Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Кескәй күңелдәргә — изгелек орлоғо
Кескәй күңелдәргә — изгелек орлоғоБыл алсаҡ йөҙлө мөләйем ҡатын Стәрлетамаҡ ҡалаһында бик күптәргә таныш. Һәр ваҡыт йылмайып, үҙенең белгәндәре менән уртаҡлашырға әҙер тора ул. Ғаиләлә һәйбәт ҡатын, хәстәрлекле әсә, изге күңелле өләсәй, бергә эшләгән хеҙмәттәштәренә тоғро дуҫ. Һүҙ ҡаланың 62-се балалар баҡсаһы тәрбиәсеһе Лира Әнүәр ҡыҙы ЯППАРОВА хаҡында. Лира апай һәр саҡ дәртле, башҡаларға ла бойоғорға ирек бирмәй. Ошондай күркәм шәхестең тормошо нисек үрелде икән?


— Һеҙ кескәйҙәр менән эшләйһегеҙ, ә үҙегеҙ бала саҡта ниндәй инегеҙ?
— Өс малайҙан һуң көтөп алынған ҡыҙ булып тыуғанмын. Әммә иркә үҫтем, тип әйтә алмайым, ябай ғаиләнән­мен, атай-әсәйебеҙ һәммәбеҙгә йылыһын тигеҙ өләшергә тырышты. Үҙемде белә-бел­гәндән бирле бик шаян, тиктормаҫ, ҡыҙыҡһыныусан ҡыҙ инем. Бергә уйнап үҫкән балаларҙы һәр ваҡыт нимәгәлер өйрә­теү, уйындар ойоштороу, әкиәттәр һөй­ләү минең яратҡан шөғөлөм булды. Йәй көндәре уларҙы эйәртеп тыуған ауылым Шәрипҡолдо (Ҡырмыҫҡалы районы) уратып алған урманға емеш-еләк йыйырға алып барыу әллә ниндәй батырлыҡтай тойола ине.
— Тимәк, һөнәрегеҙ, ысынлап та, тәбиғәттән килә. Был оҫталыҡ артабан нығына ғына барғандыр?
— Күңелле мәктәп йылдары, әлбиттә, һәр баланың иҫендә ҡала. Пионер, комсомол сафтарына инеү, тырышып уҡыу, төрлө сараларҙа әүҙем ҡатнашыу тиһеңме... Мәктәпте яҡшы билдәләргә генә тамамлап, киләсәктә уҡытыусы һөнәрен һайлаясаҡмын тигән уй Белорет педагогия училищеһына алып килде.
Студент саҡта Сибай, Учалы, Баймаҡ, Бөрйән ҡыҙҙары дуҫлашып, аралашып йәшәнек. Уларҙа башҡорт рухының көслө булыуы, тел байлығы мине хайран ҡалдырҙы. Ысынлап та, ошо яҡтарҙа легенда, риүәйәттәрҙә һөйләнгән ысын башҡорттарҙың йәшәүенә инандым.
— Һеҙ яҡшы уҡыу ғына түгел, спорт­та ла бик әүҙем булғанһығыҙ бит...
— Эйе, еңел атлетика менән шөғөл­ләндем, бигерәк тә йүгерергә ярата инем. 1982 йылда училищены тамамлап, ҡулға ирекле диплом алып, артабан уҡыуымды дауам итеү теләге менән Стәрлетамаҡ ҡа­лаһына юлландым. Шулай ҙа, теүәл фән­дәргә ғашиҡ булып, педагогия институ­тының физика-математика факультетына уҡырға индем. Хәйер, спортҡа тормошомда һәр саҡ урын бар. Башта йәмәғәтем, аҙаҡ ике улым менән физик күнекмәләр яһаныҡ. Хәҙер уларҙың балалары менән кинәнеп шөғөлләнәбеҙ, бейеүгә лә йөрөйҙәр.
— Шулай ҙа математиканы түгел, тәрбиәсе эшен ғүмерлек юлдашығыҙ иткәнһегеҙ...
— Улдарым үҫте, уларға балалар баҡсаһына йөрөй башларға ваҡыт етте. Күп уйлап торманым, 1986 йылда 58-се балалар баҡсаһына тәрбиәсе булып эшкә урынлаштым. Эшем шул тиклем оҡшай, кескәй генә балаларҙы изгелеккә, тырышлыҡҡа өйрәтеү, уларға төрлө яҡтан өлгө булыуҙа иҫ киткес ҡыуаныс табам.
1995 йылдар... Башҡорт теленә ҡарата йәмғиәттең ҡарашы үҙгәргән ваҡыт, балалар баҡсаларында башҡорт төркөмдәре эшләй башланы. Үҙем кеүек телен яратҡан хеҙмәттәшем менән бергә беренселәрҙән булып 24 башҡорт балаһынан торған төркөм асып ебәрҙек. Уларға халҡыбыҙҙың телен, мәҙәниәтен, ғөрөф-ғәҙәттәрен өйрәтә башланыҡ.
17 йыл ошо баҡсала эшләгәндән һуң, яңы асылған 62-се башҡорт балалар баҡсаһына күстем һәм бөгөн дә яратҡан “Толпар”ымда эшләп йөрөйөм, коллегаларымдан уңдым.
Әммә педагог үҙ ҡаҙанында ҡайнап ҡына йәшәргә тейеш түгел. Ошо маҡсаттан сығып, 2012 йылда ҡалала уҙған “Йыл педагогы” конкурсында, ә икенсе йылына республика кимәлендәгеһендә ҡатнаштым. Ғөмүмән, һәр саҡ өйрәнеп, яңылыҡҡа ынтылып эшләргә тырышам.
— Киләсәккә булған пландарығыҙ менән уртаҡлашһағыҙ ине.
— Минең бер хыялым бар: белгән­дәремде йыйып, төйнәп, тәрбиәселәр өсөн ҡулланма яҙырға ине.
— Лира апай, һеҙҙең балаларҙы башҡорт телендә һөйләшергә өйрәтеү­ҙә, уларҙа башҡорт рухы тәрбиәләүҙә өлөшөгөҙ бик ҙур. Башҡортостан, Рә­сәй Мәғариф министрлыҡ­тарының Почет грамоталары менән бүләклә­неүегеҙ, ә 2006 йылда мәғариф алдын­ғыһы исеме бирелеүе – быға етди дәлил. Һеҙгә кәңәштәрегеҙ, йылы һүҙҙәрегеҙ, тәрбиәгеҙ өсөн ҙур рәхмәт. Уй-ниәттәрегеҙ тормошҡа ашһын!
— Рәхмәт. Балалар тыуып торһа, ҡала мөхитендә йәшәгән атай-әсәйҙәрҙең рухы һүрелмәһә, хыялдарым, ысынлап та, тормошҡа ашыр әле.

Стәрлетамаҡ ҡалаһы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Сибайҙың киләсәге – телһөйәрҙәр, илһөйәрҙәр ҡулында!

Сибайҙың киләсәге – телһөйәрҙәр, илһөйәрҙәр ҡулында! 20.02.2019 // Белем һәм тәрбиә

Сибайҙың Рамаҙан Өмөтбаев исемендәге башҡорт лицейы, һәр ваҡыттағыса, гөрләп эшләй, унда ҡыҙыҡлы,...

Тотош уҡырға 46

Радий Хәбировҡа мөрәжәғәт иткәс...

Радий Хәбировҡа мөрәжәғәт иткәс... 17.02.2019 // Белем һәм тәрбиә

Баймаҡ районы Иҫке Сибай ауылының авария хәлендәге белем усағын тиҙҙән һүтә башлап, уның урынына...

Тотош уҡырға 197

Башланғыс кластар ауылда ҡала

Башланғыс кластар ауылда ҡала 17.02.2019 // Белем һәм тәрбиә

Башҡортостандың мәғариф министры вазифаһын башҡарыусы Айбулат Хажин ошо көндәрҙә эш сәфәре менән...

Тотош уҡырға 367

Иҫке Сибай уҡыусыларына урын әҙер

Иҫке Сибай уҡыусыларына урын әҙер 17.02.2019 // Белем һәм тәрбиә

Яҙҙың тәүге көнөнән Иҫке Сибай мәктәбенең 5 – 11 класс уҡыусылары Сибай ҡалаһының 14-се урта...

Тотош уҡырға 320

"Беренсе"лә белемеңде һынап ҡара!

"Беренсе"лә белемеңде һынап ҡара! 15.02.2019 // Белем һәм тәрбиә

Рәми Ғарипов исемендәге 1-се башҡорт республика гимназия-интернаты Башҡортостан Мәғариф министрлығы...

Тотош уҡырға 124

Апрель нимә вәғәҙә итә?

Апрель нимә вәғәҙә итә? 15.02.2019 // Белем һәм тәрбиә

Башҡорт дәүләт университетында Башҡорт АССР-ы ойошторолоуҙың – 100 һәм Башҡорт дәүләт...

Тотош уҡырға 94

Стәрлетамаҡ өсөнсө йыл алдынғы

Стәрлетамаҡ өсөнсө йыл алдынғы 15.02.2019 // Белем һәм тәрбиә

Ошо көндәрҙә Рәсәйҙең Фән һәм юғары белем министрлығы юғары уҡыу йорттарының һөҙөмтәлелегенә йыллыҡ...

Тотош уҡырға 57

Изгелек һәм  тыныслыҡ йырсыһы

Изгелек һәм тыныслыҡ йырсыһы 15.02.2019 // Белем һәм тәрбиә

“Башҡортостан уҡытыусыһы” журналы былтыр йыл һуҙымында халыҡ шағиры Мостай Кәримдең тормош юлына...

Тотош уҡырға 147

"Дәрес булмай, ҡар көрәгеҙ!"

"Дәрес булмай, ҡар көрәгеҙ!" 13.02.2019 // Белем һәм тәрбиә

Өфөләге 69-сы мәктәптең IX класс уҡыусыларын физкультура дәресе урынына тышҡа ҡар көрәргә...

Тотош уҡырға 189

Финанс белемлелек көн дә кәрәк

Финанс белемлелек көн дә кәрәк 13.02.2019 // Белем һәм тәрбиә

Башҡортостан мәғарифты үҫтереү институтында дөйөм һәм һөнәри белем тармағында финанс белемде...

Тотош уҡырға 179

Сибай менән Ҡостанай араһына – дуҫлыҡ күпере

Сибай менән Ҡостанай араһына – дуҫлыҡ күпере 12.02.2019 // Белем һәм тәрбиә

БДУ-ның Сибай институтына, шул яҡ төбәк йәштәренән тыш, Рәсәйҙең төрлө ҡалаларынан, сит...

Тотош уҡырға 88

“Ҡояшҡай” балаһының теләге

“Ҡояшҡай” балаһының теләге 12.02.2019 // Белем һәм тәрбиә

Борай ауылындағы “Ҡояшҡай” балалар баҡсаһы – районда һәр йәһәттән дә алдынғылар исемлегендә. Белем...

Тотош уҡырға 117