Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Барыһы ла – балаларға!

Инйәрҙәрҙең ихтыяжын тойоп.

Инйәр Белорет районында ғына түгел, республикала ла ҙур ауылдарҙан һанала. Демографияла ыңғай үҫеш күҙәтелеүе бөгөнгө йәшәү кимәленең юғары икәнлеген дәлилләй.

Инйәрҙә 2511 йортта барлығы биш меңгә яҡын кеше йәшәй, шуларҙың 1068-е – уҡыусылар, 702-һе – мәктәпкәсә йәштәгеләр. 115 ғаилә – күп балалы.

Халыҡ шәхси хужалығында мал, ҡош-ҡорт аҫрап, баҡсасылыҡ менән шөғөлләнеп көн күрә. Хеҙмәт йәшендәгеләрҙең күбеһе тимер юлы хеҙмәтенә ҡараған ойошмаларҙа, ауыл Советы биләмәһендә урынлашҡан Көньяҡ Урал дәүләт ҡурсаулығында һәм башҡа предприятие-учреждениеларҙа хеҙмәт итә. Шәхси эшҡыуарлыҡ менән шөғөлләнгәндәр ҙә байтаҡ: һуңғы биш йыл эсендә генә туғыҙ крәҫтиән (фермер) хужалығы теркәлгән.
Никахҡа ингәндәр һәм яңы тыуған балалар һаны йылдан-йыл арта. Быйыл ғына 48 сабый донъяға ауаз һалған. Ауылда ике балалар баҡсаһы иҫәпләнһә лә, сират ҙур: әле 200 бала тиҫтерҙәре менән бергә уйнауҙы түҙемһеҙләнеп көтә.

Ауыл халҡына шатлыҡ өҫтәп, күптән түгел Инйәрҙә яңы балалар баҡсаһы төҙөү эше башланды. Ул “Башҡортостандың 100 йыллығына – 100 объект” программаһына ярашлы тормошҡа ашырыла.

– Яңы балалар баҡсаһы төҙөү Инйәр өсөн күптән өлгөрөп еткән мәсьәлә ине, сөнки ауылыбыҙ йылдан-йыл ҙурая. Йәштәр ситкә китергә ашҡынып бармай, яңы йорттар һалып, үҙебеҙҙә төпләнә, – тип бәйән итте ауыл Советы хакимиәте башлығы Ғайса Мөфтәхетдинов. – Республика ҡаҙнаһынан бүленгән 105 миллион һум аҡсаға төҙөләсәк ике ҡатлы объект мәктәпкәсә йәштәге 140 бала өсөн иҫәпләнгән. Аукцион шарттары буйынса подрядсы бурыстарын үҙ иңенә йөкмәгән “Геострой” йәмғиәте тураһында хәбәрҙарбыҙ: районыбыҙҙа байтаҡ социаль объект төҙөп, улар үҙен эшенә яуаплы ҡараған ышаныслы партнер итеп күрһәтте. Әле ер мәшәҡәттәрен тамамлап, бинаның нигеҙен ҡорорға тотондолар. Аяҙ торған көҙгө көндәрҙең һәр сәғәтен файҙаланып ҡалырға тырыша улар. Ағымдағы йылда төҙөүселәр 40 миллион һумлыҡ эште башҡарырға йөкләмә алған. Ә теүәл бер йылдан Инйәр балалары яңы бинаға аяҡ баҫасаҡ тип планлаштырабыҙ.

Эйе, Инйәрҙә эшләп килгән ике мәктәпкәсә учреждение бөгөн теләгәндәрҙең барыһын да һыйҙыра алмай.

– 230 бала йөрөргә тейеш, әммә ата-әсәнең үтенесен иҫәпкә алып, төрлө мөмкинлектәр табып, бөгөн 300 сабыйҙы ҡабул итәбеҙ, – ти мөдир Алена Күсәрбаева. – Юбилей объекты ошо проблеманы хәл итәсәк. Бының менән бер рәттән, өлкәндәргә 20 яңы эш урыны булдырасаҡ. Әле беҙҙең штатта тәрбиәселәр, музыка буйынса етәксе, спорт инструкторы иҫәпләнә. Яңы балалар баҡсаһында иһә логопед, педагог-психолог вазифалары ла буласаҡ тип күҙаллана.

Юбилей айҡанлы ҡалҡасаҡ бина ауылдың үҙәк урамында урынлашасаҡ. Төҙөлөш башланыуына бигерәк тә ата-әсәләр шат. Мәҫәлән, Сирен Иҙрисованың ике улы ла әле иҫке баҡсала тәрбиәләнә.

– Бина иҫкергән, һыуыҡ, – ти ул. – Төркөмдәрҙә балалар күп булғас, тығыҙ. Кесе улыма сират еткәнен йыл буйы көттөк. Ә ҡайһы бер таныштарымдың балалары, баҡсала урын булмағас, өйҙә ултырырға мәжбүр. Республика, район етәкселегенә, беҙҙең проблемаға иғтибар итеп, яңы балалар баҡсаһы төҙөүҙе хәстәрләгәндәре өсөн ҙур рәхмәт!

Әйткәндәй, инйәрҙәр берҙәмлеге, татыулығы менән айырылып тора. Тыуған төйәктәргә йән өрөү, уны төҙөкләндереү йәһәтенән булдырылған программаларҙа, өмәләрҙә, мәҙәни һәм спорт сараларында гелән әүҙем ҡатнаша улар. Мәҫәлән, күптән түгел яңы биҫтәлә йәшәгән йәштәр йыйылып, үҙ көсө менән балаларға уйын майҙансығы эшләп ҡуйған. Ул ауылға килеп инеү менән әллә ҡайҙан уҡ сағыу төҫтәре менән күҙгә салына. Биләмә балаларҙың шат тауыштарынан гөрләп тора.

Инйәрҙәр уйын майҙансығы асыу һәм балалар баҡсаһы төҙөлә башлау айҡанлы кескәйҙәргә байрам сараһы ла үткәргән.
– Йәштәрҙең янып-дәртләнеп тормош көтөүенә һоҡланмау мөмкин түгел. Ана ҡарағыҙ: ниндәй күркәм йорттар төҙөп, баҡса үҫтереп, тырышып йәшәй улар! – тип ғорурлығын йәшермәй Ғайса Ғәбделхаҡ улы.

Илдә демографик проблема күҙәтелгәндә, Инйәрҙә, киреһенсә, халыҡ һанының йылдан-йыл артыуы, әлбиттә, ҡыуаныслы хәл. Дәүләт хәстәрлеге менән яңы социаль объекттарҙың төҙөлөүе ауылдың үҫешенә тағы ла ҙурыраҡ этәргес бирер.



Беҙҙе Яндекс Дзен лентаһында уҡығыҙ
Комментарий өҫтәргә






Уҡыусыларға – Мостай Кәрим исемендәге фонд гранттары

Уҡыусыларға – Мостай Кәрим исемендәге фонд гранттары 19.10.2018 // Белем һәм тәрбиә

Мостай Кәрим исемендәге 158-се башҡорт гимназияһында арҙаҡлы шәхес Мостай Кәримдең тыуыуына 99 йыл...

Тотош уҡырға 51

Йөрәктәргә һалыр ҡуҙҙар һүнмәгән

Йөрәктәргә һалыр ҡуҙҙар һүнмәгән 19.10.2018 // Белем һәм тәрбиә

Уҡытыусы һәр дәүерҙә бөйөк булып ҡала белә. Матбуғатта уҡытыусыларға арнап яҙылған биниһая шиғри...

Тотош уҡырға 44

Уҡыған – уҙыр, уҡымаған – туҙыр

Уҡыған – уҙыр, уҡымаған – туҙыр 19.10.2018 // Белем һәм тәрбиә

Хәтеремдә, беҙ мәктәптә уҡыған йылдарҙа класс етәксеһе балаларҙың айына түгел, ә аҙнаһына күпме...

Тотош уҡырға 35

Йәш белгестәр  бында ынтыла

Йәш белгестәр бында ынтыла 19.10.2018 // Белем һәм тәрбиә

Уҡытыусылар көнө алдынан Дәүләт Йыйылышы – Ҡоролтай Рәйесе Константин Толкачевтың бер төркөм хеҙмәт...

Тотош уҡырға 40

Киләсәкте яҡтыртыр “Баҙлауыҡ”

Киләсәкте яҡтыртыр “Баҙлауыҡ” 19.10.2018 // Белем һәм тәрбиә

Ата-әсә менән кәңәшләшеп эшләү мөһимлеген раҫлай улар. Был төбәктә һәр ваҡыт эшсәнлек, дәрт-дарман...

Тотош уҡырға 33

Нуғайҙарҙың шатлығы

Нуғайҙарҙың шатлығы 17.10.2018 // Белем һәм тәрбиә

Өфө эргәһендәге Нуғай ауылында 147-се мәктәп тулы ҡеүәтенә эшләй башланы. Бында 950 уҡыусыға...

Тотош уҡырға 38

Бала саҡтың сағыу мәле — баҡсала

Бала саҡтың сағыу мәле — баҡсала 16.10.2018 // Белем һәм тәрбиә

Башҡорт теленә һөйөү тәрбиәләнә. Йәй – һәр кемдең яратҡан миҙгеле — был юлы ла хәтерҙә ҡалды....

Тотош уҡырға 49

Ялсыҡайҙың  йөҙөк ҡашы

Ялсыҡайҙың йөҙөк ҡашы 16.10.2018 // Белем һәм тәрбиә

Китапханасы Мәҙинә Ҡунаҡҡолованы яҡташы, шағирә Миңлегөл Хисамованың олпат юбилейына әҙерләнеп,...

Тотош уҡырға 41

Халыҡтың һаулығын хәстәрләп

Халыҡтың һаулығын хәстәрләп 11.10.2018 // Белем һәм тәрбиә

Республика көнөн Ишембай районының Йәнырыҫ ауылы халҡы айырыуса ҡыуанып ҡаршыланы. Бында бөтә...

Тотош уҡырға 51

Иҫке Юлдаш мәктәбенә – 100 йыл

Иҫке Юлдаш мәктәбенә – 100 йыл 11.10.2018 // Белем һәм тәрбиә

Ырымбур өлкәһенең Иҫке Юлдаш мәктәбе ошо көндәрҙә үҙенең 100 йыллыҡ юбилейын билдәләне. Унда...

Тотош уҡырға 59

Рус телен өйрәнәләр

Рус телен өйрәнәләр 10.10.2018 // Белем һәм тәрбиә

12 — 14 октябрҙә Өфөлә Рәсәй рус теле һәм әҙәбиәте уҡытыусылары йәмғиәтенең VI “Хәҙерге Рәсәйҙә тел...

Тотош уҡырға 51

Ил бурысын йөкмәгәндәр

Ил бурысын йөкмәгәндәр 10.10.2018 // Белем һәм тәрбиә

Уҡытыусыларға ҙур ышаныс бағлана. Бәхетленең байрамы бер көндө тигәндәй, Уҡытыусылар һәм Республика...

Тотош уҡырға 82