.2018 // Башҡорт донъяһы

...Кем машинала, кем йәйәүләп Бүжә тауы яғына ашыға. Ғүмәрҙәр өсөн бөгөн бында ҙур мәғәнәгә эйә...

Тотош уҡырға 624