Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ил бурысын йөкмәгәндәр
Уҡытыусыларға ҙур ышаныс бағлана.

Бәхетленең байрамы бер көндө тигәндәй, Уҡытыусылар һәм Республика көнө уңайынан 33 уҡытыусы 200 меңешәр һумлыҡ сертификаттар менән бүләкләнде. Улар Рәсәй Президентының “Алдынғы уҡытыусыларҙы аҡсалата дәртләндереү тураһында”ғы Указына ярашлы ойошторолған конкурс нигеҙендә һайлап алынған. Быйыл унда һикһәнгә яҡын педагог ҡатнашҡан. Әйткәндәй, конкурс илдә 2006 йылдан бирле уҙғарыла, шул ваҡыт эсендә барлығы 1750 педагог бүләкләнгән.

Иҫтәлекле байрамдар айҡанлы үткә­релгән бүләкләүгә шулай уҡ дәүләт наградаларына лайыҡ булған 13 мәғариф хеҙмәткәре саҡырылғайны. Араларынан Республика инженер лицей-интернатының химия уҡытыусыһы Айнур Ғүмәров иң йәше булараҡ айырылып торҙо. “Йәш күренһәм дә, 60 йылдан ашыу стажым бар тиергә мөмкин”, – тип кинәйәләп һөйләй уҡытыусы үҙенең эшмәкәрлеге тураһында. Айнур Мансур улы Хәйбулла районының Сиҙәм ҡасабаһында тыуып үҫә, 1999 йылда әле үҙе эшләп йөрөгән лицей-интернатҡа уҡырға килә. Шунда ул Лидиә Әһәҙуллинаның дәрестәре аша химия донъяһы менән таныша. Лидиә Ҡыям ҡыҙы – бар илгә билдәле педагог. Ул йөҙҙән ашыу олимпиада еңеүсеһен әҙерләгән, һәләтле балалар менән эшләү буйынса үҙ алымдарын уйлап сығарған. 87 йәшлек остаз әле лә сафта – ҡасандыр үҙе мәктәптә уҡытҡан химия уҡытыусыларына консультация уҙғара, балаларҙы олимпиадаға әҙерләшә. 2016 йылда Кремлдә Лидиә Әһәҙуллинаға “Рәсәй Федерацияһының халыҡ уҡытыу­сыһы” исеме бирелде. Башҡортостанда ул бер үҙе ошо юғары исемде йөрөтә. Хеҙмәт стажы тураһында һүҙ йөрөткәндә, йәш педагог Айнур Ғүмәров уңыштары нигеҙендә яратҡан остазының хеҙмәтен күҙ уңында тотҡан.

Бүләкләнеүселәр араһында Әлшәй районы Раевка ҡасабаһындағы Мөхәмәтша Буранғолов исемендәге башҡорт лицейы уҡытыусыһы Зөфәр Гәрәев тә бар ине. Ул Рәсәй халыҡтарының рухи-әхлаҡи мәҙәниәте нигеҙҙәре, Башҡортостан тарихы һәм мәҙәниәте дәрестәрен алып бара. Һуңғы өс йылда Башҡортостан тарихы һәм мәҙәниәте буйынса олимпиадаларға алты призер әҙерләгән, быйыл Әхмәтзәки Вәлиди һәм Муллаян Халиҡов уҡыуҙарында уҡыусылары беренсе урындарҙы яулаған. Ошо һәм башҡа уңыштары өсөн 200 мең һумлыҡ бүләк алған уҡытыусы тантанаға Санкт-Петербург ҡалаһынан тура килгәйне. Ул унда “Оло Рәсәйҙең ауыл уҡытыусыһы” конкурсында ҡатнашып ҡайтҡан. “802 кеше араһынан финалға 30 уҡытыусы сыҡтыҡ. Коллегаларҙың тәжрибәһен күреп, яңы маҡсаттар ҡуйып ҡайтып барам”, – тине Зөфәр Йәғәфәр улы.

Аҡсалата бүләк алыусылар араһында ни бары ике башланғыс кластар уҡытыу­сыһы булды. Уларҙың береһе – Ағиҙел ҡалаһының башҡорт гимназияһы хеҙмәт­кәре Гөлназ Ғәлеева. Әсәһе һәм өләсәһе юлын дауам иткән мөғәллимә былтыр “Башҡортостандың иң яҡшы педагогтар династияһы” конкурсында III урынды яулаған. “Башланғыс кластар уҡытыу­сылары әүҙемерәк булһын, төрлө конкурста ҡатнашһын”, – тигән теләген еткерә Гөлназ Рауил ҡыҙы. Ул уҡыусыларын да бәлә­кәйҙән үҙҙәрен һәр яҡлап һынарға, ҡыйыу булырға, йәмәғәт тормошонда әүҙем ҡатнашырға өйрәтә. Быйыл яҙ балалар приютына барып, башҡорт телендә “Тирмәкәй” әкиәтен сәхнәләштергәндәр, сентябрҙә ҡала урамдарының береһендә экологик өмә үткәргәндәр. Тынғыһыҙ уҡытыусы тағы ла башланғыс класс уҡыусылары өсөн “Мин – тикшеренеүсе” түңәрәген алып бара. Башҡорт, татар, урыҫ, мари, сыуаш балаларына башҡорт телендә шиғырҙар, йырҙар өйрәткән мөғәллимәнең хеҙмәте, ысынлап та, ҙур баһаға лайыҡ.

Республиканың алдынғы уҡытыусылары Хөкүмәт йортондағы тулҡынландырғыс минуттарҙа ла уҡыусыларын бер мәлгә лә онотманы. Уңыштарының сере ана шул фиҙакәрлектә, балаларҙы эскерһеҙ ярата белеүҙәлер, моғайын.



Беҙҙе Яндекс Дзен лентаһында уҡығыҙ
Комментарий өҫтәргә






Ура, каникул!

Ура, каникул! 23.10.2018 // Белем һәм тәрбиә

Халыҡ берҙәмлеге көнө айҡанлы байрам менән бергә тура килгәнлектән, мәктәп уҡыусыларының көҙгө...

Тотош уҡырға 26

Тамсы тама-тама ташты тишә

Тамсы тама-тама ташты тишә 23.10.2018 // Белем һәм тәрбиә

Оҙаҡ йылдар бер урында эшләгәндәргә ҡараш төрлөсә, берәүҙәр хуплай, икенселәр шикләнеп ҡарай. Миңә...

Тотош уҡырға 25

Бында Герой уҡыған

Бында Герой уҡыған 23.10.2018 // Белем һәм тәрбиә

Быйыл I класҡа 100-гә яҡын баланың килеүе – рекорд! Тәтешле районы хакимиәтенең мәғариф бүлеге...

Тотош уҡырға 26

Ысын тормош мәктәбе

Ысын тормош мәктәбе 23.10.2018 // Белем һәм тәрбиә

“Интернатым – пар ҡанатым” бер күскә тупланы. Бөгөн үҙ балаңды сит-ят кешеләр тәрбиәһенә тапшырыуҙы...

Тотош уҡырға 30

Уҡыусыларға – Мостай Кәрим исемендәге фонд гранттары

Уҡыусыларға – Мостай Кәрим исемендәге фонд гранттары 19.10.2018 // Белем һәм тәрбиә

Мостай Кәрим исемендәге 158-се башҡорт гимназияһында арҙаҡлы шәхес Мостай Кәримдең тыуыуына 99 йыл...

Тотош уҡырға 64

Йөрәктәргә һалыр ҡуҙҙар һүнмәгән

Йөрәктәргә һалыр ҡуҙҙар һүнмәгән 19.10.2018 // Белем һәм тәрбиә

Уҡытыусы һәр дәүерҙә бөйөк булып ҡала белә. Матбуғатта уҡытыусыларға арнап яҙылған биниһая шиғри...

Тотош уҡырға 51

Уҡыған – уҙыр, уҡымаған – туҙыр

Уҡыған – уҙыр, уҡымаған – туҙыр 19.10.2018 // Белем һәм тәрбиә

Хәтеремдә, беҙ мәктәптә уҡыған йылдарҙа класс етәксеһе балаларҙың айына түгел, ә аҙнаһына күпме...

Тотош уҡырға 42

Йәш белгестәр  бында ынтыла

Йәш белгестәр бында ынтыла 19.10.2018 // Белем һәм тәрбиә

Уҡытыусылар көнө алдынан Дәүләт Йыйылышы – Ҡоролтай Рәйесе Константин Толкачевтың бер төркөм хеҙмәт...

Тотош уҡырға 44

Киләсәкте яҡтыртыр “Баҙлауыҡ”

Киләсәкте яҡтыртыр “Баҙлауыҡ” 19.10.2018 // Белем һәм тәрбиә

Ата-әсә менән кәңәшләшеп эшләү мөһимлеген раҫлай улар. Был төбәктә һәр ваҡыт эшсәнлек, дәрт-дарман...

Тотош уҡырға 38

Нуғайҙарҙың шатлығы

Нуғайҙарҙың шатлығы 17.10.2018 // Белем һәм тәрбиә

Өфө эргәһендәге Нуғай ауылында 147-се мәктәп тулы ҡеүәтенә эшләй башланы. Бында 950 уҡыусыға...

Тотош уҡырға 39

Бала саҡтың сағыу мәле — баҡсала

Бала саҡтың сағыу мәле — баҡсала 16.10.2018 // Белем һәм тәрбиә

Башҡорт теленә һөйөү тәрбиәләнә. Йәй – һәр кемдең яратҡан миҙгеле — был юлы ла хәтерҙә ҡалды....

Тотош уҡырға 54

Ялсыҡайҙың  йөҙөк ҡашы

Ялсыҡайҙың йөҙөк ҡашы 16.10.2018 // Белем һәм тәрбиә

Китапханасы Мәҙинә Ҡунаҡҡолованы яҡташы, шағирә Миңлегөл Хисамованың олпат юбилейына әҙерләнеп,...

Тотош уҡырға 43