Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бирестән батмандар, тәпәндәр, сәғәттәр...
Бирестән батмандар, тәпәндәр, сәғәттәр...Сергей Витальевич Павлов – ағастан ырып һынланды­рылған образдары, үҙенсәлек­ле әйберҙәре менән Бөрөлә генә түгел, республикала танылыу яулаған рәссам-һырлаусы. Уның юғары художестволы оҫталыҡ менән етеш­терелгән әйберҙәренә тырышлыҡ, ны­ҡыш­маллыҡ һалынған. Быға нәҫелдән бирелгән һәләт тә ҡушылған (атаһы Виталий Павлов оҙаҡ йылдар “Һәнәк” журналында рәссам-карикатурасы булып эшләй). Сергей Павлов­тың күҙ нуры түгелгән уникаль эштәре республика, Бөтә Рәсәй һәм Халыҡ-ара күргәҙмәләрҙә ҡатнаша. Уның авторлыҡ эш­тәре Рәсәйҙә, Канадала, Сәғүд Ғәрәбстанында, Израилдә, Германияла, Японияла, Америка Ҡушма Штаттарында һәм баш­ҡа илдәрҙә шәхси коллекция булып һаҡлана.

Сергей Павлов 1982 йылда Абрамцево ҡасабаһындағы В.М. Васнецов исемендәге художество-сәнәғәт училищеһын тамамлай. Иҫ­тәлекле урындары, тарихи ҡо­март­ҡылары менән дан тотҡан ижади мөхиттә “Сәскәләр” исемле сығарылыш эшен яҙа. Ул бөйөк рәссамдарҙан абрамцев-кудрин исемен алған һырлап эшләүҙең юғары өлгөһөн күрһәтә.
Йәш рәссамдың фантазияһын, оҫталығын дәүләт имтиханы ко­миссияһы ағзалары шунда уҡ күреп ҡала. Абрамцев-кудрин һырлауына нигеҙләнеп эшләп килгән Хотьков художестволы әйберҙәр етештереү фабрикаһына эшкә саҡыралар, ләкин Сергей Павлов үҙенең тыуған Башҡорт­останына ҡайтырға ҡарар итә. Йәш рәссам училищеға тиклем үк Өфөлә йәштәр күргәҙмәһендә ҡатнашырға һәм көсөн һынап ҡарарға өлгөргән була.
1984 йылда йәш белгес Бөрө художестволы әйберҙәр етеште­реү фабрикаһына эшкә килә. Тормош юлдашы, ярҙамсыһы һәм кәңәшсеһе Галина Павлова ла эксперименталь лабораторияның рәссамы итеп тәғәйенләнә. Биҙәү-ҡулланма сәнғәтенең яңы образдарын барлыҡҡа килтереү өҫтөндә ҡыҙыҡлы, шул уҡ ваҡытта ҡатмар­лы эштәр башлана. Фабрикала туғыҙ йыл эшләү дәүерендә бер-береһен ҡабатламаған меңдән ашыу декоратив һын тыуҙыра һәм етештереү сәнғәтен үҫтереүгә тос өлөш индерә улар.
Үҙгәртеп ҡороуҙар һәм торғон­лоҡ осоро фабриканы ла урап үтмәй. Эш хаҡын ваҡытында түлә­мәү, ҡыҫ­ҡартыуҙар башлана, шуға күрә Павловтар ғаиләһе үҙҙәренең шәхси предприятиеһын асырға ниәтләй. 1992 йылдан алып Сергей Витальевич Башҡортостан һәм Рәсәй халыҡ художество промыслаһын етештергән “Юнон” яуаплылығы сикләнгән йәмғиә­те­нең баш рәссамы, ә Галина Алексеевна – ойоштороусы-етәксеһе. Өфөнөң “Көньяҡ” биҫтәһендә урын­лашҡан “ЛАПА – БАШКИРСКИЙ МЕДведъ” магазин-салонына өфө­ләр һәм ҡунаҡтар яратып йөрөй.
Рәссам-скульпторҙың авторлыҡ күргәҙмәһендә айыуҙар төп урынды биләй: көрәшсе айыу, саңғысы айыу, айыу-хоккейсы, айыу-фут­бол­сы, еңеүсе айыу һ.б. Ябай ағас киҫәк­тәренә рәссамдың алтын ҡулдарынан йән өрөлгәс, улар изге күңелле, көләс, шат айыу­ҙар­ға әйләнгән. Башҡорт халҡы­ның эпосын, тормош-көнкү­решен һынландырған “Һабантуй”, “Ҡурай­сы”, “Башҡорт һыбайлыһы” ҡул­лан­ма-әкиәти эштәр ҙә күңелгә дәрт өҫтәй. Ә бына “Әбекәй” милли колорит менән һуғарылған, традиция­ларҙы һәм тәбиғәтте һаҡлауға саҡыра.
Сергей Павловтың коллекция­һында бирестән яһалған әйберҙәр айырыуса бер зауыҡ менән баһа­лана. Рәссамдың һөйләүенсә, бирес – ағас материалының иң яҡшы сорты. Элек ул Башҡортостандың файҙалы ҡаҙылмаһы һаналған. Рәсеме буйынса малахитты, төҫө буйынса йәшмә, янтарҙы хәтер­лә­тә. Бирестән эшләнгән ағас киҫәктәре рәссамдың фантазия­һын үҫтерергә мөмкинлек бирә. Интерьерға ҡуйылған биҙәү-ҡул­ланма әйберҙәре, сәғәттәр, вазалар, батмандар, тәпәндәр би­рес­тән эшләнгән.
Сергей Павлов ваҡытын һәм көсөн яратҡан шөғөлөнә бүлеп, Рәсәйҙең һәм Башҡортостандың халыҡ художество етештереү сәнғәтен үҫтереүгә баһалап бөткө­һөҙ өлөш индерә, халыҡ традиция­ларын һаҡлау, тергеҙеү һәм таратыу өҫтөндә эшләй.



Беҙҙе Яндекс Дзен лентаһында уҡығыҙ
Комментарий өҫтәргә






Кәмәлек буйҙарында ҡунаҡта

Кәмәлек буйҙарында ҡунаҡта 31.08.2018 // Башҡорт донъяһы

Һарытау башҡорттары хаҡында һөйләгән һайын һөйләге килә... “Функционально-структуральный метод П.Г....

Тотош уҡырға 149

Бөрйән балы – башҡорт даны!

Бөрйән балы – башҡорт даны! 24.08.2018 // Йәмғиәт / Башҡорт донъяһы

Бар донъяға танылыу яулаған Бөрйән балын кем генә белмәй икән? Һуңғы йылдарҙа ул райондың ғына...

Тотош уҡырға 127

“Салауат рухы беҙҙе ҡурсаланы”

“Салауат рухы беҙҙе ҡурсаланы” 24.08.2018 // Башҡорт донъяһы

Батырыбыҙҙың һуңғы төйәге – Эстониялағы Палдиски ҡалаһына милләттәштәребеҙҙең юлы өҙөлмәй. Йәй...

Тотош уҡырға 152

ХӘТЕР ҘӘ, ХӨРМӘТ ТӘ, ӨМӨТ ТӘ

ХӘТЕР ҘӘ, ХӨРМӘТ ТӘ, ӨМӨТ ТӘ 16.08.2018 // Башҡорт донъяһы

...Кем машинала, кем йәйәүләп Бүжә тауы яғына ашыға. Ғүмәрҙәр өсөн бөгөн бында ҙур мәғәнәгә эйә...

Тотош уҡырға 515

100 йыллыҡҡа – 100 ҡурайсы

100 йыллыҡҡа – 100 ҡурайсы 10.08.2018 // Башҡорт донъяһы

Күптән түгел йәмле Ирәндек буйында урынлашҡан “Йәйләү” лагерында Ҡурай байрамы булды. Уның нәҡ...

Тотош уҡырға 132

Ҡурай иленең өлгөһө

Ҡурай иленең өлгөһө 08.08.2018 // Башҡорт донъяһы

Баймаҡ – таланттар төйәге, ҡурай иле, йырсылар, йыраусылар, сәсәндәр, шағирҙар, яҙыусылар үҫтергән...

Тотош уҡырға 162

Ҡомалаҡ икмәге тәмле!

Ҡомалаҡ икмәге тәмле! 03.08.2018 // Башҡорт донъяһы

Икмәк – бөтәһенә лә баш, ти халыҡ әйтеме. Ысынлап та, ҡабарып бешкән хуш еҫле әпәкәй – һәр табындың...

Тотош уҡырға 130

Буҙаның үҙ яйы бар...

Буҙаның үҙ яйы бар... 03.08.2018 // Башҡорт донъяһы

“Башҡортостан” гәзитенең 75-се һанында (2018 йыл, 29 июнь) “Инйәр ағинәйҙәренән өйрәнегеҙ” тигән...

Тотош уҡырға 118

Йылы усаҡ янында

Йылы усаҡ янында 27.07.2018 // Башҡорт донъяһы

Был ғаилә барыһына ла кәңәш бирә, ярҙам итә Улар күрше Ҡоръятмаҫ ауы­лынан. Ишетеп-күреп белһәм дә,...

Тотош уҡырға 173

“Мин – аҫаба башҡорт”

“Мин – аҫаба башҡорт” 27.07.2018 // Башҡорт донъяһы

Һамар өлкәһе уҙаманы Сынтимер Ғарифов шулай ти Икһеҙ-сикһеҙ даланы иңләп һалмаҡ ҡына аҡҡан Ырғыҙ...

Тотош уҡырға 166

Кинолағы мажара

Кинолағы мажара 27.07.2018 // Башҡорт донъяһы

Бала саҡ, йәшлек йылдарында ауылда кино күрһәткән миҙгелдәрҙе кем генә хәтерләмәй икән?! Хәҙер...

Тотош уҡырға 137

Ашҡынып барҙым Егән буйына – нәҫелдәрҙең рухи туйына

Ашҡынып барҙым Егән буйына – нәҫелдәрҙең рухи туйына 27.07.2018 // Башҡорт донъяһы

...Кемдеңдер йөҙөн сырамытам һымаҡ та, тик та­ный алмайым. Туҡта-туҡта. Был бит бер нисә класҡа...

Тотош уҡырға 150