Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бәхет ғүмереңә тәм бирә
Бәхет ғүмереңә тәм бирә13 йәшендә генә әсәйһеҙ ҡала Светлана Тагаева. Атаһы баш ҡалаға сығып китә лә онота ҡыҙын. Баланы ҡатынының атаһы — Фәтих бабайға ҡалдыра. Олатаһы ҡарамағында ҡала ҡыҙыҡай. Әсәһенең бер туғаны — Рима әбейе менән олатаһы ҡарап үҫтерә уны. Беренсе ейәнсәр бик ҡәҙерле үҫә. Олатаһы Фәтих бабайҙы “атай” тип йөрөтә. Ауыр һуғыш юлдарын үткән Фәтих яугир ейәнсәренә Ленинград, Волхов фронттары, яуҙаштары тураһында һөйләргә ярата. Ейәнсәрен Еңеү көнөндә байрамдарға, парадтарға йөрөтә, фронтташ дуҫтары менән осрашыуҙарға алып бара.


Бала саҡтан уҡ Светлана, ҙур патриотик тәрбиә алып, тормошҡа ғашиҡ булып үҫә. Отҡор, егәрле ҡыҙыҡай мәктәпте көмөш миҙалға тамамлай. Бөрө дәүләт педагогия институтына инеп, уны ҡыҙыл дипломға бөтөп, Әлшәй районының Раевка ҡасабаһындағы 2-се урта мәктәпкә эшкә ебәрелә һәм бөгөнгәсә, бына егерме йылдан ашыу, ошо мәктәптә балалар психологы булып эшләй.
Бик ярата эшен Светлана. “Мәктәпкә байрамға барған кеүек барам, сөнки мине унда эскерһеҙ, саф күңелле балаларым көтә”, — ти ул. “Педагогика һәм психология” факультетын тамамлаған белгес балалар күңеленә юлды таба белә. Һәр береһе менән айырым эш алып бара, ата-әсәләр менән йыш осраша. Балаларҙы мәктәпкә әҙерләү, ата-әсәләргә ярҙам, ауыр холоҡло балалар менән эш итеү, ғаиләләге конфликтлы хәлдәрҙе көйләү, уҡыусыларҙы имтихандарға психологик яҡтан әҙерләү, үҫештәре сикләнгән балалар менән дәрестәр уҙғарыу һәм башҡалар. Эштәре һанап бөткөһөҙ Светлананың.
Өлкән класс уҡыусылары менән практик дәрестәр ҙә алып бара. Йәмәғәт эштәрендә лә әүҙем ҡатнаша йәш белгес. Стәрлетамаҡ ҡалаһында уҙған “Ломоносов уҡыуҙары”нда уның тәрбиәләнеүселәре беренсе урын алған. Бөрө ҡалаһында “Бөрө алмалары” конкурсында ла призлы урын яулап ҡайтҡандар. Эшен шулай яратып, мөкиббән китеп эшләүе матур һөҙөмтәләр бирәлер.
Тормошҡа ғашиҡ был гүзәл ҡатын үҙе лә – биш бала әсәһе. Уға ҡарап, тормошҡа ла сыҡмаған йәш ҡыҙыҡайҙыр, тигән уй үткәйне башта. “Биш балам бар минең!” – тип ҙур ғорурлыҡ менән әйтеүе уға ҡарата шундай уҡ йылы тойғолар, ихтирам уятты.
Тормош иптәше Илһам Юлдаш улы менән бына инде егерме йыл матур ғүмер кисерәләр. Оло улдары Марат — Өфө финанс-иҡтисад колледжында, Альберт медуниверситеттың беренсе курсында белем ала, ҡыҙҙары Сабина — IV класс, улдары Рауил – II класс уҡыусыһы. Ә инде төпсөк Русалинаға ни бары биш йәш.
Ғаилә менән бергә ял итергә ярата Тагаевтар. Бергәләп балыҡҡа, емеш-еләк, бәшмәк йыйырға йөрөйҙәр. Йыш ҡына баш ҡалаға Башҡорт дәүләт ҡурсаҡ театрына, музейҙарға баралар. Балаларына үҙ миҫалдарында ғаилә ҡиммәттәре, тыуған йорт ҡәҙере тураһында көндәлек тормоштары, бер-береһенә булған йылы мөнәсәбәттәре менән иҫбат итә был һоҡланғыс ғаилә.
Светлананың бәхете — уның йөҙөндә. Һәр ваҡыт асыҡ сырайлы, эстән нурланып торған был йәш ҡатын — бәхетле әсәләрҙең береһе. Балалары тураһында ул шул ҡәҙәр ҙур һөйөү, эске йылылыҡ менән һөйләй. Бәләкәйҙән эшкә өйрәнеп үҫкән Светлананың белмәгән эше юҡтыр. Балаларына кейемдәрҙе лә үҙе тегеп кейҙерә. Бәйләмгә лә, сигеүгә лә, тегеүгә лә, аш-һыуға ла оҫта был ханым, әҙәбиәткә, мәҙәниәткә, шиғриәткә ғашиҡ кеше. В. Высоцкий, Э. Асадов шиғырҙарын яратыуын әйтте. “И. Кобзондың, Э. Хилдең йырҙарын олатай менән бергә тыңлайбыҙ”, – тип һөйләй Светлана Рәүис ҡыҙы. Әйткәндәй, Э. Хиль эвакуацияла Раевка ҡасабаһында балалар йортонда йәшәгән. Әле лә Әлшәй районы менән бәйләнеште өҙмәй икән. Һуңғы килеүендә “Молдаванка” йыры менән күптәрҙе ҡыуандырған, балалар йортонда ҙур концерт биргән.
Ғаилә менән бергә йыйылып ултырырға ярата Тагаевтар. Ир кеше тәмле итеп былау бешерә, ҡатын тәмлекәстәр әҙерләй. Һәр береһенең уңыштары тураһында һөйләшәләр, пландар ҡоралар. Балалары ғаилә йылыһын тойоп, бында үҙҙәрен яратыуҙарын, ҡәҙерле кеше икәнен тойоп, белеп үҫһендәр тип тырыша атай менән әсәй. “Ғаиләм — ҡәлғәм” тигән әйтемдең мәғәнәһе ни ҡәҙәр тәрән икәнен белеп үҫһен һәр бала”, – ти күп балалы ғаилә усағы һағында торған, яҡтылыҡ, яҡшылыҡ таратҡан изге күңелле әсә. Ошонда шағирҙың:
“Изге әсә лә ул,
Гүзәл эшсе лә ул”, –
тигән һүҙҙәре килә күңелгә. Был мәғәнәле йыр һинең турала ла, Светлана. Сәләмәтлек, ижади уңыштар, ғаилә именлеге һиңә, замандаш.

Әлшәй районы,
Раевка ҡасабаһы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Радий Хәбировҡа мөрәжәғәт иткәс...

Радий Хәбировҡа мөрәжәғәт иткәс... 17.02.2019 // Белем һәм тәрбиә

Баймаҡ районы Иҫке Сибай ауылының авария хәлендәге белем усағын тиҙҙән һүтә башлап, уның урынына...

Тотош уҡырға 168

Башланғыс кластар ауылда ҡала

Башланғыс кластар ауылда ҡала 17.02.2019 // Белем һәм тәрбиә

Башҡортостандың мәғариф министры вазифаһын башҡарыусы Айбулат Хажин ошо көндәрҙә эш сәфәре менән...

Тотош уҡырға 319

Иҫке Сибай уҡыусыларына урын әҙер

Иҫке Сибай уҡыусыларына урын әҙер 17.02.2019 // Белем һәм тәрбиә

Яҙҙың тәүге көнөнән Иҫке Сибай мәктәбенең 5 – 11 класс уҡыусылары Сибай ҡалаһының 14-се урта...

Тотош уҡырға 280

"Беренсе"лә белемеңде һынап ҡара!

"Беренсе"лә белемеңде һынап ҡара! 15.02.2019 // Белем һәм тәрбиә

Рәми Ғарипов исемендәге 1-се башҡорт республика гимназия-интернаты Башҡортостан Мәғариф министрлығы...

Тотош уҡырға 115

Апрель нимә вәғәҙә итә?

Апрель нимә вәғәҙә итә? 15.02.2019 // Белем һәм тәрбиә

Башҡорт дәүләт университетында Башҡорт АССР-ы ойошторолоуҙың – 100 һәм Башҡорт дәүләт...

Тотош уҡырға 83

Стәрлетамаҡ өсөнсө йыл алдынғы

Стәрлетамаҡ өсөнсө йыл алдынғы 15.02.2019 // Белем һәм тәрбиә

Ошо көндәрҙә Рәсәйҙең Фән һәм юғары белем министрлығы юғары уҡыу йорттарының һөҙөмтәлелегенә йыллыҡ...

Тотош уҡырға 52

Изгелек һәм  тыныслыҡ йырсыһы

Изгелек һәм тыныслыҡ йырсыһы 15.02.2019 // Белем һәм тәрбиә

“Башҡортостан уҡытыусыһы” журналы былтыр йыл һуҙымында халыҡ шағиры Мостай Кәримдең тормош юлына...

Тотош уҡырға 136

"Дәрес булмай, ҡар көрәгеҙ!"

"Дәрес булмай, ҡар көрәгеҙ!" 13.02.2019 // Белем һәм тәрбиә

Өфөләге 69-сы мәктәптең IX класс уҡыусыларын физкультура дәресе урынына тышҡа ҡар көрәргә...

Тотош уҡырға 182

Финанс белемлелек көн дә кәрәк

Финанс белемлелек көн дә кәрәк 13.02.2019 // Белем һәм тәрбиә

Башҡортостан мәғарифты үҫтереү институтында дөйөм һәм һөнәри белем тармағында финанс белемде...

Тотош уҡырға 132

Сибай менән Ҡостанай араһына – дуҫлыҡ күпере

Сибай менән Ҡостанай араһына – дуҫлыҡ күпере 12.02.2019 // Белем һәм тәрбиә

БДУ-ның Сибай институтына, шул яҡ төбәк йәштәренән тыш, Рәсәйҙең төрлө ҡалаларынан, сит...

Тотош уҡырға 82

“Ҡояшҡай” балаһының теләге

“Ҡояшҡай” балаһының теләге 12.02.2019 // Белем һәм тәрбиә

Борай ауылындағы “Ҡояшҡай” балалар баҡсаһы – районда һәр йәһәттән дә алдынғылар исемлегендә. Белем...

Тотош уҡырға 107

Күмәкләшеп ҡурсаҡ уйнаныҡ

Күмәкләшеп ҡурсаҡ уйнаныҡ 12.02.2019 // Белем һәм тәрбиә

Ҡурсаҡ иң боронғо уйынсыҡтарҙан һанала. Өлкәндәр был тәтәйгә ҙур иғтибар биргән, сөнки ул –...

Тотош уҡырға 96