Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һынауҙарҙа сыныҡҡан йылдар
Хәйретдиновтар миһырбанлыҡтың йөрәктән икәнлеген иҫбатлаған

Иҫке Күл ауылының бормалы урамдары буйлап яңы ғына төҙөлгән, сәскәләргә күмелгән иркен йорт янына килеп туҡтаныҡ. Ҡыҙыҡһыныуын баҫа алмай, ҡаршыбыҙға тиҫтер малай менән ҡыҙ йүгереп сыҡты, уларҙың артынан балҡып торған алсаҡ йөҙлө ҡатын күренде.


Ҡаһарманлыҡҡа илткән юл

Тупһа аша атлап үткәс, стенала ағас формаһында биҙәлгән, ғаилә тормошоноң төрлө мәл­дәрен сағылдырған фотолар тупланмаһы күҙгә ташланды. Был йортта, ысынлап та, татыу, матур кешеләрҙең көн итеүенә инан­дыҡ: бына бит, һәр миҙгелдең ҡәҙерен белеп, бәхетле минуттарын сағыу фотоларҙа мәңгеләштереп, йәшәйештәрен йәмләп ҡуйғандар.

...Алина менән Руслан Хәй­ретдиновтар 2004 йылда өйләнешә. Барыһы ла ҡәҙимге ғаиләләрҙәгесә: гөрләп туй ҙа үтеп киткән, йорт һалырға ниәтләгәндәр, беренсе бәпес көтөү шатлығын кисергәндәр.

Әммә тормоштоң үҙ ҡанун­дары. Көтөп алған сабыйҙары – мөхәббәт емештәре Русалина 32 аҙналыҡ булып, ваҡытынан алда донъяға килгәс, уның ғүмерен һаҡлап алып ҡалыу өсөн медицина хеҙмәткәрҙәре лә, Алина ла барыһын да эшләгән. Эйе, шөкөр, бөгөн Русалина иҫән-һау, әммә ваҡытынан алда тыуыу һәм үпкәһенә кислород етешмәү сәбәпле, ҡыҙ ғүмерлеккә инвалид булып ҡалған. Балалар церебраль фалижы – ҡыҙғанысҡа ҡар­шы, бындай диагнозға дусарҙар йәмғиәтебеҙҙә йыш осрай, әммә уларҙың ниндәй ғүмер кисереүе, йәшәйешенең тулы ҡанлы булыу-булмауы тик яҡындарынан ғына тора. Был йәһәттән Хәйретдиновтар күптәргә өлгө булырлыҡ.

Мөмкинлеге сикләнгән баланы үҫтереү, тәрбиәләү – үҙе үк ҡаһарманлыҡ. Тәүге сиратта, рухи йәһәттән, сөнки көтөп алған баланың ғүмерлеккә сирле булыуын, сабыйҙы ҡарауҙан бигерәк, психологик яҡтан ҡабул итеү икеләтә ҡыйыныраҡ. Ғәҙәттә, тап ошондай һынау күп кенә ғаиләләрҙең нигеҙ ныҡлығын билдәләй ҙә: ата менән әсә, өлөшөнә төшкән һынауҙы ҡабул итеп, ҡулға-ҡул тотоношоп йә бергә атлай, йә юлдары айырыла.
Алина менән Руслан Хәйрет­ди­новтарҙы, йәш булыуҙарына ҡарамаҫтан, бындай һынау һын­дырмаған. Киреһенсә, бөтмәҫ-төкәнмәҫ дауахана юлдарын тапау, республиканың ғына түгел, Рәсәйҙең төрлө реабилитациялау үҙәктәренә даими дауаланыуға йөрөү уларҙы сыныҡтырған, араларын нығытҡан. Ғөмүмән, улар, Русалина үҙен яҡлаулы, һөйөү тулы мөхиттә йәшәүен тойһон өсөн, барыһын да эшләргә әҙер.

Әйткәндәй, тынғыһыҙ йөрәкле Алинаның хеҙмәте лә миһыр­банлыҡҡа бәйле: ул ата-әсә ҡарауынан мәхрүм ҡалып, тормошта ауыр хәлгә тарыған балалар приютында тәрбиәсе булып эшләй. Ҡасандыр, бала тыуыу мәшәҡәттәре менән өҙөлөп ҡалған юғары белем алыуын да дауам итә: әле Башҡорт дәүләт педагогия университетының III курсын тамамлаған. Руслан – автомеханик, техника йәнле кеше, шәхси автомобиленән тыш, тракторы, арбаһы, сапҡысы бар. Быға тиклем күпләп мал тотҡандар, әммә Русалина менән йыш юл йөрөгәнгә күрә, уны бөтөрөргә мәжбүр булғандар.


“Тормошобоҙҙан ҡәнәғәтбеҙ”

Хәйретдиновтарҙың донъяларына йәм өҫтәп, 2010 йылда игеҙәктәре Динар менән Динара тыуған. Хәрәкәтсән, ҡыҙыҡһы­ныусан балалар уларҙың йәшәйешенә яңы һулыш өҫтәгән, ғаилә ептәрен тағы ла нығытҡан.

– Игеҙәктәребеҙ тыуғас, мәшәҡәт артты, әлбиттә. Ул саҡта Русалина беҙҙең иғтибарға айырыуса мохтаж ине: атламай, һөйләшмәй, даими медицина күҙәтеүе талап ителә... Игеҙәк балаларҙы ҡарау ҙа еңел түгел. Төндәр буйы йоҡо төҫө күрмә­йенсә, бала бағып сыҡҡан саҡтар аҙ булманы. Әммә биреш­мәнек, түҙергә тырыштыҡ. Яҡын­дарыбыҙ ҙа ярҙам ҡулы һуҙҙы. Атай-әсәйҙәребеҙгә рәхмәт: һәр ваҡыт терәк-таяныс булып тора.
Төрлө программалар буйынса шөғөлләнеп, даими реабилитация үтеп торғас, Русалина биш йәшендә һөйләшә башланы, яйлап аяғына баҫты. Аллаға шөкөр, хәҙер махсус этәргес ярҙамында өй эсендә хәрәкәт итә, үҙ йомоштарын теүәлләй ала. Әммә ҡыҙыбыҙҙың аяҡтары ныҡлы түгел, ауырлығы артҡан һайын атлауы ла ҡыйынлаша бара. Ошо хәлде төҙәтеү өсөн киләсәктә уға бер нисә операция яһаясаҡтар. Барыһы ла яҡшы булыр тип өмөтләнәбеҙ, – ти Алина.

Баланың рухи үҫешен дә улар аҙ хәстәрләмәй. Районда, Өфөлә Русалинаны төрлө сараларға йөрөтөргә, уларҙа әүҙем ҡатна­шырға тырышалар. Хәленән килгәнсә бейергә, шиғыр һөйләр­гә лә маһир икән тырыш ҡыҙыҡай! Унан тыш, Русалина компью­терҙа ла шөғөлләнә. Ҡыҙғанысҡа ҡаршы, күҙҙәре тиҙ талыу сәбәпле, ни тиклем мауыҡтырғыс булһа ла, экран алдында оҙаҡ ултырырға ярамай. Хәреф-һандарҙы танып белеүе, төҫтәрҙе айырыуы, һөйләмдәрҙе ҡушып, уҡырға өйрәнеүе – барыһы ла Алина менән Русландың уртаҡ тырышлығының, бер туҡтауһыҙ алға ынтылыуҙарының һөҙөм­тәһе.

– Нисек кенә булмаһын, тормошобоҙҙан ҡәнәғәтбеҙ, – тип һүҙгә ҡушыла ғаилә башлығы Рус­лан. – Йорт төҙөй башлағас, район хакимиәте ярҙам ҡулы һуҙҙы – төҙөлөштө теүәлләү өсөн, йәш ғаилә булараҡ, субсидия юлланыҡ. Шөкөр, юлыбыҙҙа яҡшы кешеләр йышыраҡ осрай: Русалинабыҙҙы дауалау өсөн мәрхәмәтлелек фондтары, инвалидтар ойошмаһы, миһырбанлы кешеләр ярҙам ҡулы һуҙып тора. Үҙебеҙ ҙә тырышабыҙ, әлбиттә. Тағы бер ғәмәл: ауылда йәшәгәнебеҙгә шатланабыҙ. Ҡа­лала мөмкинлектәр күберәк тиһә­ләр ҙә, унда Русалина әлегеләй йорт-ихатабыҙҙа иркенләп йөрөгәндәй хәрәкәт итә алыр инеме икән? Әйткәндәй, ҡыҙыбыҙ өсөн махсус велоҡоролма юлланыҡ: уға ултырып, ауыл урамдарын да урап килә ала.

Берҙәмлектә – көс

Хәйретдиновтарҙың иркен ағас йортонда барыһы ла ябай, әммә зауыҡлы итеп эшләнгән. Ғаиләнең барлыҡ тормошо балаларға бағышланған икәнлеге күренеп тора: уҡыу кәрәк-ярағы, һәр яҡлап үҫтереү өсөн төрлө ҡулланмалар, сағыу уйынсыҡтар – барыһы ла бар. Иң мөһиме, балаларҙың асыҡ сырайлы, ҡәнәғәт, бәхетле икәндәре әллә ҡайҙан күренеп тора.

...Инде хушлашырға йыйынғас, эргәлә генә ниндәйҙер “сырҡ-сырҡ” тигән тауыш ишеттек. Мөйөштәге ҡағыҙ ҡумтанан килә икән ул: ҡап эсендә бәләкәй генә һоро турғай ултыра булып сыҡты.

– Бөгөн беҙҙең йортта “ҡотҡарыу” операцияһы булды, – тип йылмайҙы Алина. – Бесәйебеҙ ихатала ҡош ояһын туҙҙырған, бер сибегерәген эләктереп тә алған. Быны күргән Динар менән Динара шунда уҡ турғайҙы ҡотҡарырға ашыҡҡан. Бесәйҙе ҡурҡытып ебәргәс, ҡошсоҡто өйгә индерҙеләр, уға ем-һыу бирҙеләр. “Һунарсы” уны яралап өлгөргән, күрәһең – хәлһеҙ әлегә турғайыбыҙ. Бесәй килеп инмәһен тип, балалар ишек төбөн һаҡлай хәҙер.

Бәләкәй генә ошо ваҡиға ла ифрат ыңғай тойғолар уятты күңелдә. Ирекһеҙҙән Алинаның:

– Динар менән Динараны миһырбанлы, мәрхәмәтле итеп тәрбиәләргә тырышабыҙ. “Апа­йығыҙға ярҙамсы-терәк булығыҙ, уны бер ваҡытта ла ҡалдыр­мағыҙ”, – тип ҡабатлап ҡына торабыҙ. Шөкөр, аңлы бәлә­кәстәребеҙ Русалинаның эргә­һенән китмәй, аралашалар, ярҙамлашып торалар, – тигән һүҙҙәре иҫкә төштө. Берҙәмлектә – көс. Хәйретдиновтарҙың ауыр­лыҡтарға бирешмәйенсә гөр­ләтеп йәшәүе, күптәргә өлгө булырлыҡ лайыҡлы тормош кисереүе ошоно тағы берҙе иҫбатлай.

.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Радий Хәбировҡа мөрәжәғәт иткәс...

Радий Хәбировҡа мөрәжәғәт иткәс... 17.02.2019 // Белем һәм тәрбиә

Баймаҡ районы Иҫке Сибай ауылының авария хәлендәге белем усағын тиҙҙән һүтә башлап, уның урынына...

Тотош уҡырға 193

Башланғыс кластар ауылда ҡала

Башланғыс кластар ауылда ҡала 17.02.2019 // Белем һәм тәрбиә

Башҡортостандың мәғариф министры вазифаһын башҡарыусы Айбулат Хажин ошо көндәрҙә эш сәфәре менән...

Тотош уҡырға 360

Иҫке Сибай уҡыусыларына урын әҙер

Иҫке Сибай уҡыусыларына урын әҙер 17.02.2019 // Белем һәм тәрбиә

Яҙҙың тәүге көнөнән Иҫке Сибай мәктәбенең 5 – 11 класс уҡыусылары Сибай ҡалаһының 14-се урта...

Тотош уҡырға 314

"Беренсе"лә белемеңде һынап ҡара!

"Беренсе"лә белемеңде һынап ҡара! 15.02.2019 // Белем һәм тәрбиә

Рәми Ғарипов исемендәге 1-се башҡорт республика гимназия-интернаты Башҡортостан Мәғариф министрлығы...

Тотош уҡырға 120

Апрель нимә вәғәҙә итә?

Апрель нимә вәғәҙә итә? 15.02.2019 // Белем һәм тәрбиә

Башҡорт дәүләт университетында Башҡорт АССР-ы ойошторолоуҙың – 100 һәм Башҡорт дәүләт...

Тотош уҡырға 93

Стәрлетамаҡ өсөнсө йыл алдынғы

Стәрлетамаҡ өсөнсө йыл алдынғы 15.02.2019 // Белем һәм тәрбиә

Ошо көндәрҙә Рәсәйҙең Фән һәм юғары белем министрлығы юғары уҡыу йорттарының һөҙөмтәлелегенә йыллыҡ...

Тотош уҡырға 56

Изгелек һәм  тыныслыҡ йырсыһы

Изгелек һәм тыныслыҡ йырсыһы 15.02.2019 // Белем һәм тәрбиә

“Башҡортостан уҡытыусыһы” журналы былтыр йыл һуҙымында халыҡ шағиры Мостай Кәримдең тормош юлына...

Тотош уҡырға 144

"Дәрес булмай, ҡар көрәгеҙ!"

"Дәрес булмай, ҡар көрәгеҙ!" 13.02.2019 // Белем һәм тәрбиә

Өфөләге 69-сы мәктәптең IX класс уҡыусыларын физкультура дәресе урынына тышҡа ҡар көрәргә...

Тотош уҡырға 188

Финанс белемлелек көн дә кәрәк

Финанс белемлелек көн дә кәрәк 13.02.2019 // Белем һәм тәрбиә

Башҡортостан мәғарифты үҫтереү институтында дөйөм һәм һөнәри белем тармағында финанс белемде...

Тотош уҡырға 161

Сибай менән Ҡостанай араһына – дуҫлыҡ күпере

Сибай менән Ҡостанай араһына – дуҫлыҡ күпере 12.02.2019 // Белем һәм тәрбиә

БДУ-ның Сибай институтына, шул яҡ төбәк йәштәренән тыш, Рәсәйҙең төрлө ҡалаларынан, сит...

Тотош уҡырға 87

“Ҡояшҡай” балаһының теләге

“Ҡояшҡай” балаһының теләге 12.02.2019 // Белем һәм тәрбиә

Борай ауылындағы “Ҡояшҡай” балалар баҡсаһы – районда һәр йәһәттән дә алдынғылар исемлегендә. Белем...

Тотош уҡырға 113

Күмәкләшеп ҡурсаҡ уйнаныҡ

Күмәкләшеп ҡурсаҡ уйнаныҡ 12.02.2019 // Белем һәм тәрбиә

Ҡурсаҡ иң боронғо уйынсыҡтарҙан һанала. Өлкәндәр был тәтәйгә ҙур иғтибар биргән, сөнки ул –...

Тотош уҡырға 103