Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Мөғжизәләрҙән көс алып…
Һәр кемдең бәхетенең ундан туғыҙ өлөшө сәләмәтлеккә бәйле, тиҙәр. Тимәк, саф һауа, ҡояш нурҙары, һыу, ҡар-боҙҙар балаларҙы сыныҡтырыуҙа ҙур роль уйнай. Көн һайын тышта булыу организмды сыныҡтырыу һәм сәләмәтлек өсөн бик тә файҙалы икәнен балалар ҙа, ата-әсәләр ҙә берҙәй белеп эш итергә тейеш. Был тәңгәлдә Бөрйән районының Байназар ауылын өлгө итеп ҡуйырға мөмкин.


Был көн уҡыусылар менән ата-әсәләр, педагогтар, ғөмүмән, байназарҙар өсөн, беренсенән, мөғжизәле байрам, икенсенән, Сәләмәтлек көнө булараҡ иҫтә ҡаласаҡ. Әйткәндәй, март айында Ҡыш бабай булмай, тиҙәр. Тик ул Бөрйәнгә ҡағылмай. Райондың Әкиәт ҡаласығында төп ҡунаҡтар Ҡыш бабай менән Ҡарһылыу, бар донъяға шатлыҡ ауазы бүләк итеүсе Йыл хужаһы Ҡыҙыл Әтәс, тауыҡ менән себештәре, йәнһүрәт геройҙары, бар урман йәнлектәре, ҡар кешеләре һәм башҡалар – барыһы ла оҫта ҡуллы, фантазияға бай тырыш уҡыусыларыбыҙ тарафынан әүәләнгән, ниндәйҙер бер тылсым көсө менән барлыҡҡа килгән. Әлбиттә, бында егет-ҡыҙҙарға йүнәлеш биреп тороусы класс етәкселәренең дә эше маҡтауға һәм иғтибарға лайыҡ.
Мәктәптең мөғжизәле Әкиәт ҡаласығындағы байрамды мәктәп директоры Йәмил Ҡотлобаев асып, һәммәһенә лә изге теләктәрен еткерҙе, сәләмәтлектең нығын, ғүмерҙең оҙонон, тәүфиҡтың матурын, бәхеттәрҙең, уҡыу һәм хеҙмәттәге уңыш-ҡаҙаныштарҙың мөлдөрәмә тулыһын юраны.
Балаларҙың байрамын тағы ла йәмлерәк итергә кашауай санала гармун моңдары оҙатыуында күстәнәс-бүләктәрен өләшергә кемдәрҙер күптән килеп тә еткән. Баҡтиһәң, мәктәптең ата-әсәләр комитеты рәйесе, балалар баҡсаһының өлкән тәрбиәсеһе, Байназар ауыл Советы депутаты Әлиә Ғазина етәкселегендәге комитет ағзалары икән. Балаларҙың сығыштарына хайран ҡалаһың: ысын әкиәт геройҙарымы ни! Бейеүҙәр, сәй табыны – һәммәһе лә бар. Уҡыуҙа ла, спортта ла, сәнғәттә лә, ялда ла ал бирмәйҙәр.
Һөҙөмтә оҙаҡ көттөрмәне. Һәр класс – үҙ тәңгәлендә еңеүсе. Әммә Гран-приҙы башланғыс кластарҙан Лилиә Наурыҙбаева етәкселегендәге 1-се класс, өлкәндәрҙән Гөлкәй Мәсәғүтова етәкселегендәге 7-се “б” класы яуланы. Һәр класс үҙ хеҙмәтенең емештәрен татыны, кластағы уҡыусылар һанына ҡарап һалынған Ҡыш бабайҙың тәмлекәс тоҡтары һәм маҡтау ҡағыҙҙары менән бүләкләнде. Бына шулай мәктәп менән ата-әсәләр комитеты берлектә уҡыусыларға матур байрам һәм ял бүләк итте. Мәктәптә тырыш, ныҡышмалы, әүҙем, шәп, бай эрудициялы, сәмле уҡыусылар уҡығанлығы асыҡ күренде. Берҙәм йортта бәрәкәт бар шул.
Шул уҡ ваҡытта байрамдың бағыусыларының исемдәрен дә атап үтергә кәрәк. Ата-әсәләр коми­тетындағы бөтә ағзалар, шулай уҡ Рушан Салауатов КФХ-һы, ауыл старостаһы, Байназар ауыл Советы депутаты Нәҙир Вәлиев, эшҡыуар, Байназар ауыл Советы депутаты Нәйлә Зәйнуллина, эшҡы­уарҙар Айнур Зәйнуллин һәм Линура Ғазиналар тәмлекәстәр алыуға аҡсалата ҙур ярҙам күрһәтте.
Байназар мәктәбе директоры Йәмил Ишбулды улы Ҡотлобаев байрамды йомғаҡлап былай тине:
– Бөгөнгө сараны матур итеп уҙғарыуға үҙ өлөшөн индергән бағыусыларыбыҙға ла рәхмәтлебеҙ, беҙҙең уҡыусыларҙы ҡыуандырғанда үҙегеҙ ҙә рәхәтлектә, мул тормошта йәшәгеҙ.
Байрам шат йылмайыуҙар, көр күңелдәр менән тулы булды. Ҡаласыҡта туйғансы уйнап, һырғалаҡ эйеп, ҡарҙа аунап, шаярып, уйнап-көлөп, йыл буйына етер рухи ҡәнәғәтләнеү тойғоһо, илһам, күңел күтәренкелеге алып, яңы эштәргә, яңынан-яңы белем үрҙәрен яулауға ынтылыш алып таралышты һәр кем.





Беҙҙе Яндекс Дзен лентаһында уҡығыҙ
Комментарий өҫтәргә






Инженер, табип...

Инженер, табип... 25.09.2018 // Белем һәм тәрбиә

Беренсе курс студенттары өсөн яңы тормош башланды. Быйыл иң юғары балл йыйғандарҙың күбеһе медицина...

Тотош уҡырға 30

Күршеләр тифлотурнеһы

Күршеләр тифлотурнеһы 22.09.2018 // Белем һәм тәрбиә

Өфөлә “Башҡортостан һәм Татарстан махсус форматтарҙа” төбәк-ара тифлотурнеһы үтте. Сарала...

Тотош уҡырға 50

Беҙҙекеләр – халыҡ-ара рейтингта

Беҙҙекеләр – халыҡ-ара рейтингта 20.09.2018 // Белем һәм тәрбиә

Өфө дәүләт авиация техник һәм Өфө дәүләт нефть техник университеттары SCImago Institutions Rankings...

Тотош уҡырға 57

Заман талабын тойоп

Заман талабын тойоп 19.09.2018 // Белем һәм тәрбиә

Бер нисә йыл элек республика мәктәптәрендә мәғлүмәт-китапхана үҙәктәренең барлыҡҡа килеүе...

Тотош уҡырға 79

Ике ҡеүәт берләшһә…

Ике ҡеүәт берләшһә… 18.09.2018 // Белем һәм тәрбиә

Мәскәүҙә Башҡортостан Башлығы Рөстәм Хәмитов Мэн Фаньли етәкселегендәге Ҡытай Халыҡ Республикаһының...

Тотош уҡырға 50

Ваҡытынан алда  тапшырыла

Ваҡытынан алда тапшырыла 18.09.2018 // Белем һәм тәрбиә

Бөрйән районында 90 урынлыҡ балалар баҡсаһы менән 108 урынлыҡ мәктәп төҙөлөшө тамамланып килә....

Тотош уҡырға 36

Илгиҙәрлек – күңелендә

Илгиҙәрлек – күңелендә 12.09.2018 // Белем һәм тәрбиә

Атайым менән әсәйемдең йәшлек ҡалаһы, мөхәббәткә юл асҡан ҡала ул Сибай. Исем кешене биҙәй, уға...

Тотош уҡырға 135

Тупаҡтарҙың шатлығы ҙур

Тупаҡтарҙың шатлығы ҙур 12.09.2018 // Белем һәм тәрбиә

Шулай булмайса, ниһайәт, ауыл халҡының нисәмә йыл көткән хыялы тормошҡа ашты. “Башҡортостан...

Тотош уҡырға 77

Йәштәр алға ынтыла

Йәштәр алға ынтыла 12.09.2018 // Белем һәм тәрбиә

Өфөлә “Уңышлы һәм шөғөллө булыу – трендлы булыу” I республика форумы үтте. Хеҙмәт баҙарында йәш...

Тотош уҡырға 47

Донъя – йоҙаҡ, асҡысы – белем

Донъя – йоҙаҡ, асҡысы – белем 11.09.2018 // Белем һәм тәрбиә

Ә белем аҡсаға һатыламы? Заманы шундай – ҡәҙерле балаң мәктәп йәшенә еттеме, уйлана башлайһың:...

Тотош уҡырға 50

Миңә — әсәй, иптәштәремә — икенсе әсәй

Миңә — әсәй, иптәштәремә — икенсе әсәй 11.09.2018 // Белем һәм тәрбиә

Яңы тыуған бала тәпәй баҫып, беренсе аҙымын яһағансы әле күпме тәрбиәләргә, өйрәтергә, күңел, йөрәк...

Тотош уҡырға 142

Уҡытыусы! Ниндәй бөйөк исем!  Өфөлә беренсе уҡытыусыға һәйкәл кәрәк!

Уҡытыусы! Ниндәй бөйөк исем! Өфөлә беренсе уҡытыусыға һәйкәл кәрәк! 07.09.2018 // Белем һәм тәрбиә

Лиза Әғәҙуллина... Был исем хәҙер Башҡортостанда ғына түгел, Рәсәйҙә лә киң билдәле. Эйе, һүҙем...

Тотош уҡырға 127